رواية سهام الهوي الفصل الواحد والعشرون 21 بقلم نوره عبد الرحمن

بعد مرور مده 

راحت سهام بيت ابوها وفضلت هناك تعيش أسواء ايام حياتها بعد مو*ت جوزها سالم ..

اما اشواق بدأت تحس بالوحده خلاص مبقاش في حد يحميها من اخوتها.. حتى أنهم رفضوا يسيبوها تزور سهام أو تتطمن عليها وخدو الموبايل منها .. وكأنها عائشه بسجن مرات يعقوب بدأت تتحكم بيها بعد ما كانت متعرفش تتكلم معاها ..

وفي يوم دخل عليها يعقوب وهي كانت ماسكه صورة ابوها مع سالم وبتعيط..على فراقهم

يعقوب اتجاهل اللي هي فيه وقال: جهزي نفسك النهارده كتب كتابك..

كانت مصدومه مش مصدقه اللي بتسمعه قالت : كتب كتاب مين. ..

يعقوب : ايه طرشتي هيكون كتب كتاب مين كتب كتابك انتي على اخو مراتي

اشواق بانفعال : انت مش طبيعي عاوز تجوزني الاهبل ده..

يعقوب : اهبل ايه ده راجل ملو هدومه ..

اشواق برجاء : يعقوب متعملش بيا كده انا اختك الوحيده عاوز تجوزني لراجل اكبر مني ومتجوز اتنين .. لدرجادي انا رخيصه عندك..

في الوقت ده دخلت مرات يعقوب وقالت: يطلعلك ترفضي اخويا احمدي ربك.. أنه قبل يتجوزك .. انتي مين هيبص ليكي وانت بأيره..كده اخوي مش عايز يكسر بخاطرك عشان كده اتقدملك ..

نزلت دموعها وبصت ليعقوب عاوزاه يدافع عنها لكنه اتهرب من نظراتها وقال : جهازي نفسك بالليل هيجي ونكتب الكتاب قعادك بالبيت طول اوووي...

قال كلامه وخرج بعد ما نده لامرأته تحصله..

اما هي اترمت على سريرها. عيطت وحاسه أن قلبها واجعها ..

*********

زين : ازيك ياحج

عبدالعال والد سهام : اهلا زين باشا..

زين : انا عارف ان الموضوع ده مش وقته لكن انا عرفت أن سهام هتولد قريبا عشان كده قلت اتكلم معاك دلوقتي انسب وقت .

عبدالعال : في ايه يا زين باشا اتكلم.

زين : احنا بصراحه ما يهونش علينا ابننا يتربى بررا العيله 

عبدالعال بمقاطعه : بس بنتي مش هتسيب بيت ابوها الا على بيت جوزها هي لسة صغيره ومش هتدفن روحها بالحيا عشان ابنها 

زين بخبث : انا جايلك عشان كده.. انا مايهونش عليا ابننا يربيه راجل غريب عشان كده انا بطلب يد بنتك على سنه الله ورسوله اول ما تخلف هنكتب الكتاب الا لو انت مش موافق..

عبدالعال : مش موافق ايه هو حد يطول يناسبك يازين باشا 

زين ابتسم برضى وقال : مش هتسأل سهام..

عبدالعال : مالوش لازمه.. هي هتوافق اكيد هتفكر بابنها..

زين : طيب استئذن انا....

عبدالعال : مع السلامه 

*********

اشواق مش راضيه تخرج تقابل العريس والمؤذون مستنيها تخرج وهي مش راضيه وسمعوا صوتها بتقول : على جثتي اتجوز ده..

وكان هيستئذن المؤذون ويعقوب منعه وراح ضر*ب اشواق واجبرها انها تخرج وتوافق عالجوازه ولسة المؤذون بيتكلم سمعو صوت بيقول :كتب كتاب مين اللي يتكتب يا شيخنا الجوازه دي مش هتتم 

يعقوب بصدمه ..

اشواق ...

**********

لاول مره تصرخ اشواق ويخرج صوتها المكبوت منذ سنوات.: جواز ايه اللي هتجوزهولي يمه .

الام : اسكتي ابوكي هيسمع وتبقى فضيحه .

بالوقت ده دخلت سنيه وقالت باستغراب: في ايه ..

لكن محدش رد عليها..

سهام بدموع وحرقه: انا يهون عليا اندفن بالحيا ومحدش يلم*سني غير سالم..يمه .

الام : سالم الله يرحمه ينتي..

سهام بتأثر : هعيش على ذكراه يمه . هرببي ابنه عشان من ريحته يمه .. يمه اللي عيشني ياه سالم محدش يعرف يعيشني فيه . سالم عوضني عن ابويا واخواتي وحنانهم. مفيش راجل هياخد مكانه. مفيش .

سنيه بضحكه : ايه ده انتي متقدملك عريس.. ياختي انتي وش فقر اتتجوزي يختي .. مش تحمدي ربنا أن في حد عبرك... ده انتي حتى ارمله وحامل ويكون وركي عيل ...

سهام بصت لمرات اخوها بكره وقالت : اخفي من وشي ياسنيه انا مش طايقه روحي وبصت لامها وقالت وانتي يمه قولي لجوزك بنتك مش هتتجوز لو هتق*طعوها

في الوقت ده دخل عبدالعال ومعاه مصطفى في ايه صوتكم جايب لأخر البلد..

الام بخوف: لا مفيش ياحج اطلع ارتاح انت..

سهام بتعيط وخافت لما شافت ابوها وحاطت أيدها على بطنها وكأنها بتحمي ابنها 

سنيه بخبث : اصل ياعمي سهام رافضه العريس اللس اتقدم لها ومش ارضيه تسمع كلامك..

قرب منها ابوها وهي رجعت واتخبت ورى امها لما سمعته قال : انت ترفضي زين الدمنهوري يابنت عبدالعال..

سنيه اول ماسمعت اسم زين قلبها وقع بين رجليها وعيونها دمعت وبقت بعالم تاني..

سهام بخوف : مش عايزه اتجوز يابوي انا هعيش لابني وبس..

الاب بانفعال : هتتجوزي غصب عنك 

سهام بدموع وصراخ : مش هتجوز مش هتغصبوني مش.. وقبل ما تكمل كلامها حست بصفعه قويه لفت بيها الدنيا وقعت الأرض جريت عليها امها حاولت تساعدها تقف وامها بتعيط على حال بنتها ..

الاب هتخلفي وهتجوزي زين والا هدب*حك بيدي سامعه خلص كلامه ولسه هيمشي 

سمع صراخ امها : الحق ياحج البنت بتنزف....

الفصل الثاني والعشرون من هنا