رواية الفصلية الفصل الخامس والعشرون بقلم زينب نور
□□□
يوسف:راحو كلهم بكينه بس احنه دخلت جوة شفت ميار اشرتله تصعد وانه الحكهه راحت وانه رحت عل شيخه سلمت عليهه وصعدت دخلت الجناح شفت ميار كاعده عل قنفه رحت كعدت يمهه وجريت ايدينهه ولزمتهن بيدي وكتله
ميار عايني بعيوني
ميار: رفعت عيني وعاينت بعيونه خجلت ورجعت نزلت عيني
يوسف:شوفي اعرفن انه اذيتج وهواي هم بس مجان بيدي باعي انه راح احجيلج كلشي صار وياي واريدج تسمعيني بدون مقاطعه ((انه جان عمري18من توفه والدي الشيخ الله يرحمه فكبل ﻻ يموت جان خاطب بت صديكه الي اسمهه صابرين جانت بنت حليوة صح ما جنت احبنهه بس تغاضيت عن هلشي كلت لمن اتزوجهه راح احبنهه المهم عقدنه سيد ولصدفه وره اسبوع ابوي توفه فضتريت اخذهه سكتاوي عبن ابوهه هم جان مريض وموات اتزوجت منهه وبس اقاربنه جانو يعرفون سويت كلشي اكدر علي في سبيل اسعدهه بس هيه خانتني وشردت وي واحد ضليت ادورن عليهه لمدرة سنه بعدين كلت الي يلكيهه يجيبهه يمي ودمهه مهدور وذاك يوم وهذه يوم وانه ما لكيتهه صدكي كرهت كل النسوان وانه عمري 21سنه بس تعقدت بس من دخلتي انتي لحياتي تغير كلشي صارت حياتي اله معنى صح قسيت عليج بلبدايه بس صدكي مجان بيدي جنت اشك بلكل حته بضلي اتمنى تسامحيني انه عشت شي صعب بجد ماكو اي زلمه يتحمله سامحيني حبيبتي والله من غيرتي عليج من حجه هذاك الحيوان عليج وكام يتغزل بيج كدامي دين ما ضل براسي
ميار:يحجي وانه ابجي متوقعت كل الي صار ويا
يوسف:ميار انه احبج واتمنى اكمل حياتي وياج وتصيرين ام اطفالي ميار حبيبي تقبلين تصيرين زوجتي
ميار:ﻻ رد بس دموع
يوسف:اشششش حبيبي كافي بجي يله يروحي
ميار: ﻻ رد بس هزيت راسي اي
يوسف:تقبلين تكونين زوجتي شرعاً وقانونا حبيبي
ميار:هزيت راسي اي وبصعوبه كلت موافقه هوة نصدم
يوسف:ميار حبيبي انتي حجيتي مو
ميار:ضحكت واشرتله براسي اي حجيت هوة طار من الفرح وكام شالني ويفتر بيه وكلي ورة منزلني
شوفي روحي بسرعه لبسي عبايه ولحكيني
ميار:بس ليش
يوسف:بله ليش بسرعه يله
ميار:بصعوبه ماشي رحت لبست عبايه وطلعت ورا لكيته واكف يم السيارة اخذني والطريك كله ﻻزم ايدي ويبوس بيهه وكفنه كدام محكمه نزلنه وانه الاستغراب ماليني شافنه واحد مبين محامي تقرب منهه وكال
المحامي:اهﻻ شيخ يوسف
يوسف:هله بيك كلشي جاهز مو
المحامي:بلي شيخ بس ناقص انتو تحضرون
يوسف:تمام يله تعاي
ميار:امشي ورا وانه مو عارفه احنه وين رايحين دخلنه جوة وكفنه خمس دقايق تقريباً وراها طلع المحامي كال ادخلو دخلنه وانصدمت يوسف ديعقد علي محكمه المهم من الصدمه ماعرف شسوي عاين علي ببتسامه وكلي
يوسف:يله بوية وقعي
ميار:وقعت وبصمت وانه ما مصدكه اي شي بس الي تقريباً عرفته انو انه هس زوجه الشيخ يوسف ادري راح دكولون شلون سامحتي بسهوله خل نكون واقعين شوي انه فصليه هين مو اكثر واقل تصرق مني يصدر راح الكل ينكلب ضدي وهوة يحبني وانه احبه صح الشي الي سوا مو قليل بس من عرفت سببه قررت اسامحه ونبدي صفحه جديدة عبن الي صار ويا مو شوي
يوسف:انه جنت مجهز كلشي كبل بوكت وجنت اعرف هي من راح تعرف الحقيقه راح تسامحني ادري الي صار هواي بس انه هم الي عشته هواي خذيتهه وعقدت عليهه محكمه ادري هي مصدومه بكل الي كاعد يصير بس هلشي احسن الي واله بعد ماكو احد يندهه عليهه بفصليه هس صارت حرم الشيخ يوسف شرعاً وقانونا وهس بقت شغله وحدة ﻻزم اسويهه
ميار:طلعنه من المحكمه وصعدنه للسيارة وطلعنه بس اشو ما رجعنه للبيت درت علي وكتله
شيخ احنه وين رايحين
يوسف:اسمي يوسف موش شيخ
ميار:ماشي يو..س..ف
يوسف:ههههههههه خرب ببليسج شوف وجهج شلون صار طماطه كله من ورة الخجل حبيبي ﻻ تخجلين انه هس زوجج فماكو داعي لكل هلشي وها اذا تريدين تعرفين احنه وين رايحين انتضري لحد منوصل وراح اكلج
ميار:سويت وجهه بريء وكتله .يعني ماراح دكلي
يوسف:باباتي ميار انه كوة كاظ روحي خليني كاعد احسن ﻻ تخليني اتهور واسوي شي بنص السيارة اتندم علي بعدين
ميار:عفست وجهي بضوجه وكتله ماشي
يوسف:سحبتهه انه وداسوق السيارة علي بستهه من حلكهه بوسه سريعه وكتلهه عفيه ببنيتي
ميار:كلب وجهي طماطه من باسني درت وجهي علشباك وضليت اعاين لحد ما غفيت من التعب ورة فترة مو طويله صحيت وصارت كدامي ﻻفته معلكه مكتوب [بغداد ترحب بكم]
عاينت بستغراب احنه شنسوي بغداد
يوسف:ها بويه صحيتي
ميار:اي بس احنه شجاي نسوي بغداد
يوسف:شوي وتعرفين مضل شي
ميار:سكتت وضليت اعاين للطريق فتنه لبغداد وتعرفون بعد ازدحاماتهه وصلنه لمنطقه......ووكفنه كدام بيت بسيط ﻻ هو جبير وﻻ هو صغير يعني وسط وشكله مرتب دار علي يوسف وابتسم بوجهي وكالي
يوسف:ها بوية مستعده
ميار:لشنهي
يوسف:للي راح يصير هس
ميار:مادري بشنهي جاي احس بس اومئتله بي عاد نزل واجه بتجاهي فتح باب السيارة ونزلني وكادني ومشه وكف كدام الباب دكه اول دكه ثاني دكه سمعت صوت سامعته كبل يكول مني
يوسف:انه الشيخ يوسف
انفتحت الباب والصدمه.......
(خبيثه مو بيدي هههه )
........................نجي للي رادو يئذون الشيخ ونشوف شصار بيهم...............
طبعاً جانو يريدون يئذون الشيخ تذكرون العركه الي صارت بديوان للشيخ علمود قطعه كاع الفقير ابو حسين والشيخ الي راد يشتريهه منه بس الشيخ يوسف حل السالفه وصارت عداوة بين يوسف وهذاك الشيخ ..فهذه الشيخ جان يريد يئذي يوسف بصدفه الزلمه الي جان يشتغل عدهه متعرف عله صابرين وراح كال للشيخ مالته وجابوهه واتفقت هيه والشيخ وصار الاتفاق وبنفس الوكت صارت عشيقه الشيخ هذه الي بس راد يستغله واول ما يخلص شغله يتخلص منه باسرع وكت راحو جابو طفل اخرس علساس ابن الشيخ وحرصو انو يكون الطفل يشبهه الشيخ او صابرين حته الشيخ ﻻ يشك بشي وضلو يخططون لحد يوم تنفيذ المهمه الي هيه اليوم بنفس اليوم الي وصلت بي الشيخه بس شاء القدر وربنه الي حفظ ميار والشيخ من مكيدتهم الي جانت انو ترجع صابرين ودكول انه جنت مخطوفه وهذه ابن الشيخ ونجبرت اسوي هلشي عبن اكو جماعه جانو مهدديه بكتل الشيخ وهي سوت هلشي لمصلحته وعند اعتقادهه انو الشيخ راح يرفض بس راح دكله سوي تحليل دي ان اي وشوف انه ابنك صكد بس بالاصل هيه متفقه وية الدكتور وهيج راح يصدك الشيخ هذه ابنه وبما انو الطفل متعلق بأمه فراح يخلوهه وياه وراح تفرق ابين الشيخ وميار وراح تنهب كلشي وتروح لعشيقهه وهوة راح يكتلهه (ادري صار فلم هندي بس جد هذه الشي صاير وبواقعنه هم وويه كرايبي بس زوجهه مجان شيخ جان شخص عادي)اي فلمهم بنفس اليوم الي جانت ماخذه الطفل ورايحه بهدوم قديمه ومبهذله حته الشيخ يصدك هيه جانت مخطوفه وشردت واجت هنا بس بلطريق صار حادث سيارة وماتت هيه والطفل والسايق والشيخ الي جان متفق وياها اول ما سمع الخبر انجلط وصار بي شلل ومطول يوم ومات (شفتو الضلم عمره ميدوم ابد جانو يريدون يئذون اشخاص ابرياء بخطتهم بس صار العكس الله ضل يمدلهم الحبل لحد اخر لحظه وسحبه منهم وحاشه ربنه يرضه يضل عبده مضلوم)
....................نروح لأمل هس وحمزة......................
أمل:بيوم العزيمه الي هوة اليوم جنت مشتاقه كلش لحمزة بس كرامتي متسمحلي اجه وراح وانه ما شفته ادري وفه بوعده الي وخطبني بس هوة زودهه وانه هم وادري المفروض واحد بينهه يتنازل المهم ورة مطلع الشيخ وميار والكل راحو ينامون انه طلعت للحديكه انه وكهري ماعرفن شسوي فتحت التليفون وطلعت صورت حمزة جان حاطهه خلفيه واتساب ابجي وحاطه نستله بيدي وأكل واحجي وابجي(تخيلو المنظر) عابتلك شكد حلو اهئ اهئ لا لا انته تلعب النفس بس انه احبك اهئئئئئئئ اريد امي لج يوم ليش عفتيني ورحتي من يوم ما رحتي وخذيتي اخوي وابوي وانه وحيده ليش ماخذيتيني والله بعدني ما شبعانه من دلالكم وانوب اجه نسيبج الفهيم يقهر بيه فوك قهري قهر لج يمه ترضيهه زين ليش ما تروحيله بلحلم ودكليله يجي يعتذر هااا اهئئ ...هيه ممﻻحظه العيون الي دتعاين صوبهه وكوة كاض ضحكتهه وكاعد يصورهه فديو حته بلمستقبل يراويهم لجهاله صح انقهر من كامت تبجي عله اهله بس من دارت علي وكامت تحجي اجته الضحكه وهي لحد هس مستمرة تحجي علي ..سسد التصوير وكتبله رساله
..انداري وراج
أمل:دابجي واحجي عله حمزة وصلتني رساله منه كاتب نداري وراج ...اوو هذه كاعد يلعب بعصابي يعني هم كلهم طلعو الخطار وما بكه بس احنه مثﻻ يتحول لجني ويجي يمي ﻻﻻﻻ اوووف أمل كومي طبي نامي عبن التعب اثر عليج كاوت ونفضت هدومهه وندارت والصدمه
.
الصدمه حمزة واكف وراها ومتجتف بدون كﻻم اتقدم تجاهه وكال
حمزة:من اكلج انداري وراج ليش متندارين وانوب كلبتيني جني وراح تتخبلين ﻻﻻتريدين امج المرحومه تجي بلحلم ودكلي اعتذر منهه بله هذ عقل وحدة زين اهلج ماتو وخلصو منج
أمل:بصدمه ودموع :ﻻ رد بس تبجي
حمزة:عرف روحه شحجه وتذكر عدل شكال مردة كلبه من شكله شلون مغطيه وجهه وتبجي ومن راد يلزمهه دفعته وكامت تصيح
أمل:اي انه عاله ووجهه فكر عل كل بلبدايه امي اجت تموت من جابتني وراها ماتت هيه واهلي وعافوني وبكيت هنا بيت الشيخ و شيصير وياي اسكت ما احجي اتئذه انضرب اسمع اشكال الحجي واسكت بله سئلت نفسك ليش ماعندي صديقات عبنهم جانو يصيحولي المتوحشه عبن اي وحدة تحاجيني جنت اضربهه ووصلهه للموت لين جانت تحجي عله اهلي ودائماً يكولولي ليش ماعندج أهل لو المدرسات يكولن اهلج مربوج عدل انه شنهي ذنبي ان ماتو وعافوني وراها طلعت انته بحياتي بعد ما جنت منعزله وماعندي بس رواء الي جانت تفهمني وكلت زين حياتي راح تتغير للاحسن بس اشو حياتي تغيرت للاسوء جنت اضن انته راح تعوضني بس ﻻااا انته هم نفسهم تدري شني انه نكرة مالي مكان اصلا بهل حياة اتمنى ربي ياخذ روحي حته ترتاح انته والكل يرتاح مني
حمزة:صدمتني بكﻻمهه ونمرد كلبي انوب زادتهه علي من كامت تدعي عله نفسهه جا شكد كلبهه محروك البت وكله بسببي ادري زودته وموش شوي وانما هواي بس شسوي من اوصل يمهه بعد ما حس بأي شي حواسي افقدهن وابده اتصرف بدون شعور ..جريتهه لحضني ايد عله راسهه امسح بي والثانيه امسح عل ضهرهه وهي تدفع بيه وتصيح بس وين تكدرلي انه اضخم منهه بكوم ماتكدرلي ضلت تضرب بصدري وتريد تدفعني بس ما تكدر اخر شي ستسلمت وضلت تبجي وانع امسح عله راسهه واكلهه..اشش انه اسف صكدي مو بقصدي صار هلشي انتي لو من البدايه سامعتني مجان وصلنه لهل مواصيل يله حبيبي كافي اششش يله هس انتهه كلشي وراح نبدي من جديد يله اشو وخرتهه من حضني وكورت وجهه بين ايدي مسحت دموعهه وهيه ﻻزالت تبجي وتشهك وكل شهكه منهه تدخل سهم بصدري وتدمي جريتهه من ايدينهه ورحت كعدت وكعدتهه بحظني جوة الشجرة مال نبك (شجره السدره) وكعدت احجيله من يوم الي اختفيت بي
(باعي جان يمنه خطار بيت خالتي همه رابين يمنه من الصغر خالتي عدهه بنيه اسمهه بنين هي تحبني بس انه مغلس عليهه جان تليفوني يدك وانه بلحمام انه كاتب عله رقمج رويحتي فبنين شافت التليفون رادت تجيبه ومن قرت الاسم سدته بوجهج انه جنت توني طالع من الحمام وشفتهه ﻻزمه تليفوني كتله ..شجاي تسوين بتليفوني .هي نصدمت وضلت تمتمت
بنين:ااا جان يدك وانته جنت بلحمام فكلت اجيبه الك
حمزة:فتحت التليفون جان 20مكالمه منج واخر مكالمه انه رافضهه او بالاحرى بنين رافضته عطت بيهه شكو تلعبين بتليفوني ومنهي نطاج الحك
بنين:تشجعت وكتله .منهي هاي رويحتك الي كاتب عليهه حمزة انته تخوني
حمزة:شطت للستار لج بابه انه شوكت حبيتج حته اخونج
بنين:ﻻ ادري انته تحبني بس تريد انه انطيك مجال ..زين انه راضيه ومسلمتك نفسي وكلشي تريدنه سوي بس ﻻ تعوفني
حمزة:من عصبيتي شمرت التليفون ونكسر صار وذر عطت بيهه ..لج انتي صكد متستحين حسابج بعدين رحت خذيت التليفون من الكاع ورحت لغرفتي اجيت اريدن افتحه ما يفتح ضليت احاول وماكو اخر شي طلعت السيم كارت وضميته وكلت اشتري تليفون واحاجيج المهم تقريباً غلست عله سالفه بنين ومحجيت بيهه كلت هس اتوب بس مثل ما كال المثل ابليس يتوب وهي متوب المهم بيوم الطلعنه علساس يامن يروح وياهم بس صارت عنده شغله ورحت انه هيه لواكهه منهه اجت لزمت ايدي وصارت دكول شوف انه اسفه عل تصرف الي صار انه مرديت عليهه غلست فهي فجئه تعثرت ولزمته فمكدرت تمشي عله رجلهه اله تستند علي فرجعت لزمتني مرة ثانيه انه جنت ادري هاي حيله منهه حته تكرب مني بس مغلس فخالتي حجت وحجايتهه تضحك فانه ضحكت عليهه والله مجنت احجي ويه الغبرة بنين وصدفه انتي صرتي بوجهي مكدرت اعوفهن واجيج بس بسرعه كتلهن امشن للبيت عاد رجعتهن ورحت اشتريت جهاز جديد بس في سبيل احجي وياج وادعي انج مفهمتي الموضوع غلط مع انه نضراتج جانت تحجي كلشي ونضرتج لو تعرفين شكد اذتني يا أمل ..أمل حبيبي صكدي مجان قصدي كل الي صار بس مردت تصير مشاكل خصوصاً ان هاي خالتي الوحيده المهم حاولت اتصل وافهمج بس انتي حظرتيني بعدين غيرتي رقمج وووو لحد ما احنه هس هنا صكدي تعبان من فراكج أمل حبيبي فدوة اشو عايني بعيوني والله انه اسف وتنكص ايدي كون ان انمدت عليج مرة ثانيه ..مردت علي بس صافنه ..أمل ابويه حاجيني ﻻ تحركين كلبي عليج ..مردت بس دموع تنزل ..تقربت منهه بسته من حلكه شفت مادفعتني تعمقت بلبوسف صرت ابوس الفوك وارجع عل جوة وراها تعمقت بلبوسه وسحبت راسهه من ورة علي ماريدنهه تبعد عني ابد ضليت ابوس بيهه لحد ما حسيت اختنكت ومتكدر بعد تتنفس كطعت البوسه وحطيت كصتي عله كصته وكتلهه احبج هيه بجت وحضنتني قوي وكالت
أمل:انه هم فدوة حمزة لتعوفني بعد
حمزة:انه ما عفتج وﻻ راح اعوفج بحياتي
أمل:وهاي السحليه عريف الشلتاغ تبعدهه عنك
حمزة:ههههه ماشي نبعد عريف الشلتاغ عني وعنج
أمل:اسفه عله كلشي ادري زودتهه وجان لازم اسمعك من البدايه بس انه مصخته
حمزة:هههه عادي حبيبي اهم شي انتي هس وياي وبحظني
أمل:انتبهت انه كاعده بحظنه خجلت ردت اكومن من حظنه بس مخﻻني
حمزة:كعدي خلني اشبع منج كبل ما روح
أمل:وين تريد تروح
حمزة:للبيت غير يله كعدي
أمل:سمعت كﻻمه وكعدت
.............................نرجع لشيخ يوسف وميار..............
ميار:انفتحت الباب والصدمه اخوي قصي ماصدكت الي جاي اشوفه اخوي جدام عيوني هوة هم من شافني صفن علي مصدوم ودموعه كامت توكع رحت ركض ورتميت بحظنه وانه ابجي
قصي:ميار حبيبه اخوهه هاي انتي صكد
ميار:اي حبيبي هاي انه شلونك مشتاقتلك كوم
قصي:وانه هم حبيبتي اسف كلشي صار بسببي اسف سامحيني فدوه
ميار:وله يهمك حبيبي مصار شي اصﻻ عايشه عيشه وﻻ بلاحلام كلهم يحبوني ومداريني
قصي:الحمدلله الحمدلله الف الحمدلله عله شوفتج هسس
يوسف:واكف اشوف المشهد الدرامي الحزين الاخزي وانه النار شبت بضلوعي حبيبي ..مشتاقتلك وبحضنه ويبوسهه ﻻاا ليهنا وكافي ..احمم احمم ..حمحمت حته يوخرون عن بعض
قصي:ها شيخ اسف تفضل فوت
يوسف:ﻻ عادي يله واعاين عله ميار بعدهه بحظن اخوهه شابكهه ويمشي وهوة يحجي وياها نار وشبت بضلوعي نعلت الساعه الي فكرت اجيبهه هين بعدين تعوذت من الشيطان جانت الساعه7ونص المغرب من وصلنه لبيتهم طبينه وشافو بتهم وصار البوس والمحاضن بلاش
الام:يمه بنيتي رجعت الي الف الحمد لله ياربي دخيلك يبو الحسنين متشكرة منك
ميس:مياررررر اهئئئ حبيبتي وأخيراً شفتج جنت متوقعه ما شوفج مرة ثانيه
ميار:يروحي انتي شلونج مشتاقتلج
ميس:بشوفتج صرت زينه
ميار:شفت لؤي وابوي واكفين عله صفحه رحت اول شي لبوي بوست ايده وراسه وحضنته وابجي بجي مصاير
الاب:كافي يبوي كافي الشكر الله رجعج النه بعد هل غياب
ميار:اهئئ بابه اشتاقيتلك موتت وينك ﻻ اجيت شفتني وﻻ كلت عندي بنت
الاب:وباي عين اجي بنيتي انتي بعدين نسيتي كالو ان رجعتو نجتلكم يله بويه مسحي دموعج وكافي أخيراً حبيبه ابوهه رجعت اخخخ يا اول فرحه فرحته تدرين فرحت بيج اكثر ما فرحت بخوتج صح جنت فرحان بيهم بس انتي من اجيتي اخذتي كل فرحي جنت ما شوفن غيرج اخخخ يا بوية كسرتي ضهري بفراكج
ميار:وخرت عن ابوي وعاينت اله لؤي فتحلي ايده بمعنى تعالي رحت ركض وشمرت روحي بحظنه اخخخخ الوحيد الي جان يفهمني والي جان يعاملني مثل بته واكثر هوة لؤي حان الشي كبل ﻻ احجي يكون عندي يخاف علي من ضلي جان وياي وين ما روح يوديني للدوام ويرجعني وميقبل احد يكرب صوبي رحت بحضنه ابجي وانشغ وخرت راسي من حضنه وبوسته وهوة هم باسني من راسي وضل يحمد الله ويشكره وهوة حاضني حيلل
يوسف:ﻻ ليهنا وكافي صكد مصخت راح ياكلون مرتي واليوم تزوجت جا شنهي بقو الي(بداخلي) حمحمت بنفاذ صبر كلهم ندارو علي أبو ميار:فوت شيخ فوت اسفين مجنه منتبهين (بفرحه)
يوسف:ﻻ عادي بتكم وحقكم صارلكم فترة كلش هواي مشايفيه
ابو ميار:أدخل شيخ تفضل
يوسف:زاد فضلك عمي
رحنه للاستقبال وميار راحت وي امهه واختهه للمطبخ واحنه كعدنه هنا سولفت وي اهله واجه اخوهه عتذر مني وكتله قدر وصار ادري اخوي جان ذراعي اليمين بس هذه قدر ولو ﻻ هذه القدر مجانت ميار صارت حرمتي اليوم شوي واجت ميس اخت ميار على ماعتقد جان اسمههجايبه ضيافه حطتهه كدامي وراحت كعدنه نسولف لحد مصار وكت العشه جابت ميار السفرة هيه وميس وفرشنهه بلستقبال وبدن ينكلن الاكل واجن كعدن الولد جرو ميار كعدوهه بينهم وكامو يجيبون ويحطون كدامهه والفرحه مسايعتهم عرفت بهل لحظه شكد اخوتهه واهلهه يحبوهه ولهل سبب ضحت بنفسهه علمودهم بس هذه ميعني انه مغرت ﻻ والله اشتعلت من الغيره بس شنسوي اختهم بعد ضلينه نتعشه وكملنه جابو الجاي شربنه وراها اجو كلهم كعدو ويانه بلستقبال وبلغتهم عن زواجي انه وميار اليوم فرحو وباركولنه وعرفنه ان لؤي خاطب بت خالته وزواجهم عن قريب وقصي هم خاطب بس بت خاله وهم عن قريب الزوتج..خلصنه صارت ب9ردت اخذ ميار وأجر فندق بس اهله مقبلو ولحو علي ابكه يمهم وانه معترضت وبتنه يمهم فرشولنه بلستقبال وتمددنه جريت ميار لحظني ورة مطلعو الكل وراحو ينامون
يوسف:ها بوية عجبتج المفاجئه
ميار:مو بس عجبتني اله تخبل
يوسف:فدوة الج بوية يله نامي
ميار:ماشي
ورة عشر دقايق
ميار:شيخ نمت
يوسف:ﻻ بويه تريدين شي
ميار:اا بس ردت اكلك شغله
يوسف:اي بوية احجي
ميار:ااا ه..هوة ..يعن..ي انه ...بسرعه (احبك) وضميت راسي عل سريع بلبطانيه
يوسف:جنت مغمض عيوني ومن كالت احبك فتحت عيني بصدمه...شنهي عيدي شكلتي بوية
ميار:ﻻ رد خجﻻنه
يوسف:بوية فدوة عيدي ﻻ تشلعين كلبي
ميار:سمعت كلش زين(بخجل)
يوسف:ﻻ مسمعت ويله عيدي ﻻ راح اسوي شي ما يعجبج
ميار:(بخجل)انه احبك
يوسف:هههه وانه اموتن بهواج
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
بعد مرور ست سنوات
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
في الحديقه
ميار:اسد مامه تعال هنا ..عسل وينج مامه ...اووووف والله تعبت وانه اركضن وراكم ..بعصبيه مكتومه لج مامه ركدي شوي وتعاي هنا
عسل:ﻻ ماليد اغتل اليد العب(ﻻ ماريد اغسل اريد العب)
ميار:تعاي حبيبتي غسلي ولعبي راح تجي عمتج أمل شوفي مو هاي ازد وازن راحو غسلو وبدلو هذول مو مثلج يله مامه
اسد:ها مامه اجيبيالج
ميار:تسوي فضل والله ماكدر اتحرك من ورة اخوتك
اسد:حاضر
اسد:عسل اذا تطلعين اخلي بابه يطلعنه وياخذنه لمدينه الالعاب
عسل:انته تدب عليه(انته تجذب علي)
اسد:ﻻ صكد اخلي ياخذنه بس تعاي
عسل:ماتي(ماشي)
ميار:لزمتج تعاي
عسل:ههههه ﻻ مامي تافييي (ﻻ مامي كافي)
ميار:هههه يمن رحت فدوة ونذر لهل ضحكه الحلوة هاي ..سمعت حمحمه من وراها...اندارت وشافت يوسف واكف ورافعلهه تك حاجب ومتجتف
يوسف:اي اي كملو غزل
عسل:دفعت امه الي رادت توكع لو ما أسد يلزمهه وراحت الابوهه .بابي تنو دبتلي(شنو جبتلي):روحه لبابي جبتلج نستله بس مانطياج
عسل:بزعل ليت(ليش)
يوسف:مو عيب ندفع مامه
عسل:برطمت اثفه مامي بعد ما ايده(اسفه مامي بعد ماعيدهه)
ميار:يروحي عادي بس بعد لتعيديهه
عسل:حادل(حاضر)
يوسف:روحي يله ويه اسد غسلي وهس نجي
عسل:ماتي
ميار:راحت عسل ويه اسد واجه يوسف حظني من ضهري وايدة عله بطني ..شوي يوسف ليجي احد ويشوفنه فشله
يوسف:ﻻ عادي ممسوي شي غلط انتي مرتي ..صكد شلون الجهال خو ما متعبيج
ميار:قصدك عله عسل واسد لو عله التؤم الي بطني
يوسف:ﻻ اسد هادئ علي وعسل مخبله عليج انه داحجي عله التؤم
ميار:ها يعني انه مخبله
يوسف:اي مخبلتني بحبج حبيبي
ميار:ﻻ دغير الموضوع استاذ يوسف
يوسف:ﻻ والله ممغيرهه بس صكد انتي مجننتني بحبج ..اكلج بما انو ماكو احد نطيني بوسه
ميار:ﻻ هس يجي احد بعدين نسيت اليوم يجون خطار خل اروح احضر الجهال واحضر نفسي وانزل
يوسف:بس بوسه
ميار:ﻻ حبيبي يله انته هم ادخل ارتاح
يوسف:ماشي امري لله بس حسابج بعدين
ميار:تمام حبيبي
ميار:مستغربين صح هههه حقكم عبن طفرنه بيكم ست سنين انه هسه ام لطفلين وحامل بتؤم ..نرجع بيكم لحد ذاك اليوم الي جنه بي بيت اهلي اعترفت ليوسف بحبي اله عبني قررت افتح صفحه جديده ويا وهذه الي صار ويوسف انتضر لثاني يوم من الصبح رجعنه وقرر يسوي عرسنه وي عرس أمل الي قرره حمزة الموعد بعد تلث اسابيع وها طبعاً ما عرفت غير بيوم الحنه جان مسويلياها مفاجئة وسوالي عرس تحلم بي كل بنيه وطبعاً مكدرت اوصف فرحتي حمدت ربي وشكرته انو انطاني هيج شخص بحياتي بيوم العرس عزم اهلي وصار تراضي بين العائلتين والحمد لله ورة مخلص العرس صعدني لغرفتنه و تمم زواجنه وعشت ويا بسعادة بعد بشهر تقريباً كامت تصير عندي دوخه ولعبان نفس يوسف قلق علي كلش وخذاني للدكتورة كص باص وكعدنه ننتظر لحد ما اجه سرانه دخلنه فحصتني وسئلتني اذا متزوجه او ﻻ كتله اي كتبتلي تحاليل طلعت ليوسف وكتله اخذني لمختبر قريب وسويت التحاليل وانتضرت لحد مطلعت النتيجه اخذناها ورحنه للدكتورة هم نتضرنه شوي ودخلنه وصدمتني من كالت حامل فرحت وطرت من الفرح طلعت بشرت يوسف فرح وخذاني صعدنه بلسياره سحبني لحظنه حظني حيل وضل يبوس بيه ويحمد الله ويشكرهه ويبوس بيه فرحان ومو بيده الي ديسوي من الفرحه رجعني للبيت وهوة يسوق عله كيف وصلنه ونزلنه دخلنه للبيت لكيناهم كلهم مجتمعين بشرناهم بخبر حملي قرحو ورة شوي أمل هم اجتي هم بشرتنه وكالت حامل فرحنه انتظرت لحد مصرت بشهر الخامس رحت اشوف جنس الطفل وطلع ولد طلعت بشرتهم فرحو وطارو من الفرح ولمحت بعين يوسف دمعه من سئلته كال دموع الفرح حبيبي بهل فترة افنان زوجه رامي ولدت جابت تؤم وازد ولد ازن بنيه أمل طلع بيهه بنوته وهم حمزة طاير بيهه وطبعاً ثنينه مشتغله التحذيرات لتسوين هيج ولتاكلين هيج و لتصعدين درج وامشي عله كيف ووووووو كومة اشياء علمود سمو الامير ..مﻻك تجي بين فترة وفترة تشوفنه وتروح ولحد هس تكرهني وتبسمرني بس انه ناطيتهه الاذن الطرشه او بالاحرى يوسف يردهه المهم عندي انه مجفيتني شرهه
...بعد اربع اشهر شرف سمو الامير وماكلكم شصار بيه انتهيت وادمرت كعدت يوسف ساعه 3ونص بليل داولد غير ينزلني انوب هوة انشلش وكام يروح منا ويجي منا لحد ما عطت بي يله ستوعب كام جابلي عبايه ولبسني واخذ المفتاح مال سيارة ووداني للمستشفى بسرعه رحت وبالف يا الله ولدت وجبت سمو الامير سماه يوسف اسد لصبح رجعنه للبيت جانت الساعه:9 والكل مخبوص يدور علينه لحد ما وصلنه انصدمو انه شايله طفل ويوسف محاوطني من طبينه بلبدايه ستغربو بعدين بدت الهلاهل تصدح وراحو جابو جكليت طشو فوك روسنه ومن سئلو ليش مجنه نرد علتليفون كال يوسف نسيت التليفون وهوة فعﻻ ناسي التليفون طبينه وراح يوسف جاب ذبايح وذبحهن لسلامتي وسﻻمه اسد وره يومين أمل جابت بنوته سمتهه غزل تجنن نسخه من ابوهه ورة اسبوع بدت مﻻمح اسد تتضح وطلع نسخه من ابو بس لون العيون علي بس المﻻمح نفسهه ...وره تلث سنين هم طلعت حامل بس حملي هذه متعب اكثر من حملي باسد حته تنسايتي باسد جانت عاديه اله حملي الثاني شلع كلبي لحد ما صار وكت الوﻻدة وجبت عسل حبيبت كلبي .. وأمل جابت بنوته ثانيه اسمهه رفل اصغر من عسل بست اشهر وثنينهن مشيطنات اسد هسه عمرة 5سنين ونص وراح يصير عمرة 6عن قريب وعسل عمرهه 2ونص و هسه انه حامل بشهر الثامن بتؤم ولد وبنت وقررت اسميهم علي عله اسم المرحوم حمايه والبنت فاطمه ...
يوسف:خلصتي حبي
ميار:اي خلصت يله مامه امشو
نزلنه جانت أمل جوة هيه وبناتهه وزوجهه ومﻻك هم جايه هيه وزوجهه وحامل بالاشهر الاولى بطفله الاول ورامي وافنان وجهالهم ازد وازن وام محمد والشيخه واهلي وأهل حمزة زوج أمل وصارت لمه تخبل اكو بيهم الي تقبلني واكو ﻻ بعدهم ممتقبليني وﻻ راح يتقبلوني ..انه ميهمني هذه الشي اهم شي عندي الشيخ واطفالي ..كاعدين بلحديقه كلنه والجهال ديلعبون والشيخ كاعد بصفي عاينت علي شفته يعاينلي ويبتسم همستله
ميار :احبك شيخي
يوسف:اموت بيج شيخت كلبي♥
▼▲▼▲▼▲▼▲▼▲▼▲▼▲▼▲
وليهنا وتنتهي قصه فصليه العبرة من القصه انو ابد لتخلون الماضي يسيطر عليكم مثل الشيخ ولتحكمون عله احد بسبب تصرفات شخص ثاني ولتحقدون عله احد لين الحقد والحسد راح يخلي الناس بعيده عنك وتنفر
منو جان متوقع اروح فصليه لشيخ اكبر مني ويصير كل هلاشياء ويانه وبلنهايه احبه ويصير ابو ﻻطفالي طبعاً ارادة الله تغلب كلشي الله الله عنده حكم التدبير بكل لشي وحاشى ربك يكون مخطئ بشي
ﻻ تسرعون باخذ قراراتكم تجاه شخص اذا شفتو علي شي فهمو منه لا كبل تكلبوهه زعله والله هوة ميريدني وديخوني مثل مسوت أمل ﻻ ومو بس بعلاقات الحب اني داحجي بشتى العلاقات الحب والصداقه وأي عﻻقه ثانيه فهمو من الشخص المقابل كبل ﻻ تحكمون علي بشي ماله صله بي اصﻻ وراها تخسرو وتتندمون
وهاي انه ميار جنت بقصتي وياكم بفرحه وحزنهه وبكل الحظات اتمنى تكونون ستمتعتو بيهه راح يعز علي فراكمم صراحه لين حبيتكم من كل كلبي
اتمنى تعيشون مرتاحين والله يسهللكم طريقكم ويوفقكم بحياتكم
#ميار
وهسه دور يوسف
يوسف:ادري يمكن بادء الامر انتقدتوني بسبب تصرفي وية ميار بس الضغط الي جان علي جبير بشكل متتحمله جبال الله دزلي ميار هديه لحته طلعني من القوقعه والعزله الي جنت حابس روحي بيهه اجت الي نعمه واحمد الله واشكره الف مرة عبن نطاني هيج جوهرة ورزقني منه 6اطفال رويحتي من الدنيه هم ذول الي راح اطلع بيهم من دنيتي تتخيلون ان ماكدر انام ان ما شفتهم كلهم نايمين ومرتاحين وبالاخص ميار زوجتي وحبيبتي وصديقتي وامي وابويه وكلشي بالنسبه الي اتمنى تكونون ستمتعتو بقصتي وحبيتوهه اتمنى ربي يحفظكم ويخليكم ويبعد عنكم الشر احبكم كلكم وراح اشتاقلكم #يوسف
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
