 |
رواية في قبضة الفهد ج 3 الفصل السادس عشر بقلم جنات
فى القسم .
فهد قاعد قدام محمود .
محمود:رياض فاق وفى ضابط تبعى راح ياخد اقواله .
فهد هز راسه بهدوء من غير مايرد .
محمود:شايفك قلقان يا فهد خايف من ايه ؟!!
فهد:وهقلق من ايه .... بس اظن اللى حصل ولسه بيحصل مش قليل ولا ايه !!
محمود:هو صح مش قليل بس انت بردو مش اى حد .... ده انت حفيد الفهد يا جدع .
فهد بصله ومردش عليه والباب خبط ودخل ادم ومراد وسلمو على فهد .
محمود:القسم نور والله يا بشوات .
مراد:اكيد طبعا نورنا مش نورك يا محمود باشا .
ادم بص لمراد وضحك ومحمود اضايق منهم .
ادم:الضابط اللى تبعك اتاخر ليه ؟!
محمود:زمانه على وصول متقلقش هو كلمنى وقالى انه فى طريق .
مراد:ومش المفروض انه اكيد قالك اقوال رياض .
محمود:اكيد قالى .
فهد قام وقف بعصبيه:ولما هو قالك ساكت ليه !!
محمود:فهم قريبك يا ادم باشا بلاش يعلى صوته .... وفهمه كمان ان فى تقرير لازم نستلمه عشان الاجراءات وكل حاجه تخلص .
مراد:اهدى يا فهد .... هو محمود كدا بيحب يلعب بالاعصاب .
ادم:يلعب براحته بقاااا .... احنا واثقين فى نفسنا واوى كمان .
بعد شويا رفعت وصل ودخل المكتب وقدم التقرير لمحمود .
رفعت:رياض لما سالته اذا كان فهد اللى عمل كدا فيك قال لا وهو شاف اللى عمل كدا فيه بس للاسف ملحقش يقول مين .
فهد بصله:ليه ملحقش !!
رفعت:رياض مات .
ادم:لا حول ولا قوة الا بالله ربنا يرحمه .
مراد:يارب .... وبكدا فهد هيخرج طبعاا .
رفعت:اكيد .
محمود:هخلص كل الاجراءات وهيمشي معاكو .
بقلم الكاتبة جنات
ــــــــــــــــ★ــــــــــــــ
فى وقت متأخر من الليل فى القصر .
كان الفهد مستنى الشباب فى المكتب وماكنش حد من العيله يعرف ان فهد خرج .
الباب خبط ودخل فهد وادم ومراد وبصو للفهد اللى عينه عليهم وبصو لبعض .
ادم:الاجراءات وكل حاجه خلصت يا عمى وفهد مش عليه اى حاجه متقلقش .
الفهد بص لفهد واتكلم بحده:انا هعدى كل اللى بتعمله من ورا ضهرى بمزاجى يا فهد .
فهد:انا عملت ايه يا جدو؟
الفهد:مراقبتك لرياض واللعبه اللى كنت بتلعبها انت وباشا ادم من ورايا .
ادم:يا عمى انـــ...
الفهد:انت تسكت خالص .
الفهد بص لفهد:ايه اللى خلاك تروح شقته !!
فهد:كنت رايح اشوف هو ليه بيعمل كدا .
الفهد قام من مكانه وقرب من فهد:وعرفت !!! .... انت مفكر نفسك كبرت بتتصرف من دماغك بدون علمى وانت عارف ان دى اكتر حاجه بكرهها مش كدا .
فهد:يا جدى انـــ
الفهد:انت تخرس خالص ..... افرض كان مات كنت لبست انت التهمه .
الفهد شاور على عقل فهد:ده لازم يفكر قبل ما تاخد اى قرار بعد كدا انت فاهم .
الفهد راح قعد على كرسي بتاعه:ممكن افهم حضرتك عرفت واتاكدت ازاى انه هو ؟!!
فهد بدأ بقوله على موضوع التوقيع وتشابه الخط .... والبوكيه اللى وصل لحياه وفى نفس اليوم كان رياض راح حجز بوكيه لحبيبته .... وكمان المسدج اللى وصلت لحياه وان جاد اللى ساعده يوصل لصاحب الرقم .
فهد:واظن يا جدو اكبر دليل هى صور حياه اللى كانت فى شقته .
ادم:مش عارف ليه حاسس ان الواد ده ما يقدرش يعمل كل ده لوحده ..... انا من مراقبتى ليه كنت شايف انه شاب بسيط جدااا ومالوش اى علاقات باى حد .
فهد:انت هتجننى يا ادم .... يعنى كل ده صدف وايه اللى جاب صور حياه عنده .
مراد:يمكن حد وراه بيحركه !!
ادم:مش عارف .
الفهد:روح نام يا فهد .... واخر مرة هحذرك انك تتصرف بدون علمى .... وكلام ليك يا ادم باشا .
ادم:حاضر يا عمى انا اسف .
فهد:انا اسف يا جدو ..... بس بجد انا كنت هتجنن واعرف مين الشخص ده .
الفهد:الموضوع خلص خلاص ... وياريت تطمن حياه عشان الخوف اللى جواها ..... البنت منهارة من وقت ما حضرتك اتحبست .
فهد:اكيد يا جدو ... تصبح على خير .
ادم ومراد خرجو وفهد لسه هيخرج .
الفهد:فهد .
فهد لف وبص لجده والفهد قرب منه وحضنه وفهد ابتسم على حب جده اللى مهما حاول يكون قاسي بس بيرجع قلب يحن عليهم تانى .
الفهد بعد عنده:اياك تاخد اى خطوة تعرضك لخطر تانى يا فهد .
فهد ابتسم:مش هتكرر تانى يا جدو والله .
الفهد:لا ما هى لو اتكررت انا اللى هقتلك بايدى ..... اطلع ارتاح وبكرة ابقى طمن العيله عليك كلهم كانو قلقانين اوى .
فهد ضحك وحضن جده تانى وطلع .
بقلم الكاتبة جنات
ــــــــــــــــ★ــــــــــــــ
فهد كان طالع ورايح على اوضته بس بص على باب اوضه والده ووالداته اللى اكيد زعلانه عشانه .
قرب من الباب وخبط عليه براحه مرة والتانيه .
زين فتح واول ما شاف فهد قدامه شده لحضنه:حمدلله على سلامتك يا فهد .
فهد:الله يسلمك يا بابا .... اومال جنه قلبي فين ؟؟
زين:قاعده جوا تعالى.
فهد دخل وكانت جنه قاعده على الكنبه اللى فى الاوضه وسرحانه .
فهد:سرحانه فى ايه يا جنه قلبي انتى !!
جنه فاقت وبصتله اوى وهى مش مستوعبه:فهد !
فهد قرب منها وقعد على ركبته قدامها وباس ايديها:ايوا فهد يا حبيبتى .
جنه عيطت واخدته فى حضنها كتير اوى .
فهد بعد عنها ومسح دموعها:خلاص بقا عشان خاطرى انا قدامك وزى الفل اهو ... بلاش دموعك دى عشان خاطرى .
جنه:حمدلله على سلامتك يا حبيبى كنت هموت من الخوف والقلق عليك .
فهد باس راسها:بعد الشر عليكى من اى حاجه وحشه يا جنتى .
زين:ما تحترم نفسك شويا يا واد انت ... هو ايه اللى جنه قلبي وجنتى .... احترمنى شويا طيب .
فهد بص لجنه:زيزو شكله بيغير عليكى منى يا جنه هانم ينفع كدا .
جنه ضحكت من بين دموعها:ربنا يخليكو انتو الاتنين وحنين المجنونه ليا يارب .
فهد:يا رب يا حبيبتى .
زين:هو رياض فاق يا فهد ؟؟!
فهد:ايوا فاق وقال انى ماليش ايد فى اللى حصله .
جنه:اومال مين يا حبيبي اللى عمل فيه كدا ؟!
فهد:للاسف مات قبل ما يقول مين .
زين:لا حول ولا قوة الا بالله .
جنه:ربنا يرحمه .
فهد بضيق:انا مش متخيل ان ده اللى عايشنى انا وحياه فى الرعب ده .
جنه:ميجوزش عليه غير الرحمه يا حبيبي خلاص .
فهد:صح .
زين:هو الفهد كان عارف انك خارج .
فهد قام وقف:طبعا ودى فيها كلام بردو .... والله هو قالى اطلع ارتاح وبكرة ابقا اطمنكو عليا بس قولت اكيد ست الكل مقطعه نفسها عياط ومهانش عليا ارتاح وانتو قلقانين .
جنه وقفت جمبه:الحمدلله يا حبيبى انك رجعتلى بالف سلامه .
زين:روح عشان ترتاح يا فهد اكيد تعبان .
فهد:تعبان موت وهموت واخد شاور .
جنه ضحكت:روح يا حبيبي وكمان طمن مراتك اللى مابطلتش عياط من وقت غيابك وهى هتجنن .
فهد:حاضر يا حبيبتى ... تصبحو على خير .
زين وجنه:تلاقى الخير .
بقلم الكاتبة جنات
ــــــــــــــــ★ــــــــــــــ
فهد راح على اوضته وفتح الباب براحه وكانت الاوضه ضلمه وهاديه جدااا ... فكر ان حياه نايمه وقفل الباب بهدوء ولسه رايح ناحيه الحمام .
شافها قاعده على الكنبه فى البلكونه وعينيها على السما ودموعها نازله على خدها .
فهد قلبه وجعه من منظرها وقرب منها براحه جدااا ووقف وسند على باب البلكونه:اللى واخد عقل حبيبي منى يا بخته والله .
حياه لفت بصدمه وقامت وقفت وعينها عليه ومش بتتحرك .
فهد:وانا اللى قولت هتيجى تجرى على حضنى ... خيبتى املى على اخر يا حياتى .
حياه ابتسمت وجرت على حضن فهد اللى ضمها ليه بكل حب واشتياق ودفن وشه فى عنقها وكان بيشم ريحتها اللى وحشته ورفعها عن الارض .
فهد:وحشتينى يا حياه .
حياه عيطت فى حضنه:انت كمان وحشتنى فوق ما تتخيل .
فهد نزلها وبعدها عن حضنه بس لسه محاوط خصرها:دموعك دى غاليه اوى يا حياه .
حياه:كنت خايفه اوى عليك يا فهد اوى .
فهد:انا بخير وقدامك اهو يا حبيبتى ورجعت ليكى ولحضنك اللى وحشنى فوق ما تتخيلى .
حياه:هو جدو كان عارف انك خارج !!
فهد:انتى وزيزو سالتو نفس السؤال .... طب بذمتك فى حاجه بتحصل بدون علم الفهد .
حياه ابتسمت:لأ .
فهد حط ايده على بطنها:ولى العهد اخباره ايه ؟!
حياه:كان هو وماما زعلانين جداا على غياب بابا اللى كان واحشهم جدااا .
فهد باس راسها:وانا رجعت وهفضل معاكى العمر كله يا حياتى ولا حد يقدر يفرقنا ابداا .
حياه ابتسمت اختفت:انت ليه كنت رايح شقه رياض يا فهد ... ومين ممكن يعمل فيه كدا .... هو شخص كويس جدااا انا بدعى انه يقوم بسلامه .
فهد اتنهد بضيق:رياض فاق وقال ان مش انا اللى عملت فيه كدا ... وبعدها مات يا حياه .
فهد بعد عنها واتكلم بغضب كبير:وحتى لو كان قام منها كنت انا اللى هقــtـله .
حياه:ليه يا فهد .... ايه سبب عدواتك معاه ؟!!
فهد لف وبصلها:رياض هو نفسه الشخص اللى كان بيبعت المسدجات ليا وليكى يا حياه .
حياه بصتله بصدمه:مش معقول يا فهد .
فهد:هو ايه اللى مش معقول يا حياه !! ... بقولك هو نفسه اللى بعتلك الورد والمسدجات والصور وكل حاجه كانت منه هو .
حياه:انا بتعامل معاه من وقت طويل وعمرى ما شوفت منه نظرة او تصرف مش كويس يا فهد .
فهد بعصبيه:هو الظاهر كان ذكى جدااا .... وبيلعب بشخصتين ... شخصيه الطيب الهادى وشخصيه الخبيث اللى بيطعن فى الضهر .
حياه:وانت ايه اللى مخليك متاكد كدا !!
فهد:خط ايده يا حياه اللى كشفه .... فاكرة الجواب اللى كان بعته مع الصور كاتهديد ... كان موقع بحرف R ولما شوفت تقرير المشروع الخاص بيه شوفت الخط واسمه كمان رياض وقتها خليت ادم يكلف حد تبعه عشان يرقابه كويس .... اليوم اللى وصلك بوكيه ورد هو فى نفس اليوم راح على محل ورد وطلب بوكيه لحبيبته .... ده غير صورك اللى ادم ومراد لاقوها فى شقته وعلى اللاب توب الخاص بتاعه .
حياه حبت تغير الموضوع:ربنا يرحمه يا فهد مش هينفع نقول غير كدا .... سيبك من كل ده ادخل خد شاور وانا هنزل احضرلك حاجه تاكلها اكيد جعان .
فهد:انا صحيح جعان بس جعان نوم وبس هدخل اخد شاور واجى انام فى حضنك ومش عايز اى حاجه تانيه يا حياتى .
حياه ابتسمت:طب ادخل وانا هحضرلك هدومك .
فهد:تمام يا قمرى .
فهد اخد شاور ونام واخد حياه فى حضنه ولاول مرة ينامو الاتنين ومافيش فى قلبهم خوف من الشخص المجهول .
بقلم الكاتبة جنات
ــــــــــــــــ★ــــــــــــــ
صباح يوم جديد .
الكل قاعدين بيفطرو .
نزل فهد مع حياه .
فهد:الفطار وحش من غيرى صح !!
الكل بصو على السلم واتفاجو بفهد ماعدا زين وجنه والفهد وادم ومراد طبعا .
حنين جرت على حضن اخوها:حبيبي يا فهد .... انت جيت امته ؟!
فهد:امبارح بليل يا حبيبه قلبي .
ايان قرب وحضنه:حمدلله على سلامتك يا صاحبي .
فهد:الله يسلمك يا ايان .
فهد قرب وسلم على الكل .
وحضن تمارا:حمدلله على سلامتك يا حبيبي نورت بيتك .
فهد:ده نورك يا توتاا .
تمارا بصت للفهد:اكيد حضرتك كنت عارف !!
الفهد ابتسم وماردش عليها .
تمارا:وازاى متقوليش يا فهد ... دانا كنت هموت من الخوف عليه .
الفهد:بعد الشر عليكى يا تمارا .... وبعدين هو رجع فى وقت متاخر وانا قولتله ينام ويرتاح وبكرة يطمنكو .
تمارا بصت لزين:وانت كمان كنت عارف ؟!
زين:لا والله يا توتا انا اتفاجت لما فهد خبط عليا بليل وشوفته .
تمارا ضربت فهد فى كتفه:يعنى تخبط على امك وابوك وانا متعبرش تطمنى عليك .
فهد حضنها:يا حبيبتى انا كنت راجع هلكان والله كان نفسي اخد شاور واشوف السرير بس .
مراد:الحمدلله انك ماشوفتهوش امبارح يا توتا ... ريحته كانت لا تطاق والله .
ادم:فى دى معاك حق الصراحه .
فهد:خف شويا يا ظريف منك ليه .
مروة:يلا يا فهد تعالى افطر معانا .
فهد وحياه انضمو ليهم وفطرو كلهم سوا فى جو جميل .
بقلم الكاتبة جنات
ــــــــــــــــ★ــــــــــــــ
فى ڤيلا جاد اللى نايم فى اوضته وبدأ يفتح عينيه على صوت رنه فونه .
جاد قام قعد وسند ضهره على ضهر السرير ومسك فونه ورد على حازم مدير اعماله .
جاد:امممم .
حازم:فهد خرج امبارح .
جاد فجأة عينيه وملامحه اللى اتحولت للغضب وقام من على السرير بعصبيه:خرج منها ازاى يا غبي !!
حازم:الواد فاق وقال انه مش فهد اللى ضربه بالسكينه .
جاد:واومال قال مين ؟!!
حازم:مقالش يا باشا مات قبل ما ينطق اى حاجه .
جاد قفل فى وشه ومسك ازازة البرفيوم ورماها على مرايه التسريحه بكل قوته وكان متعصب جدااا .
جاد:المرة دى خرجت منها بسهوله ... بس المرة الجايه انا اللى هخرجك بس من الدنيا كلها يا فهد ... ووقتها حياه هتكون ليا انا وبس .... حياتى انا .......
