رواية في قبضة الفهد ج 3 الفصل الرابع بقلم جنات
صباح يوم جديد فى شركه الفهد .
وتحديدا فى مكتب فهد وقاعد معاه حياه وحنين و سيلا ومراد وايان وادم .
حياه:بجد وهنسافر !
فهد:ايوا هظبط امورى كدا وهنسافر .
حنين:ده ظلم على فكرة .
فهد:وليه بقااا يا استاذة حنين؟! .... وبعدين احنا مسافرين لشغل .
ايان:انت مصدق نفسك ونبي .... قال شغل قال .
مراد:ما كنا سافرنا كلنا سوا .
ادم:صح بقالنا زمان مسافرناش سوا .
فهد:لو جدعان روحو قولو للفهد .
ادم:مانت واثق من نفسك وعارف انه مش هيخلينا نسيب الشغل ونسافر .
مراد:مين قدك بقا ما انت فهد حفيد الفهد .
ايان:الزهر لاعب معاك على الاخر يا معلم .
فهد:العب بعيد عنى انت وهو احسنلكو .
حنين:ما انا كمان حفيده الفهد زيك بظبط .... فبلاش تشوف نفسك علينا .... انا هروح اطلب من جدو اننا نسافر معاكو اشمعنا انتو يعنى !!
حياه:انا مش رايى تركزى فى التصميم اللى جدو طلبه منك .... لانه مش ناويلك على خير ابدااا يا حلوة ..... وشكل الفهد هيعلقك على باب الشركه عشان تبقي عبرة .
حنين بصت لفهد اخوها:شايف مراتك بتقولى ايه .... خليها تسكت احسنلها والله هجيبها من شعرها ولا هيهمنى انها مراتك .
فهد:روحى العبي بعيد مع جوزك يا حلوة .
حنين:يووووه بقاا سامعهم بيقولو ايه عنى يا ايان .
ايان:لا متحوليش دول احفاد الفهد مش لاعب معاهم انا .
حنين:على انا اساس انا حفيده مين بقااا .
مراد:روحى بقا للفهد يجيبلك حقك منهم .
سيلا:مراد معاه حق .... ولو جدعه بقا اقنعيه اننا نسافر سوا .... اهو نطلع منك بمصلحه فى ام يومنا ده .
الباب اتفتح ودخل زين وبصلهم اوى وكلهم قامو وقفو:بتعملو ايه هنا ؟؟!
حنين:عادى يا بابا قاعدين .
زين:هو ده مكان تتجمعو فيه بشكل ده .... ولا ده مكان شغل .
محدش منهم رد عليه .
زين:مش سامع صوتكو يعنى ..... يلا كل واحد على مكتبه بسرعه .... واحمدو ربكو ان انا اللى شوفتكو مش الفهد .
الكل خرجو بسرعه وفضلت حياه وفهد لانه مكتبه .
زين:مروحتيش معاهم ليه يا حياه؟!
حياه:يا خالو انا بشتغل مع فهد على التصميم المنتجع اللى فى شرم .
زين:تمام خلصو شغلكو ... عشان تظبطو امور سفركو .... لعبتها صح يا فهد .
فهد ضحك:تلميذك يا كبير .
زين ابتسم وخرج وقفل الباب .
وفهد وحياه بداو يشتغلو وقطعهم خبط الباب .
فهد:ادخل .
دخل واحد من رجاله الامن وشايل بوكيه ورد كبير .
فهد:ايه ده يا محروس ؟!
محروس:الورد ده جه للباشمهندسه حياه ... روحتلها مكتبها بس السكرتيرة قالتلى انها فى مكتب حضرتك يا باشا .
حياه بصت فهد ورجعت بصت لمحروس:ومين اللى جابه ؟!
محروس:ده شاب وصله يا باشمهندسه وقال انه جاى لحضرتك ... وماقالش من مين .
فهد:حطه عندك على التربيزة يا محروس وروح انت .
محروس عمل زى ما فهد قاله وخرج من المكتب وحياه قامت ومسكت الكارت اللى فى البوكيه وكان مكتوب فيه .
" أنتى من ينبض له قلبي بسرية . من أعشقها بصمت . أنتى من اخترتها حبيباً لروحي ورفيقاً لدربي .... العاشق السرى "
حياه بصت لفهد:ده بجد ده .... انت بعتلى ورد على هنا يا فهد .
فهد قام من مكانه وقرب منها:مش انا اللى بعته اكيد يعنى مش هعمل كدا ... ولو حبيت اجبلك ورد اكيد مش هنا يا حياه .
حياه:اومال مين اللى بعته ؟!
فهد اخد منها الكارت وقرأ الكلام اللى فيه وده ضايقه وعصبه مين يقدر يبعت حاجه زى دى لمراته .
حياه:فهد .
فهد بصلها:مش عارف يا حياه مين يقدر يعمل حركه زى دى .
حياه اخدت البوكيه وخرجت لسكرتيرة:لو سمحتى ارمى الورد ده .
السكرتيرة بصتلها باستغراب .
حياه:امسكى الورد وارميه لو سمحتى مش عايزاه .
السكرتيرة:حاضر .
حياه دخلت المكتب وكان فهد متعصب بس بيحول بيدارى عشان خاطرها .
حياه قفلت باب المكتب وقربت من فهد ودخلت جوا حضنه وفهد استغربها لانها بالعاده بتتحرج منه:انت عارف انى مش بحب حد غيرك يا فهد صح .
فهد ضمها ليه بحب:عارف يا حياه الفهد .... وبعدين متخافيش اكيد حد بيعمل مقلب ولا حاجه حركه غبيه .... يلا نكمل شغل يا حبيبتى .
حياه بعدت عنه:يلا .
بقلم الكاتبة جنات
ــــــــــــــــ★ــــــــــــــ
فى مكتب حسن .
الباب خبط ودخل اسر .
حسن:جاد وقع على اخر عقد ولا لسه يا اسر ؟!
اسر:روحتله مكتبه السكرتيرة قالت انه مجاش النهارده ولما كلمته فونه كان مقفول .... ولما فتحت ايملى لاقيته مسدج من حازم مدير اعماله بيقولى ان جاد اضطر يسافر امبارح ايطاليا لامر طارئ ومش هيرجع غير بعد اسبوع او اكتر كمان .
حسن:وانت عرفت فهد ؟
اسر:لا لسه .
حسن:تمام انا رايح لفهد وهعرفه .
اسر:تمام .
اسر خرج وحسن كمان راح على مكتب الفهد .
وخبط ودخل .
حسن:انت عرفت ان جاد سافر ايطاليا امبارح يا فهد
فهد:لا ... وازاى يسافر من غير ما يعرفنا مش المفروض بينا شغل .
حسن:اسر لسه قايلى .... بيقول انه اضطر يسافر لامر طارئ .
فهد:والمفروض هيرجع امته ؟
حسن:حازم باعت لاسر انه مش هيرجع غير بعد اسبوع او اكتر .
فهد:تمام خلونا نركز فى شغلنا لحد ماهو يرجع .... ومش بس مشروعه وشركته ... كل المشاريع عندنا واحد يا حسن فهم الشباب كدا .
حسن:الشباب عارفين كدا كويس يا فهد ... وبعدين احنا عندنا كل المشاريع ليها نفس الاهميه اكيد مش هنهتم بمشاريع جاد ونسيب الباقى يعنى .
فهد:تمام .... فهد وحياه هيسافرو عشان يتابعو امور المنتجع اللى فى شرم .... وانا كدا كدا كنت بفكر اننا نسافر كلنا بعدهم نقضي اسبوع فى الشاليه اللى هناك .
حسن:فكرة حلوة والكل هيفرحو بقالنا فترة مش سافرنا سوا .
فهد:بس بلاش تعرف اى حد حاليا .... انا هابقي اعرفهم .
حسن:تمام يا فهد ... هروح اكمل شغلى .
فهد:تمام .
بقلم الكاتبة جنات
ــــــــــــــــ★ــــــــــــــ
الكل خلصو شغلهم ورجعو على القصر .
واتعشو كلهم سوا وبعدها كل واحد طلع اوضته.
حياه كانت ملاحظه ان فهد مضايق بس بيحاول يدارى عشان محدش يحس بحاجه .
حياه راحت مكتب الفهد اللى فى القصر .
خبطت ودخلت:جدو فاضي اتكلم مع حضرتك شويا ؟
الفهد قفل اللاب بتاعه وقام من مكانه:تعالى يا حياه .
حياه دخلت والفهد حاوطه من كتفه:مالك بقا انا ملاحظ ان انتى وفهد فيكو حاجه من وقت ماكنا بنتعشي سوا .
حياه:ازاى حضرتك بتعرف اننا مش كويسين من غير ما نبين ؟!
فهد ضمها لحضنه ومشي ناحيه الكنبه وقعد حياه جمبه:ببساطه لانى فاهم وعارف دماغ كل واحد فى البيت ده كله ..... قولى بقا مالك ؟
حياه:بصراحه فى حاجه حصلت النهارده فى الشركه وفهد مضايق بس بيحاول يدارى انه زعلان .
الفهد:حاجه ايه دى ؟!
حياه بدات تحكيله اللى حصل .
حياه:انا معرفش مين ممكن يبعت حاجه زى دى يا جدو وازاى اصلا حد يتجرأ يعملها .
الفهد:متقلقيش يا حبيبتى انا هتصرف وهحاول اعرف مين اللى عمل موقف بايخ زى ده .
حياه:وفهد يا جدو !
الفهد ابتسم:طبيعى يا حياه اى واحد بيحب مراته وبيغير عليها ويلاقى حد باعتلها ورد وكارت مكتوب فى الكلام ده اكيد هيضايق ويتعصب ... انا اصلا مستغرب انه مهدش الشركه كلها على راسنا .
حياه ضحكت والفهد ضمها لحضنه:متقلقيش يا حياتى انا هتكلم معاه ونحاول نعرف مين اللى بعت الورد .
حياه:حبيبي يا احلى جدو ربنا يخليك لينا يارب .
باب المكتب اتفتح ودخلت تمارا وزينه .
زينة:ده فى خيانه بتحصل هنا من ورانا يا توتا .
تمارا:لا ياختى الخيانه بتحصل من وقت ما حضرتك اتولدتى .
حياه والفهد ضحكو وقامو وقفو وفهد لسه حاضن حياه .
حياه:هو حد يقدر بردو يجى جمب مكانتك فى قلب الفهد يا نبض الفهد .
تمارا حضنت فهد:وده اللى مطمنى انى ليا مكانه خاصه بعيد عنكو .
زينة:طب ايه يا بابا انا ماليش مكانه فى الحضن ده ولا ايه ؟!
الفهد:ليكى ونص طبعا تعالى .
زينه حضنت الفهد بحب .
حنين دخلت الباب:وانا بقول ايه الصوت ده اتاريكو عمالين تجمع عائلى ومن غيرى كمان ... بقا ينفع يا كبير العيله .
حياه:المجنونه جت .
تمارا:دى سكرة العيله تعالى يا نونا يا قمر انتى .
حنين حضنت تمارا:والله ما حد ماصبرنى على العيشه دى غيرك يا توتا يا قمر .
زينه:اللمه دى عايزة ديما .
حياه:وحشتنى اوى ... جدو ما تكلم ادم يبعتها لينا هى وحور يومين .
الفهد:مينفعش يا حياه ... دى اجازة ادم ... لما يروح اى مأمورية تبقي تيجى .
زينه:صح يا بابا .
حنين:يرضيكى يا توتا جدو يخلى فهد وحياه يسافرو شرم واحنا لأ .... دى تفرقه عنصرين والله .
تمارا:ده بجد يا فهد ؟!
الفهد بص لحنين:والمفروض هما مسافرين ليه يا حنين هانم .
حنين:ماهما اكيد مش مسافرين شغل بس اكيد هيخرجو ويتفسحو ... انا ماليش فيه انا عايزة اسافر يا جدو .
الفهد:خلصى الشغل اللى مكلفك بيه واوعدك هخليكى تسافرى .
حنين بهمس بتمارا:جوزك بيلوى دراعى يا توتا ينفع كدا ؟!
تمارا ضحكت:انتى مصيبه والله العظيم .
الفهد بعد عن زينه وحياه وضم تمارا:يلا كل واحده تروح تنام ... مش فاهم انتو كل واحده سايبه جوزها ونازلين ليه !
حنين:يا شقى يا جدو عايزة تستفرد بالمزة بتاعه العيله .
الفهد بجديه:بنت على اوضتك .. بدل ما ازودلك كام تصميم تعمليهم كمان .
حنين جرت بسرعه على برا:انا نمت خلاص يا جدو سلام .
وكلهم ضحكو عليها وطلعو عشان ينامو .
بقلم الكاتبة جنات
ــــــــــــــــ★ــــــــــــــ
صباح يوم جديد .
فى شركه الفهد .
وتحديدا فى مكتب الفهد .
الباب خبط ودخل فهد:حضرتك عايزنى يا جدو .
الفهد:تعالى يا فهد .
فهد دخل وقعد على الكرسي:خير يا جدو !
الفهد:جهز نفسك عشان هتسافر انت وحياه النهارده .
فهد باستغراب:ليه ... مش احنا المفروض هنسافر لما نخلص شغلنا هنا .
الفهد:انا عايزكو تسافرو يا فهد النهارده .... وكمان اسبوع هنيجى وراكو .
فهد:هى حياه اتكلمت مع حضرتك فى حاجه ؟!
الفهد:حاجه زى ايه .... انتو متخانقين يا فهد ... اوعى تفكر بس مجرد تفكير تزعل حياه .
فهد:وانا مقدرش ازعلها يا جدو متقلقيش ... هروح اقول لحياه ونروح القصر عشان نجهز نفسنا .
الفهد:تمام ... روح .
فهد خرج من المكتب وراح لحياه واخدها وراحو على القصر جهزو شنطهم عشان يسافرو .
بقلم الكاتبة جنات
ــــــــــــــــ★ــــــــــــــ
فى المستشفى عند ديما .
ديما دخلت اوضه فيها حاله جديده عشان تتابع حالتها .
ديما:صباح الخير .
مى:صباح النور يا دكتورة .
ديما بصت لراجل اللى نايم على السرير:اخبار حضرتك ايه الوقت ؟
مدحت:بقيت احسن يا بنتى الحمدلله وكله بفضل ربنا وبفضلك .
ديما:ده واجبي يا عمو واكيد لما تعمل العمليه هتكون احسن واحسن كمان .
ديما بصت لمى:وبعدين كفايه وجود مى جمبك دى بتعزك جدا وخايفه عليك جدا .
مدحت:مى دى اللى طلعت بيها من الجوازة دى كلها .
ديما:ربنا يخليكو لبعض يارب .... الوقت الممرضه هتيجى عشان تاخد منك عينه من دم عشان نعمل التحاليل عشان نشوف حضرتك جاهز للعمليه ولا لسه .
مى:انا حاسه ان الحمدلله بابا فى تحسن كبير فى حالته وباذن الله المرة دى يبقي جاهز للعمليه .
ديما:ان شاء الله .
الباب اتفتح ودخلت بنت اتكلمت بضيق:انا جبت الحاجه اهى ... عايزين حاجه تانى منى لانى زهقت .
مدحت ومى بصولها بعتاب وديما كانت مستغربه مين دى .
مى بصت لديما باحراج:دى هنا اختى الصغيرة يا دكتورة .
ديما بصتلها:اهلا وسهلا .
هنا:اهلا .
ديما:تمام الحمدلله انى اطمنت على حضرتك ... هروح ابعتلك الممرضه .
مدحت:اتفضلى يا بنتى .
ديما خرجت ومدحت بص لهنا بضيق:ايه قله الذوق دى يا بنتى ... دى طريقه تتكلمى بيها قدام الدكتورة يا هنا .
هنا:بابا مش وقت محاضراتك ونبي ... انا سبت صحابي وكليتى عشان اجى اجبلكو الطلبات .... وبعد كدا ابقي روحى هاتى الحاجات بنفسك يا ست مى .... انا ماشيه .
هنا خرجت ومى قربت من باباها:متزعلش يا بابا ... هى لسه صغيرة بردو .
مدحت:اختك مش صغير يا بنتى دى عندها ٢٢ سنه ... كل همها الفلوس ومنظرها قدام صحابها الاغنيا اللى مش شبهنا .... اختك بتستعر مننا يا بنتى .
مى:بكرة تعقل يا بابا وتعرف قيمتنا ... متنساش ان ماما الله يسامحها هى اللى بتلعب جوا راسها .
مدحت بعصبيه:انا قولت طلقتها وهخلص من قرفها بس بردو لسه فوق راس بنتى ومش سيبانا فى حالنا .
مى:بابا عشان خاطرى اهدى انت كدا حالتك هتسوء .
مدحت بدأ ياخد نفسه بصعوبه ومى خرجت بسرعه ونادت على ديما اللى جت بسرعه ونادت للممرضه وبدأو يعطو العلاج لمدحت اللى نام بعد ما اخد العلاج .
بقلم الكاتبة جنات
ــــــــــــــــ★ــــــــــــــ
مراد وادم كانو قاعدين فى كافيه قريب من الشركه .
مراد:هو عمى فهد عايز معلومات عنه ليه مش فاهم !
ادم:هو قالى ان انا وانت نحاول نجيب معلومات عن جاد وخصوصا علاقتك فى ايطاليا .
مراد:بس احنا دورنا كتير وراه قبل ما نشاركه وكله تمام ... ده شاب طموح وبيحب شغله جداا ومافيش حوليه اى غبار .
ادم:قولت لعمى الكلام ده بس هو مصمم ندور تانى وتالت .
مراد:انت هتعرف معلومات عنه ازاى فى ايطاليا .
ادم:من اسامه صاحبنا اكيد .
مراد:صح كنت ناسيه خالص .
ادم:قولته وقالى هيساعدنى ويعرف كل حاجه عنه ... بس بردو من قبل ما يدور قالى انه تمام جدا ونضيف ومش بيهمه غير شغله .
مراد:نعمل اللى علينا لان عمى فهد بيحب يتاكد من اى حد يقرب من عيلته او شغله .
ادم:صح
بقلم الكاتبة جنات
ــــــــــــــــ★ــــــــــــــ
بليل فى قصر الفهد
فهد وحياه ودعو الكل وخرجو من القصر وركبو العربيه عشان يروحو على شرم الشيخ .....
