 |
رواية في قبضة الفهد ج 3 الفصل السابع بقلم جنات
الفهد قاعد فى حديقه الشاليه وبيبص لشباب فهد ومراد وادم وايان اللى واقفين قدامه زى الطفل اللى عامل غلط وخايف يتعاقب من والده .
الفهد بحده:عايز تفسير للى حصل النهارده بسرعه .
فهد:حضرتك قصدك على ايه ؟!
الفهد:بلاش تلعب معايا يا فهد .... انا لعيب قديم كل حركاتكو دى انا فهمها وحافظها صم ..... انتو فاكرين اللعبه العبيطه اللى عملتوها النهارده باتفقاكو سوا ..... وضربك يا فهد بيه لشاب كل ده معرفش عنه حاجه !!
ادم:حضرتك عرفت ازاى ؟!
الفهد:انا ملاحظ كل همسكو ونظراتكو من اول ما اتجمعنا على البحر .... بس قولت اسيبكو للاخر واشوف الرجاله اللى انا ربيتهم هيعملو ايه ... بس طلعو اغبيا ومفكرين انهم كدا صح .
فهد:حضرتك متعرفش حاجه يا جدو .
الفهد قام ووقف قدام فهد:مش عيب لما تقولى انا الجمله دى يا فهد !! .... انا عارف كل حاجه ... حياه مش متعوده تخبي عنى حاجه ... عرفتينى من بدايه الورد اللى جالها المكتب ... كنت مستنى حفيدى يجى يقولى ويسالنى اتصرف ازاى يا جدو .... بس الظاهر انه مفكر نفسه كبر وهيقدر يعتمد على نفسه من غيرى .
فهد:متقولش كدا يا جدو ... حضرتك الخير والبركه .
مراد:صح يا عمى احنا كلنا من غير حضرتك منقدرش نتحرك ابداا .
ايان:حضرتك عارف احنا بنحبك وبنقدرك اد ايه يا عمى .
الفهد:ولما هو كدا مجيتوش تعرفونى هتهببو ايه ليه ؟!
فهد:انا مش حابب حياه تعرف بموضوع المسدجات يا جدو .
الفهد:بس حياه عارفه يا فهد ... وهى اللى جت وعرفتنى .
فهد:وعرفت ازاى ؟!
فهد بص لادم:انت قولتلها حاجه يا ادم؟!
ادم بص للفهد .
الفهد:ادم عرفنى من اول مانت كلمته .... افتكر يا فهد باشا انا لو حد فيكو خبى عليا حاجه تانيه هيشوف وش تانى ماتمناش حد منكو يشوفو ابدااا .... مفهوم .
الشباب:مفهوم .
الفهد:طبعا انت موصلتش لحاجه بخصوص الرقم يا ادم .
ادم:للاسف لا يا جدو ولانه بيبعت من ارقام مش متسجله .
الفهد:فهد عينك تبقي على حياه ممنوع تسيبها لوحدها ابدا .
فهد:اكيد يا جدو .
الفهد:روحو يلا نامو .
الشباب مشو .
الفهد:استنى يا فهد .
فهد لف وبصله:نعم يا جدو .
الفهد:اللى عملته النهارده مع حياه لو اتكرر مرة تانيه صدقنى هتندم يا فهد .
فهد:غصبن عنى يا جدو ... كنت متعصب وعصبيتى طلعت عليها هى .
الفهد:وهى ملهاش ذنب يا استاذ فهد ... هى خايفه عليك انت اكتر من نفسها .... كل اللى شاغل تفكيرها فهد مضايق وزعلان ... لكن ان فى حد مجهول مراقبها فى كل حته ده مش فراق معاها .
فهد:انا اسف يا جدو ... هروحلها الوقت واكيد هراضيها .
الفهد:تمام روح يلا .
فهد خرج والفهد قعد مكانه مش عارف مين اللى بيعمل كدا مع حياه .
بقلم الكاتبة جنات
ــــــــــــــــ★ــــــــــــــ
فى ايطاليا .
جاد قاعد فى بلكونه جناحه وبيفتكر كلام مدير اعماله لما بلغه رفض الفهد انه يجى لايطاليا عشان يوقع العقود .
جاد:كنت متاكد انك هترفض .... ده الفهد اكيد مش هيجى لحد عندى يعنى .
جاد كلم حازم:عايزك تجهز كل حاجه عشان هرجع مصر .... كمان يومين .
جاد قفل معاه ودخل جناحه .
بقلم الكاتبة جنات
ــــــــــــــــ★ــــــــــــــ
فهد دخل اوضته كانت حياه نايمه على السرير .
دخل الحمام اخد شاور وغير وخرج قعد على طرف السرير وكان سامع شهقات خفيفه من حياه اللى بتحاول تمنع صوت عياطها وبتمثل انها نايمه .
فهد نام جمبها على السرير وشدها لحضنه:اول مرة اعلى صوتى واتعصب عليكى .... حقك على قلبى يا حياتى .
حياه عيطت وفهد لفها ليه:اسف يا حياه ... ممكن بلاش تعيطى انتى عارفه انى مش بحب اشوفك زعلانه او بتعيطى .... زعلانه منى ؟!
حياه:مقدرش ازعل منك .
فهد اخدها فى حضنه وباس راسها:ولا انا اقدر ازعلك يا حياه .... بس غصبن عنى اتعصبت عليكى يا حياتى .
حياه:انا ماليش ذنب يا فهد .... انت عارف انى مش بحب ولا هحب حد غيرك .
فهد:عارف يا حبيبتى .... تعالى ننام ونسي اللى حصل النهارده ... اكيد تعبانه .
حياه هزت راسها باه ونامت فى حضن فهد .
بقلم الكاتبة جنات
ــــــــــــــــ★ــــــــــــــ
تانى يوم بعد مع الكل فطرو سوا .
البنات كانو متجمعين مع الماميز وقاعدين سوا فى الجنينه .
والرجاله والشباب قاعدين قريبين منهم .
حنين:وبعدين فى الملل ده بقااا .
جنه:عايزة ايه يا بنتى ؟
حنين:زهقانه يا جوجو .
ديما:مش كنتى عايزة تسافرى يا بنتى ادينا سفرناكى .
سيلا:جنابك عايزة ايه تانى بقاااا ؟!
حنين:عايزين نعمل حاجه جديد تكسر الملل ده يا جدعاااااان .
الفهد:صوتك عالى يا حنين .
حنين:لا والله حاجه يا بوص انا تمام .
حياه ضحكت:جالك الموت يا تارك الصلاه .
كلهم ضحكو .
حنين:بقولكو ايه تيجو نغنى .
تمارا:وهو ده اللى هيكسر الملل يا بنت زين .
حنين:تجديد يا توتاا الله .
مريم:وهتغنى ايه يا فنانه ؟!
حنين:اسمها هنغنى يا مريومه هنغنى .
مروة:البت دى زكيه عشان الفهد ميعلقهاش لوحدها .
شروق ضحكت:يقوم يعلقنا كلنا معاها على باب الشاليه لو حد سمع صوتنا .
حنين:يا جماعه محدش هيسمعنا والله هااااا معايا .
كلهم:معاكى .
جميله:هو ايه اللى معاكى ..... مش نعرف هنتهبب نغنى ايه ولا حافظين ولا لأ .
زينه:على رايك هتخلينا نغنى ايه يا ست ؟!
حنين:اصبرو عليا بس .
حنين فتحت فونها وبدات تبحث عن اغانى .
حنين سابت الفون:مافيش اغانى عدله .... بصو يا جماعه انا هغنى وانتو هتساعدونى اشطات .
تمارا:واحنا هنعرف منين حضرتك هتغنى ايه يا عبحليم !
حنين:لا متقلقيش يا توتا اغنيه دى كلنا حافظنها وبنغنيها دايما .
مروة:بت اوعى تكون اللى فى بالى .
كلهم بصو لبعض بصدمه وبصو لحنين اللى هزت راسها باه .
زينه:ده شكلها عايزة الفهد يعلقنا كلنا من قفانا على باب الشاليه .
حنين:يلا بقااا انتو بترغو على الفاضي وبضيعو وقتى المهم .
شروق ضحكت:تقوليشي البت مهمه اوى .
حنين:طب يلا يا شوشو يا قمر وانتى يا جوجو طبلو .
جميله:كماااان !
حنين:هنغنى من غير موسيقى مثلا .
شروق:وهنطبل على ايه يا ياختى ؟!
حنين:عندك التربيزة او الكرسي او قفااا حياه عادى مشيها .
كلهم ضحكو .
حياه:بت تصدقى انا اللى هقوم اطبل على وشك .
جنه:خرجتى البت عن شعورها .
تمارا:حتى حياه الطيبه الهاديه الكيوته اللى مش بنسمع صوتها خليتها تتعصب .. انتى يابت مالكيش كتالوج .
جميله:ولا قطع غيااار وحياتك .
حنين:طبعا حنين واحده وبس .
حياه:اكيد لازم تبقي واحده ماهو لو فى اتنين منك كانت البلد خربت يا حبيبتى .
حنين:وبعدين بقااا بعد الرغى هتغنو ولا .
شروق:يلا يا ختى ابدائى يا فنانه .
شروق وجميله بداو يطبلو على التربيزة سوا .
حنين:"انا اروش الميا على اللمبه ... تنزل كتاكيت ترقص سامبا ابقااا انا كداب " .
كلهم " لالا "
حنين:ابقا انا فشار .
كلهم " لالا "
حنين:"وانا احط البيضه فى التلاجه ... تطلع كتكوت اجمد حاجه ابقا انا كداب " .
كلهم " لالا "
حنين:ابقا انا فشار .
كلهم " لالا "
حنين:"وانا احط البيضه جمب الشجرة .... تطلع كتكوت قد البقرة ابقا انا كداب " .
كلهم " لالا "
حنين:ابقا انا فشار
كلهم " لالا "
الرجاله والشباب كلهم بصولهم بصدمه من اللى بيغنوه .
ايان:حنين يا حبيبتى انتى اتهبلتى ولا حاجه ايه اللى بتغنيه ده .
البنات وقفو تطبيل وبصولهم .
حنين:عادى يا اينو بنفرفش شويا بس .
ايان:اينووو .
الشباب ضحكو .
حنين:سيبكو منهم يلا نكمل ...... جميله يلا معايا .
جميله:يلا يا اوختى .
حنين:"ازاى يا زميلى بتقولى بحبك وانت الحقد ده كله فى قلبك "
جميله:"مالك ياض هو انا كلمتك قولى فى ايه" .
تمارا دخلت معاهم:"تمسك تلفونى وتقلب فيه تبعت شات من عندى انا ليه " .
زينه:" اللى عملته معاك يا زميلى قولى عليه "
شروق:" اول شات كان مع حبيبتى "
مريم:"عيب يا زميلى عينى بتبكى "
كنان:لا بقاااا كتير كدا والله .
جميله:مالك بس يابوب ... احنا عملنا ايه بس !
راكان:لا ولا حاجه فضحتونا قدام الاجانب بس .
شروق:وانت مالك ومال الاجانب يا راكان باشا .
ايان:رد يا كبير بقااا .
راكان:انت تخرس خالص ماهو كله من مراتك .
حنين:بقااا كدا يا جدو شكراا جدا جدااا .... ماكنش العشم والله .
كلهم ضحكو عليها .
تمارا ضحكت:بطلو كلام ويلا ندخل نحضر الاكل .
الفهد:تمارا عايزين قهوة .
تمارا:من عيونى حاضر .
البنات دخلو مع الماميز المطبخ .
الفهد:وصلك اى رسايل تانى يا فهد ؟!
فهد:لا يا جدى .
ادم بص لفهد:وحضرتك ناوى على ايه يا عمى ؟!
الفهد:لازم نعرف مين اللى بيحوم حولينا وبيلعب اللعبه القذرة دى .
كنان:اكيد هيقع يا فهد متقلقيش .
راكان:بظبط كدا اكيد فى مرة هيغلط ووقتها هيقع فى ايدينا .
حياه خرجت وهى شايله صنيه عليها القهوة ليهم:اتفضلو .
حياه بدات توزع عليهم القهوة .
الفهد:حياه وصلك اى رسايل تانى ؟!
حياه بصت لفهد ورجعت بصت لجدها:لا يا جدو والله .
الفهد:طيب يا حبيبتى ادخلى ولو جالك اى رساله تانى لازم اعرف بيها .
حياه:اكيد يا جدو .
حياه دخلت والرجاله والشباب بداو يشربو القهوة .
بقلم الكاتبة جنات
ــــــــــــــــ★ــــــــــــــ
فى ايطاليا .
جاد قاعد فى مكتبه الخاص فى شركته .
الباب خبط ودخلت ديالا بنت خالته .
ديالا:صباح الخير يا جاد .
جاد من غير مايبصلها:صباح النور .
ديالا قعدت على الكرسي:عمو قالى انك هترجع مصر تانى .
جاد وهو لسه مركز فى الورق اللى قدامه:ايوا .
ديالا:طب ليه ؟!
جاد بصلها:هو ايه اللى ليه !
ديالا:انا ماصدقت انك رجعت وقولت مش هتسافر تانى .
جاد رجع بضهره لورا:انتى عارفه كويسه انى هاسس شركه فى اسكندريه والطبيعى انى هفضل اسافر بين مصر وايطاليا .
ديالا:طب ممكن اجى معاك ؟!
جاد بحده:اظن انا مش رايح اتفسح ولا ايه ..... وبعدين مش بحب جو الدلع ده يا ديالا .
ديالا بصتله بحزن على حدته معاها ومعاملته القاسيه ليها رغم عشقها الكبير ليه .
جاد:لو خلصتى ياريت تروحى تشوفى شغلك انا مش فاضي .
ديالا قامت وخرجت من المكتب .
جاد نفخ بضيق هو عارف انها بتحبه بس هو مش بيشوفها غير اخته اللى متربيه معاه ومن هى صغيرة وهو اصلا مش بيفكر فى حب وجواز وفى حاجات اهم بيخطط ليها .
بقلم الكاتبة جنات
ــــــــــــــــ★ــــــــــــــ
فى مكتب ديالا اللى دخلت مكتبها وهى بتعيط على حب طفولتها اللى مش شايفها اصلا .
الباب اتفتح ودخل فريد ابو جاد واللى بيعتبر ديالا زى بنته .
فريد:حبيبه عمها بتعيط ليه ؟!
ديالا قامت من مكانها وجرت على حضن عمها اللى فى مقام والدها .
فريد:مالك يا ديالا انتى كويسه يا حبيبتى ؟!
ديالا:لا مش كويسه ... جاد بيعاملنى بقسوة يا عمو وانا مش بعمله حاجه .
فريد:اهدى يا بنتى ... وبعدين انتى عارفه ان ده طبع جاد طول عمره انه جاد ده مش بس اسمه ده طبعه كمان .
ديالا بعدت عن حضن عمها:وانا بصراحه استحملته كتير يا عمو .
فريد ضحك:يا حبيبه قلبى حقك عليا ... بس بلاش تعيطى وتزعلى نفسك ابداا .
ديالا:عشان خاطرك انت بس يا عمو .
فريد ابتسم:ماشي يا حبيبتى يلا روحى كملى شغلك وانا هروح اشوف جاد .
ديالا:حاضر يا عمو .
فريد خرج من مكتب ديالا وراح على مكتب جاد اللى وقف باحترام لوالده .
جاد:اهلا اهلا فريد باشا نورت مكتبي المتواضع .
فريد ضحك وقعد على الكرسي:ده ايه التواضع ده كله يا جاد باشا .
جاد:طول عمرى على فكرة .
فريد:مزعل ديالا ليه يا جاد ؟!
جاد:زعلتها ازاى مش فاهم !!
فريد:جاد ... ياريت تبطل طريقتك دى مع البنت .
جاد رجع بضهره على الكرسي:طريقتى دى اللى هى ايه بظبط .... انا بتعامل معاها عادى جدا على فكرة .
فريد:وعصبيتك وتريقتك دايما عليها ... ممكن تفهمنى ليه بتقسي عليها بشكل ده .
جاد:اولا انا مغلطتش فيها ... هى عارفه انى رايح مصر لشغل مش فسحه عشان تيجى معايا .
فريد:ما هى كمان هتيجى معاك فى شغل ولا حضرتك ناسي انها شريكه بـ ٢٥ ٪ .
جاد:يا دى الـ ٢٥٪ ..... وهنساها ازاى وحضرتك دايما بتفكرنى بيهم ... ده حضرتك بتعاملها على انها رئيسه الادارة مش انا .
فريد ضحك:ديالا لما جت تعيش معانا كانت لسه طفله عندها سنتين وانا اتعلقت بيها كانها بنتى اللى كنت بتمناها يا جاد ..... وعشان كدا هى غاليه جدا على قلبي .... وبتمنى تبقى غاليه على قلبك انت كمان .
جاد بضيق:انا مش بفكر فى حب ولا جواز ولا اى حاجه من الهبل ده ..... انا كل اللى فى دماغى شغلى ونجاحى واللى بخطط ليه وبس .
فريد:عارف .
جاد:تمام بما ان حضرتك عارف .... خلينا بقا نحضر الاجتماع لانه مهم جدا قبل سفرى .
فريد:قبل ما تسافر مش هتروح تزور والدتك .
جاد بجديه:لا .
فريد:بس هــ..
جاد:قولت لحضرتك لأ .
فريد:اللى يريحك يا جاد .
بقلم الكاتبة جنات
ــــــــــــــــ★ــــــــــــــ
فى شرم الشيخ .
الكبار متجمعين بعد ما اتغدو سوا والبنات قاعدين فى اوضه لوحدهم بيهزرو ويضحكو ومقضين وقت جميل سوا .
فون حسن رن وكان واحد من اللى بيشتغلو فى الشركه .
حسن رد وفجأه قام وقف:انت بتقول ايه وحصل ازاى ده ؟! ... وانتو كنتو فين ؟ .
الفهد والكل بصو لحسن .
حسن قفل وبص للفهد .
الفهد:مين اللى كان بيكلمك يا حسن ؟!
حسن:ده محسن يا فهد .
كنان:وقالك ايه عشان تزعق كدا ؟!
حسن:فرع الجديد لشركتنا .
راكان:ماله يا حسن ما تتكلم .
حسن:محسن بيقول انه اتحرق .
الفهد قام وقف بصدمه والكل اتصدمو من الخبر .........
&&&&&&
ملحوظه يا حلوين .
فريد ده شخصيه جديده معانا يعنى مش نفسه فريد اللى كان فى الجزء التانى ..
لان سماح وفريد دورهم انتهى ومش هيظهرو معانا ابداااا ♥️
