رواية صدفة عشاق الفصل الثالث
في العربيه .
حازم كان بيبص علي ليلي بضيق . هو مش عارف لو كان اضايق من وجودها . و لا من شكلها الجرئ بالنسبه لشخصيتها . بس اتنهد بهدوء لأنه لسه ميعرفهاش و أن دي ممكن تكون حياتها الطبيعية .
حازم اتنهد بهدوء ./ مش غريبه يا ليلي تيجي الحفله . و انتي باين عليكي ملكيش في الأجواء دي .
ليلي اتنهدت بضيق ./غلطت و جيت مع صحبتي . و كانت عايزه تتحجج بيا عشان تمشي بدري .
حازم ابتسم بهدوء ./ماهو واضح .
ليلي اتنهدت بضيق . حازم اتنهد بهدوء ./هو انا ممكن اقولك . إن شكلك النهارده عكس شخصيتك . لبسك مش شبهك يا ليلي .
ليلي اتنهدت بـ احراج . /طيب .
حازم اتنهد بضيق لما حس أنه اتسرع . و انها يعتبر غريبه عنه .
حازم ركن عربيته قدام بيت ليلي بهدوء .ليلي ابتسمت بهدوء ./شكرا تعبت حضرتك معايا .
حازم بهدوء ./لا مفيش تعب .
ليلي هزت راسها بهدوء و نزلت . حازم بص علي أثرها بشرود و اتنهد بهدوء و اتحرك بعربيته .
_________________________________________
تاني يوم .
ريماس ضحكت و هي بتتكلم في التليفون ./والله كان غصب عني .
ليلي بضيق مصتنع ./انا تسبيني اروح كده يا ريماس . والله ما هسمع كلامك تاني .
ريماس ابتسمت بهدوء ./خلاص يا ليلي بقي . اول و اخر مره .
ليلي اتنهدت بهدوء ./انا بجهز و رايحه المدرسه . اول ما اخلص هكلمك .
ريماس ابتسمت بهدوء ./ ماشي اتفقنا يلا باي .
فاروق دخل اوضتها بغضب و وراه زين . ريماس بصت باستغراب ./في ايه .
فاروق فتح تليفونه علي صوره ليها هي و ايهم في الحفله ./في دي يا هانم .
ريماس ابتسمت بعدم فهم ./مالها دي . صوره عاديه .
زين اتنهد بضيق ./لا دي مش صوره عاديه يا ريماس . انتي عارفه أن دول احفاد عاصم و عارفه حجم المشاكل اللي بينا . ازاي تبقي واقفه معاه كده .
ريماس بهدوء ./احنا مقابلتنا دي مكملتش خمس دقايق . و انا روحت الحفله دي عشان بابا أجبرنا علي كده . و ايهم ده معرفه قديمه اصلا .
فاروق مسح علي وشه بغضب ./ريماس كل حياتك في كفه . و حياتي و اسمي في كفه تانيه . ايه اللي موقفك تضحكي معاه بالشكل ده د
ريماس بضيق ./يا بابا قولت لـ حضرتك معرفه قديمه . و مكملناش خمس دقايق . انا معرفش الصوره دي اتخدت و نزلت ازاي اصلا .
فاروق اتنهد بضيق و سبها و مشي .
زين اتنهد بهدوء ./معلش يا ريماس ما انتي عارفه بابا .
ريماس هزت راسها بملل ./انا نازله اصلا يا زين سلام .
و خدت شنطتها و نزلت .
_________________________________________
ايهم قرب من ترابيزة الفطار بمرح ./صباح الخير .
عاصم بصله بضيق و متكلمش . ايهم ابتسم بهدوء ./في ايه يعني ساكتين انهارده .
محمد بهدوء ./ايهم انت تعرف حفيدة عبدالله النشار منين .
ايهم ابتسم بهدوء ./قولهم انت يا حازم .
حازم بهدوء ./ما أنا عرفتهم أنها كانت حاله عندنا .
عاصم بجمود ./مهما كان علاقتك يا ايهم بـ المريض . ميديكش الحق انك تقف و تضحك معاها .
سالي اتنهدت بهدوء . عكس جيهان اللي كانت بتبص عليهم ببرود .
احمد طلع الصور بهدوء ./الصحافه نزلت الصور امبارح بليل . و كان من ضمنهم الصوره دي .
ايهم اتنهد بهدوء ./مفيش حاجه غير اللي قولتها و مكنتش اعرف اصلا هي بنت مين . و اكيد مش هنفضل عايشين حياتنا علي مشاكل حصلت من سنين يا جده .
عاصم قام بجمود./تكلم الصحافه يا احمد و تخليهم يمسحوا الصور دي . و انت متنساش نفسك يا دكتور و متنساش انت ابن مين .
حازم قام بضيق ./ايهم مغلطش و عنده حق . مش من حقنا نفضل عايشين علي مشاكل محدش يعرف عنها حاجه . و مشاكل من سنين و زمن تاني يا جده . مش المفروض نوقف حياتنا علي كده .
عاصم بص عليه بضيق و دخل . و حازم سحب مفاتيحه و مشي . و ايهم طلع وراه .
__________________________________________
فات اسبوع من غير احداث . حازم و ايهم كل واحد مركز علي شغله . و ليلي و ريماس اغلب الوقت مع بعض .
حازم دخل اوضة المستشفي و خلع البالطو بتعب . و رد علي تليفونه بهدوء ./حاضر يا علي هغير هدومي و اروح اجيبه .
علي ضحك بهدوء ./ هنتعبك معانا .
حازم ابتسم بهدوء ./كله عشان خاطر سليم .يلا سلام عشان الحق اروحله .
و قفل معاه . و اتنهد بتعب . و راح يغير .
_________________________________________
حازم خلع نضارته و ابتسم بهدوء لما شاف ليلي في فصل سليم .
حازم قرب من الفصل و خبط بهدوء . ليلي ابتسمت بهدوء ./دكتور حازم ازيك . حضرتك جاي عشان سليم
حازم هز رأسه و ابتسم بهدوء .
ليلي سحبت شنطتها و ابتسمت بهدوء ./يلا يا سولي . معلش يا دكتور حازم انا هنزل معاه لحد تحت .
حازم ابتسم بهدوء ./اكيد اتفضلي .
سليم كان ماسك ايد ليلي ببراءة .و مش عايز يسبها لحد ما نزل تحت .
ليلي وقفت و نزلت لمستواه و ابتسمت بهدوء ./ احنا اتفقنا علي اتفاق يا سليم و قولنا هتسمع الكلام و تعمل كل وجباتك في وقتها .
سليم اتكلم بدموع ./ايوه بس انا كده مش هعرف اشوفك تاني .
ليلي ابتسمت ببراءة ./ما انت معاك رقمي كلمني في اي وقت و هتلاقيني جيتلك .
حازم ادخل بهدوء ./انتي هتمشي من المدرسه .
ليلي وقفت و هزت راسها بهدوء ./جالي شغل في مدرسه احسن و اقرب .
حازم اتنهد بهدوء ./بس انتي عارفه سليم متعلق ليكي قد ايه .
ليلي هزت كتفها بـ اسف ./ هيبقي غصب عني والله . بس في اي وقت لو احتجني خليه يكلمني علي طول .
سليم مسك ايد حازم ./حازم خلي ليلي تيجي تديني درس البيانو في البيت .
حازم ابتسم بهدوء ./طب دي فكره حلوه اوي . ايه رايك يا انسه ليلي .
ليلي هزت كتفها بقلة حيلة ./انا هشوف بابا الاول و هبلغ استاذ علي .
سليم ابتسم ببراءة ./هستناكي .
ليلي ابتسمت بهدوء . حازم ابتسم بهدوء ./طب ممكن رقمك عشان ابقي اعر....
قاطعهم دخول زين بينهم . زين ابتسم بهدوء ./ليلي عامله ايه .
ليلي هزت راسها باستغراب ./ الحمدلله . بس هو حضرتك تعرفني .
زين بهدوء ./انا زين اخو ريماس . قابلتك في الحفله اللي كنتي معاها فيها . مش فكراني و لا ايه .
و كمل بهدوء لـ حازم ./معلش يا دكتور نسيت اسلم عليك ازيك عامل ايه .
حازم هز رأسه بهدوء ./الحمدلله . عن اذنك يا ليلي و ابقي بلغيني موافقتك علي اللي اتفقنا عليه .
ليلي هزت راسها بهدوء ./هبلغ استاذ علي لما اشوف بابا .
حازم هز رأسه بهدوء و سحب سليم من أيده و مشي .
ليلي ابتسمت بهدوء ./ خير يا زين كان في حاجه .
زين ابتسم بتوتر ./لا انا كنت قريب من هنا . و كنت عارف من ريماس انك شغاله هنا . قولت اعدي اطمن عليكي .
ليلي هزت راسها بهدوء ./ ماشي شكرا . معلش بس انا لازم اروح عشان اتاخرت .
زين ابتسم بهدوء ./طب انا ممكن اوصلك .
ليلي ابتسمت بهدوء ./لا ما هو انا لسه هجيب كام حاجه . عن اذنك .
و سابته و مشت . زين بص علي اثرها بضيق و مشي .
__________________________________________
بليل .
ريماس دخلت اوضة زين . و قربت منه بهدوء مخيف ./ اومال انت كنت فين يا زين .
زين بهدوء ./كنت في الشغل .
ريماس ابتسمت بخبث ./ يعني انت مروحتش لـ ليلي المدرسه .
زين اتعدل بهدوء ./هي اللي قالتلك .
ريماس هزت راسها بهدوء ./روحت لـ ليلي ليه يا زين .
زين بهدوء ./عادي روحت اطمن عليها .
ريماس بضيق ./زين روحت ليه .
زين اتنهد بهدوء ./الصراحه ليلي من يوم ما شوفتها . و انا مش عارف أخرجها من دماغي يا ريماس . حاسسها عكس اي واحده من اللي اعرفهم .
ريماس اتنهدت بهدوء ./زين بس ليلي صحبتي . و اي حاجه ممكن تحصل بينكم لو مش متاكد من مشاعرك . او هي مكنتش ليها مشاعر ناحيتك . علاقتنا ممكن تتأثر و انا مش عايزه ده .
زين اتنهد بضيق ./طب اعمل ايه . دي هي مش مدياني فرصه اتكلم معاها حتي . ده انهارده كنت حاسسها بتجري مني . و في الحفله مدتنيش فرصه اوصلها .
ريماس ابتسمت بهدوء ./هي دي ليلي و دي شخصيتها . و كمان هي لسه متعرفكش .
زين ابتسم بهدوء ./طبعا اختي حبيبتي ممكن تساعدني .
ريماس هزت راسها بخبث و هي بتقوم ./ هفكر الاول .
و خرجت بسرعه قبل ما يتعصب . زين بص علي أثرها بضيق و كمل اللي بيعملوا .
__________________________________________
راشد ابتسم بهدوء لما ليلي جت . /خلصتي ورقك .
ليلي هزت راسها بتوتر ./هو انا خلصته بس كان في حاجه كده .
نعمه ابتسمت بهدوء ./حاجة ايه قولي .
ليلي اتنهدت بهدوء ./كان في ولد عايزني ادربه بيانو في البيت .
راشد بضيق ./لا مينفعش .
ليلي اتنهدت برجاء ./يا بابا والله الولد ده حالته صعبه و محتجني فعلا .
نعمه اتنهدت بهدوء ./خلاص يا راشد خليها تروح . ده هو ولد واحد هتروحله و خلاص .
راشد اتنهد بهدوء ./ماشي يا ليلي بس عرفيني المكان و مواعيدك .
ليلي ابتسمت بهدوء ./حاضر . انا هروح اكلم أهل الولد عشان ابلغهم .
و قامت بسرعه . راشد بص عليها و ابتسم بهدوء .
ليلي مسكت تليفونها و عملت مكالمتها لـ علي .
علي بص علي التليفون بـ استغراب و رد ./الو ازيك يا ميس ليلي .
ليلي بهدوء ./الحمدلله انا كنت برن ابلغ حضرتك أن بابا موافق اني اجي ادرب سليم في البيت .
علي بص علي حازم و ايهم باستغراب ./هبعتلك العنوان في رساله .
ليلي قفلت معاه بهدوء . و علي فضل يبص علي حازم باستغراب ./انت روحت جبت سليم من المدرسه انهارده مش كده .
حازم هز رأسه بهدوء ./ايوه ما انت اللي قايلي .
علي بهدوء ./ايوه اصل الميس بتاعت حازم رنت بتقول أن باباها وافق أنه تيجي تدربه بيانو في البيت . و محدش راح غيرك يبقي انت اللي اتفقت معاها .
حازم اتعدل بهدوء ./يعني وافقت .
علي بشك ./يعني انت اللي اتفقت معاها .
ايهم ابتسم بهدوء ./ايه حكاية الميس دي يا حازم .
حازم رجع لوره بهدوء ./عادي يعني الميس سايبه المدرسه و ماشيه . و انت عارف ان سليم بقاله فتره عايزها تيجي تدربه هنا . و باين عليه متعلق بيها اوي .
علي بهدوء ./انت تعرفها يا حازم .
حازم هز رأسه بهدوء . ايهم ابتسم بسرعه ./مين يا حازم مين .
حازم مسك تليفونه بضيق ./ليلي يا ايهم ليلي . و عن اذنكم انا طالع انام عشان عندي شغل .
و سبهم و مشي . علي بص عليه باستغراب ./ليلي مين و هو يعرفها منين .
ايهم ابتسم بخبث ./هقولك انا يعرفها منين ..بس كأني مقولتلكش .
ووووو....
