رواية خالتو سعاد الفصل الثالث بقلم شهيرة عبد الحميد
الزواج مني
بس ماكنتش اعرف انه إنسان مؤذي اوي كده
وهيبص لأختي الأكبر مني
وقدم نفسه لاهلي كأخ ليا
واتصدمت بأنه اتقدم لأختي ووافقت
ورغم معرفتها بأن سامح هو حبيبي الاول
إلا أنها وافقت
وعاشت هي الهنا الـ كان من حقي
خدت حقي في حاجات كتير اوي طول عمري
وقررت ارد حقوقي كلها منها ومنه
عيشت معاهم في نفس البيت، وده كان من ضمن حقوقي لأنه بيت بابا القديم
وحاولت أوقع بينه وبين امك واشككها فيه علشان تسيبه
لحد ما في يوم نفذ صبري، وقررت استخدم حيلة كبيرة حبتين
ابوكي كان طالع اوضته عادي
عملت نفسي بتألم في الأرض
دخل علشان يطمن عليا
مسكت فيه وبدأت أصرخ واصرخ علشان امك تشوفه وتعتقد أنه بيهجم عليا
بس حتى دي فشلت
امك كان نومها تقيل حبتين وقتها لأنها بتاخد علاج قوي بينيمها
وابوكي فضل يعافر ويهرب مني لحد السلم
وانا ماسكة فيه بكل قوتي وبصرخ
ووسط كل المحاولات دي وقعت على دماغي وانتهيت
بس انا لسه مردتش حقي يا ندى
لسه قلبي مبردش من خيانة ابوكي وامك ليا
لسه كل ليلة بشد ابوكي في اوضتي وبعذبه زي ما عذبني
بس هو أتخلص مني وبعد خالص لما عرف اني بدأت اظهرلك واحاول اشكك فيه هو كمان يمكن انجح معاكي.
سامحيني يا ندى، أنا لسه بحب سامح ومش هقدر اسيبه".
دلوقتي عرفت الحقيقة كاملة
عرفت أن خالتو مش هتبطل محاولات الانتقام
وأسرتي هتفضل مهددة بالخطر
مبقتش عارفة اتعاطف مع مين فيهم!
احزن على بابا الـ اختار شريكة حياته
ولا احزن على خالتو الـ اتخانت واتحولت لشخصية مؤذية بالشكل ده.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
