 |
رواية موضوع عائلي الجزء الثالث الفصل الواحد والاربعون بقلم رحاب القاضي
ها هو الستار الأخير يقترب، وكل أحد سيقف أمام ما اقترفته يداه… فالخير يعود لأصحابه، والشر يُقاد صامتًا نحو نهايته.
_في الكافي بتاع طارق كان قااعد حامد مع طارق اول ما دخل حسن فطارق قاام وقال..
طارق
بابا جه اهو دقيقه واحده وجاي..
ورااح طارق بسرعه لحسن وقاله
انت ما قولتليش ليه انه جاي يخطب رضوي
حسن
هو فتح معاك الموضوع؟
طارق
هو شكله لا بتاع لف ولا دوران اتكلم معايا بكل صرااحه وداخل جد اووي، بصراحه عجبني بنتك استنضفت المره دي..
حسن
طيب شوف انت شغلك وانا هروحله..
طارق
لا انا مااشي هنا كان عندها كورس واتأخرت فهروحلها اوصلها البيت وبعدين ابقي اجي اكمل شغل..
حسن
ماشي وخلي بالك منها..
_ومشي طااارق وحسن راح سلم علي حامد وقعد معاه وقاله بهدووء..
حسن
معلش يا ابني اتأخرت عليك شويه..
حامد
لا ولا يهمك انا قعدت مع طارق واتعرفت عليه..
حسن
يارب بس ما يكونش لبخ معاك في حاجه..
حامد ابتسم وقال
بالعكس ربنا يباركلك فيه ولد محترم وعاقل ولو حصل نصيب ان شاء الله هبقي كسبت اخ وصديق كويس زيه..
حسن
تسلم يا ابني كلك ذووق، انا قدامك اهو وسامعك اتكلم..
حامد
بصراحه كده انا متوتر شويه اول مره يعني اتحط في الموقف ده
حسن
ولا يهمك كلنا اتحطينا في الموقف ده لما كنا بنتقدم، بس اتكلم وكأنك قدام ابوك ما تقلقش
حامد
ده شرف ليا طبعا وبدون مقدمات انا معجب بالانسه رضوي واتمني انها تبقي شريكة حياتي ولو حضرتك شايفني مناسب ليها انا هجيب اهلي ونتعرف واللي حضرتك تطلبه انا هنفذه من غير نقااش.
حسن
انا ماليش غير طلب واحد، انك تبقي ابن حلال وما توجعش قلب بنتي وتصونها وتخااف علي زعلها ده كل اللي انا عايزه واللي يهمني..
حامد بجديه
بص يا عمي انا عندي دلوقتي 31 سنه بقالي كتير اهلي بيزنو عليا اتجوز، وبصراحه كان عندي خووف من الارتبااط بسبب انفصال اهلي وبالمناسبه انا والدي ووالدتي مطلقين من سنين كتير اووي، المهم يعني انا كنت رافض موضوع الجواز ده خالص، بس لاول مره احس اني ملهوف علي الموضوع ده وحابب اعمل عيله ليا لوحدي لما اتعرفت علي رضوي، وعشان هي الشخص الصح والبنت اللي كنت بتمناها من زمان ما حبتش اضيع وقت وانا عارف انها متربيه وبنت ناااس ومن عيله محافظه فعشان كده دخلت جد في الموضوع ده ومصمم عليه..
حسن
كلامك جميل بس انت عارف اكيد انها كانت مخطوبه لابن عمك
حامد
انا ما يهمنيش الموضوع ده مدام انتهي من ناحيتها
حسن
بس مش هتبقي في مشااكل بينك وبين بيت عمك، وخصوصا ان احنا برضو بينا اكتر من نسب مع بيت يونس الصاوي وبالاخص بنتي الكبيره اللي متحوزها يزن الصاوي
حامد
ما فيش مشااكل ولا حاجه ده نصيب وما حصلش نصيب بينها هي ويوسف، وربنا اراد اني اتعرف عليها واتجوزها فين المشكله في الموضوع، وما تقلقش حضرتك انا هظبط الموضوع ده مع اهلي ومش هيبقي في اي احرااج من ناحيتكم...
حسن
علي خير يا ابني شووف المعاد المنااسب ليك انت واهلك عشان تشرفونا ونتعرف علي بعض
ابتسم حامد باتسااع وقال
الخميس الجاي منااسب؟
حسن
مناسب طبعا تنورنا في اي وقت يا ابني..
ـــــــــــــــــ#بقلم_الكاتبه_رحاب_القاضي ــــــــــــــــــ
_وتاني يوووم الصبح في شقة عزالدين اول ما صحي من نومه كانت فيرووز واقفه بتجهز قدام المرايا فقالها بهدووء..
عز
علي فين علي الصبح كده؟
فيروز
رايحه شغلي
عز
ما تفكك منه واللي عايزاااه اديهولك يا فيروز
فيروز
وانا ما طلبتش منك حاجه، وبعدين انا مش مرتاحه هنا وعايزه ارجع بيتي
عز
هو في ايه علي الصبح، ما احنا كنا حلوين وبعدين حد زعلك في حاجه هنا؟
فيروز
لا اخوك ومراته وولاده كأنهم اهلي وانا حابه القعده معاهم بس..
عز
بس ايه
فيروز
مش حابه قعدتي معاك هنا، بص خليها شويه هنا وشويه هناك لحد ما اتعود
عز بغيظ
جرا ايه يا وليه انتي هتعيشي في الدور ولا ايه
فيروز
وليه في عينك وماشيه يا عز يعني ماشيه وزين هيجي معايا كمان
عز بحده
افضلي بقي شحططي في الواد معاكي، ما فيش حد هيمشي يا فيروز وروحي شغلك براحتك اهو علي الاقل حد فينا بيشتغل
فيروز
وانت هتفضل قاعدلي في البيت يعني، انا عمري ما شوفتلك شغل ثاابت اصلا انت مشارك نااس وبس وعلي طول قاعد كده والفلوس بتيجي لحد عندك
عز
الله اكبر في عينك علي الصبح، بصي انا راجل بشتري راحتي وبشغل دماغي اخدت ورثي من ابويا انا وحسن قد. بعض حسن يا عيني غلباان بقي يسلف الناااس وحلني علي ما يااخد فلوسه ده غير ان كانت مسؤليته كبيره اتجوز وخلف ريناد ورضوي وطارق ورا بعض وما بيعرفش يدير اموره كويس هو يدووب طلع بالبيت ده بس وللحق كان شايل مسؤولية لمياء اختي وابنها من جوزها مات
ابتسمت فيروز وقالت
الاستااذ حسن شخص جميل وطيب ما فيهوش غلطه ولو علي طيبته فدي احلي حاجه فيه، انت بقي عملت ايه يا فالح..
عز
لمي لساانك شويه انا جوزك، وبعدين انا عملت كتير شاركت ناااس كتير اووي منهم عمار المنشاوي كانت شرااكه قليله بس كسبت من ورااه كتير اووي، واشتغلت مع يونس الصاوي وكسبت من ورااه واي رجل اعمال كان بيني وبينه شغل انا كسبت منه اكتر ما هو كسب، بصي افهمك حاجه انا ما اشتغلتش ولا تعبت ربع حسن اخويا بس انا شغلت دماغي وما كانتش عندي مسؤليه فعرفت استثمر فلوسي صح
فيروز بحزن
قصدك تقول لو كنت كملت معايا ما كنتش هتعرف تعمل حاجه..
عز
انا قولت كده؟!... وبعدين انا قولتلك مليون مره كنت هرجعلك بس ما كنتش متأكد انك هتسامحيني ولو كنت اعرف بموضوع زين ما كنتش هسيبك الفتره دي كلها، انتي الوحيده اللي حبيتها يا فيروز غلطت في حقك بس انتي رديتهالي ومش عايزين نفتح في القديم مش عارف ليه طالبه معاكي نكد علي الصبح كده
قبل ما ترد عليه زين خبط علي الباب وقال
يا ماما الفطار جاهز يا حبيبتي
فيروز
جاايه يا زين
ابتسم عز وقال
انا كل ما اشوف الواد زين او اسمع صوته قلبي يطير من الفرحه، بعشق امه..
ابتسمت فيروز بهدوء وقالت
طيب قووم يلا عشان تفطر معانا
عز
مش هتمشي معلش تعالي علي نفسك شويه لحد ما تتعودي علي قعدتك معايا هنا
فيروز بخبث
حاضر بس انا عندي شرط
مسك ايدها وباسها وقال
اعتبريه اتنفذ يا ام زين
فيروز
تشتغل ما تقعدليش في البيت كده
عز
نعمم يا اختي اللي ما عملتها زمان هعملها دلوقتي
فيروز
ايوه هتعملها انت مش مستني زين يتخرج وقولت هتعمله مستشفي، اعملها من دلوقتي وخليك انت المدير بتاعها لحد. ما زين يتخرج وتشتغلو سوا
عز
علي فكره حوار المستشفي ده طويل عايز سنه ولا سنتين اصلا
فيروز
ابدأ من دلوقتي واهو شغل وخلاص..
عز
حاضر المهم تفضلي قااعده معايا هنا انتي وزين انا مش هقدر ابعد. عنكم تاني
فيروز
مش همشي علي الله بس ما اصحااش الاقيك سيبتنا وخلعت بعد ما تعلقنا بيك تاني
عز بغيظ
يالهوي علي قلبك الاسوود.، بس قوليلي انا لو سيبتك ومشيت هرجع الاقي اخ لزين مش كده..
ضربته علي كتفه وقالت
بطل رخاامه بقي...
_وخرجو هما الاتنين وقعدو يفطرو مع زين اللي كان اكتر حد مبسووط انه قدر يجمعهم مع بعض تاني من غير مشااكل..
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي المستشفي عند يزن كان قااعد لوحده ومااسك موبيله بايده السليمه وبيقلب فيه ، والباب خبط فتوقع حد من اهله وقال..
زين
اتفضل..
واتفتح الباب ودخلت سدره وقالت
الف سلامه عليك
اتفاجئ بوجودها وقال
الله يسلمك..
قفلت الباب وقعدت جنبيه علي الكرسي وقالت
اتردت كتير اني اجي بس ما قدرتش ما اجيش اول ما عرفت انك تعباان، كنت خايفه اوووي عليك
يزن بجمود
ما كانش ليه لزوم تتعبي نفسك
قربت مته ومسكت ايده وقالت
وحشتني اوووي يا يزن..
سحب ايده من ايدها وقال
لو سمحتي ارجعي مكانك ما يصحش كده
حست بأحرااج من طريقته وقالت
يعني ما وحشتكش انا كمان، احنا بقالنا كتير اووي ما شوفنااش بعض داخلين في سنه اهو واكتر..
يزن
لا ما وحشتنيش عارفه ليه عشان ما بفكرش فيكي اصلا يا سدره، انا نسيتك بجد لدرحة وانتي داخله دلوقتي قولت هي ولا مش هي..
سدره بغيظ
والله؟!...
يزن
والله.. وشكرا جدا علي وجودك واهتمامك بس ياريت تتفضلي تمشي عشان مراتي جايه دلوقتي ولو شافتك هتدايق وانا ما بحبش ادايقها
سدره بحزن
مراتك.. قصدك البنت المطلقه اللي اتجوزتها بعدي، توقعت انك هتتجوز بنت احلي مني واصغر مني عشان تنتقم يعني وتخليني اندم انما تتجوز واحده تقريبا اكبر منك ومعاها بنت ومطلقه ليه تعمل في نفسك كده
يزن بحده
كلمه كمان عليها وهمسح بكرامتك الارض وهسمعك كلام عمرك ما تتوقعي انه يطلع مني، ريناد في نظري احلي بنت في الدنيا مش احلي منك انتي وبس، بنت اتشرف بيها في اي مكان انها مراتي وكفايه اني بحبها وهي تستاهل حبي ليها
جات ترد عليه فقالها بحده
اطلعي بره والا هكلم ابوكي وطنط بطه اقولهم انك جايه تفتحي في القديم وجايه تعملي مشااكل وانك لسه زي ما انتي انانيه ومغروره ومش هتتغيري..
سدره بحزن
انت صدمتني فيك كتير، كنت فاكره هنزعل من بعض شويه وترجعلي مش تطلقني وترووح تتجوز وتحب كمان..
يزن
اطلعي بره يا سدره وافهمي اللي بينا انتهي حتي ما ينفعش اننا نتعاتب عليه..
_ما ردتش عليه وساابته وخرجت وفي الوقت ده كانت جايه ريناد وشااافتها وهي خارجه من عنده، فدخلت وقالت ليزن بفضول..
ريناد
هي مين دي اللي كانت خارجه من عندك ؟!..
بصلها يزن بتوتر وقال
هاا دي ااا..
ريناد
طليقتك؟
_هز راسه بمعني ايوه وهو بيبصلها بقلق، فهي اتنهدت بضيق وقالت بنبره شبه غاضبه..
ريناد
تمام كانت جايه ليه بقي؟
يزن
تطمن عليا وبس..
ريناد
وبس؟!
يزن
بصي بعيد عن انها جات واتكلمت ومهما كان اللي قالته انتي مراتي وحبيبتي وانا مستحيل افكر في واحده غيرك حتي لو كانت مين فأهدي انا تعباان ومش هقدر علي زعلك دلوقتي
ريناد بضيق
هو انا كنت قولت حاجه، جيبتلك هدووم عشان كمان شويه هتخرج من المستشفي..
يزن
طيب تعالي اقعدي جنبي واقفه بعيد ليه
ربناد بحده
براحتي انا مش هقعد جنب حد.
الباب خبط تاني في الوقت ده وريناد قالت
اهي شكلها رجعتلك تاني، اتفضل..
_دخل في الوقت ده سيف وهو شايل تيا علي ايده، فأتفجأت هي ويزن بوجوده ويزن قال..
يزن
هما متفقين علينا النهارده ولا ايه؟
سيف
صباح الخير
يزن
صباح النور..
سيف
تيا بتسأل عليكم من امبارح فقولت اجيبهالكم واطمن عليك واعمل الواجب
قربت منه ريناد واخدت تيا وقالت
شكرا يا سيف فيك الخير..
يزن بهدوء
هاتي تيا يا ريناد وحشتني اوووي..
ريناد
يا حبيبي عشان ايدك لتخبطك فيها
يزن
مالكيش دعوه بس قعديها جنبي هنا..
_قعدتها فعلا ريناد جنب يزن، واستغرب سيف ان بنته متعلقه بيزن زي ما متعلقه بيه بالظبط، وبصله يزن بهدوء وقال..
يزن
متشكر علي سؤالك اتفضل اقعد
سبف
لا معلش مستعجل والف سلامه عليك مره تانيه، وهبقي لما احب اشووف تيا هكلم خالي يبلغكم بعد اذنكم..
_قال كلامه ومشي وهو فعلا متطمن علي بنته مع يزن، وريناد بصتله وهو ماااشي بهدوء فيزن قالها بحده..
يزن
متغير مش كده؟
ريناد
ايوه جدا ده حتي متغير عن الاول كمان، يلا ربنا يصلح حاله هو مهما كان ابو بنتي واتمني اشووفه شخص كويس عشاانها هي ياريت تفهم ده
يزن بهدوء
تمام وانتي كمان تفهمي اني ما بحبش غيرك لا طليقتي ولا اي واحده في الدنيا هتملي عيني زيك
ابتسمت ريناد بهدوء وقالت
انا عارفه اصلا
يزن
ومدام عارفه كده بتنكدي عليا وقلبتي وشك ليه؟
ريناد
بتدلع عليك ينفع ولا لا
يزن
براحتك علي قلبي زي العسل..
_ضحكت بهدوء وقعدت علي الكرسي جنبيه هو وريناد اللي كانت مااسكه فيه ومبسووطه انها معاهم..
ـــــــــــــــــ#بقلم_الكاتبه_رحاب_القاضي ــــــــــــــــــ
_وتاني يووم وقف يووسف بعربيته جوا بيتهم، واول ما نزل من العربيه راحتله يارا بسرعه وقالت..
يارا
اتأخرت ليه مش المفروض كنت تيجي الصبح
يوسف
اديني جيت اهو يا يارا، وحشتيني اووي عامله ايه؟
يارا بحزن
وانت كمان وحشتني بس زعلانه منك وكلنا يا يوسف زعلانين منك، بص عشان خاطري لو بابا زعقلك او اتخانق معاك اسكت واعتذرله وهو هيساامحك والنبي يا يوسف عايزين بقي نتصالح كلنا ونرجع زي الاول كفايه مشاااكل
يوسف
ما تعرفيش اصلا هو جايبني ليه؟
يارا
مش عارفه بس يزن نزل وقااعد جوه عشان لو بابا اتخااانق معاك يداافع عنك وكده، مع انه تعباان اووي علي فكره
يوسف
خلاص يا بت انتي بقيتي رغايه كده ليه، تعالي ندخل وربنا يستر..
_واول ما دخلو كان يزن قااعد ودرااعه ملفوف الشاش الطبي وتيا قااعده جنبيه وحاضنها بايده التانيه وجنبيه ريناد اللي كانت بتقلب في موبيلها واول ما يوسف دخل قال بحمااس..
يوسف
اخويا الشق الامان..
يزن
اهلا بقليل الاصل اللي ما جاش حتي يقولي ازيك وانا في المستشفي..
يوسف
والله كنت هجيلك بس كنت خايف من ابوك..
وبص لتيا وقال
يا توتي عامله ايه..
تيا
كويسه..
يوسف
الله دي بتتكلم
ريناد
ليه قالولك عليها خارسه
كتمت يارا ضحكتها ويوسف بص لريناد بغيظ وقال
مقبوله منك يا مرات اخويا
يزن
يوسف بابا وماما جوه في المكتب مستنينك، خليك عاقل بقي وانت بتتكلم معاهم واسمع كلامهم هما اكتر نااس في الدنيا يهمهم مصلحتك
يارا
قولتله كده واحنا بره والله..
ريناد
وخصوصا عمي لازم تسمع كلامه عشان ما يتعصبش والموضوع يكبر بينكم اكتر..
_قبل ما يرد عليهم يوسف خرج يونس من اوضة مكتبه، فبص يوسف للارض وقبل احتراما ليه، هو خوف منه لان مهما حصل من يونس الصاوي فمازالت ليه هيبه وشخصيه بيفرضها علي اي حد
يزن بقلق
اهو يوسف جه يا بابا وهيسمع كلامك في كل اللي تطلبه منه..
يونس
انت ايه اللي نزلك من شقتك اطلع فووق عشان ترتاح، وانتي يا يارا اطلعي اوضتك واقعظي ذااكري ومالكيش دعوه بأي حاجه
وبص ليوسف وقال بحده
انت يالا تعالي ورايا لوحدك ..
_سمعو كلامه وطلعت يارا اوضتها ويزن وريناد طلعو شقتهم،وفي الوقت ده في المكتب بتاع يونس اول ما دخل يووسف قاامت شهد وقالت..
شهد
ابنك عندك اهو اعمل اللي انت عايزه يا يونس انا مش هتدخله في حاجه من النهارده..
يونس
استني يا شهد، في كل العك اللي بيحصل ده يوسف ما يخصش حد غير انا وانتي وما ينفعش حد فينا يسيبه ولا يتخلي عنه..
رجعت شهد قعدت ويونس قال بجمود
انت طلقت مراتك؟
يوسف
ايوه..
شهد
لييه وما تجيش تقولنا ليه؟
يوسف
هي اللي طلبت الطلاق وانا وهي حلينا كل حاجه سوا والموضوع خلص خلاص...
يونس
تمام... امك اتفقت مع مرات عمار المنشااوي وهتساافر معاهم هتكمل درااستك هناك وهتشتغل تحت عين عمار عشان يربيك التربيه اللي ابوووك فشل يربيهالك
يوسف بضيق
انا مش هساافر مع حد، ومش محتاج حد يربيني ويبقي رقيب علي تصرفاتي
شهد
لا هتساافر ورجلك فوووق رقبتك انت لسه ليك عين تتكلم..
يوسف
انا مش عيل صغير عشاان تعملو معايا كده وتجيبوني تذنبوني قدامكم..
يونس
اسمع يالا خلاصة الكلام انت هتساافر معاهم ومش هتصغرني انا وامك بعد ما اتفقنا مع النااس..
يوسف
قولتلكم مش هساافر وهكمل دراستي هنا وهرجع اشتغل تاني وكمان انا صلحت علاقتي برضوي وهكلم الاستااذ حسن وهرووح افهمهم اللي حصل..
يونس بسخريه
تصلح ايه وتهبب ايه حامد ابن عمك خطب رضوي او هيخطبها ورايح هو وابوه وامه يتفقو علي كل حاجه..
يوسف بصدمه
انت بتقول ايه مستحيل طبعا وانت مبسووطين طبعا شمتانين فيا
يونس
هنشمت في ابننا بس البنت معاها حق هتختارك انت ليه، الفرق بينك وبين حامد كبير جدا، فووق بقي لنفسك وخلي الايد اللي تفووق تبقي ايدك انت والا هتبقي ملطشه..
يوسف بحده
علي فكره انت السبب في كل اللي انا فيه ده
يونس بنبره غاضبه
انا السبب في ايه البني ادم بنفسه مش بأهله، انا وامك شوفنا اياام زي الزفت مع اهلنا بس قدرنا ننجح ونبني حيااه كويسه، انا ابويا رماني زمان للشارع اتربيت وسط البلطاجيه والشمامين ما دخلتش مدارس اصلا واتحرمت من كل حاجه، بس لما كبرت وابويا احتاجني كنت تحت رجليه عمري ما عليت صوتي عليه كنت بحترمه وبقدره لاخر يووم في عمره ومات وهو راضي عني، انت بقي انا عملتلك ايه قصرت معاك انت واخواتك في ايه عشان ابقي السبب في انك بني ادم فااشل في كل حاجه في حيااتك وكارهني اووي كده..
سكت يوسف وما عرفش يرد ويونس قاله بجديه
من الاخر كده هتساافر مع عمار المنشااوي، وانت هتساافر لسبب واحد بس انك تثبتلهم ان انا وامك مخلفين راجل رايح يثبت نفسه وينجح معاهم وبس، مش هتقدر تعمل كده يبقي اقعد واترزع هنا وانا عادي اعتبر نفسي مخلف بنتين وولد، فكر ورد علينا عشان النااس ماشيين بكره...
ـ ما ردش عليهم يوسف وساابهم ومشي ويونس قعد علي الكنبه جنب شهد وهو متدايق وباين عليه الحزن وشهد مسكت ايده وقالت..
شهد
هيرجع وهيعملنا اللي احنا عايزينه..
يونس
ان شاء الله يا شهد ان شاء الله
ـــــــــــــــــ #بقلم_الكاتبه_رحاب_القاضي ــــــــــــــــــ
ـ وبعد شويه في المكان اللي متعوده رضوي تقعد فيه، كان واقف يوووسف هناااك وملامحه غاضبه جدا ووقفت رضوي بعربيتها واول ما وقفت قدامه قالتله..
رضوي
نعم عايز ايه؟
يوسف
اللي سمعته بجد هتتجوزي حامد؟..
رضوي
ايوه..
يوسف
وانا... ازاي قااادره تعملي فيا كده؟
رضوي
انا ما عملتش فيك حاجه انت اللي عملت، وانا اهو قررت اكمل حياتي ياريت بقي تفهم انك انتهيت بالنسبالي....
يوسف
ازاي يا رضوي انا بحبك وانتي كنتي بتقوليلي انك انتي كمان بتحبيني، ازاي بقي بكل سهوله كده رميتي كل اللي بينا واختارتي واحد تاني غيري...
رضوي بجمود.
هو انا اللي رميت اياً كان السبب يا يوسف انت اللي سيبتني ودوست علي مشاعري..
يوسف
انا قولتلك ليه عملت كده؟
رضوي بحده
انا مالي ليه انا اللي اتحمل نتيجة غلطك، بس هو خلاص احنا كل اللي بينا انتهي انا قدرت اتقبل الفكره دي ووالله نسيتك ولو ايه حصل انا عمري ما هرجع اثق فيك ولا افكر بس ارجعلك تاني..
يوسف بدموع
بس مش حاامد يا رضوي ارجوكي..
رضوي
انت مالك ولو سمحت بطل تدخل في حياتي، وحاامد ده احسن منك مليووون مره، علي الاقل وانا معاه حاااسه بأمان ومتأكده انه عمره ما هيوجعني ولا هيخزلني لان زي ما انا محتجاله هو كمان محتاجلي وواثقه فيه جدا انه رااجل وهيكون قد. كل وعوده ليا، واياااك يا يووسف تقرب من حياتي تاني انا نسيتك وبعيش حياتي صح خلاص انسااني انت كمان..
_قالت كلامها وساابته ومشيت وهو فضل واقف مكانه بيبصلها بدموع وحزن ووجع حقيقي باين عليه، وكل ذكرياته معاها بتتعاد قدااامه ومش قااادر يستوعب فكرة انها خلاص مش هتبقي ليه وانه بالفعل خسرها..
"ليس ما يختاره القلب يكون دائماً صحيح" 💔
_وبعد شويه وصلت رضوي قدااام بيتها وقبل ما تنزل مسحت دموعها وحطت ايدها علي قلبها واتنهدت بحزن، وفي الوقت ده قعد جنبيها عز وبصلها بهدوء وقال..
عز
حصل ايه انا ما قولتش لحد انك رايحه تقابليه زي ما اتفقنا..
ردت عليه ببكاء
خلاص حكايته انتهت..
عز
يا بنتي انتي مش قولتي انك مش عايزااه ومش بتحبيه وكرهتيه بتعيطي ليه دلوقتي؟
رضوي
انا كنت بقنع نفسي بالكلام ده، عشان الكلام ده هو اللي صح انا لازم ابطل اختار بعواطفي العقل بيقول ان حامد هو الصح هو اللي يستاهل اني اديه فرصه واكمل معاه مش يوسف، بس المشكله ان في بينا حاجات كتير ما كنتش اتمني حكايتي انا ويوسف تنتهي بالشكل ده، انا حبيته بجد يمكن هو الوحيد اللي حبيته بجد وعشت معاه حاجات انا عمري ما هعيشها تاني، بس عادي الاياام بتنسي وهنسااه وغصب عني هنسااه ومش هفتكره تاني وهتبقي كل مشاعري لحامد وبس..
عز
يا بنتي هو ده بأيدنا؟
رضوي
ابقي غبيه لو ما قدرتش اعمل كده، عادي حكايه وانتهت عااادي خلاص..
اخدها عز في حضنه وطبطب عليها بهدوء وقال
طيب اهدي يا حبيبتي انتي شاطره وقويه وهتقدري تعدي كل اللي بيحصل ده، وهتتجوزي وهتعملي احلي عيله في الدنيا اللي خلاني انا تبقالي عيله وبيت وابن زي زين انتي مش هتبقالك عيله..
ضحكت رضوي بهدوء وبعدت عنه شويه وقالت
شكرا اووي يا زيزو انك فهمتني ووقفت جنبي في الوقت ده
عز
شكرا ايه يا بت العبيطه انتي، ده انتي بنتي وده حقك
ومسحلها دموعها وقال
يلا بس بينا عشان نلحق عيد ميلاد اخوكي جبتيله هديه ولا لا؟
رضوي
وانا اقدر ما اجيبش لسي طاارق جيبتله طبعا..
عز
طيب يلا بينا..
_واخدها حامد وطلعو فووق وكانت عيلة الاستاذ حسن كلها متجمعه ومعاهم فيروز وزين واول ما دخلت رضوي هي وعز طارق قال بحماااس..
طارق
اهم وصلو يلا بقي فين التورتا..
ليلي
اصبر يا طفس يا ابن الطفسه هجيبها وجااايه..
عز
انت بقيت كان سنه يالا دلوقتي؟
طارق
قفلت ال29 وهبدأ في التلاتين خلاص..
رضوي
هي ريناد ما جاتش؟
روان
لا قالت ان جوزها تعبان شويه وبعتتله الهديه بتاعتها جيباله ساعه اغلي منه
طارق
اغلي من مين يا عرة العرر انتي..
حسن
كلم اختك كويس اهو انت اللي عره انت وابوووك..
طارق
علي فكره انا ابنك. برضو وهي غلطت الاول..
عز
ياد انت خلاص هتدخل في التلاتين اكبر شويه..
طارق
بقولك ايه يا زيزو ما تلفش وتدور فين هديتي؟
عز
مرات عمك جابتلك
طارق
كتر الف خيرك يا طنط، بس انت يا عمي هديتك فين؟
عز
ما هو زين جابلك برضو..
ضحكو كلهم وطارق قال
انا مالي انا عايز هديه من عمي هو انا عندي 100 عم ده انت بس.
عز
واخدين مني فلوس وحايبنلك اسكت بقي..
بص طارق لحسن اللي قال
بتبصلي ليه امك وروفان وروز وهنا واخدين مني فلوس وجايبنلك..
بص طارق بصدمه لهنا وقال
انتي يا بت مش قولتي البورتريه اللي عملاه محوشه تمنه من مصورفك..
هنا
هو مصروفي هيكفي ايه ولا ايه
طارق
يلا كدااابه..
زين
يا عم احمد. ربنا انها جابتلك اصلا؟
طارق
طيب وانت بقي جيبتلي ايه..
زين
انا عارف انك عريس وبتجهز في نفسك وشقتك فانا محوشلك تمن الهديه عشان لما تتزنق في فلوس اسلفك..
ضحك عز وقال
جدع يا واد يا زين ابن ابوووك...
طارق
طيب حوش بقي عشان قدامي 5 سنين لحد ما اتجوز هاخدهم منك بفوايدهم...
جات ليلي من المطبخ ومعاها التورتا وقالت
رضوي قوومي هاتي الجاتو من جوه...
فيروز
خليكي يا رضوي انا هجيبهم..
ليلي
التورتا دي جيباها مرات عمك. يا طارق ما فيش دلع بعد كده اهو..
طارق
شكرا يا طنط فيكي الخير عن جوزك وابنك...
_ضحكو كلهم واحتفلو بعيد ميلاد. طاارق في جو عائلي كله سعاده وأمان وونس.
ـــــــــــــــــ #بقلم_الكاتبه_رحاب_القاضي ــــــــــــــــــ
_في بيت يونس الصاوي كان الوقت قبل الفجر بلحظاات، ويوونس كان قااعد في البلكونه بتاعت اوضته وعينه علي مدخل البيت في انتظار عودة يووسف وانه يطمن عليه، وصحيت شهد علي صوت المنبه عشان تقووم تصلي واول ما شااافت يوونس لسه قااعد في البلكونه قاامت وقربت منه وقالت بقلق..
شهد
انت لسه قاااعد هنا يا يونس انت ما نمتش؟
يونس بصلها بنظره كلها حزن وقال
ما رجعش لحد دلوقتي، مش ناوي يتغير ويبقي بني ادم
شهد بدموع
ربنا يهديه علي نفسه وعلينا، انا رايحه اتوضي واصلي وانت كمان انزل صلي وادعي ربنا يرجعلنا يوسف ويهديه..
يونس بضيق
ماليش مزااج رووحي انتي صلي
شهد قعدت جنبيه وقالت
هي الصلاه بالمزااج يا يونس، يزن عشان كان متعلق بيا من وهو صغير بقي منتظم في الصلاه زيي، اللي كان بيقلدك ديما يووسف حاولت اخليه يتغير كتير بس فشلت...
يونس
يعني انا السبب في اللي حصل ليوسف ده
شهد بضيق
انا ما قولتش ان انت السبب، بعيد عن يوسف رقي كده بسبب مين انا بقولك قووم صلي وادعيله لان احنا عملنا اللي علينا وزياااده معاه وما فيش حاجه اتغيرت بس ربنا قاادر يغير كل حاجه..
اقتنع بكلامها وقال
حاضر يا شهد هرووح اصلي..
ابتسمت شهد بهدوء وقالت
كل حاجه هتبقي تمام ويوسف طيب والله بس هما لازم يتعبونا معاهم كده شويه..
قرب منها يونس وباس راسها وقال
كل حاجه هتبقي تمام عشان انتي موجوده معايا، ربنا ما يحرمني منك يا شهد..
_في الوقت ده شاافوو يوووسف داخل بعربيته البيت فاتنهد يونس بأرتيااح وقال..
يونس
انا هنزل ارووح اصلي في المسجد، وهشووف البيه قرر يعمل ايه..
شهد بقلق
ماشي بس من غير مشاااكل عشان خاطري..
_ما ردش عليها يووونس وخرج من الاوضه بتاعته وهو ونازل لقي يووسف طالع علي السلم وقاله..
يوسف
كويس ان حضرتك صاحي
يونس
كنت فين عملت مصيبة ايه المره دي؟
يوسف بدموع
لا المره دي ما عملتش حاجه كنت بس قااعد مع نفسي وبفكر في كلام حضرتك ونظرتكم ليا
يونس
وقررت ايه بقي هتساافر ولا هتقعد هنا..
يوسف
هسافر.. ومش هخزل حد تاني فيا ومش هخليك تدخل في مشااكل تاني بسببي انت او يزن وماما يارا هعمل كل اللي انتو عايزينه المره دي..
يونس
احنا عايزين مصلحتك وانا عايزك تبقي راااجل وقد المسؤليه، عايز زي ما بحكي علي اخواتك وانا فهور بيهم ابقي فخور بيك انت كمان وتبقي انت واخواتك سند لبعض مش تبقي سبب في اذية حد. فيهم
يوسف
اوعدك والله ان كل حاجه هتتغير، هكمل دراستي وهشتغل وكل حاجه هتتغير
يونس
تمام مستني اشووف النتيجه انت هتساافر مع عمار المنشاوي هو راافض تماما اني اساعدك بأي فلوس غير مصاريف جامعتك والباقي قال انت اللي هتصرف علي نفسك فيه
يوسف
لا لا بقي ما تهزروش اصرف علي نفسي ازاي وانا لسه بدرس..
يونس
من اولها هتخيب؟
يوسف بقلق
خلاص مااشي هو انا هساافر امتي اصلا؟
يونس
بكره او بعد بكره بالكتير..
يوسف
ربنا يستر هو حضرتك رايح فين؟
يونس
رايح اصلي الفجر
يوسف بعدم تصديق
احلف ده انا عمري ما شوفتك ركعتها..
بصله يونس بحده ويوسف كتم ضحكته وقال
بهزر والله مش قصدي
يونس
طيب ما تخليك جدع وتعالي صلي معايا واهي تبقي بدايه جديده ليك وليا..
يوسف
لا واحده واحده عليا وان شاء الله هتلاقيني بصلي من نفسي
يونس
ماااشي.. وابقي راضي امك واخواتك ما تخليش حد يزعل منك وانت مسااافر...
يوسف
حاضر يا بابا تصبح علي خير..
_ وطلع اوضته ورااح قعد علي السرير وافتكر كلام رضوي ليه واتنهد بحزن وقال لنفسه بجديه..
يوسف
خلصت فعلا يا رضوي من النهارده انتي بره حياتي ومش هفكر غير في نفسي وبس وهثبتلك انتي والكل اني احسن واحد...
ـــــــــــــــــ#بقلم_الكاتبه_رحاب_القاضي ــــــــــــــــــ
_وعدي اسبوع في التاني واتخطبت رضوي لحااامد وساافر يوووسف عشان يبدأ حيااته الجديده..
_وفي الصعيد كان واقف كمال قدام المرايا بيظبط في هدوومه قبل ما يخرج ودخلت أسرار عنده وقالتله بضيق..
اسرار
ما هو انت لازم تشوفلك حل
كمال
في ايه علي الصبح مالك؟
اسرار
امتحاناتي خلاص اول الشهر وانا مش عارفه اعمل ايه
كمال
اجليها يا أسرار السنه دي كلها انتي اهو شايفه الظرووف اللي انا فيها
اسرار بحزن
والله... امم ما هو انت اصلا خليتني ادخل الجامعه عشان تضحك عليا وتخليني اقول ده ما فيش منه ده بيحبني ماشي يا كمال انا مش هكمل تعليم اصلا..
كمال بغيظ
اسرار انا موتي سمي الست النكديه، وبعدين اوديكي ازاي تمتحني واسيب امي لوحدها واخويا المحبوس اللي مش عارف هيطلع امتي..
اسرار بتوتر
ما هو في حل بس انت توافق
كمال
حل ايه؟
اسرار
بص هو مش انا لوحدي يعني اللي لازم اسافر عشان امتحاناتي رضوي بنتك كمان في مدرسه وعندها امتحانات كمان لازم تروح المدرسه عشان تعوض اللي فاتها الفتره دي
كمال
اخلصي يا أسرار عايزه ايه؟
قربت منه أسرار وحاوطت رقبته بايديها الاتنين وقالت بابتسااامه هاديه..
اسرار
اسافر واقعد عند خالك عزالدين انا رضوي لحد ما نخلص امتحانات ودي كانت فكرة خالك اصلا وهو اللي قال لامك كده..
كمال بعد عنها وقال
لا يا اسرار لما ابقي اخلص مشاكلي هنا اخدك. انتي ورضوي ونساافر ونرحع لحياتنا..
اسرار بحزن
طيب نتنااقش عشان خاطري.
بصلها كمال بحده وقال
اسرار خلاص.. الفطار جاهز ولا لا؟..
اتملت عيونها دموع وقالت
جاهز..
كمال
مش هتفطري معايا ولا ايه؟
اسرار
ماليش نفس
كمال
بصي يا أسرار انا لو ايه حصل مش هسيبك تسافري لوحدك انتي او بنتي، هحاول اتصرف واشووف طريقة تمتحني بيها هنا لو ينفع غير كده مش هقدر اعملك حاجه
اسرار بضيق
لا كتر خيرك والله..
_اتنهد بضيق وسااابها ونزل وكانت علياء قااعده بتفطر هي ورضوي بنته فقعد معاهم وقاال.
كمال
صبااح الخير
عليااء
صباااح النور..
رضوي
صباح النور يا بابا، هساافر انا وأسرار امتي؟
كمال
ما فيش سفر دلوقتي يا حبيبتي بعدين...
علياء
ما يروحو يقعدو عند خالك يا كمال..
كمال بضيق
لا يا امي معلش ما احبش انا مراتي وبنتي يقعدو عند حد..
علياء
اخص عليك وخالك حد
كمال
خالي لو قاااعد لوحده تمام هو ومراته تمام لكن ابنه اللي قااعد معاه ده ترووح اسرار هناك. تعمل ايه
علياء
يا واد ده زين يتأمن علي الدهب انت ايه اللي بتقوله ده
كمال
زين والعيله كلها علي عيني وعلي راسي، انا بقي دماغي كده مش هعرف امشي كلامي علي مراتي يعني
علياء
مشيه انت حر انا مالي مش هي بتسمعلك
بصتله رضوي بحزن وقااامت من علي الاكل وكمال قال
اهو نفس البووذ ده فوووق والله لو أسرار امها مش هيبقو نفس التصرفااات كده
عليااء ابتسمت بهدوء وقالت
بتغير عليها اوووي كده؟
كمال
طبعا مش مراتي وبعدين برضو اسرار صغيره ودماغها زي رضوي كده واصغر وانا بخااف عليها تبقي لوحدها هناك ما حدش هيااخد باله منها زي لما انا ابقي معاها..
طبطبت علياااء علي كتفه وقالت
ربنا يسعدك. يا حبيبي واللي انت شاايفه صح اعمله وانا هتكلم مع اسرار وافهمها قصدك، المهم رايح لاخوك دلوقتي
كمال
ايوه المحامي سبقني علي هناك وانا رااايح وراهم، خلف اتحول لمستشفي امراض نفسيه بيقولو حالته بقيت صعبه خالص..
علياء
اللهم لا شمااته بس اللي عمله فينا وفي النااس الغلابه مش قليل وربنا ما بيسبش حق مظلوووم..
_وبعد شويه في قسم الشرطه كان كمال قااعد مع عبدالله والمحامي اللي قالهم..
ـ يعني ممكن يبقي فيها شهر تلات شهور كمان..
عبدالله
كتير ما انا ما حدش شهد ضدي يعني ما فيش تهمه ثاابته اقعد ليه كل ده؟
المحامي
حتي لو ما فيش تهمه ثاابته الشكوك كلها عليك مرات خلف متهماااك انت، وبرضو هنحاول نخرجك بدري عن كده بس الموضوع مش سااااهل .
كمال
لا سااهل يا متر وده شغلك بقاله اكتر من شهر اهو جوه ايه مش قد القضيه قوول..
المحامي
ممكن يطلع بكفاله بس هتكون كبيره شويه.
كمال
مش مهم يخرح والباقي ساااهل..
ـــــــــــــــــ#بقلم_الكاتبه_رحاب_القاضي ــــــــــــــــــ
_وفي بيت الاستاااذ حسن كانت قاااعده هنا هي وروان وريناد ورضوي كانت واقفه قدامهم وقالت..
رضوي
جاهزين للمفاجأه..
روان
مفاجأة ايه ما تقوليش انك تاويه تبوظي الجوازه المره دي كمان..
رضوي
امشي اطلعي بره يا بووومه..
ريناد
بعد الشر طبعا احنا ما صدقنا
رضوي
اكيد. طبعا الجوازه مش هتبووظ. ان شاء الله..
هنا
اومال في ايه؟
رضوي
احممم انا قررت اني هتحجب..
سكتو هما التلاته وهنا قالت
والله احلي قرار اخدتيه في حيااتك
ريناد
ايه السبب معلش انتي طول عمرك رافضه تتحجبي
رضوي
صح انا كنت كده بس فكرو كده بالعقل، انا كنت بقول لا مش هتحجب بس من جوايا كنت عارفه ومتأكده ان اللي بعمله ده غلط وان انا كبنت مسلمه المفروض ابقي محجبه ومش اداري شعري بس لا وكمان كل حاجه فيا تداري
هنا
صح المرأه فتنه وربنا امرنا بالستر ومش الحجااب بس انا كمان هلبس النقااب ونفسي البسه دلوقتي كمان بس ماما ليلي رفضت قالتلي بعد ما تتجوزي مش فاهمه ليه..
روان
يا سلام انتي كمان وطارق موافق انك تلبسي النقاب ده؟
هنا
هوو اصلا لو عليه يخليني البسه من دلوقتي عشان بيغير عليا، وبيقولي ديما انه متدايق من لبسكم وانكم مش محجبين زي ماما بس انتو مش بتسمعو كلامه وكمان بابا حسن سايبكم براحتكم..
روان
ده عشاان بس بابا بيفهم مش متخلف زيه
ريناد
وانتي يا رضوي ايه بقي اللي هيخليكي تتحجبي؟
قعدت رضوي قدامهم وقالت
حمايا العزيز عمو محمد..
روان
اجبرك تلبسيه مش كده انا مش حباااه الرااجل ده
هنا
حرام عليكي والله راجل سكره ومحترم جدا..
رضوي
روان ما تتكلميش علي حمايا كده لو سمحتي وهو ما اجبرنيش علي حاجه، بالعكس هو وطنط هاجر بيتعاملو معايا كويس جدا وهو قعد معايا وكلمني علي اساس اني بنته، عارفين قالي ايه قالي انا خاايف عليكي وعايزك تبقي احسن واحده ومش هتبقي احسن واحده بين الناااس غير لما ابقي مقتنعه ان رضا ربنا اهم من رضا الناس وقتها النااس غصب عنهم هيحترموني وهيشفوني احسن واحده، وقالي كلام كتير حلو وجميل حببني في الحجااب اقنعني بيه وبعد ما خلص كلامه قالي انه مش بيجبرني عليه هو بس بيقوم بواحبه معايا وبينصحني لاني دلوقتي بقيت مهمه عنده ومسؤله منه..
هنا
بيقول كده ديما في البرنامج بتاعه انا بتابعه من زمان وحرفيا كلامه عن البنات والحجاب والاحتشااام حلو اوووي..
ريناد
تصدقو انا كمان حابه البسه بصراحه ومن زمان والله قبل ما تتكلمي انتي يا رضوي، انا ويزن اتكلمنا كتير في الموضوع ده، بس يزن زي بابا كده مش راضي يجبرني علي حاجه..
رضوي
يلا يا ريناد ناخد الخطوه دي مع بعض بجد والله هيبقي احسن قرار اخدناااه في حياتنا..
هنا
روان مش ناويه انتي كمان
روان بتوتر
لا مش حبااه بصراااحه، وبعدين انا اخااف يجي عبدالله في يوووم ويخليني البسه غصب عني
هنا
يبقي خير ما عمل
روان
ما لكيش دعوه يا هنا ولو فتحتي السيره دي قدامهم اني اتحجب هنفخك
هنا
الله هو انا اتكلمت انتي حره
ريناد
براحتك يا روان بس انا هاخك الخطوه دي مع رضوي
رضوي
هلبس يا ريناد وننزل سوا نشووف بقي هنجيب ايه، وانتي يا هنا تعالي معانا عشان تقوليلنا نجيب ايه وكده
هنا
قولو لطارق هو قايلي ما اخرجش من غير اذنه
روان
يا محنووو
ريناد
من امتي ده يا ست هنا، وبعدين انا اختكم الكبيره كلمتي تمشي عليكم
هنا
والله مش بهزر قولولو هو الاول..
رضوي
خللاص انا هقوله ومدام نازله معانا مش هيقول لا يعني، وانا كمان هكلم حاامد اقوله اني نازله
روان
وانتي يا ريناد مش هتقولي لجوزك انك نازله؟
ريناد
ما هما لسه ما اتجوزوش لما يتجوزو زينا مش هيبقي ده حالهم..
روان بسخريه
اتكلمي عن نفسك انا لولا ان جوزي محبوس ربنا يفك سجنه مش بقدر اتنفس غير باذنه مش حب فيه خووف منه ده راجل مفتري..
_ضحكو كلهم ونزلو مع بعض وكانت بدايه جديده لرضوي اللي قرىت انها تبدأ تعيش صح واتأكدت ان حامد هو الاختيار الصح ليها هو واهله..
ـــــــــــــــــ#بقلم_الكاتبه_رحاب_القاضي ــــــــــــــــــ
_ وبعد كام يوم في بيت عمار المنشااااوي في باريس، دخل يووسف الصاوي بعربيته هناااك ونزل منها ولسه هيدخل البيت لقي بنت حلوه حدا خارجه من البيت، فيها شبه كبير من جميله بس ملامحها طفوليه الي حدٍ ما وملفته جدا ببالجيبه القصيره اللي فوق الركبه اللي كانت لابساها وفوقيها بلوزه قصيره جداً وشعرها طويا جدا ومفرووود لاخر ضهرها بشكل جذااب، ابتسم يووسف بهدووء واتعمد يخبط فيها وهي مااشيه لدرجة ان النضاره الشمسيه بتاعتها وقعت علي الارض..
يوسف
سوري مش قصدي..
وميل علي الارض ومسك النضاره بتاعتها وقال
معلش اصلي مستعجل
ما اخدتش منه النضاره وقالت
انت ابن طنط شهد
يوسف مد ليها ايده وقال
يوسف الصاوي، انتي سيلا المنشاوي صح؟
اتجاهلت سؤاله وبصتله من فوق لتحت وقالت
هاااي يوسف
جات تنشي فهو قال بجديه
استني خدي نضارتك
سيلا بلا مبالاه
وقعت علي الارض اكيد مش هلبسها تاني بعد ما وقعت علي الارض
_قالت كلامها وراااحت لعربيتها وقبل ما تركب جري الحاارس بسرعه وفتحلها الباب وهي ركبت بكل شموخ وكبريااااء، ابتسم يوووسف وهو متاابعها بنظراااته وقال..
يوسف
اموت انا في البنت الكاريزما، اهلا بيكي في حياة يوسف الصاوي يا سيلا...
قالت جميله اللي كانت واقفه وراااه في الوقت ده
ده عند امك يا ابن شهد عارف امك.
بصلها يوووسف وابتسم وقال
جوجو عامله ايه وحشااني..
سلمت عليه جميله وقالت
وانت كمان يا عم اللمض مش كنت جيت معانا بدل ما انت جاي متأخر كده، وايه العربيه دي والجو ده هو انت جاااي فسحه.
يوسف
اومال اجيلكم بأي توكتوك، المهم القمر اللي خرجت من شويه دي بنتك
جميله
ايوه بنتي بس اياااك تقربلها مش خووف منك لا ده خووف عليك
يوسف بسخريه
ليه ان شاء الله هي بتعض؟
جميله
لا يا ظريف بس دي مش زي اي بنت، ومش بقول كده عشان بنتي، لا دي ميكس ما بين باباها وعمها واخوها
مروان
مش فاااهم
جميله
عارف عمار المنشاوي وزكريا اخووه ومروان المنشاو اخو سيلا، اهي سيلا ميكس من التلاته انا اللي امها ما بقدرش عليها...
ابتسم يوسف وقال
الاياام بينا والنبي لو بنت مين ودخلت مزاجي هوصلها
جميله بنبره واثقه
انا واثقه في بنتي انك مش هتأثر فيها ولا هتهز فيها شعره واحده، تعالي بقي عشان تشوووف عمار المنشاااوي ناويلك علي ايه وتسمع كلامه وتقول حاضر ونعم وبس..
اتنهد يوسف بضيق وقال
حاضر يا طنط جميله اتفضلي..
_ودخلت جميله ومعاها يوسف اللي بدأ فعلا حياااته الجديده بكل جديه والتزااام...
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي الصعيد كانت أسرار واقفه جنب لميااء في البلكونة بتاعت البيت وبيبصو علي اهل البلد اللي متجمعين حول البيت وهما بيغنو وبيحتفلو بخرووج عبدالله من السجن..
علياء
انا الفرحه مش سيعااني النهارده، كلمي كمال يا اسرار شوفيهم اتأخرو ليه؟
اسرار
كلمته يا مرت عمي وقالو داخلين علي البلد، اهم وصلو..
_ووقفت عربية كمال قدام اابيت ونزل عبدالله وبدأو اهل البلد يهنوووه وكان باين جدا حبهم واحترامهم ليه، واول ما دخل البيت نزلت علياء هي واسرار وحضنته علياااء وقالت..
علياء
ربنا لا يعودها اياام يا قلب امك
بعد عنها عبدالله وباي راسها وقال
قولتلك ما تخافيش عليا هعرف اخد حقي وحق عمر كويس..
_وسااب امه ووقف قدام اسرار وبكل حنيه اخدها في حضنه وقال بتنهيده طويله..
عبدالله
دلوقتي اقدر اقولك اني مش خايف ابص في عينيكي ولا اتكلم معاكي، عرفت اخد تار اخونا يا أسرار..
_اتملت عيونها دموع علي ذكرى اخوها وطبطبت علي كتفه وقالت..
اسرار
الحمد لله انك بخير، لو لقدر الله كانت جرتلك حاجه ما كنتش هتحمل وقتها خسارة اخويا التاني.
كمال بضيق
علي فكره انا واقف فلم نفسك..
بعد عنها عبدالله وهو لسه محاوطها بأيده وقال
والله هتغير مني انا عليها، طيب اولع بقي دي اختي يا غبي..
كمال بغيظ
شايفه ابنك يا امي، وانتي تعالي هنا وما تخلهوش يحضنك تاني..
قال كلامه وهو بياخد اسرار من جنب عبدالله وقال
ما حدش يحضنك غيري اصلا..
ابتسمت أسرار بخجل وعلياء قالت
يا واد لم نفسك..
عبدالله
اومال فين روان؟
كمال
طفشت من لما اتقبض عليك وراحت بيت اهلها وخرباها بقي ما ان غااب القط بيلعب الفار
اتعصب عبدالله وعلياااء قالت
والله ما حصل الله يساامحك يا كمال
عبدالله بضيق
اومال هي فين لو كلام كمال مش صح؟
علياء
هي زعلت عشان اللي انت عملته وسافرت مع خالك ورحمة ابوووك لا بتخرج ولا بتتحرك من البيت غير لما تكلمني تاخد اذني، مراتك اتغيرت واللي حصل زمان مش هيتكرر، وبعدين كانت هتيجي بس فرح رضوي اختها خلاص قريب واحنا كلنا هنروووح نحضر الفرح
عبدالله
اللي فيه الخير يقدمه ربنا ان شاء الله، انا هرتاح شويه وهساافر قدامكم
كمال
مستعجل علي ايه ما نساافر سوا
عبدالله
انت مالك وما حدش يقول لروان اني مساافر تمام يا امي..
علياء
هاا والنبي يا ابني ما هقول..
ـــــــــــــــــ#بقلم_الكاتبه_رحاب_القاضي ــــــــــــــــــ
_وتاني يووم في بيت الاستاذ حسن كانت رضوي واقفه في المطبخ وبتكلم حامد في الفون وبتقوله..
رضوي
اونكل عُدي التصميم بتاعه تحفه انا متأكده اني هبقي احلي عرووسه بالفستان اللي عملو ليا
حامد
انتي طبعا هتبقي احلي عروسه مش بالفستان عشان كده كده احلي بنت في الدنيا
ابتسمت بهدوء وقالت
امم البسبوسه طلعت حلوه اووي ما تيجي تدوووق..
حامد
لا انا مش فااضي بخلص بقي حاجات كتير معايا عشاان افضي بقي للفرح وشهر العسل وكده، هيبقي شهر كامل علي فكره 30 يووم مش هنشووف ولا حد يشوفنا
رضوي
يعني مش هتزهق مني ؟
حامد
هو في حد يزهق برضو من حد بيحبه..
رضوي
علي رئيك بس حاول تفضي شويه صغيرين وتعالي اقعد معانا شويه
حامد
هحاول عشاان خااطرك وعشاان وحشااني اووي، بس هو انا عندي سؤال انا لو جيت دلوقتي هتقابليني بالحجاااب ولا بشعرك
رضوي
بالحجاااب طبعا انت لسه ما بقتش جوزي، ده انا حتي زين ابن عمي بقيت بقابله بالحجااب
ابتسم حامد وقال
شكلك زي القمر فيه وبعد كده هعملك تصميمات خااصه ليكي تليق علي الحجااب هخليكي اشيك واحده كمان..
رضوي
طبعا مش مرات حامد الصاوي لازم ابقي كده
حامد
حلوه مرات حامد الصاوي دي، قرب البعيد بقي يا رب..
ضحكت رضوي بهدووء وبعدين الباب خبط فقالت
ثانيه واحدخ يا حامد هشووف مين بيخبط واجي اكلمك تاني
حامد
اوكي مستنيكي.
_قفلت معاه ولبست حجاابها وراحت فتحت الباب وابتسمت بأتسااع اول ما شاافت عبدالله وقالت..
رضوي
عبدالله.. حمدلله علي سلامتك انت خرحت امتي اتفضل..
دخل عبدالله وقال
الله يسلمك وخرجت امبارح، والف مبرووك ربنا يتمملك بخير
رضوي
الله يبارك فيك اقعد هصحيلك طارق، بابا في الشغل وماما نزلت هي وطنط فيرووز
عبدالله
لا سيبي طارق نايم روان فين؟
رضوي
نايمه هي كمان ثواني هصحيهالك.، وروفاان عندها درس لو كانت هنا كانت هتطير من الفرحه لو شافتك
عبدالله بهدوء
انا هستناها لحد ما تيجي..
_ودخلت رضوي عند روان اللي كانت نايمه وهي حااطه السماعات في ودنها وبتسمع اغاااني، فشالتهم رضوي وقالت
رضووي
والله انا كنت حاسه انك عامله نفسك نايمه عشاان تخليني اعمل شغل البيت كله لوحدي
روان
عايزه ايه يا مزعجه
رضزي بخبث
في حد بره عايزك
روان
حد مين؟
رضوي
واحده بتقول انها صاحبتك من الجامعه
روان
اووف قوليلها مش موجوده اننا مش عايزه اقابل حد
رضوي
انا مااالي اطلعي قولي بنفسك..
_قامت روان وهي مدايقه واول ما خرحت وشااافت عبدالله، ابتسمت باشتيااق وهو كمان وقالها..
عبدالله
وحشتيني اووي
قربت منه بسرعه وحضنته وقالت بدموع
وانت كمان مع اني زعلانه اوووووي منك ..
عبدالله
خلاص بقي انسي اي حاجه، مش هبعد عنك تاني..
بعدت عنه شويه وقالت
انت خرجت امتي وازاي ما حدش يقولي؟
عبدالله
خرجت امبارح وقولتلهم ما حدش يقولك حاااجه، يلا ابقي اجهزي خلينا نرووح نقعد في شقتنا
روان
فرح رضوي كمان يومين مش عايزه امشي..
عبدالله
هي البعيده ما عندهاااش دم، ده احنا بقالنا يجي شهرين ما شوفنااااش بعض..
روان
خلاص من غير غلط هرووح اجيب حاجتي واجي معاك..
عبدالله
هي ليه رضوي هتتجوز بسرعه كده، اتخطبت امتي اصلا؟
روان
النصيب بقي استني خمس دقايق وجيالك وهحكيلك كل حاجه..
_وبعد شويه مشي فعلا عبدالله هوو وروان ورجع حسن من شغله وكانت رضوي قااعده فدقدام التلفزيون وفي ايدها ورقه وقلم وسرحانه جدا حتي انها ما اخدتش بالها من حسن اللي دخل لحد ما قال..
حسن
رضوي بتعملي ايه؟
رضوي
ابدا يا بابا بشووف بس نااقصني ايه اعمله، احسن حاااسه دماغي مكركبه خالص اليومين دول
ابتسم حسن بهدووء وقعد جنبيها وقال
فاضلك يومين وهتسبينا وتمشي
رضوي
ما تفكرنيش بقي يا بابا انا متعمده ما اخرجش من البيت اليومين دول لاني اكتشفت اني بحب كل حاجه فيه ومش عارفه ازاي هعيش في بيت تاني اصلا
حسن
اكتشفتي دلوقتي بس انك بتحبي البيت ده..
ضحكت رضوي بهدوء وحسن قال
دي سنة الحيااه يا حبيبتي، والحمد. لله ان ربنا رزقك براجل ابن حلال ومحترم ومتربي واهم حاجه انه بيحبك وباين اووي عليه انه بيحبك وشاريكي
ابتسمت رضوي وقالت
حامد طيب وجدع فعلا وحاسه معاه بأمان احساس غريب كده، بس انا متأكده انه احسن اختيار في حياتي ومش هندم عليه ابدا، مطمنه ليه جدا ويمكن هي دي الحاحه اللي مصبراني علي فراقكم واني هسيب البيت وهمشي..
حسن
هتمشي تروحي فين يعني هتروووحي لبيتك التاني، بس برضو ده بيتك الاول في اي وقت تيجي وتقعدي زي ما تحبي، وعلي فكره فراقك برضو مش سااهل عليا انا كمان ده انتي اول فرحتي وبعد منك بدقيقتين كده ريناد
ضحكت رضوي بهدووء وقالت
ربنا يخليك لينا يا بابا وما يحرمناااس منك ابداً، وعقبااال ياااارب ما تفرح بروفان وروز
دخلت هنا في الوقت ده وقالت
وانا يا اختي ولا مش محسوبه خلاص..
حسن
مين اللي قال كده ، سيبك منهم ده انا فرحتي بيكي انتي هتبقي مختلفه عشان هبقي مبسووط انك هتتحوزي وهتفضلي قااعده معايا مش هتسبيني زيهم..
ابتسمت هنا بأنتصار وقالت لرضوي
شوفتي انا الكل في الكل انتو اللي هتبقو ضيوف عندي بعد كده..
_ضحك حسن علي كلامهم وكان بيبصلهم بسعاااده ورااحه..
ــــــــــــــــــــــــــــــــــــــــــــــــــــ
«ومنذ ذلك الوقت ومرت السنوات بهم ولم يكن الفارق في السنين فقط، بل في القلوب التي تغيّرت، والطرق التي افترقت، حتي بعد ان فات علي ابطالنا''خمس سنوات''وحين عاد الزمن ليلتقي بهم من جديد، لم يعودوا كما كانوا، ولا كما تمنّوا.»
_في قاااعة زفاف مزينه كان واقف حسن بيستقبل الضيووف وحنبيه عزالدين وقرب منهم طارق وقال.
طارق
بابا اطلع هات هنا يلا عشان الزفه..
حسن
انت مستعجل علي ايه لسه الضيووف ما جاتش
طارق
ان شاءالله عنهم ما جم، هنفضل مستنينهم يعني
عز
خلاص رووح يا حسن وانا هقف مكانك هنا، وانت اهدي شويه مستعجل علي ايه يا اخويا علي النكد والمسؤليه..
طارق
بلاش انت وبلاش الكلمتين دول انا لسه ببدأ..
حسن
رووح بعيد عن عمك وانت اكبر بقي شويه ده بدل ما تديه نصيحه وهو داخل دنيا جديده
عز
ما انا كنت هنصحه يهرب بس خوفت يعمل بيها ويفضحنا
ضحك طارق وحسن قال بغيظ
ربنا ياخدك انت وهو اوعو من وشي..
مشي حسن وعز قال
انا رجلي وجعتني رايح اقعد
طارق
استني مين هيستقبل النااس..
عز
شوف عبدالله ولا كمال ولا سيف او زين اي حد حلو عن دماااغ امي..
_ورااح عز قعد مع فيروز وشهد ويوونس اللي كان مدااايق وهو بيتكلم مع يوووسف ابنه..
عز
في ايه مالكم
يوسف
احضرنا انت يا زيزو مراتي ما رضيتش تيجي معايا ابويا بقي حالف عليا انكد عليها يرضيك؟
يونس
انا قولتلك تنكد عليها انا بقولك تبقي رااجل، ده انت بتخاااف منها يخربيتك
عز
حقه متجوز بنت عمار المنشاووي ما يخاافش منها ازاي
يونس
يا عز ما بهزرش دي حتي ما خلتهووش جااب معاه العيال يفرحو
شهد
انت مالك مش ابنك مرتاح معاها
يونس
انت مرتاح يا رووح امك معاها
يوسف
لازم ابقي مرتاح ويعدين دي واحده لو شخط بس فيها بلاقي ابوها واخواتها وعمها وامها في وشي انا قد دول انا..
فيروز
ما تزعلش مني يا يوسف انت ما كانش ليك غير الجوازه دي..
يونس
اهو خليته يبعتلها رساله يقولها تيجي عشان انا طلبت منها تيجي، هنشووف بقي هتعملك قيمه قدااام ابوك وهتيجي ولا لا
يووسف
يزن فين انا رااايح اقعد مع يزن
قاام. يووسف وعز قال
ما تبقاااش راجل كبير يا يونس وخرااب بيوت سيب ابنك في حالة، وبعدين انت تحمد ربنا بقي ناجح ورجل اعمال مشهور ومتجوز وحياته مستقره انت كنت فين وبقيت فين
شهد
والله بقوله كده يا عز بس هو لازم يحشر مناخيره في كل حاجه
يونس
دول ولادي وانا بهتم بمصلحتهم..
عز
المهم طيب زين اهو هيتخرج السنه دي ويارا خلصت الجامعه عايزين نفرح بالعيال
يونس
بعدين مش وقته
فيروز
هو ايه اللي مش وقته انت هتخللهم جنبك وكل ما نتكلم معاك في الموضوع ده تقفله وتتهرب مننا
يونس
عز لم مراتك وبعدين الكلام ده كلام رجاله النسوان بتدخل ليه
شهد
ما قالتش حاجه غلط هي
يونس
اخرسي انتي كمان وبعدين مش خلتوهم كتبو الكتااب اصبرو بقي لحد ما احددلكم الفرح
عز
اول ما زين يتخرج الاسبوع اللي بعدها الفرح، ورحمة ابوك ما انت قايل حاجه تاني واللي تطلبه هنعمله اسكت بقي
يونس
هو ابنك خد البت ورااح فين اصلا
عز
اهم واقفين لوحدهم الواد طالع رومانسي لابوه
يونس
اقسم بالله لو كان بس فيه واحد في الميه منك ما كنت هجوزه بنتي لو السما اطبقت علي الارض..
_وعند زين ويارا كانو واقفين مع بعض وهو ماااسك ايدها وقالها..
زين
بس لو احنا فرحنا زي ما مخططين كده هيبقي احلي بكتير من الفرح ده
يارا
اكيد فرحنا هيبقي احلي، بس بابا يوافق
زين
لا ان شاء الله النهارده بابا يقنعه ما اقنعهوش هنتجوز وخلاص ونحطه في الامر الواقع لانه زودها معايا بصرااحه..
يارا
زودها ايه علي فكره عادي، طارق وهنا اهو مخطوبين معانا تقريبا واكبر مننا ولسه بيتجوزو النهارده اهو
زين
انا مالي بيهم انا لو عليا كنت اتجوزك من اول ما قولتلك اني بحبك
يارا بخجل
معلش بقي.
زين
معلش في عينك، قولي وانا كمان بحبك..
يارا بتوتر
بس الناس حوالينا عيب..
زين
كاتب الكتاب انا فبراحتي..
يارا بهدوء
وانا كمان بحبك هرووح اقعد مع البنات بقي..
_وساابته بسرعه ومشيت وهو ابتسم بهدووووء وجات رضوي وقفت جنبيه وقالت..
رضوي
زين ما شوقتش حاامد؟
زين
لا بس كان واقف مع يزن من شويه، في حااجه ولا ايه؟
رضوي
اخد أواب ومش عارفه رااح فين؟
_وقف معاهم يوووسف في الوقت ده ولاول مره من اخر مره اتقاابل فيها مع رضوي يشووفها ويتقاابلو، وكانت نظرااتهم لبعض مختلفه، هو الشووق والحب لسه باينين عليه، علي عكسها هي اللي كانت نظراها ليه عاديه جدا وقال هو بهدوووء
يوسف
عامله ايه يا رضوي؟
رضوي
تمام الحمد لله، حامد هنااك ااهو هروحله بقي يا زين..
_وسابتهم ومشيت ورااحت وقفت مع حامد اللي كان شاايل ابنه اللي عنده 4 سنين علي ايده ورضوي بتتكلم معاه بأبتساامه واسعه ونظره كان. ديما بيتمني يوووسف انها تبقي ليه. وبيتمني ان الحيااه اللي هي عايشاها مع حامد كانت تبقي حيااته هو لكن القدر كان غير راضي عن. احلاامه..
زين
يووسف سيلا مراتك جاات..
اتنفض يوسف بخووف وقال
جات فين؟
كتم زين ضحكته وقال
هنااك اهي دي واقفه من بدري مع ريناد..
راااحلها بسرعه يوسف وقال
انتي جيتي يا حبيبتي..
بصتله سيلا بضيق وريناد قالت
هاتي الولاد هخليهم يلعبو مع العيال في ملاهي هنااك جنب القااعه قدامنا هنا هيلعبو فيها مع بعض
سيلا
اوكي يا ريناد هتعبك يا حبيبتي
ريناد
لا ما فيش تعب ولا حاجه..
مشيت ريناد ويوسف قال
مش قولتي انك مش جايه
سيلا
ما حبتش اصغرك قداام باباك، قولي بقي مين اللي كنت واقف معاها دي وبعد ما مشيت فضلت متنح عليها
يوسف بقلق
مين؟
سيلا
انا اللي بسألك..
يوسف
بتسأليني علي مين هتنح علي مين، هو انا عيني تقدر تروح اصلا علي واحده غيرك
سيلا قربت منه وقالت
بس حلوه رضوي في الحقيقه، ولا هي كانت وحشه واحلوت دلوقتي
يوسف بتوتر
ما كنتش اقصد ابصلها علي فكره انا بس كنت مستغرب ازاي عمرت في جوازتها من ابن عمي النكدي ده بس دي كل الحكايه
سيلا
حسابنا في البيت انا هرووح اقعد. مع طنط
قالت كلامها وساابته ومشيت ويوسف قال بغيظ
كان يووم اسوود يوم ما اتجوزتك يا شيخه..
يزن
انت بتكلم نفسك ولا ايه؟
يوسف بغيظ
يا عمم مش كده دي خنقااني بشكل
يزن
ذنووووب وبتخلص، بس والله بتحبك يا يوسف وبعدين ده انت عملت المستحيل عشان تنجوزها ولا نسيت
يوسف
ما انا كمان بحبها بس هي مفتريه وامها مفتريه وابوها مفتري، انا مش قد العيله دي
يزن
معلش يا حبيبي تعالي اقعد معانا بدل ما انت واقف كده زي الكتكوت المبلول..
_وعلي ترابيزة علياء كانت قااعده جنبيها لميااء اللي مش سايبه حد في الفرح غير وبتتكلم عليه وقعد عبدالله حنب روان وقالها.
عبدالله
سيبتهم اهو وجيت اقعد معاكي
ابتسمت روان ولمياء قالت
ما كفايه دلع فيها يا عبدالله هي كانت اول اللي حملت وهتخلف اومال لو كانت حامل في ولد مش في بنت
عبدالله
الولد زي البنت يا خابتي، وكفاايه انها بنت هتبقي زي روان دي بالدنيا واللي عليها..
علياء
تسلم يا عبدالله ربنا يقومك بالسلامه يا روان
روان
الله يسلمك يا عمتوو..
لمياء
سحرالهم يا روان ده انتي ما كانش حد بيطيقك
كتم عبدالله ضحكته وروان قالت بغيظ
عبدالله قومني من هنا والنبي
لمياء
قولي يا عبدالله اخوك ما جااش ليه فرح ابن خاله هو ومراته وعياله ايه كترنا علي بعض
كمال
ابنه تعبان شويه واخد دور برد وقاعدين جنبه وكلم خالي حسن واعتذرله
علياء
والله قولتلها يا عبدالله بس انت عااارف خالتك بقي
لمياااء
طيب قولي يا عبدالله ما تعرفش خالك عز جااب شبكه بكام لمرات ابنه بنت يونس الصاوي
عبدالله
وانا مالي يا خالتي ما تخلينا في حالنا..
علياء
بقولك ايه يا عبدالله خد مراتك خليها تتمشي شويه خالتك مش هتخلص النهارده
_واخد فعلا عبدالله روان ومشيو وعند ريناد كانت واقفه لوحدها وقرب منها سيف وقال..
سيف
ريناد هي فين تيا، سما مرااتي عايزه تسلم عليها؟
ريناد
في الملاهي اللي جنب القااعه الأطفال كلهم هناك وعشان هي اكبر واحده قااعده معاهم وبتاخد بالها منهم ولما يبدأ الفرح هيجو
سيف
خلاص تمام لما تيجي هبقي اخليها تسلم عليها..
مشي سيف وراحلها يزن وقال
كان عايز ايه؟
ريناد
بيسأل عن تيا قولتله شويه وهجيبها
يزن
ماشي بس ايه القمر ده احلي واحده في الفرح والله
ريناد
طبعا مش مرات يزن الصاوي لازم ابقي احلي واحده، ايوه صح باباك قدام بابا وماما فضل يقولي يا ام البنات وعقبال ما تخاوي بناتك انا مش هسكتله كتير
ضحك يزن وقال
معلش حقك عليا وعقبال نخاوي البنات فعلا يعني ونجيب اخ لتيا وسيلين يلعب معاهم ويخلي باله منهم
ريناد
لما تبقي سلين تكبر شويه حرام عليكم والله..
يزن
هو انا قولتلك تعالي نجيبه دلوقتي ما هو بعدين فعلا..
جه طارق وقف جنبيهم وقال
ريناد الحقي اختك شكلها هتعملها النهارده اقسم بالله اروح فيكم في داهيه..
ريناد
اهدي طيب وقولي في ايه مش فاهمه
طارق
الست روووان قولنالها ما تجيش وجات وكل شويه انا حاسه اني هولد النهارده
ضحكت ريناد هي يزن وقالت
والله بتهزر معاك دي لسه اصلا في التامن
طارق
هزارها رخمم وابوكي كمان اللي طلع فووق بقاله سااعه وما نزلش هنباات هنا النهارده
يزن
مستعجل علي ايه، روحي يا ريناد شوفيهم اتأخرو ليه قوليلهم العريس مستعجل..
_وفي الوقت ده في اوضة هنا في الاوتيل كانت واقفه قدااام المرايا بفستانها الابيض الاكتر من رائع وحجاابها اللي لايق جدا علي الفستان وفي ايدها السلسله بتاعتها اللي فيها صورة باباها ومامتها، ابتسمت بدموع وقالت..
هنا
كان نفسي تبقو معايا النهارده، هو ايوه ماما ليلي وبابا حسن ما قصرووش في حاحه بس وحودكم انتو كان هيفرق معايا اوووي في يووم زي ده..
_ورفعت ايدها بالسلسله ولبستها وفي الوقت ده دخلت عندها ليلي وقالت..
ليلي
عروستنا الحلوه جهزت خلاص..
هنا بقلق
تمام يا ماما جهزت
ليلي
بسم الله ما شاء الله زي القمر يا حبيبي يا بخت ابني بيكي..
ابتسمت هنا بخجل وليلي قالت
قبل ما يجي حسن يااخدك انا عايزه اقولك كلمتين قولتهم لبناتي وهما بيتجوزو ودلوقتي جه دورك انتي كمان اقولهم ليكي، وهقولك كمان اكتر من اللي قولته لبناتي يا هنا..
هنا
خير يا ماما ان شاء الله؟
ليلي
عارفه يا هنا انا لما اتجوزت حسن كنت طايره من الفرحه ان الراااجل اللي بحبه خلاص بقي من نصيبي، وبقيت بعمل كل حاجه في ايدي عشان ارضيه واسعده ما كنتش بستني مقابل منه انا كنت بعمل كده من حبي فيه، وهو ما قصرش معايا كان ديما بيقدرني وبيحافظ. عليا، عملنا عيله حلوه اووي انا وهو، اول ما اتجوزنا قالي انا نفسي افضل ديما جنب اخواتي مش عايز ابعد عنهم، قالي انا من غير اخواتي اتوه يا ليلي اوعي في يوم تكوني سبب في بعدي عنهم، فبقيت انا كمان بعتبر اخواته اخواتي وبرغم ان لمياء كانت قاسيه شويه عليا وعلي بنتي انا عمري ما قولت لحسن ابعد عنها بالعكس كنت بحاول اصلح الامور ديما بينهم عشان عارفه ان حسن بيبقي زعلان وهو بعيد عن اي حد من اخواته، انا بقولك الحاحات دي دلوقتي عشان انتي اللي هتبقي مكاني في البيت بعد كده، البيت مش هيبقي بيت ليلي لا ده هيبقي بيت هنا وبيت الهنا كله كمان، بناتي دول اخواتك مالهمش غير طارق خليكم انتو ديما اساس العيله واساس اللمه اللي الكل بيحب يجي عندكم ويحبكم، مهما حصلت مشاكل وخلافات اوعي تخليهم يتفرقو عن بعض، دي امانه وانا بسلمها ليكي يا هنا وانتي هتقدري تشيلي الامانه دي
هنا بهدوء
ما تقلقيش يا ماما، انا الامان والدفي اللي حسيت بيهم وسطكم عمري ما هخليه يقل ولا ينقص من بيت بابا حسن، وهعمل كل اللي اقدر عليه عشان تفضل علاقة طارق واخواتي واخواته زي ما هي واكتر كمان من كده
حضنتها ليلي وقالت
ربنا يسعدكم يا حبيبتي ويباركلنا فيكي يارب..
_وجه حسن في الوقت ده واخدها ونزل وسلمها لطارق اللي كان طاير من الفرحه والكل كان سعيد ومبسوط ليهم، وعلي ترابيزة يونس الصاوي كان قااعد هو وشهد لوحدهم وهماد بيتابعو الفرح او بالاخص بيتابعو ولادهم اللي كل واحد فيهم بقيت ليه حياته واولاده وعيلته الجديده، حتي يارا كانت طول الوقت مع زين وفيروز وعز ومبسووطه جدا بوجودها معاهم، قرب يوونس بالكرسي بتااعه من شهد وحاطها بدراعه واخدها في حضنه، فاستغربت وقالتله..
شهد
انت بتعمل ايه؟
يونس
عادي حسيت اننا فعلا بقينا لوحدنا وفي الآخر مالناااش غير بعض
شهد
المهم انهم مبسووطين يا يونس
يونس
فاااكره يووم فرحنا
ابتسمت بهدوء وقالت
يااه كنت مرعووبه منك حرفيا
ضحك وقال
بس كان يوم حلو كنت هتجنن نظرة النااس ليكي والكل مبهور بجمالك، فاكره حارة الصاوي والمعلم يونس والموقف وبداية الحكايه من الاول
ابتسمت شهد بدموع علي تلك الذكريات وقالت
كانت ايااام حلوه اووي مع انها كانت صعبه وقاسيه بس ياريتها ترجع، العمر عدي بسرعه اووي علينا يا يونس
يونس
بس انتي احلي في العمر ده يا شهد، لو هتمني انه يرجع من الاول هتمني يرجع عشان اعيش معاكي من الاول تاني وما اعملش اي حاجه تزعلك مني..
مسكت ايده وقالت
اللي حصل حصل خلاص وانا مش فاكرالك غير الحلو وبس اصل فالاخر اهو انا وانت مالناااش غير بعض يا قلب شهد...
_قالت كلامها ونامت براسها علي كتفه، وهو ضمها ليه اكتر وهما بيتابعو الفرح وذكرياتهم كلها بتتعاد قدامهم.
_وهكذا مضت الحياة، فمَنهم من نال سعادته كاملة، ومنهم من ظلّ يحمل شيئًا من الماضي في قلبه، حتي الذكريات الجميله اصبحت مؤلمه لاننا لا نستطيع تكرارها، لم ينسي احد تلك الذكريات ولكنهم تعلّموا أن يكملوا الطريق، لأن الماضي قد ذهب… وهذه سُنّة الحياة، وفي النهاية، ابتسمت الحياة لهم جميعًا. عاشوا سعادتهم كما تمنّوا، ومن بقي في قلبه شيء من الماضي، لم يمنعه من الفرح، بل علّمه كيف يواصل الطريق. فالسعادة لا تعني النسيان دائمًا، بل تعني أن نكمل الحياة بسلام.»
النهايه
