رواية انا وزوج أختي الفصل الرابع بقلم جمانه السعيدي
علي من اخذت عينه دم اول مره من زهراء انصدمت بلنتيجه
وما صدكت كلت تحليل المستشفى غلط
رجعت عدت التحليل برا على حسابي
دكتور المختبر اكدلي نفس النتائج السابقه
اخذت عنوان احسن دكتور باطنيه بغداد
واخذت التحاليل ورحت
علي دكتور ممكن اطمني
الدكتور اخذ التحاليل وجيكه مره ثالثه واكدلي عدها سرطان الكبد
علي بس دكتور هي جانت حامل وماتشكي من اي شي
...ولو هذا المرض مابي اي اعراض غير وجع بلمعده وفقدان شهيه
لان هي كانت حامل اختلطت عليها اعراض المرض وأعراض الحمل
علي دكتور بعدها زغيره
...هو المرض يعرف زغير وجبير
علي تحسرت واحس كلبي انحصر دكتور شلون اكو علاج
جمانه السعيدي
...اولا جيبها للمستشفى ونعيد كل التحاليل
وندخلها كورس علاج واذا ما جاب اي نتيجه
مضطرين نخليها تخضع للعلاج الكيمياوي
مريم أخذنا شهر عطله قبل امتحانات اخير السنه
السنه سادس لازم اشد حيلي لان الشغله مصيريه
ماعدي مشكله بس هاي الملاك الي عايش عدنا روحي معلكه بنجرس تعليك
بقينا ننتضر رجعت علي وزهراء كل شويه تتصل بي
لليل يله رجع وكان مبين علي ضايج امي حضرتله العشى
زهراء حبيبي ليش اتاخرت شنو الي اخرك
علي ماكو شي حبيبتي شغله بسيطه وخلصت
عرضت تحاليج على دكتور اختصاص باطنيه
طمني كال مابيها شي
زهراء وهذا الوجع بمعدتي من شنووو
علي هو طلب مني اجيبج لان داخل كوس علاج سريع
يكول احتمال عدها قرحه بلمعده
زهراء انطيني التحاليل اني اعرف اقراها واعرف علتي شنووو
علي شنو انتي تشكين بيه يعني اني ما اعرف اقرا التحاليل
وداعت عيونج الحلوات الي خبلني من يوم شفتهن لليوم
مابيج شي
على فكره مو جبتيلي بنيه وحده وبنجرتي اني اريد عشره
خمس ولد وخمس بنات
وبعد ممنوع تباوعين على مريم من تحبلين
باوعي عليه لو على خالتي على عمي هم ميخالف لولو
خشمه جبير
بس بعد ما اريد نسخة مريم مره ثانيه
زهراء ولله بنتي تخبل ومريم تخبل
علي طبعا تكولين تخبل غير اختج
حبيبتي باجر حضري نفسج وعكبه نروح البغداد
خالتي تروح ويانه
ونرجس عوفيها يم مريم
يومين او اتلاثه ونرجع
جمانه السعيدي
زهراء بس مريم عدها امتحانات وتريد تقرا
علي مراح نتاخر واني من نرجع راح اساعدها بلقرايه
علي بليلتها بتت بيت عمي يم زهراء بس عيني ما تاخذ نوم
كلما التفت عليها واشوفها دموعي ينزلن
اخاف افقدها بعدني ما شبعت منها
معقوله اكعد بيوم من الايام وما الكاها موجوده بحياتي
من كد التفكير طار النوم من عيني
ماغفيت اله وجه الصبح
وكعدت على صوت نرجس تبجي
ورا يوم
اخذتها ورحت البغداد وحجزتلها بلمستشفى غرفه خاصه
ورحت للدكتور كال هسه تجي الممرضه تاخذ عينه دم للتحليل
بقيت انتضر لحدما اجت الممرضه اخذت عينه وطلعت
اني رحت اجيبلهم اكل ومي
طلع التحليل والممرضه خلته ويه التحاليل السابقه
وجابته للغرفه
لان الدكتور يريد يشوفه ويفحصها
زهراء تعرف تقرا بس وصل التحليل قرته
وعرفت المصيبه الي جنت ضامه عليها
رجعت لكيتها تبجي هي وخالتي
بس شافتني عاطت بيه
زهراء ليش علي ليش اضم عليه ليش ماكتلي الحقيقه
علي اهدي حبيبتي لاتخافين المرض بلبدايه
وانشاء الله راح تتعالجين وتصيرين زينه
زهراء شلون راح اصير زينه انت تضحك عليه لو على نفسك هذا المرض مابي زين ابد
علي لازم نبدي العلاج ونشوف انتي ليش هيج متشائمه
بيومها بقت بس تبجي وكل دمعه تنزل منها تمرد كلبي مرد
بقينا اسبوع بلمستشفى بس كورس العلاج مافادها ابد
المرض واصل مرحله متقدمه حيل
والدكتور قرر تاخذ جرعه كيمائيه
وزهراء رفضت الجرعه
تكول ما اريد يوكع شعري ورموشي واضافري
واصير بعيون علي مو حلوه
كل المحاولات وياها فشلت وكانت مصممه على رائيها
جمانه السعيدي
مريم من عرفنا الخبر حالة الحزن خيمة على بيتنا
انصدمنا معقوله زهراء الي جنها ورده
يصير بيها هيج
ماكدرت اقرا واني اشوف اختي تذبل كدامي يوم بعد يوم
وامي وابوي يبجون عليها
ونرجس جاي تكبر وتحلى واختي تباوع عليها وتتحسر
امتحنت بس امتحانيبن وما كدرت اروح وامتحن بعد
مالي واهس ابد
ست اشهر من الحزن والعذاب والقهر
يوم اتعس من يوم
كانت حياة زهراء عباره عن مسكنات ونوم مستمر
واذا كعدت تبقى بس تتالم
وعلي مكابلها ويبجي ولحيته طولانه وبياض عيونه احمر من البجي والحسره على حبيبت عمره
يوم يداوم ويوم لا وحتلو يروح للدوام يضل كل شويه يخابر عليها
بدت الامتحانات دور ثاني وهم ماكدرت اروح امتحن
بشهر العاشر رجع دوام المدرسه وعمار انقبل كليه هندسه مدنيه
واني امي تلح عليه ارجع اداوم واني ما اقبل
بنص شهر العاشر انتكست حالتها حيل
وضطرينا ننقلها للمستشفى وكانو ينطونها ابر مال تخدير عمليات لان ماتكدر تنام من الوجع
اخر شي لزمت ايد امي ووصتنا وصيتها الاخيره
ماما انتي ومريم نرجس امانه عدكم
علي اذا يريد يزوج من حقه بس بنتي ماتاخذه زوجت اب وتعذبها
فدوه بنتي امانه عدكم
بعدها بيومين انتقلت الرحمة الله
كان الخبر مفجع بلنسبه النا
الكل يصرخ علي شبه انجن حاضن الجثه ويصرخ
لاتعوفيني زهراء لا تعوفيني
حبيبتي منو اليه من بعدج
جمانه السعيدي
حتى بابا اول مره اشوفه هيج يبجي ويلطم على راسه
اني كنت واكفه بلحضة ذهول
احس الدنيا تفتر بيه
ودموعي ينزلن بس بدون صوت حسيت صوتي ضاع
ما اكدر احجي ابد
امي ملخت نفسها
علي ما يقبل يعوف زهراء
حاضنها بكل قوته وكنما يريدها ترجع من الموت
راحو كلهم للنجف واني رجعني عمار علمود نرجس
ما احس باي شي
مصدومه وبس
اخذت نرجس لحضني وكمت اعيط بصوت عالي
امج ماتت
امج ماتت انتي اليوم صرتي يتيمه
زهراء عافتنه
استعجلت على الموت
نرجس طول ما اني اعيط هي هم تعيط
يمكن حست بليتم
يمكن خافت مني لان اني انهاريت من شفتها
علي وصلنا واني صممت اغسلها باديه
اكلب بيها وكنما نايمه
اذب عليها الماي واكول هسه تكعد من بروده الماي هسه تكعد
زهراء حاجيني الماي بارد عليج
زهراء نرجس صارت يتيمه
زين اني ما فكرتي بيه
ماكلتي علي شلون يدخل للبيت من دوني
زين احنا مو اتفقنا نبقى سويه طول العمر
صار شكد اعرفج واحيج مرات اكول يمكن اني احبها وهي ابطن امها
ليش من انجمعنا بيت واحد عفتيني ليش
شلون راح اعيش من دونج
طلعتي ما تحبيني
لو تحبيني صدك جان عاندتي الموت وبقيتي وياي
بعد ما اصدك انت تحبيني ابد
جمانه السعيدي
المره الي تغسل كالت خاله كافي مايصير هبج
هذا اعتراض على حكم رب العالمين
انت انسان مومن لازم تكون قوي
طلعت برا والمره كملت تغسيل وطلعتها النا مجفنه
اخذناها
ورحنا للمكبره ندفنها
بس نزلوها احس نزلو كلبي وروحي وياها
كمت اصيح زهراء هاي هي بعد ما اشوفج ابد
ام العيون الحلوه المكحله
شلون عيونج يغطيها التراب
اصعب شي بلدنيا لمن تحس الانسان الي تحبه وتعلقة بي
راح يعوفك للابد
وانت واكف تتفرج ومابيدك حيله
ولا تكدر ترجعه
ولاتكدر تشتري بلغالي ولا تفدي بنفسك ابد
