رواية ام للايجار الفصل الرابع بقلم جمانه السعيدي
سميه انتضرت عشر دقايق ومااجه
خليت الغراض بلمخزن وصعدت بلخط ورجعت للبيت
قصي رجع عليه العامل وكال ماقبلت تجي
تكول هو يريدني هو يجيني مااعرف على شنو شايفه نفسه
كاتله الفكر والضيم والنوب والنوب شايله خشمه
على شنو ماادري
قصي روح خلاص بعد مااحتاجك
كعدت افكر همزين مااجت
يمكن اني صار بعقلي شي هسه لو جايه شكلله
استغفر الله ياربي
اني شجاي اسوي
طلعت للبيت من فتت من مكانه مالكيته راجعه للبيت
سميه اليوم هذا ابو الشركه نفسه دز عليه
امي شيريد
...مااعرف بس باجر افتح المضله وارجعه علي يمكن لان قبلت اخذه منه عباله اشتراني
....ولله كلبي خايف هاي الناس الشبعانه متوقعين يكدرون يشترون الناس بفلوسهم
سميه باجر اخلي حد التصرفاته هو شمتصورني وحده رخيصه ويكدر يشتريني
جمانه السعيدي
سميه كعدت بليل لكيت امي كاعده ووجه اصفر
...هااا يمه شكووو تعبانه
...اي ولله صار كم يوم احس العلاج مجاي يشتغل عليه
...اخذج باجر للدكتور
...لا انشاء الله الصبح اصير زينه لاتخافين عليه
سميه ماكدرت انام واني اشوف امي تتلوا كدامي
الصبح كتله اليوم مااروح اخذج للطبيب
امي ...هسه الصبح ماكو دكتور كاعد روحي على باب الله
والعصر ارجعي من وكت ونروح للدكتور
سميه خاف تعبانه حيل
...هسه اخذ مهدء وانام هنا كم ساعه وخلصانات
سميه طلعت للشغل بس كلش ضايجه وفكري كله يم امي
خطيه وجه اصفر وشحاله
يارب عينك علينا مالنا غيره شافيه وعافيه يالله
وصلت هم ضايجه على امي وهم ضايجه من صاحب الشركه
اليوم لازم اوكفه عد حده
خليت الولد شلعو المضله من مكانه ونطيت الابو العربانه اجره
اخذه واني رحت وياااا
شمرته باب الشركه ودخلت
جمانه السعيدي
العامل هااا خير شكووو
سميه اريد المدير عندي موضوع اربد احجي ويااا
قصي سمعت العياط
باوعت من الدرج شفت سميه صحت على العمال خلوها تصعد
سميه صعدت لكيت كاعد على المكتب ويدخن
المضله الي تصدقت بيه عليه رجعته
واني عندي خير من الله مامحتاجه مساعدتك ابد ابتعد عني فهمت لولا
قصي اولا كولي صباح الخير واني مامتعارك وياج حتى
تتعاركين من الصبح
والمضله مجرد هديه مو صدقه
على فكره اني اعرف ابوج الله يرحمه وكنت اشتري منه دائما
سميه شكرا بس انت ايجوز متخيلني شي ثاني
واني
قصي لا شي ثاني ولا ثالث انتي انسانه محترمه وجاي تعيشين بشرف
تشتغلين وماتمدين ايدج للناس
جمانه السعيدي
سميه زين اذا انت تعرف اخلاقي شتريد دزيت عليه امس
قصي اول ترددت احجي بس كلت خلاص خل افجر القنبله والي يصير خل يصير
...اكعدي اريد احجي وياج
..ماعندي وقت البوسطيه بقت فارغه
..هنا كلمتين وترحبن
سميه كعدت وكتله تفضل بس بسرعه
قصي شكد تحلصين بليوم
سميه نعم وانت شكووو
قصي جاوبي رجاء
سميه مو سوا مرات عشره مرات اتلاثين مرات خمسين حسب الرزق
قصي انتم عائله جبيره
سميه شنو هو تحقيق طبعا هذا الكلام كله واني لابسه النقاب ومارفعته ابد
قصي مو جايبلج عمل احسن من هذا العمل المتعب
سميه اثنيين بنات وامي
قصي ماعندج اخ
....لا ماعندي
....شنو رائيج بلي ينطيج فلوس تبدين بيهن مشروع
اي مشروع يعجبج
قدمي المشروع الي تردي واشوف شنو التكلفه واني
اقدملج كلشي تحتاجينه
من مليون إلى ١٠٠ مليون حسب نوع المشروع
سميه نزلت حواجبي شنو المقابل
مستحيل تقدم هيج مبلغ بدون مقابل
جمانه السعيدي
قصي اكيد اني فلوسي مالاكيهن بلشارع واطشرهن
اكيد اكو مقابل
سميه اشرت علي باصبعي شوف اي شي غير اخلاقي
اكلب هذا الميز على راسك فهمت
قصي انتي ليش عصبيه افتهمي بلاول
سميه يله اسمعك تفضل احجي بسرعه لان اتاخرت
قصي استغفر الله ربي واتوب اليك اتحسرت وكلت بسم الله الرحمن الرحيم
اني رجال مزوج بت عمي واحبه بس رب العالمين مارزقنا اطفال والسبب من زوجتي
وجاي ادور على بت حلال نرتبط اني وياها
سميه واني شنو دخلي بهذا الموضوع
قصي خل اكمل
اريد وحده نرتبط اني وياها بعقد شيخ وبس مجرد ماتحمل ويصير الطفل الي اني منتضره
اخذ الطفل واسجله باسمي اني وزوجتي مقابل مبلغ مالي
ويتم الطلاك
وكلمن يروح بطريقه يعني تكون زوجتي فقط بفتره الحمل
وماكو اي عقد محكمه
والطفل راح ناخذه منه وهي تروح تعيش حياته
واحنا نعيش حياتنا
جمانه السعيدي
سميه نزلت حواجبي شنو قصدك قصدك اني وياك نرتبط ومجرد مايصير الطفل
تاخذه مني وترجعني بيت اهلي
شنو هذا التفكير السخيف يامجنون انطاك هيج فكره
وين اكو ام تبيع طفله
لو كنوز الدنيا كله
وانت من كل عقلك اني ممكن اقبل علمود كم فلس
وليش اقبل بهيج مشروع
خوب ازوج انسان اعيش ويااا طول عمري
ونجيب اطفال يعيشون بينا
ليش اقبل اكون زوجه موقته
انت انسان مو محترم جاي تستغل حاجتي
وتستغل ضعفي وفقري حتى تملي عليه شروطك
بس احب اكلك الله موجود
ورب العالمين الي رزقك هو الي راح يرزقني وماينساني ابد
حرامات كنت متوقعتك انسان محترم بس نزلت من عيني كلش
شوف وحده من ثوبك استغلاليه مثلك تقبل بهذا العرض
جمانه السعيدي
سميه طلعت واني دمي يفور معقوله اكو هيج بشر
شنو من نفسيه هاي
تعاي احبلي وجيبي طفل وانطي
ياربي حتى الحيوانات تدافع عن اطفاله
مستحيل اكو وحده تقبل بهيج عرض
هسه لو عرض زواج عادي يكول اريد ازوج حتى يصير عندي اطفال شي معقول والناس تعذره
بس تعاي نزوج موقت بس جيبي طفل وبعدين اخذ الطفل واشمرج برا وين اكو هيج
شلون عقول سخيفه
من كد ماشبعانيبن فلوس ملتهين يلعبون بلناس وبمشاعرهم
الساعه ثنتين لميت البوسطيه ورجعت للبيت حتى اتغده
واخذ امي للدكتور
وصلت لكيت امي منتهيه كلش ووجه اصفر
وحتى متقيئه
خواتي يكول هي تعبانه صار كم يوم بس من انتي تجين
هي اتضم عليج
حتى لا تضوجين
ماكدرت اكل دخلته سبحته وبدللتله
سويتله شوربة تمن بدون ملح لان الملح موزين على امراض الكلى
واخذته وطلعت للدكتور بشارع المغرب
لكيت الدكتور بعده ما واصل كعدنا ننتضره منا لمن اجا
وامي كاعده وتتلوا كدامي
توسلت بلسكرتيره تقدمنا لان امي حتى كعده ماتكدر تكعد
اله دفعت رشوه يله دخلتني
الدكتور بعد الفحص حولنا سونار وتحاليل
بقينا لليل نفتر وامي تتلوا بحضني
جمانه السعيدي
اخر شي طلعت التشخيص تضخم بلكلى اليسرا بسبب انسداد الحالب
ولازم تسوي عمليه بأسرع وقت ممكن
ياربي هذا شنو من بلاء منيين اجيب فلوس العمليه
كل الي احصله يله يكفي العيشه
ابوك خوما ابوك
اخذت ابره مهدء ونامت واني الأفكار كتلتني
اذا ماكدرت أدبر فلوس العمليه راح اخسر امي
مثل ماخسرت ابوي
منو النا بهاي الدنيا
شلون راح نعيش احنا التلاثه
ثاني يوم ماطلعت للشغل بس كلت الامي اني رايحه للشغل
ورحت الكل الناس الي اعرفهم حتى اتقرض
فلوس العمليه
الدكتور اكد لازم العمليه بأسرع وقت ممكن
كل الناس الي اعرفهم لو يكول انطيج ١٠٠ لو ١٥٠
لو ماعندي لو بعد شهرين عندي سلفه اقبضه وانطيج
زين امي ماتحمل شهر واحد مو شهرين
شلون ببه رجعت الضهر للبيت
امي هااا شو رجعتي
...رجعت اطمن عليج حبيبتي
...اليوم احسن على هاي الابره الي ضربته
...انشاء الله دووم احسن حبيبتي
بقيت كاعده وفكره اجيبني وفكره توديني شلون اسوي عمليه الامي
منيين اجيب فلوس
فكرت ابيع البيت على الدلال بس ببتنا قديم ومراح يجيب مبلغ زين
ايجوز المبلغ يكفي عملية امي
بس احنا وين راح نسكن
واذا كعدنا ايجار منيين نسد الايجار
وايجارات بغداد كلش غاليه
شلون راح نعيش ونسد الايجار والمدارس
ياربي زلم وتبجي من المسوليه اني شلون راح اكدر اتحمل هذا الحمل كله
بقيت يومين مارايحه للشغل وافكر بحل الهاي المشكله
قصي صار يومين سميه منازله للشغل
معقوله بسببي
يعني ضاجت من كلامي وبعد ماتنزل للشغل ابد
بس يعني ضاجت الهلدرجه حتى شغله عافته بسبب كلامي
للحكايه بقيه
