رواية انتقام قدر الفصل الخامس بقلم جمانه السعيدي
_______________
قدر قربت على الباب منووو منووو
محد رد عليه اتوقعت جاهل من الجوارين
فتحت الباب
صباح وكفت بصف الباب اسمعه تكوول منو مارديت خاف تسمع صوتي وماتفتح الباب
بس فتحت الباب راسا دخلت
قدر بس فتحت الباب مااحس غير صباح دفع الباب وصار كبالي
...يااااا هاي شجابك
صباح ماكدرت اسيطر على نفسي لان كلش مشتاقله
راسا دخلت وطبكت الباب و اخذته بحضني
قدر عوفني شكاعد تسوي عوفني ليش اجيت
صباح حضنته حيل ولله مشتاقلج ليش هيج تسوين وياي
قدر عوفني كلشي بينا انتهى هاي العلاقه غلط من البدايه
عوفني
صباح ليش غلط اني احبج عفته ولزمت ايدها وكتله تعاي ندخل جوه نتفاهم
قدر وين جوه محد اكووو
صباح سحبته جوه تعاي اعرف محد اكووو لازم افهمج
حتى ينتهي هذا الزعل بينا
جمانه السعيدي
دخلنا للصاله كعدت وكعدته بصفي
قدر كعدت واني اسحب بثوبي خل ابدل وارجع
صباح لا لا تبدلين هيج كلش حلووو
هنه كلمتين واروح لزمت ايدها وبسته
ليش تعاقبيني اني بيش غلطت
تعرفين اني احبج
قدر اتحسرت اي اعرف ولهذا السبب هاي العلاقه غلط
لازم اني وياك نبتعد عن بعض
راح ارجعلك كل القضايا واشتغل ويااا غيرك
صباح بس اني احبج
قدر مع الاسف اني هم حبيتك بس
صباح ماكووو بس لا تعوفيني
قدر اي شنو نهاية هاي العلاقه
صباح ماله نهايه حب وبس اكو شي احلى من الحب برائيج
جمانه السعيدي
اني ازوجت كلش زغير ازوجت واني عمري ١٨ سنه
قبل لا ادخل كليه
زوجتي بت عمي وامورهم الماديه كلش زينه
بحيث هي الي جانت تصرف عليه بلكليه
بنتي الجبيره نفس عمرج
وابني رائد ازغر منج بسنتين وبعد عندي سمر ازغر وحده
اني احترم زوجتي لان هي الي ساندتني
بس احبج انتي
اي احبج
قدر الي يصير بينا كلش غلط اني لازم اشوف حياتي
وانت زوجتك واولادك مالهم ذنب ابد
صباح انتي مجاي تفهمين احبج
قدر بدا يقرب عليه ويتلمس شفايفي وشعري
يشم بشعري وأيده تتحرك هلى جسمي بشكل غريب
حاولت
ابتعد عنه بس قبضته كانت اقوى مني
كدر ايسيطرعليه بكلامه الحلوو
واني جنت اصلا مجنونه بي واحبه ومجاي اكدر اطلع من هذا الحب ابد
قرب عليه وباسني بلاول صديته
وبعدين استسلمت
منا لمن صار الشي المحضور بينا
ماوعيت على نفسي اله كلشي بينا صار وانتهى
لملمت نفسي وكنما كنت بحلم مزعج
كمت ابجي والطم
ليش هيج ليش شسويت بيه
جمانه السعيدي
صباح اسف حبيبي اسف ولله احبج وماكدرت اسيطر على نفسي ابد
قدر الله ياخذك شسويت بيه ضيعتني اطلع برا
اطلع برا مااريد اشوف وجهك ابد
راسا كام وعدل ملابسه وطلع وماحجه اي كلمه
كمت اللطم واملخ بشعري اني شسويت بنفسي
كان لازم اكون اقوى من هيج
ليش سمحتله يضيعني ليش
ليش اني ضعيفه كدامه شلون سويت هيج
بقيت اكثر من ساعه كاعده وابجي
هاي اللحظه الي عدت وكانما اني انخطفت عقلي غاب
عن الوعي مشاعري هي الي كانت تتحكم بيه
اريد اكوم مااكدر راسي يوجعني من البجي
كمت استندت على الحايط الحد ماوصلت للحمام
فتحت الماي وكعدت جوووا بملابسي
اصرخ بصوت عالي
اني ضعت اني ضعت شلون سويت هيج
تعبت كلش من البجي غسلت وطلعت
جمانه السعيدي
صعدت الغرفتي لفيت نفسي ونمت شعري مبلل
وبلاعمي انشحطن من البجي
جسمي كله كام ينتفظ كمت ارجف
مااعرف ليش جسمي يرجف
احس حرارة جسمي صعدت
دك التليفون مارديت دك اكثر من مره باوعت امي
رديت عليه بصوت يرجف وينتفظ
قدر الوووو ماما
ماما شبيج حبيبتي
قدر ماما الحكيلي مااعرف شبيه جسمي يوجعني
ومصخنه
ماما اي هسه اجيتج
امي اتصلت على بابا وثنيبنهم اجووو
لكوني مصخنه نارررر وجسمي كله يرجف
امي غيرت ملابسي وربطت شعري وجابو تكسي ونقلوني للمستشفى
مااكدر اوكف على رجليه من الرجفه
احس ماعندي قوه اوكف ابد
دخلوني للطوارء
الدكتوره اجت
فحصتني بعدين جابولي ابره تنزل الصخونه
بس جسمي كله يرجف
خلولي قنينه براستول نص ساعه يله خف الألم
ووكفت الرجفه بجسمي
بابا شبيج حبيبتي الصبح عفناج مابيج شي
قدر مااعرف سبحت وفجئه كمت ارجف كلني
ماما شلون فجئه هاي حالتج تخووف
معقوله فجئه تصخنيين ويصير وياج هيج
بابا كافي لا تعبيه بلكلام عوفيه
ساعه ورجعنا للبيت امي صممت انام بغرفتهم جوووا حتى تراقبني
وحضرت الاكل بس ماكدرت اكل
كلما اذكر الي صار ترجع عيوني تجري
اني شسويت بنفسي اني ضعت
شلون راح احل هاي المشكله مااعرف
بقيت يومين نايمه بلفراش ومااكدر اكوووم
جمانه السعيدي
وصباح من ساعت الي عمل عملته مارجع اتصل ببه ابد
اربع ايام يله كدرت اسيطر على نفسي
قررت اتصل بي لازم نلكه حل الهذا الموضوع اني ويااا
اتصل يطلع الرقم مغلق يوم كامل واني اتصل بي ومايرد
تخبلت ليش مايرد عليه
ولا اتصل ولا فكر يطمن عليه
لو يهوون عليه الموقف شويه
قررت اروح للمحكمه وواجه لازم نلكه حل الهاي المصيبه
هو المسؤول عن الي صار
لازم نلكه حل بسرعه
كعدت الصبح بدلت ونزلت
بابا بس شافني فرح
.. يااالله بنتي الحلووه رجعت العمله هسه اطمنت عليج
قدر اريد ارجع اشتغل بس العمل يطلعني من المرض
بابا اي هاي بنبتي الحلووه الي افتخر ببه
قدر هم تشوف استاذ صباح بلمحكمه
بابا لا صار يومين ماشايفه ابد ليش
قدر جاي اتصل علي ومايرد اكو قضايا اريد اسئله عنهن
بابا يحوز عندا قضايا بغير محافظه وسافر
جمانه السعيدي
قدر رحت للمحكمه وبقيت منتضرته بس مااجه
سئلت حميد عنه هذا المحامي المساعد مالته ويشتغل ويااا بلمكتب
قدر استاذ حميد اريد اسئلك على استاذ صباح ماكووو
حميد استاذ صباح فتح مكتب ثاني بلكوت واستقر هناك ومكتبه هنا اني اديره
قدر يعني شنو بعد مايجي البغداد
حميد مااعرف بس اني لزمت كل القضايا مالته هنا
قدر زين ليش مايرد على التليفون
حميد لان غير رقمه
قدر تعرف رقمه الجديد
حميد اسف مااكدر انطي الاي احد مايقبل
قدر بس اني مو اي احد
حميد ولو مايقبل كال ممنوع تنطي الاي احد
قدر وعائلته
حميد عائلته كلهم انتقلو وياااا
بس ابنه يدرس بلكليه بجامعة بغداد بقه هناااا كاعد بشقه
جمانه السعيدي
قدر اريد اطلب منك طلب
حميد تفضلي
قدر اريد رقمه ومراح اكول استاذ حميد انطانيا
حميد اسف مااكدر
قدر تمام
من كد ماحسيت بخيبة امل مااكدر اوكف على طولي
معقوله وكعني بهاي المصيبه ونهزم
يعني مايحبني يضحك عليه
اني شكد غبيه وصدكت بي
شلون سمحتله يسوي هيج بيه
شكد نذل وحقير واستغلالي واني شكد غبيه وثوله
ماكدرت اكمل بلمحكمه رجعت الساعه عشره للبيت
كعدت وكمت ابجي
شراح اسوي شلون بيه
منو راح يصدكني منو راح يساعدني
كسرت كلشي بلغرفه من العصبيه
من القهر رجعت صخنت مره ثانيه
ورجع جسمي ينتفظ كله
حلكي طكك من الصخونه تمددت وتغطيت
من القهر حتى عيوني يوجعني
وين اروح
ياربي اني شسويت بنفسي
اذا هو مايحبني ليش خلاني اتعلق بي
اذا مايزوجني ليش دمر حياتي
شنو حياة الناس لعبه بايده ليش يدوس مشاعري ويضحك عليه
ليش ماعافني بحالي
رجعت اقنع نفسي واكول لا هو يومين اتلاثه وراح يرجعلي
اكيد هو يحبني بس العمل جبره يبتعد عني
اكيد راح يرجعلي ويصحح غلطه
هو يحبني اي هو يحبني هسه يرجع
