رواية صدفة عشاق الفصل الخامس
فات اسبوع من غير اي احداث جديده . زين كان بيحاول يتقرب من ليلي . و ريماس كانت بتقابل ليلي يومياً . و مبسوطه أن بـ علاقتها هي و زين . و ايهم و حازم حياتهم في الشغل . بجانب تحكمات جدهم اللي بقت زياده شويه .
في العربيه .
كانت ليلي و ريماس راكبين مع زين .
زين ابتسم بهدوء ./مش قولتلك يا ليلي لما بنبقي لوحدنا . الدنيا بتبقي هاديه ازاي.
ريماس ضحكت بسخريه ./معلش قطعت عليكم انهارده .
ليلي ابتسمت بهدوء ./انت خلاص وصلتني . روحها و انا هتصرف و انا مروحه .
زين ابتسم برفض ./هوصلها و اجيلك علي بال ما تخلصي .
ليلي بهدوء ./مش هتلحقني والله .
ريماس ابتسمت بهدوء ./ طب خلاص هيرن عليكي لما يوصلني . و شوفوا وقتها هيلحقك و لا مش هيلحقك .
ليلي هزت راسها بقلة حيلة . زين وقف عربيته بضيق. /هو شكلها مش هنعرف نروح اصلا .
ريماس اتنهدت بضيق ./لا ده كده كتير اوي . حتي عربيتك عطلت .
ليلي ضحكت بهدوء ./طب انزل شوفها .
و نزلوا كلهم . زين ركن ضهره بضيق ./دي عايزه ميكانيكي .
ريماس اتنهدت بضيق ./و الحل دلوقتي .
زين بهدوء ./ خلاص احنا وصلنا ليلي . هطلب عربيه تروحك . و هستني حد ييجي يخدها .
ليلي اتنهدت بضيق ./انا اسفه والله.
زين ضحك بهدوء ./انتي بتتاسفي علي ايه . المهم انك وصلتي عند سليم . ادخلي شوفي شغلك و انا هستناكي زي ما اتفقنا .
....في عربيه ايهم و حازم .
ايهم بهدوء ./حازم مش دي ليلي و احفاد عبدالله نشار .
حازم بص عليهم و اتنهد بضيق ./اه ما هما صحاب .
ايهم ./باين علي عربيتهم عطلت خلينا ننزل نشوفهم .
حازم اتنهد بهدوء و نزل معاه . زين اتنهد بضيق ./ كان لازم العربيه تعطل دلوقتي .
ريماس بهدوء ./بس خلاص يا زين . خلينا نشوف هنعمل ايه .
زين بص بهدوء علي ليلي اللي بتضحك عليهم . /مش كفايه ضحك و لا ايه .
ليلي هزت راسها بهدوء و هي بتحاول متضحكش . ايهم و حازم قربوا منهم بهدوء .
ايهم ابتسم بهدوء ./العربيه عطلت منكم و لا ايه .
زين هز رأسه بهدوء ./شكلها كده .
ريماس اتنهدت بضيق ./اكيد مش هنفضل واقفين كده . كلم حد يا زين .
حازم اتنهد بهدوء ./ملوش لزوم . ليلي عندها ميعاد جوه . و ايهم ممكن يوصلكوا .
ليلي هزت راسها بهدوء ./ايوه . و يبقي ييجي حد ياخد العربيه يصلحها بعدين .
زين هز رأسه برفض ./لا انا كده كده هطلب عربيه لـ ريماس . و هستني ليلي اوصلها .
ليلي اتنهدت بضيق ./يا زين انا هعرف اروح لوحدي . بس متسبش ريماس لوحدها .
ايهم ابتسم بهدوء ./طب يلا بينا . و انا هبعت حد ييجي ياخد العربيه .
زين اتنهد بضيق . ريماس هزت راسها بهدوء ./انا هجيب شنطتي من العربيه .
ليلي ابتسمت بهدوء ./يلا انا هدخل جوه عايزين حاجه .
زين ابتسم بهدوء ./خلي بالك من نفسك .
ليلي هزت راسها بهدوء ./حاضر يلا باي .
و سبتهم و دخلت . تحت نظر حازم و ايهم .
ريماس جابت شنطتها و هي بتتكلم ./يلا يا زين .
زين ابتسم بهدوء و بص لـ حازم ./عن اذنك يا دكتور .
حازم هز رأسه بهدوء . و ايهم و ريماس و زين ركبو العربيه .
حازم اتنهد بضيق و دخل . حازم بص بهدوء علي انسجام ليلي و سليم قعد يتابعهم من بعيد بهدوء .
__________________________________________
في العربيه عند ايهم .
ايهم ابتسم بهدوء ./غريبه نبقي بنتقابل كل شويه و منعرفش بعض .
زين ابتسم ببرود ./مجتش فرصه .
ايهم بص عليه بضيق . و ابتسم بهدوء./و انتي يا انسه ريماس بتشتغلي ايه .
ريماس ابتسمت بهدوء ./انا و زين متخرجين من هندسه باختلاف الاقسام .
ايهم ابتسم بهدوء ./كويس اوي .
زين بهدوء ./ حبينا نخرج بره المجال بتاعكم . و منبقاش نسخه من اهلنا .
ايهم ابتسم في نفسه و هو فاهم قصد زين ./والله هي بتختلف من حبك لـ المجال . انا و حازم مثلا حبينا المجال اوي و اخترنا اقسام بنحبها . حتي لو كان في البدايه في شويه اعتراضات .
ريماس ابتسمت بهدوء ./المهم الواحد يكون بيشتغل في حاجه بيحبها . مهما كانت الطريقة ايه . المهم النهايه .
ايهم ابتسم بهدوء و هو بيبص علي زين اللي مكنتش بيدي رد فعل . بعد شويه كانوا وصلوا . زين اتنهد بضيق و نزل بسرعه .
ايهم بص عليه باستغراب . ريماس ابتسمت بتوتر ./معلش يا دكتور هو بس مضايق شويه .
ايهم هز رأسه و ابتسم بهدوء ./ لا عادي محصلش حاجه . بس انا حتي نسيت اخد رقمه عشان العربيه .
ريماس ابتسمت بهدوء ./طب ممكن تاخد رقمي و انا هبقي أبلغه .
ايهم هز رأسه بهدوء . و خد منها الرقم . ريماس ابتسمت بهدوء ./عن اذنك . و شكرا لـ تعبك معانا .
و نزلت . ايهم ابتسم بهدوء و هو مستغرب رد فعل زين طول الطريق .
__________________________________________
عند ليلي .
علي قرب منهم بهدوء . و سليم جري حضنه بسرعه . ليلي ابتسمت بهدوء و هي بتسحب شنطتها عشان تمشي . علي قرب منها و ابتسم بهدوء ./ تأثيرك علي سليم بقي واضح جدا .
ليلي ابتسمت بهدوء ./المهم يكون هو كويس نفسياً .
علي هز رأسه بهدوء ./لا فعلا يا ليلي شكرا . انتي عارفه أني من بعد موت جنه مكنتش قادر نفسيا و نسيت أن المفروض اهتم بيه . و يمكن في الوقت ده انتي قربتي منه في المدرسه و ابتدت حياته تتغير شويه .
ليلي هزت راسها بتفهم ./سليم مجرد طفل صغير اي كلمه حلوه او اهتمام صدقني هيخلوه يقدر يتخطي كل حاجه . و هو كمان صدمته في فقدان مامته و بعدها حضرتك بعدت عنه كانت كبيره . بس متقلقش عليه انا معاه و هفضل احاول معاه .
حازم قرب منهم بهدوء . /سليم حبيبي لو خلصت اطلع فوق .
سليم ابتسم ببراءة و قرب من ليلي ./هستناكي متتاخريش عليا المره الجايه .
ليلي ابتسمت بهدوء . /حاضر .
سليم ابتسم بهدوء و طلع . ليلي بهدوء ./طيب عن اذنكم .
علي بهدوء ./لا استني هوصلك اكيد مش هينفع اسيبك كده .
ليلي ابتسمت بهدوء ./مفيش داعي والله . انا هطلب عربيه .
حازم اتنهد بهدوء ./خلاص يا علي روح شوف جدك عشان كان عايزك . و انا هوصل انسه ليلي .
علي ابتسم بهدوء ./خلاص يا انسه ليلي مش عايزين اعتراض .
ليلي هزت كتفها بقلة حيلة و مشت مع حازم . علي ابتسم عليهم من بعيد بخبث و دخل بعد ما اطمن انهم ركبوا .
__________________________________________
في العربيه .
ليلي بصت علي تليفونها اللي كان بيرن . و اتنهدت بضيق لما عرفت أنه زين . و مردتش .
حازم بص عليها بهدوء ./حاولي متخليهوش يوصلك تاني . جده لو شافه ممكن تحصل مشكله .
ليلي باستغراب ./ليه .
حازم بهدوء ./ عشان في بين العائلتين مشاكل .
ليلي ابتسمت بسخرية ./ما هما كانوا موجودين في الحفله عادي .
حازم اتنهد بضيق ./الصحافه و الاعلام حاجه . و حياتنا حاجه تانيه .
ليلي اتنهدت بضيق ./مهما كان في ايه . دي حاجه تخصني . و مش من حق اي حد يعلق علي تصرفاتي .
حازم غمض عينه بضيق ./ما هو مش كل مره لازم يوصلك . هو مش خطيبك مثلا .
ليلي اتكلمت بضيق ./و انت مالك لو كان خطيبي و لا مش خطيبي . انت واصي عليا .
حازم اتنهد بضيق . لانه فعلا ملوش دعوه . و كمل سواقه لحد ما وصلها . ليلي نزلت من غير و لا كلمه . و هو مشي بعدها علي طول .
__________________________________________
بليل .
ريماس ضحكت باستغراب و هي بتكلم ليلي ./ده باين عليه مريض نفسي .
ليلي اتنهدت بضيق ./عصبني والله . هو ماله اصلا . والله لولا سليم ما كنت روحت و شوفته تاني .
ريماس ابتسمت بهدوء ./ معلش يا ليلي . هو كده اكيد عرف مكانه كويس . و أنه مش المفروض يتحكم في الناس .
ليلي اتنهدت بهدوء ./بس تعرفي هو في حاجه غريبه كده .
ريماس ابتسمت باستغراب ./غريبه ازاي .
ليلي بهدوء ./لما بشوفوا بيتعامل مع سليم بحسه شبه الاطفال . و لما بشوف طريقته معايا أو مع اي حد . بحسه بني ادم غريب او قلبه جامد شويه .
ريماس ضحكت بهدوء ./ما هو دكتور جراحه لازم يبقي قلبه جامد .
ليلي ضحكت بهدوء ./ايوه ممكن . المهم انا هنام عشان الحق شغلي بكره .
ريماس ابتسمت بهدوء ./ماشي يا فنانه . سلام .
ليلي قفلت معاها بهدوء . بس فتحت الرساله باستغراب اللي كانت من رقم مجهول .'' انا اسف علي اللي حصل انهارده . بس انتي مفهمتيش قصدي . لو ينفع بكره نتقابل نفطر مع بعض . عشان اتاكد انك مش زعلانه . هبعتلك اللوكيشن في رساله . "
ليلي اتنهدت بضيق . و قفلت التليفون و نامت .
عند ريماس ...
ريماس ابتسمت بهدوء ./تاني مره لما تلاقيني بتكلم في التليفون . متجيش تقف فوق دماغي .
زين ابتسم بهدوء ./حاضر . المهم هي كويسه .
ريماس بهدوء ./ايوه كويسه . بس اللي اسمه حازم الظاهر ضيقها شويه .
زين باستغراب ./ليه ايه حصل .
ريماس اتنهدت بهدوء و حكتله اللي حصل .
زين ابتسم بـ ثقه ./انا كنت عارف .
ريماس بصتله بـ استغراب ./عارف ايه .
زين بهدوء ./حازم بيحب ليلي .
ريماس ابتسمت بسخرية . و هزت راسها برفض ./لا معتقدش .
زين ابتسم بهدوء ./صدقيني والله بيحبها . من نظراته ليها يوم الحفله و أنه صمم يوصلها . و النهارده مكنتش بيتكلم كلمتين علي بعض غير و عينه عليها . و لما قبلتها في المدرسه فضل عينه علينا لحد ما اتحرك بعربيته .
ريماس بهدوء ./طب لما انت عارف كل ده . قربت من ليلي ليه .
زين ابتسم بهدوء ./لأن ليلي مش بتحبه . و مش هينفعه مع بعض . شخصياتهم مختلفه .
ريماس ابتسمت بهدوء ./و انت لحقت تعرف شخصية ليلي من اسبوع .
زين هز رأسه بعد تأكيد ./اكيد لا . بس كفايه عندي أن حازم العاصم بيحبها . و هي رفضاه بس مقدرش أنكر انها بنت جميله و شاطره و تعجب اي حد . و انا و حازم مش هنحط في مقارنه واحده لأن واضح جدا مين قريب منها اكتر .
ريماس باستغراب ./انت تقصد ايه بكلامك ده . يعني انت مش معجب بيها و بتحبها .
زين ابتسم بهدوء ./ريماس الاعجاب حاجه و الحب حاجه تانيه . اه اكيد في اعجاب . و لاكن مش لدرجة الحب يعني . عموما تصبحي علي خير .
و سبها و مشي .
ريماس فضلت تبص عليه باستغراب و عدم فهم . و هي مش فاهمه هو عايز ايه ....
ووووو....
