رواية ليله واحده لا تكفى الفصل الثالث والستون بقلم ايلا ابراهيم
سراج بارتياح : للأسف فرح رفضت عرض الجواز منك
اسر ببرود : مفيش مشكله هقنعها
سراج : اسر عشان خاطري سيبها فحالها انت هتلاقي احسن من فرح هي لسة صغيره ومش جاهزه للجواز وانا مش عايز اخسرك ولا عايز اخسرها
اسر : ومين قالك انك هتحسرنا على فكره انا وفرح هنكون ثنائي هايل... وهتشوف ..
سراج بص ناحيته بضيق وأما اسر ابتسم وكمل سواقته العربيه لكن فجأه خبط في عربيه تانيه وعمل حادثه ..
***********
ايهم بقلق : انتي كويسه
هنا كانت مبسوطه باهتمام ايهم بيها من ساعت ما رجعت من الدكتوره وردت عليه بتعب مصطنع: ايوا بس لسا تعبانه شويه ..
ايهم : معلش ياحبيبتي هتبقي احسن
هنا بغضب مصطنع : مش هتحسن . كله منك انت اللي وصلتني لده يا ايهم من ساعت متجوزتك وانت معكنن عليا
بص ناحيتها بصدمه ولسا هيتعصب عليها عيطت ..
ايهم معرفش يتكلم أو يتعصب لما شافها بتعيط بالوقت ده دخلت لبنى وغمزتها وقالت : بتعيطي ليه يا هنا مش الدكتوره قالت بلاش نكد عشان البيبي
هنا بتمثيل : وانا اعمل ايه قولي لاخوكي
ايهم كان بيبص عليهم وهو مش بيستوعي كلامهم هو عمل ايه ... معلش حاجه
لبنى بعتاب: اي يأايهم أنت مش هترتاح الا لما تخسر ابنك
ايهم: معملتش حاجه بس هنا هي اللي...
هنا بمقاطعه: يعني ايه ان اللي نكديه قول كده كانت بتقول كلامها وهي بتعيط..
لبنى اتصدمت من هنا وتمثيلها قربت وشوشتها: مش كده حرام عليكي ايهم على آخره
هنا بغيظ :يستاهل خليه يدوق اللي دوقته منه
ايهم قرب منها وباس رأسها وقال : حقك عليا معرفش عملت ايه بس انا اسف..
هنا انبسطت اوووي . وقالت : مش هتزعلني تاني.
ايهم باستسلام : ياحبيبتي مش هزعلك المهم تكوني بخير انتي والبيبي..
لبنى انسحبت وسابتهم لوحدهم واتحرجت من جرائت اخوها ..
هنا بدلع : طبعا انت خايف على ابنك وانا اولع
ايهم بحب : وانا قلت كده برضو انتي الأصل
هنا : ده كلام بس
ايهم باس خدها وقال : والله ماكلام والا مكناش مع بعض دلوقتي
هنا بخنقه ودموع حقيقه :انت رجعتني عشان ابنك بس ..
ايهم بصدق: مين اللي قالك كده انا رجعتك عشان بحبك ومش عارف اعيش من غيرك
هنا بقهر : انت طلقتني بسهوله ومن غير ما تفكر هيحصللي ايه بعد كده
ايهم اتنهد وقال: انا طلقتك عشان انتي عصبتيني انا لما اتجوزتك كنتي عارفه طبعي كويس مبحبش الستات اللي مسترجله تعمل مشاكل ومش بس كده في الشارع قدام الناس .. وانا جوزك بقولك اسكتي اسكتي وكأني مش موجود ..
هنا بدموع وندم : عشان اتعميت لما شفت **** بتقرب منك انا بحبك يا ايهم ومش هتحمل اشوف حد حوليك
ايهم : وانا بحبك لكن برضو مش هتحمل مراتي متسمعش كلامي وكأني مش موجود..
هنا بارتباك : انا كنت
ايهم قرب منها ومسح دموعها : اشششش خلاص اللي فات فات احنا ولاد اليوم
هنا بصت ليه بعيون بتلمع : يعني انت معدتش زعلان مني
ايهم :وانا اقدر ازعل منك بردو قال كلامه وهو بيقرب منها وباسها ووو.
**********
اتحسنت العلاقه بين ايهم وهنا وأيهم بدأ يهتم فيها اكتر وبالوقت ده لبنى كانت بتعيط الصراع بين مشاعرها ناحية سراج وإصرار اخوها على طلاقها هي كل ده بتهاود اخوها ومش عايزه تزعله يمكن يغير رأيه ويسبها ترجع لسراج وفي يوم كانوا بيفطروا ايهم وهنا ولبنى... كان ايهم بيهتم بهنا افتكرت لبنى سراج واهتمامه وحبه ليها حست بغضه جواها ولسا هتروح اوضتها سمعت خبط عالباب. فتح ايهم الباب وكان اسر وشه مصفر ..
ايهم : عايزين ايه مش خلاص خلصنا
اسر بجديه : مش خلاص سراج عمل حادثه وحالته حرجه وطالب يشوف لبنى
ايهم : واحنا مالنا مايتفلق..
لبنى مكنتش مستوعبه اللي تسمعه خرجت لأسر وعيونها مليانه دموع وقالت: سراج ماله
ايهم :انتي بتسالي عليه ليه. مايولع.
اسر كان هيتجتن من ردود ايهم لكنه اتجاهل كلامه وقال السواق تحت مستنيكي خلينا نروح عشان نلحقه
ايهم بعناد : تروح فين
لبنى : انا هجي معاك
ايهم مسك أيدها يمنعها : استني عندك هتروحي على ال***
لبنى بصت لاخوها بدموع وقالت مش دلوقتي يا ايهم مش هسيبه مش هتخلى عنه بالوقت ده ... بعدت أيده عنها . ولسا هيحصلها يمنعها مسك اسر أيده وقال انزلي يا لبنى انا هتكلم مع ايهم والأسواق هيوديكي المستشفى. ...
لبنى نزلت وهي مش شايفه قدامها ولسا ايهم هيحصلها وقف في وشه اسر وقال سيبها تروح لجوزها
ايهم : وانت مالك
اسر : اختك تبقى مرات سراج ومن حقهم يدوا لنفسهم فرصه بعيد عن تدخلك .. بعد اذنك .. ولسة هيتخانق معاه مسكت أيده هنا وقالت ارجوك يا ايهم سيب لبنى تختار طريقها ..ارجوك عشان خاطري ...
ايهم لسا هيتعصب عليها لكنه افتكر كلام الدكتوره زق أيدها ونزل عشان يحصل لبنى وهنا بتبص بأثره .....
