رواية انا وزوج أختي الفصل السادس بقلم جمانه السعيدي
اتصلت على إسراء
إسراء هلو مريم شلونج
مريم الحمد لله تمام انتي شلونج
إسراء زينه خلص الاسبوع احنا كاعدين على نار
وصلتي خبر الاهلج
مريم اريد بلبدايه اكلج شي انتي ما تعرفينه عني
اريد تكولين الامجد واذا وافق اهلا وسهلا بيكم باي وقت
بس بلبدابه تجي خاله ام أمجد وايمان
يفاتحن امي بلموضوع
وبعدين امي توصل خبر البابا ونرجعلكم خبر
إسراء كولي اسمعج
مريم اني من جنت زغيره اتعرضت الحادث حرق بيتنا
وهذا الحادث اثر عليه
بقه اثر بضهري بس ضهري جسمي كلشي مابي
تحديدا النص الاسفل من ضهري
إسراء هي هاي بسيطه واذا وشنو يعني ليش احسج مكبره الموضوع
مريم اسمعيني زين اريدج تكولين الامجد تحديدا اني ما اريد يوم العرس يتفاجئ
ويكول ليش ما كلتيلي
هو الوحيد الي من حقه يعرف وبعدين يقرر
إسراء وشنو يعني احس حيل مهتمه ترا عادي
مريم اذا وافق اريد اسمع الموافقه باذني
تتصلين عليه وهو يحجي وياي ويكول اني موافق
اني ما اريد اغشه
الحياة الي تبدي بلغش ما تنجح ابد
إسراء صار بعد اكو أوامر ثانيه
مريم لا هاي هي سلامتج
جمانه السعيدي
مريم قفلت التليفون وخفت خفت لايرفضني
هو من حقه بس اني مراح اتحمل رفضه اليه
لليل ما اتصلت إسراء ولا ثاني يوم
ولا ثالث يوم مر اسبوع واسراء لاحس ولاخبر
عرفت النتيجه اكيد امجد ما قبل يرتبط بوحده مشوها
مثلي
دزيت رساله الاسراء
شلونج إسراء ترا عادي اني متقبله كلشي
لاتخلين هذا الموضوع ياثر على صداقتنا
ورا ساعه ردت عليه برساله
...هلو مريم شلونج مشتاقتلج
اني اسفه ولله شكد فهمته انتي شنو وشخصيتج
بس ما قبل ابد
حاولت اوصله جمالج الداخلي وانت شكد حلوه
وروحج حلوه
واذا عديت صفاتج ما تخلص
يكول ازوج مره وحده بلدنيا ليش ازوج وحده مشوها
اخوي مغرور وشايف نفسه حيل
هسه شوفي شلون راح يوكع وكعه
فدوه سامحيني واعذريني ولا تخلين هذا الموقف
يخرب صداقتنا
مريم لا عادي كلشي قسمه ونصيب
سديت التليفون وانفجرت من البجي
احس نفسي مقهوره حيل
شكد جنت متعلقه بي واحبه
معقوله هيج شغله زغيره تأثر على علاقتنا
اكو ناس يزوجون بنات مشلولات معقوله هذا الأثر البسيط
الي ما ضاهر منه أي شي يأثر على زواجنا
بقيت ابجي ونمت بدون عشى ليلتها نرجس ما عافتني كل شويه تكعدني لان اني وياها مالعبنا سوا
واني متعلمه اوكلها واسويلها عصير
كل شويه مكعدتني ماما ماما ( ادعدي ) قصدها اكعدي
الصبح كوه رفعت راسي وحلكي كله مطكك
ومصخنه حيل وراسي يوجعني
احس نفسي انهزمت وكل اسلحتي الانثويه خسرتها
فكرت الرفض ما تطلع من عقلي ابد
احس نفسي مريضه حيل
شكد جنت متعلقه بفكرت الارتباط ب امجد
وما فكرت راح يرفضني بكل سهوله
حسيت اكو نقص بداخلي لا حسيت اني كلي نقص
يمكن اي واحد راح يتقدملي ويعرف حقيقتي
راح يرفضني ويعوفني مثل امجد
بقيت مدده واحس ما اكدر اكوم ابد
جمانه السعيدي
امي اجت مريم ماما شبيج البارحه نمتي بلاعشى
وهسه ماكعدتي يوجعج شي
مدت ايدها وشافتني مصخنه
يااا يمه شبيج شو مصخنه
مريم ماما تعبانه حيل
...هاي شنو حلكج مطكك من الصخونه كومي اخذج للمستشفى
مريم ما اروح مابيه حيل اكوم
...لا ترحين هاي الصخونه موزينه عليج
غصبتي ابدل وبدلت النرجس واجرنا تكسي ورحنا للمستسفى
اتصلت بعلي واجنا الباب المستشفى
علي صباح الخير شبيها مريم
امي ما اعرف كعدت الصبح مصخنه وحلكها مطكك وتعبانه
علي حضن نرجس وباسه
كال الامي انتي ادخلي انتضري انتي ونرجس واني اخذها للدكتور اخلي يسجل الها علاج
امي كعدت ونرجس بقت تبجي عليه ماما وياج
مديت ايدي واجت تمشي ولزمت ايدي دخلنا للدكتور
فحص بلاعيمي كال التهاب بسيط بس هاي الخونه موزينه عليها
خل تضرب ابر كرومايسين وبليل ابره بنسلين
نرجس تحوس واني كل اشويه اكله اكعدي ماما
بعدين علي لزمه من ايدها وكال تعاي بابا
الدكتور يعرف علي بحكم العمل بلمستشفى
الدكتور هاي زوجتك
اثنيينه حجينا بصوت واحد لا
الدكتور العفو بس لان سمعتك تصيح للطفله بابا
ولاخت تصيح الها ماما
طلعنا وعلي راح جاب العلاج واخذني للممرضه وضربني ابره
اجر تكسي وكال اني اجيب باقي العلاج من اجي
امي بس وصلنا للبيت سوتلي حليب
شربت
وبعدين طبختلي شوربت دجاج
ما تعرف الوجع بروحي مو بجسمي
احساس الرفض اصعب احساس ممكن تحس بيه البنيه
وخصوصا اني بلضاهر حلوه
وشكلي مرتب وما بيه اي غلطه
العصر علي جاب الابره الثانيه وكال اكو يمكم احد يضربها
امي راحت جابت بنيه جوارينا وضربني
جسمي تعافه خلال يومين بس جرح روحي شنو الي يشافي
رجعت حالة الحزن والكئابه تسيطر عليه
وامي سألتني على إسراء وليش ما اجو يخطبون
تصدكون حتى امي خفت تعرف هزيمتي ورفضي
كتلها اني رفضت لان ما اكدر اعوف نرجس
وامي كامت تحجي عليه
امي ماهمه الزواج بكد ما همه اطلعني من حالة الحزن الي اني عايشه بيها
الايام تمر صعبه وبطيئه وخصوصا الوحده مثلي كاعده بلبيت وساكته
التسليه الوحيده اليه وجود نرجس بحياتي
بعد سنه ونص من وفاة زهراء
ام علي يمه علي اريد احجي وياك لموضوع مهم
...كولي يمه
...إلى متى انت بمكان وبنتك بمكان وبيتك مقفول
انت لازم تتزوج
جمانه السعيدي
...يمه شكاعد تكولين
...حبيبي هاي سنة الحياة ترا كلنا نموت وانت لازم تزوج
إلى متى هذا الحزن
...للموت امي تعرفين شنو للموت اني بعدني احب زهراء حتى وهي ميته
وبنتي ما عليها شي عد بيت جدها لو تشوفين مريم شلون تعاملها
ومهتمه بيها حتى تصيحلها ماما
...والى متى مريم دايمه الها اكيد راح تزوج بيوم من الايام وبعدين بنتك وين تروح
خوما مريم تأخذها وياها
وحتى بيبيتها عدها ضغط وسكر وماتكدر اداريها ابد
...يمه من الاخير ان ما ازوج واجيب زوجة اب لبنتي تعذبها
...لا مراح تعذبها اصلا تموت عليها وبنتك بس يمها ترضى
...شنو قصدج
...قصدي مريم بت عمك ماتفرق عن زهراء هواي
وبنتك تحبها ومتعلقه بيها
وابدال ما بيتك مقفول تفتحه ويعيشون بي اتلاثتكم سويه
....يمه انتي منيين جبتي هاي السالفه اني ما ازوج
...فكر على كيفك مريم انسب وحده الك
بت عمك وتعرفه وتعرفك
وهي الي مربيه بنتك واكثر وحده تكدر تحافظ عليها
...يمه سدي هذا الموضوع
....لا ما اسده اني مره جبيره وعلى ياساعه اموت
وانت شالع كلبي وافكر بيك ليل نهار
يمه اسمع مني واقبل
شوف حالك تهد الحيل
لحيتك وشكلك مخربط الله عليك زهراء لو موجوده تقبل بهذا شكلك
علي ذبيت حسره شكبرها هي وينها زهراء
....اني اعرف زهراء حبك الأول حبك من جنت زغير
بس الحياة ما تستمر هيج ابد
بعدين هسه خوش فرصه قبل لا تنخطب مريم وتزوج
وتتندم على هاي الفرصه اذا ضاعت منك
فكر ورجعلي خبر بسرعه ترا مريم مراح تبقى تنتضرك العمر كله
....يمه مامقتنع بلفكره ابد ولا مفكر ازوج ابد
...فكر يابعد امك وعيونها
ولا تشلع كلبي اريد اطمن عليك
...الله كريم عوفيني كم يوم واني ارجعلج خبر
...انشاء الله خير
