رواية صدفة عشاق الفصل السابع
ريماس دخلت وره زين . لما شافته داخل اوضته بغضب .
ريماس دخلت وراه و قفلت باب اوضته وراها . و وقفت بتوتر من شكله ./زين حصل حاجه .
زين اتنهد بغضب ./رفضتني يا ريماس . رفضت زين النشار .
ريماس اتنهدت بتعب ./قولتلك متتسرعش . كان لازم تسألها هي الاول .
زين قام بغضب ./هي اللي غبيه و خسرت كتير يا ريماس . خسرتك و خسرتني و خسرت مستوي مكنتش تحلم بيه .
ريماس وقفت قصاده بغضب ./ اوعي تتكلم عن ليلي كده يا زين . ليلي لو كانت بتفكر زيك كانت هتوافق عليك حتي لو هي مش بتحبك . و انا لا يمكن اخلي تسرعك يكون السبب أن علاقتي انا و هي تبوظ .
زين مسج على وشه بغضب ./يعني انتي معاها ضد اخوكي . انتي موافقه علي كده يا ريماس .
ريماس اتنهدت بضيق من طريقته ./مش معاها ضدك . بس معاها لو هي مش بتحبك . و انت كمان قولت أن جوازك منها كان مجرد تناسب . يبقي محدش خسران حاجه .
زين صرخ بغضب ./لا انا خسرت خسرت يا ريماس . خسرت كسرة قلب حازم اللي كنت هشوفها . كان من حقي اعمل اللي يقهره طول حياته . من اول مره شوفتها و شوفت نظراته ليها . و انا عارف أنه هيعشقها مش هيحبها . خسرت فرحة جدي اللي كنت هشوفها . لما يعرف أن حفيد العاصم اتقهر .
ريماس فتحت عينيها بصدمه و غضب ./انت ازاي كنت كده يا زين ازاي . انا اللي سمحتلك تقرب منها . و الحمدلله انها رفضت الحمدلله . جدك رغم كل المشاكل اللي بينهم . علمنا نتجنبهم مش نقهرهم . احنا ملناش دعوه بـ كل ده يا زين انت فاهم . دي مشاكل بين الكبار . انت اللي من غلك و حقدك وصلك تعليمات جده غلط .
ريماس سبته و مشت . و هي مش عارفه هتتصرف مع ليلي ازاي بعد اللي عمله .
__________________________________________
بعد شويه .
ريماس ابتسمت بحب و هي بتدخل في حضن عبدالله ./وحشتنا اوي يا جده .
عبدالله ابتسم بهدوء و هو بيحضنها ./ عشان كده مكنتش بسمع صوتك .
ريماس ابتسمت بهدوء ./خلاص يا جده . ميبقاش قلبك اسود كده .
فاروق ابتسم بهدوء ./خلاص بقي . خلي جدك يعرف يرتاح .
عبدالله ابتسم بهدوء ./والله كلكم وحشتوني اوي . اومال زين فين .
فيروز ابتسمت بهدوء ./خرج من شويه . احنا هنتغدي علي بال ما هو ييجي .
عبدالله هز رأسه بهدوء ./انا هطلع اريح شويه من السفر .
ريماس ابتسمت بتوتر . و هي بتبص في تليفونها اللي بيرن . و مشت بهدوء و طلعت ترد علي ايهم .
ايهم ابتسم بهدوء ./اكيد جدك وصل .
ريماس اتنهدت بهدوء ./وصل من شويه .
ايهم ابتسم بشك ./مال صوتك انتي كويسه .
ريماس اتنهدت بضيق. /مش كويسه اوي يا ايهم .
ايهم اتنهد بهدوء ./طب هينفع نتقابل انهارده شويه .
ريماس اتنهدت بتعب. /انا فعلا محتاجه اتكلم مع حد . بس مش هعرف اتكلم مع ليلي المره دي .
ايهم ابتسم بهدوء ./خلاص شوفي المكان اللي يريحك و نتقابل في بليل .
ريماس ابتسمت بتعب ./حاضر يا ايهم . انا هقفل دلوقتي عشان جده .
ايهم بهدوء ./ماشي يا ريماس .
و قفلوا .
حازم قرب من ايهم بضيق ./مقلتلكش حاجه .
ايهم اتنهد بضيق ./لا . و ممكن تقعد بقي عشان عصبتني .
حازم قعد بضيق ./ انت مسمعتش صوتها في التليفون . انا متأكد أن حصل حاجه .
ايهم بعصبيه ./ و انت ليه تفضل لحد ما تشوفه . و ليه تروحلها اصلا . يا حازم البنت المره الجايه ممكن متجيش لـ سليم بسببك . و انت عارف هو حالته اتغيرت ازاي من وقت وجودها في حياته .
حازم اتنهد بضيق و متكلمش .. لحد ما علي قرب منهم بضيق .
ايهم بص باستغراب ./ مالك ..جدك كان عايزك في ايه .
علي بضيق ./اتجوز .
حازم ابتسم بسخرية ./ و اكيد رفضت زي كل مره .
علي اتنهد بضيق ./المشكله أنه جايبلي العروسه . و مفيش اي مشكله فيها المره دي . المشكله فيا انا . انا مش هعرف اتقبل حد مكان جنه .
ايهم ضحك بهدوء ./خلاص يا علي . هو مش هيخليك تكتب كتابك بالعافيه مثلا . بس هي مين العروسه . حد نعرفه .
علي هز راسه بهدوء .
ايهم ابتسم باستغراب ./مين .
علي اتنهد بخبث . و هو نظراته علي حازم ./هو عنده حق فعلا . البنت المره دي بتحب سليم . و سليم بيحبها . و لطيفه و جميله و محترمه . بس انا فعلا مش هقدر .
حازم اتعدل بشك ./هي مين بقي .
علي اتنهد بخبث ./ليلي .
حازم قام بغضب ./لا كده كتير . كده كتير اوي . انا ماصدقت احس انها رفضت زين . يقوم جدي عايز يجوزهالك . لا ليلي لا يا علي .
ايهم ابتسم باستغراب ./ليلي لا ليه .
حازم اتنهد بغضب ./ طيب يعني انت عايز تعرف ليه . ايوه بحبها يا ايهم . بحبها و هتجوزها . محدش ليه دعوه تاني .
و سحب مفاتيحه و مشي .
علي ضحك بخبث ./ كان لازم ده يحصل . عشان يعترف لـ نفسه .
ايهم ابتسم باستغراب . /يعني ايه .
علي ابتسم بهدوء ./يعني مفيش جواز اصلا . مفيش حاجه من اللي قولت عليها . انا حبيت اخليه يتحرك و ياخد خطوه . حبيت اخليه حقيقي قدام نفسه . بس لو كنت اعرف موضوع زين . كنت سكت شويه .
ايهم ضحك بهدوء ./انت مش شايف شكله عامل ازاي . ربنا يستر و ميعملش حاجه مجنونه .
علي بهدوء ./مش هيعمل حاجه . المهم أنه قدر يعترف قدام نفسه و قدامنا أنه بيحبها .
ايهم ابتسم بهدوء . /فعلا عندك حق . انا هقوم اجهز عشان عندي مشوار .
علي هز رأسه بهدوء .
__________________________________________
حازم اتنهد بضيق . و هو بيركن عربيته تحت بيت ليلي .
و طلع تليفونه و هو بيرن عليها . ليلي اتنهدت بضيق و هي شيفاه بيرن . و مردتش . بس حازم فضل يرن بضيق .
ليلي اتنهدت بغضب و فتحت عليه ./هو مش انا قولت...
حازم قاطعها بهدوء ./ليلي انا تحت بيتك انزلي .
ليلي باستغراب ./تحت بيتي . ليه .
حازم اتنهد بهدوء ./انزلي يا ليلي . انا مستنيكي .
و قفل معاها بسرعه .
ليلي اتنهدت بضيق من تصرفاته . و خرجت من اوضتها و اتكلمت بتوتر ./بابا واحده صحبتي جيبالي حاجه هنزل اخدها منها .
راشد هز راسه بهدوء ./ماشي بس متتاخريش .
ليلي هزت راسها بهدوء و نزلت .
نعمه اتكلمت بهدوء ./تفتكر ممكن تكون زعلانه .
راشد هز راسه بهدوء ./ ممكن تكون زعلانه من الموقف . بس مش عليه . بنتك مكنتش عايزاه ملوش لزوم نكبر الموضوع .
نعمه هزت راسها بهدوء و سكتت .
عند ليلي....
ليلي وقفت قصاده بغضب ./ في ايه و ازاي تجي...
حازم قاطعها بضيق./ليلي انا جاي عشان اتكلم . مش عشان اسمع عصبيتك .
ليلي اتنهدت بضيق . و سكتت . حازم اتنهد بهدوء ./لما وصلتك انا ممشيتش . لما شوفت عربية زين عرفت أنه فوق . و استنيته و شوفته و هو نازل بكل عصبيه . و لما رنيت و سمعت صوتك . قلقت عليكي .
ليلي رفعت عينيها باستغراب . و هي شيفاه سكت ./ و ليه جيت دلوقتي .
حازم اتنهد بهدوء ./عشان كان لازم اواجه نفسي و اواجهك . مينفعش افضل مخبي علي نفسي و عليكي . و امنع نفسي اني اعيش حياة معاكي لمجرد أن خايف من رد فعلك .
ليلي اتنهدت بتوتر . و هي خايفه من كل كلمه بيقولها .
حازم ابتسم بهدوء ./انا بحبك يا ليلي . كل احساس بحسه من ناحيتك بيقول كده . كل مره بتوحشيني و مش ببقي عارف اكلمك . و كل مره بشوفك مع زين و مش قادر ابعدك عنه . و كل مره بشوف برائتك و هدوئك مع سليم . انهارده انا اول مره اواجه نفسي يا ليلي . اول مره اعترف أن كل احساس بحسه حقيقي .
ليلي بصتله بتوتر . هي مكنتش متوقعه منه كده . ليلي نزلت راسها بتوتر ./انا هطلع .
حازم مسك ايديها برفض . و هو بيقربها منه بهدوء ./بصيلي في عيني يا ليلي . قوليلي لو موافقه و لا لا .
ليلي بلعت ريقها بتوتر . و هي بترفع عينيها ./حازم انا مكنتش متوق....
حازم قاطعها بهدوء. /عارف انك كنتي شيفاني بـ شكل تاني . بس دلوقتي انتي شايفه حبي ليكي مش كده . ركزي في عيني يا ليلي .
ليلي بصت في عينيه بتوتر . و ايديها سقعت بين أيديه . بس دموعها نزلت بخوف لما افتكرت كلام زين و أن حازم اكيد هيفكر كده .
حازم ابتسم باستغراب ./ليلي انتي بتعيطي . طب ليه .
ليلي سحبت ايديها و مسحت دموعها بسرعه ./مش هينفع يا حازم . مش هينفع .
و سبته و طلعت بسرعه . حازم بص علي أثرها بهدوء . و ركب عربيته و هو مرتاح أنه خرج كل اللي في قلبه .
__________________________________________
ايهم قرب من ترابيزة ريماس و ابتسم بهدوء ./معلش اتاخرت عليكي .
ريماس ابتسمت بهدوء ./لا عادي .
ايهم اتنهد بهدوء ./كان مالك و صوتك كان تعبان ليه .
ريماس اتنهدت بضيق ./مش عارفه . بس تعرف أن دي اول مره احس أن زين بقي واحد معرفوش . و مش عارفه اتصرف معاه ازاي .
ايهم بهدوء ./طب احكيلي . يمكن اعرف اساعدك .
ريماس اتنهدت بهدوء . و ابتدت تحكيله كل اللي حصل .
ايهم ركن ضهره بهدوء ./واضح أن نظرة زين صح و بيقدر يفهم الناس .
ريماس باستغراب ./يعني ايه .
ايهم ابتسم بهدوء. /يعني بعد الموقف اللي حصل انهارده . حازم اعترف قدامنا و قدام نفسه أنه بيحب ليلي بجد .
ريماس ابتسمت بهدوء ./حاسه اني مستغربه شويه . بس خايفه من رد فعل ليلي لو عرفت .
ايهم اتنهد بضيق ./اصل حازم طول عمره كده . بس رغم كل اللي فيه بس حنين اوي .
ريماس اتنهدت بهدوء ./طب تفتكر اكلم ليلي . و لا ممكن تكون زعلانه .
ايهم ابتسم برفض. /لا كلميها . هي صحبتك و اكيد فاهمه أن في اختلاف بينك و بينه .
ريماس ابتسمت بهدوء ./خلاص يبقي بكره هحاول اكلمها و نتقابل . و كمان اعرف منها موضوع حازم .
ايهم ضحك بهدوء ./انا عايز اقولك ان تقريبا حازم عندها دلوقتي .
ريماس ابتسمت بحب ./لا ده كده شكله واقع خالص .
ايهم ابتسم بهدوء. /لو كنتي شوفتي شكله . كنتي قولتي عليه ده عاشق واحده من عشرين تلاتين سنه كده .
ريماس ضحكت بهدوء ./ ربنا يقدملهم الخير .
ايهم ابتسم بهدوء . و هو بيفتكر ازاي في الشهرين اللي فاتو قدره يقربوا من بعض اوي .
__________________________________________
تاني يوم .
ريماس كانت قاعده في اوضتها . لحد ما دخل زين بهدوء . ريماس اتنهدت بضيق ./في حاجه .
زين قعد قصادها بهدوء ./انا اسف علي اللي قولته امبارح . يعني كنت متعصب شويه بس .
ريماس ابتسمت بضيق ./ماشي .
زين اتنهد بهدوء ./هو ممكن يعني تكلمي ليلي .تخليها حتي تخلينا صحاب زي الاول . مش عايزين نخسر بعض .
ريماس بغضب ./بص بقي انت تبعد عن ليلي خالص . انا مش متخيله انت لسه بتفكر بـ عقلك ده تاني . سيب البنت في حالها بقي .
زين اتنهد بضيق ./ريماس انتي عا...
ريماس بضيق ./زين لو اتكلمت معايا في الموضوع ده تاني . انا هقول لـ جده كل حاجه .
زين اتنهد بضيق . و سبها و مشي .
__________________________________________
عند حازم في المستشفى .
حازم اتنهد بضيق ./طب مطلاما هي رفضته ..عملت معايا كده ليه .
ايهم بهدوء ./ ما يمكن مش موافقة فعلا .
حازم هز رأسه برفض ./لا ليلي هربت مني . سبتني و جريت من غير ما افهم منها أي حاجه . انا بجد هتجنن .
ايهم ابتسم بهدوء و هو بيبص عليه .
حازم بضيق ./في ايه انت كمان .
ايهم ابتسم بهدوء ./مين كان يصدق انك ممكن تحب حد بالشكل ده . انا خوفي دلوقتي من رفض ليلي . خايف تكون فعلا رفضاك . و انا شايف كل الحب ده جواك .
حازم اتنهد بهدوء ./ من اول مره شوفتها . كنت حاسسها غريبه . واحده غير اي بنت شوفتها قبل كده . في كل موقف بشوف توترها اللي من غير سبب . بس بتحاول تداريه . بشوف برائتها في كل موقف . انا عمري ما كنت اتوقع ان كل ده حب . لما كانت بتوحشني كنت بقول أن ده شعور ملوش معني . انا كنت بسرع في شغلي عشان ارجع بسرعه و اشوفها مع سليم . و اقف اتفرج عليها من بعيد . كنت بكدب نفسي و اقول مستحيل . بس انا حبيتها بجد .معرفش امتي و ازاي . بس انا حبيتها اوي .
ايهم ابتسم بهدوء ./انت مش حبيتها انت مجنون بيها يا حازم .
حازم ابتسم بهدوء . و هو بيفكر لو كلام ايهم كان صح . و كانت رفضاه فعلا .
______________________________________
فات يومين . كان زين بيحاول يكلم ليلي . مكنتش بترد عليه . و حازم كان شايف أنه يفضل بعيد اليومين دول . لحد ما يقدر يشوفها تاني .ووووو...
