رواية بيت الراوي الفصل التاسع بقلم فيروز
سمعت صوتها من علي الباب_ متجوزه بلطجي و فرحانه بيه و جايه كمان لا يا ماشاءالله الله يا زين ما اخترتي
بصتلها و انا ساكته و مبردش بصلها بقله حيله و بس
_ ابن بنت حضرتك قل أدبه و تعدي حدوده اوي و دة أقل رد فعل
_ يعني مش هي الي متجوزه راجل همجي يعني ، هيكون قال اي يعني
بصيت للكل لقتهم قاعدين
رحت قعدت علي اقرب كرسي و انا حاسه اني مهبطه و قادره
اقف علي رجلي _ جوزي مش همجي جوزي راجل و مقلبش علي
زوجته و لا أختها و امها كلمه و دخول في أعراض
دا للي مفروض يكونوا متربين عليه ميتكلموش علي بنات الناس و لا يقولوا عليهم كلمه حتي لو فيهم و اكيد عارفين حكمه عند ربنا
_ قعدتك مع ولاد الرواي خلتك شيخه و لا اي
_ و مالو يا تيته مش احسن ما ابقي قليله الربايه
دخلت جوه بهدوء و هي جايه نحيتي _ انتي قليله الربايه فعلا و مش مرحب بيكي
كملت و هي بتبص لفارس _ و لا لحد تبعك
_ انا في بيت خالي و امي ملكيش الحق تترضيني
قربت اكتر و هي بتمد اديها علشان تشديني من شعري لبرا
رجعت لورا بسرعه
قرب فارس مره و احده _ لاااا يا مدام ناديه متفقناش علي كده عيب برضو احنا ضيوفك حد بيعامل ضيوفه كده برضو
شدت اديها جامد منه و هي بترد عليه _ بره منك ليها
شدها خالو _ محدش هيمشي دول ضيوفي انا مش من حقك تقولي لمين يمشي و مين يقعد
_ البيت دا كله ملكي يعني دا حقي و كلمه كمان كلكم هتحصلوهم
_ لا مش حقك دا ورثنا يا أمي و كفايه اوي لكده البنت تعبانه اوي
_ ملناش فيه تروح لأهلها
قمت مره واحده و انا بمسح دموعي الي بتنزل بهدوء _ و انتوا كمان اهلي يا مدام ناديه مش هما بس و كتر خرهم اوي والله بقالهم ٢٦ سنه شايلين و مش هاين علي حد فيكم يرفع سماعه التلفون يسأل عايشيين حته و لا موتنا ....
قاطعتني بكل هدوء و برود _ ميشرفنيش و لا يشرف عيله القاضي انه يبقا ليهم أحفاد من واحده هربت علشان حبيبها
_ واخداني بذنبها لي احنا بذنبها اي الجحود ده
سكت ثواني لقت خالو ميل علي. خالتوا هدي و قلها حاجه لقتها بتتكلم بعدها _ طب يلا نشوف احنا الاكل علي مايخلصوا كلام ي بنات و يا ولاد شوفوا آدم عمل اي يلا بسرعه
لقت الكل انسحب بهدوء و مفيش غيري انا و فارس و خالاتي و خالو و هي
ووالجو مكهرب و متوتر اوي و فارس علي تكه و هينفجر في الكل انا عارفه
_ انا مش جايه اعاتبك رمتونا لي و لا اي الجحود دا
_ جايه علشان الورث اكيد ....
قاطعها و اتكلم فارس بنفعال _ بنات الراوي مش محتاجين حاجه و الحمد لله و لو عاوزين اهلهم موجودين مش هيمدوا اديهم للي يسوا و ميسواش
بصتله بقرف و اتكلمت تاني _ اومال جايين ليه
_امي فين
_ معرفش
_ آدم عارفه و كلامه يدل انه عارف حاجه و معني انه عارف يعني انتي عارفه لانه الي علي الحِجر
_ امك هربت خلاص و علشان اخلص منك زي ما خلصت منها هي مع حبيبها و خلفت ولادين و بنت
لقت خالي و خالاتي بصولها بصدمه ، رد خالو _ اي انتي عرفتي ازاي و ازاي متقوليش
_ هما فين
_ مش هقولك علشان ما صدقت تمشي و تسبكم لانها مش بتحبكم
هزيت راسي بنفي و رفض للواقع _ ماما بتحبنا مفيش ام مش بتحب عيالها
_ هي رامتكوا برضاها
_ مستحيل
طب بالله عليكي والله ما هاذي حد من عيالها ربنا يخلهملها هي فين عاوزه اشوفها بس
قربت منها و انا بعيط
_ لا
صرخت فيها و حدفت الفازه الي جنبي _ لي ، انتي مش فاهمه حاجه و لا هتفهمي تعرفي انتي اي عن القهره الي كنت فيها امشي وشي في الأرض بعد ما اسكندريه و مصر كلها عرفت ان امي المحاميه الكبيره فاتن القاضي هربت و محدش لاقيها و قهره ابويا
تفهمي انتي اي لما اختك تتعب و تحتاج امها و هي مش موجوده
و يونس ذنبه اي
بيسالني كل يوم عليها و مش عارفه ارد
انتي لو مكان هتردي تقولي اي
ردي عليا
قعدت علي الكرسي تاني و انا بنهج و فارس بيحاول يهديني و دموعي بتنزل بهدوء
قامت من الكرسي و اتكلمت _ مكتب امك لو مصره تعرفي الحقيقه فين هيبقا طرف الخيط
بس فكري مليون مره قبلها و متبيقيش أنانيه
رفعتلها راسي و انا بمسح الدموع الي علي خدي بعنف _ لو في حد اناني بجد هيبقا انتي
لقتها نزلت بهدوء و المكان كله ساكت و البنات حواليا الي بتعيط و بتبطب عليا و بيحاولوا يهدوني
لقت فارس جاب المهدء و بيديني حبايه _ خدي علشان حالتك بتسوء اكتر كل شويه
لقت شهد بنت خالتي منال بتتكلم _ مهدئات اي بس الي بتاخديها دي
خدي يا عم فارس بلا مهدئات بلا بتاع
_ هتتعب اكتر و احتمال يجلها انهيار عصبي
اتكلمت جني اختها _ انهيار اي وبتاع اي و احنا موجودين
ماما خالتوا خلصوا و اندهونا نتغدا احنا علي لحم بطننا من الصبح
و اطلع هات هدومها يلا
_ حاضر
دخلت معاها و هما ساندني و انا شبه مش واعيه لحاجه دخلت قعدوني علي السرير
اتكلمت رنا بنت خالي _ ارتاحي هنا
براحه
اهدي كده
صوت شهقاتي بتعلا و بس
لقت التلفون بيرن لقته مريم
رنا :_ هتردي
_ لا
سكتوا لقتها بترن كتير اوي
و كل مره اكنسل عليها
اتكلمت نور _ ردي عليها هتقلق حرام
