رواية روح أيوب الفصل التاسع بقلم رحبة
-عامر !
يلا عشان تنام
-هو لازم يعني أروح بكره المدرسة ؟
-ايوا ،عشان تبقى شاطر بإذن الله ويلا عشان تاخد كفايتك من النوم
بصلي بعيونه الحلوين
-هتحكيلي حدوتة؟
طلعته على السرير وخدته في حضني
-يا سلام احنا عندنا كام عامر يعني
عايز حكاية عن اي ؟!
-المس قالتلي إن اسمي على اسم صحابي قوليلي حكايته
-هو أنا مقولتهاش قبل كدا ؟
-لأ
-يبقى لازم أقولها فعلا
يلا بسم الله
بص يا سيدي
كان فيه صحابي جليل اسمه "أبو عبيدة بن الجراح "اسمه "عامر بن عبدالله بن الجراح"
أسلم على يد أبو بكر الصديق رضى الله عنهما في اليوم اللي بعد إسلامه على طول فهو كان من قواعد الاسلام الأولى يعني من أول الناس اللي أسلموا
الرسول عليه الصلاة والسلام قال عنه في حديث إن هو أمين الأمة يعني هو "أمين أمة محمد"
كان شجاع جدا وشديد الحياء ومن أحسن الناس خلقًا ودا برده بشهادة الرسول عليه الصلاة والسلام
كان ليه موقف جميل أوي مع الرسول عليه الصلاة والسلام في غزوة أُحد أحكيهولك؟
-ايوا
في غزوة أحد كان أبو عبيدة رضي الله عنه بيحارب بكل قوته وكان من الصحابة اللي أحاطوا بالنبي لما انكشف للمشركين عشان يحموه والرسول عليه الصلاة والسلام فيه من سنانه وقع وجبينه جُرِح وكان بيلبس دِرع فيه زي حديتين كدا دخلوا في خدَّيْه ،فأبو بكر كان عايز يشيلهم لكن أبو عبيدة أقسم عليه يسيبه يشيلهم فسابه
فهو خاف الرسول عليه الصلاة والسلام يتألم لو شدهم بإيده فيعمل اي؟!
-اي
-مش هتصدق !
عشان تعرف اد ايه الصحابة كانوا حريصين على الإسلام وبيحبوا الرسول عليه الصلاة والسلام فعلا
شدهم بسنانه ،ف ثنيتاه وقعوا سنانه اللي قدام فوق يعني اللي هما القواطع
فشوف من شدة حبه للنبي عليه الصلاة والسلام وإنه خاف لا يتألم عمل اي!
-أول مرة أعرف القصة دي
-قولي بقا استفدت اي؟
-إني أحب ربنا وأحب الرسول عليه الصلاة والسلام أكتر من أي حاجه ،وإني لما أكبر إن شاء الله هبقى شجاع زيه!
حضنته وزغزغته
-ما شاء الله علي الحلاوة وعلى أحلى عامر في الدنيا
ربنا يبارك فيك يا حبيبي يا رب
ونام الحمدلله!
وقفت على باب اوضتي مش عايزة أدخل !
شديت أنا وأيوب الصبح ،حاولت إن عامر ميحسش بحاجه أيا كان دا طفل وملوش دخل باللي بيني أنا وباباه
-مش هتتعشى؟
-شكرًا ،أكلت برا
-أكلت برا؟!ودا من امته ؟
-عشان أنا مش بساعدك ومش حاسس بيكي فقولت أشيل من عليكي حِمل أكلي وشربي
عكيت جامد أنا برده!
قعدت جمبه
-حِمل اي بس متقولش كدا دا أنا أهل
-والله؟مش دا كلامك؟
-كلامي في لحظة تهور
كنت مضغوطة وطلعت فيك بجد آسفة مكنش قصدي حقك عليا
بصيتله باستعطاف يمكن يرضى !
-أنا عارف إنك مضغوطة وأنا بحاول أساعدك في البيت ومع عامر على اد م أقدر وانتِ عارفة كدا
-عارفة ومقدرة بجد ومقصدش ولا كلمة من اللي قولتها
قلبك أبيض بقا
بعدين ازاي تاكل برا حتي لو متخانقين مش المفروض نتعشى سوا؟
-بتقلبي الدور يعني ؟
-خدت بالك؟
ضحك أخيرًا
-لما تبقى مضغوطة تعالي اتكلمي معايا وأنا هسمعك ونحل سوا لكن متسكتيش وكله يطلع فجأة
-حاضر ان شاء الله المرة الجاية
-أنا مكلتش على فكرة
-م أنا عارفة
أكلي مفيش زيه
بصلي وابتسم بهدوء
-تؤ،انتِ اللي مفيش زيك 🤎
والليل خِلص بهدوء بعتاب لطيف وطفل نايم مبسوط الحمدلله ربنا يجعل لنا من أزواجنا وذرياتنا قرة أعين في عفو وعافية يا رب 🤎
-روح-أيوب💗
-رُحْبَة💗
