رواية لعبة الحب مروان وسلمي كامله جميع الفصول بقلم سلسبيل احمد
- شكلك مطولة عندنا يا سلمي ياحببتي!
اجبلك بطانية؟
= ياريت يا مروان اصل الجو تلج اوي
- مش مكفيكي الجاكيت الجلد بتاعي الى لابساة؟
- مش قد كده والله
= وشرابي الى اختفي فجاة؟؟
- اه تقريبا جه في رجليا بالغلط
= اه يحببتي وايه كمان؟
- شوف يا مارو مهما تبين انك مش طايقني عارفه انك بتحبني وبتموت فيا.. بس معنديش دليل
= اطلعي بره اوضتي انا معرفش جايبه التناحه دي منين اصلا
- فيه راجل محترم يكلم مراتة كده؟
= مراتة؟ دي صدقت نفسها..؟؟
" وفجاة دخلت جدته فا لاقيته لزق فيا وابتسمت بسخريه على حركاته"
- سقعانه يا روحي تدخلي جوه؟
بصتله وانا بحط ايدي السقعه على وشه: لا ياحبيبي خالص حتي شوف ايدي دافية ازاي
اتكلمت جدتة بحنية: تعالو انتوا الاتنين في الأوضة الى جوه انا عملت لكم حاجه سخنة تشربوها.. وشغلت الدفاية
اتكلمت بأدب: حاضر يا تيته جايين اهو
" مشيت من الأوضة فا بعد عني و بصلي بعدم تصديق"
- دي جدتي انا.. فا ياريت تخلي عندك دم وتمشي
بصتله وانا ببتسم ببرود: انا هطلع اشوف تيته حببتي عملت ايه سخن عشان سعقانه..
" خرجت و الأوضة فعلا كانت دافية ولقيتها عامله سحلب.. ابتسمت بحب و روحت بوستها واخدت كوباية "
- ربنا يخليكي لينا يا تيته
طبطبت على ايدي: ويخليكم لبعض ياحبيبة تيته
" بعد شوية جه غصب عنه لأن الأوضة الى فيها البلاكونه فعلا سقعة.. قعد وخد كوباية السحلب و وسط مانا قربت اروح في النوم لاقيته بيخبط على ايدي بهدوء "
- طب يلا بقا نروح
" اتعدلت وفركت عيني "
تيته: انتوا مش هتباتو معايا؟
مروان بسرعه: معلش يا تيته ورانا حاجات كتير لازم نخلصها
بصتلها بأسف: هنجيلك تاني..
" ابتسمت وسلمت عليهم وبعدين نزلوا "
>>>>>>>>>>>>>>>>>>>>>>>>>>>>>>>>>>
«اللهم صلِ وسلم وبارك على سيدنا محمد.»
" فضلت ساكته طول الطريق وسيباه لحد ما اعرف اخره ايه! لكننا وصلنا البيت وهو مازال ساكت و قبل ما يدخل يغير هدومه وقفت قصاده "
- نعم عايزة ايه؟؟
= انت الى عايز ايه؟ ليه بتعاملني كده؟ ازاي اصلا بتعاملني بالطريقة دي؟
رفع حاجبه: انهي طريقة؟؟ ما تفوقي انتي لحسن تفتكري جوازنا بجد يا سلمي ده مجرد لعبه
- واحنا اتفقنا اللعبة تبقي لذيذة مش كلها قلبة وش وافعال مش مفهومه و رخامه !!
= لا انا افعالي مفهومه كويس اوي جدتي بتتعلق بالأشخاص وبتحبهم وانتي الحقيقة مش شخص احب انوه يقرب منها من اساسه ولا تكلميها
- انت بجد قليل الذوق وطريقتك مش كويسة !!!!!
مروان قبض ايده: انا مش هرد عليكي..
ولا هعملك قيمة اصلا.
" سابني ودخل اوضته و رزع الباب وراه وانا قعدت بره في الصاله وانا عماله اهز في رجلي بتوتر.. وافكر اعمل ايه معاه عشان يبطل يبقي خـ ـنيق "
" بدأت افتكر الى حصل بينا اول يوم جواز "
# فلاش باك
- ابعد عني و إياك تفكر تلمسني فاهم ؟؟
= فيه ايه يا سلمي! مالك؟
- فيه ان احنا مش هنبقي متجوزين رسمي
ابتسم بعدم فهم: حببتي احنا بالفعل متجوزين رسمي ولسه كاتبين الكتاب
بعدت مره تانية: لا!!! ده بالنسبالك انت !!! هو بجد انت فاكرني بحبك يا مروان؟؟ انت تبقي عبيـ ـط اوي لو فكرت كده !!!
قلب ملامحه وبصلها بعْضب: ايه الى بتقوليه ده؟؟
ضحكت بسخريه: لسه مش فاهم؟؟ مش واخد بالك من قوة صداقة ابوك بـ ابويا !!! وانهم بيحاولوا بكل الطرق نرتبط!! خليني اوضح لك بصورة سريعه.. عارف انت حكايات الجواز بالاجـ ـبار تطورت دلوقتي طبعا عشان مبقاش فيه حد بيتجـ ـبر على حاجه.. فا بقا جواز بالزن او بالدْل..!! انا اتحطيت قدام اختيار.. لو وافقت عليك واتجوزنا وبنيت حياة سعيدة مثالية بابا هيديني ورثي من امي.. وهيخليني امسك الشركه لأنه شايفني ياعيني غلبانه ومسكينه ومش ناضجه وكلام كتير كده اهبـ ـل وشايف الجواز ده الحاجه الى هيضمن بيها اني مش هبقي طايـ ـشه ولا هآذى نفسي.. سدْاجة بعيد عنك بس عادي انا قولت ومالو.. ؟؟ امشي وراه لحد ما اخد الى عاوزاه..!! وبعدين نطلق ايه رأيك ؟؟
" كنت في حالة صدمة مش قادر استوعبها لدرجه اني استنتها تقول ان ده مقلب مثلا وهي بتهزر.. بقالنا شهر سوا وفى الشهر ده كنت فاكر اننا حبينا بعض!! واني اعرفها كويس !!! "
- انتي مريصْه ؟؟ مستحيل تكوني طبيعيه!!!
= متزعلش نفسك اوي كده !!! ده انت من قبل ما نتجوز بقيت الإبن التاني لـ عماد بيه !!! وبقي يحبك اكتر و اتعينت في الشركة التانيه وخلاك تتحكم فيها!!! ده معملهاش معايا يأخي !!! عملها مع جوز بنته.. وبنته لاء.. متخيل الى انت فيه ؟؟ وزعلان؟
- ايه التحْلف الى انتي بتقوليه ده !! انا موافقتش عشان اي حاجه !!! انا كنت بحبك وانتي قولتي انك بتحبيني !!! وفضلتي تقربي مني وتبيني اهتمامك وحبك!!! وبعدين وافقتي على جوازنا لكن كل ده يطلع كدب؟؟ انتي ايه؟؟ ازاي كده !!!!
= مانا لو كنت قولتلك من البداية مكنتش هتوافق وانا الحقيقة معنديش وقت وانت انسب حد اتقدملي بس لما اخدت بالي من البداية إنك إنسان محترم ملوش في الحورات.. وعندك ضمير قولت عمرك ما كنت هتوافق لو قولتلك نلعب عليهم.. فا لعبت عليك معاهم بس عرفتك الحوار كله دلوقتي اهو اظن عداني العيب!!
مروان بصلها بصـ ـدمه وابتسم: لا براڤو عليكي يا سلمي.. شاطرة.. احب اهنيكي واعرفك ان الى هيحصل دلوقتي اني هقول لوالدك كل ده هنطلق ولعبتك للأسف مش هتكمل..!!!
وقفت قدامه: تبقي عبيـ ـط اوي لو فاكر اني هديك فرصة تعمل ده يا مروان انت لو فكرت مجرد تفكير تبوظ لعبتي انا هبوظ حياتك كلها..
- متقدريش تعملي اي حاجه وانا مش بتهـ ـهدد!! ومسحتيل اعيش مع انسانه مريصْة زيك
= انا اقدر اعمل كتير.. ولو فكرت تقولهم اي حاجه
هنـ ـكر وهطلعك انت الى مش طبيعيي ومريصْ وعايز تبوظ الجوازة..! خصوصا انهم شافو طول الشهر الى فات قد ايه بحبك.. ومستحيل اعمل حاجه زي دي..هما خلاص وثقوا فيا
- مش مهم عندي كل ده !!! المهم اني هعمل الى عايزه
ومش واحده زيك الى هتمشيني على كيفها
= متبقاش مندفع وفكر فيها!!! انت لسه قايل مصر كلها ولا نصها حصْرت فرحنا!! واهلك واهلي طايرين بينا! والسعاده مالية الدنيا كلها! عايز نطلق دلوقتي؟ والناس تتكلم؟ بذمتك هيبقوا في صفك؟؟
بصلها وابتسم: انتي فاكره بكلامك ده كله اني هوافق صح؟ فكراني عبيـ ـط وهتأثر؟ انا وثقت فيكي مره! وانتي ادتيني درس عمري ما هنساه يا سلمي.. عمري
- انا قولتها مره وهقولها تاني يا مروان فكر بالعقل.. احنا هنعيش سوا.. هسيبك تعمل الى على كيفك مش هحملك اي حاجه ، كل واحد هيشغل ويعمل الى على مزاجه وهتبقي مرتاح ومريح اهلك ومفيش زن ولا ضغط!! وابوك علاقتة قوية بصديقة؟؟ ومجرد ما اخد الى انا عايزاه هسافر اصلا مش هقعد هنا يعني هتخلص مني للأبد ليه عايز تهد كل ده دلوقتي، بقلمي سلسبيل احمد
- انتي إنسانه....
" مروان سكت وهو بيتنفس بعصبية وبصلها وكمل "
زعق بعْضب: انتي مقـ ـرفة يا سلمي.. وانا مش طايقك.
" سابها ودخل اوضتة.. وقتها فضلت تفكر ومكانتش عارفة تقنعه ازاي لحد ما جت لها فكره خبيثة...و رسمت على وشها البراءه كان قاعد على السرير وغرقان في افكاره فا قعدت جمبة"
- بص يا مروان.. انا اسفة عشان معرفتكش من البداية كل حاجه.. بس اديني بعرفك.. ولو انت شايف الموضوع مش على مزاجك عشان حاسس اني انا الى بلعب.. فا من دلوقتي الخطه هتمشي حسب رسمك انت.. يعني شوف عاوز نمشيها ازاي وانا معاك.. وصدقني.. كده أحسن بكتير! كل واحد فينا هيبقي حر.. ومش هيفضل يسمع كلام من اهله و زن ملوش آخر! هتبقي حياتنا مثالية قدامهم وفي الوقت المناسب هنـ ـطلق وهتخلص مني
بعد لما كل واحد يعمل الى عايزه
" مروان كان باصص قدامه وعقلة بيفكر في حاجات تانيه تماما.. اتعدل وبصلها "
- وانتي شايفه اني عايز ايه؟ شيفاني عايز حاجه.؟
= انت قدام الكل بنيت حياة..! باباك معندوش غيرك و بابا نفس القصة واحنا رضيناهم بجوازنا بس في نفس الوقت احنا محدش فينا مجبر على حاجه
- عاوزاني اعيش في كدب ؟ وخدعه ؟
= متبصش للموضوع بالطريقة دي.. جرب ولو محبتش نكمل يبقي خلاص.. هنطلق.. بس على الاقل مش دلوقتي عشان شكلنا!!
ابتسم بسخريه: وانتي يفرق معاكي اوي الشكل؟
- دلوقتي اه..
= طب ياريت تطلعي بره تنامي في اي حتة عشان انا محتاج اريح اعصابي لوحدي
- تمام اتعامل على انك مش طايقني براحتك
= انا فعلا مش طايقك ولا طايق اقعد معاكي في مكان واحد
# باك
" خرجت مني ابتسامه بعد ما افتكرت احداث اليوم ده وادركت ان فات اسبوعين على جوازنا.. وهو مازال مكمل معايا.. يبقي زي ما خليته يكمل أكيد هعرف اخلية يعاملني كويس.. ومش بعيد كمان اخلية يحبني مره تانيه..! وساعتها هيمشي على مزاجي"
" خبطت على اوضتة ولكنه مفتحش فا فتحت بالمفتاح الى معايا "
مروان بصلها بدهشه: انتي معاكي مفتاح..!
- ما دي شقتنا يعني طبيعي معايا مفتاح الأوض
= لا مش طبيعيي هي نسخه واحده الى موجوده
- ماشي.. وانا طلعت عليها نسخه تانيه
= بتكملي سلسلة التلزيق بتاعتك؟؟ كل ما اروح مكان لازم تبقي حواليا صح؟
ابتسمت: انت متقدرش تبعد عني..اعترف
مروان ضحك بسخرية: انا كلمت مأذون وهنطلق بكره..
"سلمي بصتلة بصدمه"
- اظن كفاية اوي الاسبوعين الى استحملتك فيهم..
