اسكربيت وحشاني يا بنت اللذينة
كان قاعد بهدوء في كافيه و باصص لاتنين كابلز بيضحكوا ويهزروا و شكلهم كيوت وهو مبتسم و بعدها بص للاب تاني وبدا يكمل شغله ويصمم فستان و يصمم و يشرب القهوة ويرجع يكمل شغله لحد ما خلص نص الشغل وقفل اللاب وخرج من الكافيه يتمشى لحد عربيته وفتح وركب وبص جنبه ع كرسي وابتسم
ليلى بفرحه : اخيرا جييت
سيف بابتسامه: انا مغيبتش ع فكره
ليلى : لا اتاخرت يا سيف اتاخرت اوي انا قاعده بقالي قرن بحاله في العربيه يا اخي وضربته بخفه
سيف ضحك : عشر دقايق قرن؟؟ ماشي يست ليلى قرن قرن
ليلى: نينني ..انا جعانه بقا
سيف: عيوني ياباشا...تاكلي اي
ليلى بلا مبالاه: اللي يجي منك بقا
سيف بصلها بصدمه: اللي يجي مني !! محسساني اني بعذبك يبت
ليلى بصيتله بطرف عينها وهزيت كتفها لفوق : مثلا ..وفجاه تبصله يا قاسي يا متوحش يا..قطاعها وهو بيقول ششششش اي مجاري طافحه في وشي يخربيت نكدك مكانوش عشر دقايق يا ليلى يعني
ليلى بقمص: متشكره يا استاذ يا محترم يا ..
قاطعها وقال : قليل الذوق ممم وبعدين هتقولي حاجه جديده
ليلى : لا اممم يلا انا جعانه
قاطعها فونها
ليلى بعصبيه : شوفت شوفت اهو امي بترن بترن بترن بترن بترن
وتضربه مع كل مرة تقول بترن بترن
سيف: اااه ياستي انا مالي انا طيب
ليلى بصتله بعصبيه ورديت ع مامتها : ايوة يست الكل
مامت ليلى: فينك يا اخرة صبري
ليلى: مع سيف حبيب قلبك
مامت ليلى : طب يلا تعالي عشان اتاخرتي وابوكي مش هيسكت ع مهزله دي يا هانم
ليلى: يا ماما دة انا حتى ملحقتش اكل يا ماما
وهي عماله تقنع مامتها
وسيف باصص ليها مبتسم بكل حب
ليلى: ماشي خلاص حاضر باي
ليلى بصت لسيف: ماله دة ..سيف سيف انت يا زفت
سيف : قلب الزفت
ليلى: روحني يا اخويا اهو ياريت تكون مبسوط ماكلتنيش ومقعدناش سوا ..اوف كلك نكدددد
سيف بابتسامه وبيدور العربيه: تتعوض يا قلبي الايام جايه كتير
ليلى بنرفزة: اهو كل ما اكلمه يقولي الايام جايه كتير ايش ضمنك انت كنت تعرف الغيب يعني دة انت عجيب يا اخي
سيف بخنقه من كلامها قال ببرود: اسكتي نقطينا بسكاتك
ليلى بصتله بقرف وسكتت
العربيه وقفت قدام بيتها
نزلت من العربيه وهو نزل وقفل وقفلها لحد ما تطلع زي كل مرة فقالتله: ع فكره بابا جوا هيبقى عيب لو مدخلتش سلمت يعني ع حماك عيب اوووي يا ..
قاطعها وقال ببتسامه: قليل الذوق
ليلى سكتت وبصيت ع الارض برتباك وبصتله تاني بعصبيه: بظبط وانت عارف بابا بقا
سيف: يلا ندخل وزقها
ليلى: براحه بتزق جاموسه وبعدين ينهارك مش فايت بتلمسني يا قليل الادب يا منحرف يا فاسق
وبتضرب فيه في طرقة العماره
الجيران طلعوا يشوفوا اي الدوشه دي فيشوفوهم فيضحكوا ع منظرهم
وسيف ميت ضحك تحت ايدها من ضربها وبيقول: بس يا مجنونه يا مجنونه بس ههه بس يبت يا مجنونههه يا عمييي يا حماتيييي
بعد نص ساعه اخو ليلى يسلك ويعتذر للناس ويقول: اسف ازعجناكم
واحده من الجيران: لالا عادي واخدين ع جنان ليلى ههه ربنا يبارك فيكي يحبيبتي والله عملالنا حس في العمارة
واحده تانيه من الجيران: اه والله هنفتقدك يابت يا ليلى لما تتجوزي
واحده ورا واحده الجيران كلهم قالوا كلام حلو في حقها وقد اي هي اللي بتعمل بهجه في العماره
سيف كان بيسمع ومبتسم وباصصلها بكل حب واخو ليلى مكسوف من كلامهم وشكرهم واخدهم دخلهم الشقه
مامت ليلى: عملتي مصيبه اي انهاردة يزفته
ليلى ببراءه: معملتش حاجه والله
ابو ليلى: ازيك يا سيف يابني
سيف: ازيك يا عمي اخبارك اي وصحتك
ابو ليلى : بخير الحمدلله يبني قعد كُل معايا
سيف: تسلم سبقتك
ليلى برقت وبصيتله بستغراب فبصلها سيف وغمزلها
ليلى : هاخد سيف البلكونه ثانيه
وشديته ودخلت البلكونه وقالتله بنبرة تحقيق: سبقتك!! اكلت فين !! وامتى!!! ومع مين!!! عشان كده ماكلتنيش !
سيف: اهدي اهدي ماكلتش ولا بتاع بس انا عندي دم يعني والمفروض امشي لان الوقت متاخر اصلا ولسه هيطلع ويسبها
ليلى مسكت ايده وقالت: مبهزرش يا سيف انت اكلت امتى وفين
سيف بعصبيه : يا ليلى مطفحتش حاجه في اي انا غلطان اصلا سلام ونتش ايده وطلع واستاذن من اهلها ومشى
ليلى واقفه مصدومه من طريقته وبصيت عليه لحد ما مشى بالعربيه اتنهدت وغيرت هدومها ونامت منغير متاكل (يقلب امها🥲)
وفي الخلفيه صوت بهاء سلطان وهو بيقول
لما اقولك تبعد اياك تسمع مني
قرب اكتر ..امسك فيا بكلمه احضني
ازاي تمشي دة انت لوحدك بس فاهمني
انا مستني اهو تكلمني❤️
تاني يوم صحيت ع ماسدج من سيف
[حقك عليا يا نور عيني مكانش قصدي ازعلك ..اجهزي ع الساعه 12 هفسحك فسحه هتبسطك متتاخريش عليااا هااا ..بحبك❤️]
ابتسمت وبصيت في الساعه لقيتها 11 ونص قالت: يالهوووي هتاخر
قامت تجري في اوضتها تجهز وفجاه تسمع صوت كلاكس العربيه وقفت مرة واحده لطمت ع وشها وقالت ينهاري ملحقتش
الساعه 12:45
سيف واقف جنب العربيه بفارغ الصبر
فجاه تظهر حبيبة قلبه ليلى
ليلى بكسوف: انا اسفه يا سيف والله صحيت متاخر
سيف بابتسامه: اي الحلاوة و الجمال دة كله بس ..انا لازم اخبيكي اطلعي اطلعي بلاش فسحه ونتغدا فوق
ليلى بابتسامه وبعدين اتلاشت وعوجت بقها: دة عندها هتخرجني يعني هتخرجني
سيف بستغراب من تحولها المفاجئ: يا ساتر ماشي يختي اركبي
ابتسمت وركبت
وابتسم سيف وركب
في مطعم جميل
سيف وليلى قاعدين ع تربيزة وشهم لبعض وبياكلوا
سيف يقرب ايده ناحيه ليلى
ليلى تضرب ايده وتقول : ايدك لتوحشك يعنيا ايدك رايحه فين
سيف بصدمه وضحك: انتي عبيطه ابت ..في اكل ع بوقك كنت هشيلهولك
ليلى : ليه وانا ايدي مقطوعه ما تقول وانا اشيلها
سيف بضحك: بت انتي عبيطه انا خطيبك يعني بطلي جنان
ليلى: اي يعني خطيبي مش فاهمه اهو لقب و خلاص محسسني انك جوزي
سيف مذهول من كلامها: مانا هبقى جوزك يخربيت دماغك
ليلى: هتبقى شايف الفرق هتبقى و يعالم انت او حد تاني
سيف بخنقه من كلامها: لا انا متقلقيش
ليلى : ليه كنت تعرف الغيب يعنيا في ناس انفصلت قبل فرحها بيوم عادي يعني مش انا وانت اللي هنكمل يعني ف الزم حدودك ياااض
سيف: هتجوز عبيطه ومجنونه يارب كُلي كُلي
ليلى بتكمل اكلها وهو باصصلها ومبتسم
بليل وهما بيتمشوا شويه
ليلى: هي كانت حلوة برضو يا سيف
سيف بستغراب: هي مين
ليلى: حبيبتك
سيف: اللي كانت حبيبتي انا عندي حبيبه اجمل مليون مرة حاليا و ضرب مانخيرها بصباعه و ابتسم و اداها ظهره
ليلى بابتسامه: م هتقولي برضو مكملتوش ليه
سيف : هيفرق معاكي في اي يا ليلى
ليلى : عشان معملش نفس غلطتها ..انا م عايزة اخسرك
سيف ابتسم بحزن : متقلقيش مش هيحصل ان شاء الله
ليلى ابتسمت
وفي الخلفيه صوت بهاء سلطان وهو بيقول
اصل التفاصيل اجمل بكتيير
بوجودك فيها ..بوجودك فيها
اتاريك انت يا حبيبي انت
اللي محليها ..حياتي انت محليها❤️
بعد اسبوع
كانوا قاعدين ع البحر
سيف: ليلى
ليلى وهي بتاكل ترمس: اي
سيف: لو خلفنا نسمي اي
ليلى: وايش ضمنك اننا نتجوز؟؟
سيف بنرفزة: يارب ارحمني من غباء واحده يارب
ليلى بضيق: لاحظ ان كلامك جارح
سيف: مانتي لاحظي كلامك برضو
ليلى بتفكير: بس انا كلامي صح ايش ضمنك مين ضامن بكره مش يمكن اموت
سيف : بعد الشر يخربيتك متقوليش كده بعد الشر قفلتيني يا شيخه اسكتي متكلميش تاني كل ماتكلمي تنكدي ع امي مفيش في كلامك اي نظرة للمستقبل عدل يا اما مش هنكمل يا اما نموت في اي يا ليلى م كده
ليلى : عادي انا بقول يمكن محدش ضامن بكره اي يا سيف متستعجلش يا راجل عيش اليوم بيومه ..اصرف اليوم بيومه عيش حياتك كل يوم اكنه اخر يوم يا سيف ايش ضمنك بكره في اي او هتبقى عامل ازاي او هيبقى في مقدريتك تعمل اي وقتها ف محدش ضامن حاجه في اي وقت يا سيفو يحبيبي ع رايي علاء الدين و ياسمين "خلينا نعيش ماتخليش ولا لحظه تضيع وتفوت"
سيف: يادي الكرتون اللي واكل عقلك بس عندك حق لكن برضو انتي بومه
ليلى: بومه قمرر
سيف بضحك: اكيد اجمل بومه اصلا
ليلى ابتسمت: طب يلا روحني
سيف: احنا لحقنا
ليلى : اه كفايه كده عشان مانتخانقش وننكد ع بعضنا
سيف: عندك حق بس مهما حصل مابينا وخناقتنا سوا كتير وتخلي الواحد يتقفل لكن بتوحشيني يبنت اللذينه
ليلى بفخر وكسوف في نفس الوقت: دة كده كده يلا روحني
وتضربه بخفه وتزقه ناحية العربيه
قبل الفرح بيوم
كان قاعد سيف عندها اجباري بسببها
ليلى رايحه جايه قدامه
وهو ماسك التاب مركز
ليلى : انت بتعمل اي
سيف وهو مركز في التاب: بخلص شغل بس
ليلى: اممم طيب انا عايزة اخد رايك في حاجه
سيف هز راسه وهو مركز في التاب
ليلى : عايزة اغير فستان الفرح
سيف بصلها بعينه ورجع للتاب وقال بسخريه: م ناقصاكي والله وهزارك البايخ دة
ليلى: مبهزرش ياسيف بجد مش حاسه الفستان بصراحه
سيف قفل التاب وبصلها وقال بعصبيه بسيطه: نعم يختي مش دة الفستان اللي فضلتي تقولي هو دة وعاجبني ومش هلبس غيره راعي ان الفرح بكره يا ليلى
ليلى : م مستريحه يا سيف مش عاجبني دلوقتي اعمل اي يعني وبعدين انت مشهور وقدها تقدر تغيرهولي عادي
سيف: اه دة لما اكون علي بابا يا روحي انا مش محقق امنيات يا ليلى
ليلى: خلاص صمملي فستان زي ماقولتلي
سيف: ليلى الفرح بكره انتي متخيله اصمملك اي حاليا مفيش وقت مانا قولتلك من الاول قولتي لا اتحملي نتيجة اختيارك يا ليلى
ليلى : خلاص اديني فستان حبيبتك اللي انت كنت عاملهولها
سيف سكتت شويه وقال: لا
ليلى : لا ليه اي المشكله كان عاجبني وبعدين انت محتفظ بيه ليه يعني هتحنطه وبعدين كل ما اجبلك سيرتها بتقلب عليا ليه
....انت لسه بتحبها؟؟
سيف: ليلى متغيريش الحوار
ليلى : رد عليا لسه بتحبها
سيف بعصبيه شديده: واكرهها ليه ..كانت هتبقى مراتي في يوم وام عيالي اكرهها ليه يا ليلى قولت لا يبقى لا خلصنا
واخد التاب و حاجته وطلع ليلى عماله تنادي عليه : سيف استنى انا اسفه سيف سيف
ليلى بوجع مسكت بطنها : ااااه سيف امم مامااا ااه
مامت ليلى : ليلى مالك يحبيبتي اهدي اهدي
وبدات مناخير ليلى بالنزيف
مامت ليلى فضلت تصرخ : سيييييف وطلعت تجري على برا تنادي عليه
سيف رجع قال: يحماتي انا ..
قاطعته وهي بتقول بعياط : الحق ليلى يبني
سيف دخل يجري ع جوا لقى ليلى واقعه ع الارض وشها مليان دم
شالها ونزل بيها ركبها العربيه وطلع ع المستشفى
وصل المستشفى شالها ودخل ع جوا وهو بيقول اوضه بسرعه
الممرضه: حاضر يا دكتور
دخلها وبدا بفحصها و عملها اشاعات و تحاليل و اديلها محلول
وقعد مستني التحاليل
بعد شويه طلع زميله من معمل التحاليل بالنتيجه
بص لزميله
سيف: لا صح ..الاشاعه غلط صح التحاليل سليمه ؟
شادي : اسف يا صاحبي
سيف: مرحله كام
شادي: الثالثه لسه في امل متقلقش هتبقى كويسه
سيف: امممم
فلاش باك
مروه: اسفه اني مقولتلكش انا ...انا بس معرفتش اتحكم في مشاعري يا سيف
سيف: ليه مبداتيش علاج ليه ليه تحرميني منك ليه
مروه: انا اسفه
سيف: انا بحبك
مروه: مقدرش... انت تستاهل احسن مني
سابته ولسه بتعدي الطريق
صوت تزمير عربيه وفجاه
مروة ع الارض غرقانه في دمها
سيف جرى عليها بعياط هستيري : مروة مروه مروه مروووووه قومي عشان خاطري
اسعااااف اسعاااف
في المستشفى
الدكتور: البقاء لله
ليلى ع السرير فاقت تمسك راسها من الصداع وتحاول تقوم فتقوم بالعافيه وتلاقي ابره محلول في ايدها فتوجعها ايدها بسبب الابره
يدخل سيف بابتسامه بهتانه : حمدالله ع السلامه
ليلى: انا اسفه يا سيف مكانش قصدي ع طريقتي خلاص م مهم خليني بالفستان اللي اخترته بس متزعلش مني ...مقدرش اخسرك
سيف باتسامه: اللي انتي عايزاه يا ليلى عايزه انهي فستان واجبهولك
ليلى بستغراب : يسلاااام كل دة عشان تعبت خلاص اتعب ع طول بقا وتبتسم بشقاوة
سيف ابتسم
ليلى بوجع
سيف بقلق : مالك حاسه بايه
ليلى مديتله ايدها: ممكن تشلهالي وجعاني اوي
سيف: لما المحلول يخلص هشيلهالك
ليلى بصيت للمحلول : يلهوووي دة لسه بدري خلاص انا بقيت كويسه والله شيلها عشان خاطري يا سيف وحياتي عندك اممم وحياااااااتي
سيف بابتسامه: تؤ لما يخلص
ليلى بضيق: انت شرير
سيف بابتسامه بهتانه: اوي
ليلى تضربه بخفه : اه صح الدكتور قالك اي انا تعبت ليه
سيف: ارهاق م اكتر بتدلعي بتشوفي غلاوتك عندي بس
ليلى بابتسامه : قهقهقه وياترى طلعت غاليه ؟؟
سيف بابتسامه بهتانه ودموع في عينه: اوي يا ليلى..فوق ماتخيلت
ليلى ابتسمت
خلص المحلول ورجعت البيت
وسيف قالهم مجرد ارهاق بتدلع
وتاني يوم كل شويه يتصل يطمن عليها وهي بتجهز للفرح
في الفرح
ليلى: شكلك حلو موووت انا مش مصدقه انك هتكون جوزي قرة عيني والله
سيف بابتسامه : لا والله ..انا اللي مش عارف بتحبي فيا اي بس يا زقردة انتي
ليلى: كلك كدهون
سيف: كدهون ماشي يا كدهووون
سيف نظراته عليها ومبتسم
بارك الله لكما وجمع بينكما في خير
وليلى بقيت مراته رسميا وقدام الكل
سيف قرب منها وحضنها وعيط عياط هستيري مش قادر يبعد عنها
الكل استغرب حتى ليلى
ليلى: خلاص يا سيف اهدى يا حبيبي
سيف بصلها بدموع : اوعى تسيبيني عشان خاطري انا منغيرك اتوهه
ليلى بابتسامه: بموتي
سيف حط ايده ع بوقها : بعد الشر لا لا ياليلى
ليلى : انت كمان اوعى تسيبني
سيف : استحاله
ليلى تبتسم وتشده ويفضلوا يرقصوا شويه وروحوا
ليلى : فين اللب و الحاجات الحلوة يا سيف
سيف : كله موجود متقلقيش يا نور عين سيف
ليلى تبتسم
بعد شهر ونص
ليلى تقوم من النوم شعرها واقع خالص وبقا خفيف وبيقع بمجرد ما تمسكه
تقوم وتدوخ وتقع
سيف يسندها يقول بقلق: ع مهلك ...كويسه ؟؟حاسه بايه ؟؟
ليلى بابتسامه: انا كويسه ..شعري بقا خفيف اوي و خسيت خالص دي حاجه كويسه انا كنت عايزة اخس اصلا لكن شعري لاااا وفضلت تضحك
سيف يبتسم
ليلى مبشاكسه : يعني يرضيك انت يكون شعرك بالحلاوه دي وانا شعري كده يرضى مين بس ..محتاجه اروح لدكتور تغذيه بجد
سيف: ليلى
ليلى بابتسامه: عيونها
سيف : عايز اقولك حاجه
ليلى: اي في اي خير يا حبيبي
سيف: ليلى انتي ..
ليلى: انا ايه
سيف: يوم ماتعبتي قبل الفرح
..مكانش ارهاق ..ليلى انتي ..انتي..
ليلى : في اي يا سيف انا اي مالك يحبيبي
سيف سكتت
حطيت كف ايدها ع خده : مالك
سيف بدموع: انتي تعبانه يا ليلى
ليلى : تعبانه ازاي يعني
سيف : عندك كانسر
ليلى: ايه!
سيف : دة سبب تساقط شعرك ونحفانك بسبب العلاج
ليلى: بس بس انا مباخدش علاج يا سيف
سيف: كنت بدهولك و احيانا بديكي منوم عشان اديكي جلسات انا عارف اني غلطان بس انا ..ساعتها مرضتش اكسر فرحتك بفرحنا يا ليلى
ليلى بعياط
سيف: ليلى ردي عليا متسكتيش عارف اني غلطان بس مكانش قدامي حل غير كده يا ليلى
ليلى : انت انت ازاي ..ازاي استحملتني؟؟ ازاي انت اي ذنبك تكمل معايااا ليه ليه تعمل كده في نفسك يا سيف ليه رد عليا ليه انت ذنبك ايه تعيش معايا ؟؟
سيف: عشان بحبك عشان حياتي منغيرك ملهاش طعم يا ليلى مكنتش هقدر اسمع منك اننا منكملش بسبب كده يا ليلى زي ردك دلوقتي اهو مكانش عندي استعداد اسمع ردك دة ساعتها
ليلى بصيتله ودموعها ع خدها و
سابته ودخلت اوضتهم فضلت تعيط
بعد اسبوعين
ليلى قاعده تتفرج ع كرتون بهدوء تام
شقاوتها مبقتش موجوده بهجتها وطالتها اللي كانت فيها مبقتش موجوده
سيف يدخل عليها ببتسامه : عملتلك فشار
ليلى تبصله وتعيط بهدوء وتقول:ليه.. ليه.. ليه ياسيف ..ليه كده
سيف بابتسامه واخدها في حضنه : ليه اي يا مجنونه انتي
ليلى: شعرك يا سيف ليه كده
سيف بخضه وابتسامه: اسكتيي مش انا قملت ..فكان لازم اشيله
ليلى فضلت تعيط في حضنه
سيف: متعيطيش عادي عادي متقلقيش القمل دة م بيعمل حاجه وبعدين نضفت الحاجه كويس
ليلى ابتسمت وضربته بخفه ع صدرة
سيف ضحك وضمها ليه اكتر
وبيقول وهو بيبوس راسها وعيونه مدمعه وبصوت هادي: بحبك
ابتسمت ليلى بهدوء وغمضت عينها
سيف شغل اغنيه هاديه وهو ضممها في حضنه لحد ما ناموا
وفي الخلفية اغنيه تامر حسني مقطع
من الناس تيجي اخدك ونمشي
ونرجع حياتنا تاني وتنام الليل في حضني
كالعاده بنسمع اغاني❤️
الكابلز في الكافيه : لوسمحت الحساب
الويتر: مدفوع يفندم
الشاب: مدفوع؟؟ ازاي انا مدفعتش حاجه
الويتر يشاور مكان سيف وبيقول: الاستاذ اللي كان هنا دفع لحضراتكم
الشاب: طب متعرفش مشى ولا راح فين
الويتر: لسه خارج من دقيقتين
الشاب قام بسرعه هو و حبيبته وطلعوا يلحقوا
الشاب يشوفه قاعد في العربيه وباصص ع كرسي جنبه ومبتسم ف يخبط ع ازاز العربيه
يقاطع تفكير سيف خبط ع ازاز العربيه
سيف يبصله ببتسامه وينزل الازاز : اوه اسف تحت امرك
الشاب: حضرتك دفعتلي جوا ف كنت عايز اعرف ليه احنا حتى منعرفش بعض
سيف ببتسامه: عادي حبيت ادفعلكم
الشاب: بس دة م من حقك
سيف ببتسامه : خلاص ابقى اعزمني في يوم
الشاب: حضرتك دفعت كام اديهملك وشكرا لذوقك
سيف ببتسامه يسال : دي خطيبتك؟
الشاب: ايوة بتسال ليه
سيف ببتسامه : ربنا يخليكم لبعض
الشاب: شكرا ويبص ع ايد سيف ويشوف الدبله فيقول و يخليلك مراتك
سيف ابتسم
الشاب ببتسامه: ها كام ؟
سيف بتسامه: اعتبرها هديه بقا
الشاب بستغراب : بس يا استاذ ..قاطعه سيف ببتسامه وقاله : خطيبتك اتاخرت يلا روحها وكفايه كده
الشاب بص ناحيتها وهي بتبص في الساعه فراحلها وفضلوا يتكلموا وباين عليها قد اي اتاخرت
سيف بصلهم ببتسامه ودور العربيه
بص الشاب عليه وهو ماشي بالعربيه وابتسم
وفي الخلفية صوت تامر حسني وهو بيقول
تيجي نتعرف ع بعض
كده من اول وجديد
ونعيد لحظه سلامنا
لما الايد كانت حاضنه الايد🖤
عند المدافن
حط ورد
وقال بدموع وابتسامه : وحشاني يا بنت اللذينه
و في الخلفيه تامر حسني وهو بيقول :
وم مهم من فينا اللي زعل التاني
واحشني يبن اللذينه
ارجعلي بعدك بعاني🖤
تمت 🖤
احيانا اللي بنحبهم ممكن يروحوا في ثانيه ..فعشان كده حاول ع قد ما تقدر تعمل ذكريات اكتر عيشوا مع اللي بتحبوهم وقت اكبر من اي وقت لان محدش ضامن بكره شايلنا اي ويعالم هيفضلوا معانا ولا الحياة تاخدهم في غمضة عين ..اه الايام جايه كتير بس اللي بنحبهم يعالم هيبقوا فيها ولا مش موجوديين🖤
النهاية
للمزيد من الروايات الحصرية زورو قناتنا علي التليجرام من هنا
