رواية ام للايجار كامله جميع الفصول بقلم جمانه السعيدي
اني سميه الي بعت ابني اي لا تستغربون اني الي بعت ابني حتى اعيش بكرامه
وحتى انقذ اهلي من العوز
اني مواليد ٩١ من بغداد طولي ١٦٥ حنطاويه شعري اسود طويل
شكلي مقبول حلوه بس مو خارقة الجمال
شكلي معقول
احنا ٣ بنات وامي وابوي
ابوي اصله من محافظات الجنوب
ازوج ونتقل البغداد سنة ٨٥
ابوي عنده عوق بايده كف ايده اعوج وهذا السبب
الوحيد الي خلصه من العسكريه
اني اجيت للدنيا بعد ست سنوات زواج
اني الفرحه الاولى بلعائله
بعد ٣ سنوات صارت اختي رنا وزهراء اجت بعد سنتين
من ولادة رنا
جمانه السعيدي
ابوي عنده بوسطية جكاير وجداحه يبيع بتقاطع قريب على الشورجه بغداد
بلبدايه جانت البوسطيه بسيطه وخاصه ايام الحصار
بس بعد السقوط
احسن بهواي
عايشين والحمد لله
ساده عازتنه امي تعاني من مرض الكلى
وكانت تحتاج علاج هواي
كل فتره بابا يدزه يم دكتور امشيه امورها على المهدئات
احنا اتلاثتنه شاطرات بلمدرسه
كل همنا الدراسه وبس
من احنا زغار تعلمنا على القناعه بكل شي
وابد مانطلب شي اكثر من طاقتنا
راضين والحمد لله
رغم نشوف البنات اشكال تلبس واجيب اكل وياها للمدرسه
ومصرف
بس عدنا قناعه مو طبيعيه
الحد ماخلصت سادس وطلع معدلي ٩٠
امي وابوي كلش فرحو
بابا ياحبيبتي ماضيعتي تعبنا تسوين الولد كلهم
سميه كنت اتمنى اطلع ١٠٠
امي الحمد لله على كل حال تعبتي وقريتي وماقصرتي ابد
سميه انشاء الله اتخرج وارفع راسكم فوك
طلع معدلي ينقبل معهد تحليل
جمانه السعيدي
بس الشي الي اني ماحاسبه احسابه ابد
ابوي وكع مريض ونام بلفراش وهنا الدنيا صدك اطتنا ضهره
بابا طلع قلبه كلش تعبان ويحتاج عملية قلب
وبعد اي مجهود موزين علي
الضاهر من زمان قلبه يوجعه بس ساكت مايكول
لان يدري اذا تمرض محد راح يشيل الحمل بعده ابد
منا لمن وكع فد مره علينه
جمعنا كل الفلوس العدنا بس هم ماتكفي ابد
محتاج عمليه بسرعه
واذا على الحكومي لازم حجز ولله يعلم بعد ست او سبع اشهر ويجوز اكثر
واحنا نحاول نجمع المبلغ كانت حالته كلش بلنازل
عمي دزلنا مبلغ كلش بسيط
وأصحاب المحلات الي فاتح البسطيه يمهم
جمعو مبلغ
بيوم الي دخل للعمليه وقبل لا يسوون العمليه مات
اي مات ومالحكنا علي كانت هاي الصدمه الاكبر الي مرت
علينا بحياتنا
طلع جثه من غرفة العمليات
كانت حالته حيل متاخره
تعبان و يعاني من زمان وهامل نفسه
كلبنا المستشفى بلعياط اني وامي وخواتي
الناس التمت علينا
كل محاولاتنا ننقذه ضاعت
مات وعاف زوجه مريضه وتلث بنات للزمن الي مايرحم ابد
كانت الحياة كلش قاسيه بعده
رغم ضروفنا المعيشيه البسيطه
بس بعده حسينا بضياع
مجرد وجوده بحياتنه كان امان النا
كانت حيتنا ماشيه بكل بساطته
جمانه السعيدي
كل الناس كانت قريبه من عدنا بلبدايه بس الشغله مو يوم لو يومين
هاي شغله طويله عائله محتاجه معيل يتكفل بيه
كنت اكعد واعاتب رب العالمين ليش كلنا بنات
اني لو ولد جان طلعت واشتغلت ومااحتاجينا احد ابد
امي ماتكدر تكعد عده لازم تطلع تشتغل محتاجين
مسواك ومصرف
الحمل هواي عليه
قررت تكسر العده وتطلع تشتغل
عمي بس ايام الفاتحه وبعد ماشفنا ابد
واني ماعندي خوال بس خالات اربعه وكل وحده بمحافظه
وكلمن ملتهي بضيمه مثل مايكولون اهلنا
قررت امي تطلع تكعد بسطية بابا الله يرحمه
الشغله مايحتاجه معرفه
مجرد تعرف اسعار الجكاير وتبيع يعني لاشغله حسابيه
ولا أموال هواي
وكانت بوسطيت بابا بيه مسواك زين
لبست كفوف وجواريب وعبايه ونقاب وراحت كعدت بلبوسطيه
رغم هي ماتكدر تكعد هواي
لان كلته توجعه بس مضطره للشغل ماكو مهرب
الحياة صعبه حيل
جمانه السعيدي
اضطريت اني ااجل دراستي حتى ابقه بلببت
وحتى انطي مجال الخواتي يدرسن
اذا تحسنت ضروفنا ارجع اكمل دراستي
امي تطلع الصبح وماترجع اله باذان المغرب
ترجع حيله مهدود
وتعبانه حيل يادوب تاكل لكمه وتلف راسه وتنام
من الشغل والتعب بدا الوجع يزيد عليه حيل
ماتكدر تتحمل كل هذا التعب
ست اشهر ووكعت ماتكدر تطلع للشغل
حالته الصحيه حيل تعبانه
بس احنا وضعنا مو مال نكعد ونسكت اخواتي ثنيبنهن يداوومن
وامي محتاجه علاج
صحيح الجواربن كانو يساعدونا
يعني بين فتره وفتره يدزولنا مسواك لو ملابس مستعمله
بس هاي الأشياء ماتسد العوز الله يكافيكم شره
قررت اني اطلع واشتغل بمكان امي
سميه ماما اريد احجي وياج بموضوع مهم اني قررت اطلع اكعد بهاي البسطيه
امي شلون لا ماما انتي بعدج زغيره واخاف عليج حيل
سميه البس نقاب وكفوف وعبايه وانتي تدرين بأخلاق بنتج اكعد محترمه نفسي
امي لا ماما اخاف عليج هسه اني اصير زينه وارجع اشتغل مره ثانيه
سميه خل انعبر هاي الفتره واذا صرتي احسن ارجعي
امي ماادري يايمه الوكت يخوف
سميه لاتخافين على بنتج البنيه الي محترمه نفسه
محد يكدر يمر عليه ابد
جمانه السعيدي
امي انتي ماشايفه الازدحام شلون هناك والناس يرادله واحد واكف كل قوته حتى محد يقرب علي
سميه اذا شفت الوضع مايعجبني لو مااكدر ابطل مااشتغل
وبعد عندي فكره
امي شنو هاي الغكره
سميه نشتغل كبب وبورك ونخلي بمواعين سفري
وسعر معقول حتى نزود دخلنا
امي زين خوش فكره اي هيج شغلات ماشيه وخاصه
الموضفات والموظفين يمرون الداوئرهم هناك
سميه باجر اطلع الصبح وفد اسبوع علما اشتغل نسوك
شغلات للكبه والبورك
ونشتغلهن بليل
واخذه وياي
ثاني يوم كعدت الصبح كلي نشاط
سويت ربوك وكعدت امي وخواتي تريكن لبست عباتي
والنقاب والكفوف والجواريب
وطلعت صعدت للخط مرتين ووصلت
طبعا البسطيه بكل غراضه خالينه بمخزن قريب
رحت للمخزن طلعت البوسطيه
اجيت لكيت واحد مخلي عربانه بمكان البوسطيه
يبيع جواريب وكالونات
طبعا اكيد ياخذون المكان صار شهر امي ماطلعه
وهيج أماكن اتصير ازدحام
سميه من رخصتك هذا مكاني
...شنو مكانج مشتريته مثلا
...لا بس ابوي الله يرحمه كان كاعد هنا ولكل يعرف هذا المكان مكاني
...روحي منا انتي كلتي ابوي الله برحمه ابوج شكد صار ميت وانتي هسه جاي اطالببن بمكانه
...من رخصتك هذا مكاني عيب ترا تاخذ المكان من مره
....مره اذا مره اكعدي بيتكم واسكتي مو طالعه بنص الزلم
...الضروف جبرتني اطلع
راسا اصحاب المحلات سمعو يصيح عليه واجو
رجال جبير وولد شاب
...شكو ليش تصيح
سميه عمو هذا مكان ابوي الله يرحمه وامي كانت تكعد هنا
وهسه مايقبل يعوف المكان
...انتي بت هادي الله يرحمه
...اي عمووو
جمانه السعيدي
التفت على الولد صاحب العربانه
...اخذ عربانتك وروح منا لا ابتلي ببك هذا مكان ابوها
وهي اولى بي
...واذا مااابتعدت شراح تسوون
..اجمع اهل المحلات واخليهم يكطعون النعل على رأسك فهمت لو لا
بعد عركه شكبرها ابتعد عن المكان شويه وبقه مكان اكدر ارتب البسطيه بي
هذا الرجال ابو المحل اسمه ابو حسين
ابو حسين بابا حسين رتب البسطيه الاختك
حسين صار يابه
.ابو حسين وين امج مفتقدينه وماعندي رقم واتصل عليكم اسئل عليه
سميه امي حيل تعبانه وماتكدر تشتغل واني اجيت بمكانه
ابو حسين عفيه بنيتي ولو هذا الشغل صعب عليج ويرادله زلم الناس هنا واحد يريد ياكل الثاني
سميه الله كريم الله موجود
لفيت عباتي وكعدت
بلبدايه حسيت عيون الناس تريد تاكلني
بس شعليه بلناس
اني اشتغل حالي من حالهم والرزق على رب العالمين
