رواية اختفاء عمران كامله جميع الفصول بقلم محمود الأمين
الجزء الأول
_ اخيرا يا راجل شوفناك، ازيك يا ايمن بيه عامل ايه؟
= الحمد لله يا سالم، والف مبروك على الترقيه.
_ الله يبارك فيك يا ايمن بيه، خلاص يا عم بقينا لواءات زي بعض
= لا زي بعض ده ايه، انا الاقدم يا باشا، وقديم عنك بيوم يعرف عنك بسنه
_ في دي بقى عندك حق
= الله، هو العميد فوزي هنا كمان؟
_ اول ما عرف انك جاي، صمم يجي عشان يسلم عليك
= ازيك يا ابو الفوز عامل ايه يا حبيبي؟
* الحمد لله يا ايمن بيه والله تمام، انت اخبارك ايه يا غالي؟
= اهو الحمد لله ماشي الحال
* انا عرفت ان انت وسالم بيه بتتجمعوا كل فتره، وكل واحد فيكم بيحكي حكايه للتاني عن الشغل زمان، قولت اجي اسمع خصوصا ان حضرتك يا ايمن بيه كنت واحد من اكفأ الظباط
= ده من ذوقك يا فوزي والله
* انا جاي وعاوز اسمع عن اكتر قضيه تعبتك في حياتك، رغم اني عارف انه ما فيش
= لا فيه، في يا فوزي.. بس انت اللي ما تعرفش اني خسرت اعز حاجه عندي بسبب قضيه، خسرت بنتي "رحمة" الله يرحمها
* الله يرحمها انا اسف يا ايمن بيه، بس يعني ما تاخذنيش خسرتها بسبب قضيه ازاي؟
= رغم انك هتقلب عليا المواجع، لكن انا هحكي عن اغرب قضيه عشتها بكل تفاصيلها، قضيه لو كان حكالى عنها كنت هقول عليه كداب مليون في المية
* قضيه ايه دي؟
= قضيه كبيره، كل الصحف اتكلمت عنها واتعرفت باسم اختفاء عمران.. الموضوع بدا من يوم عادي خالص، كنت لسه مقدم في الوقت ده، وزي ما انت قولت كده انا كان معروف عني ان ما فيش قضيه بتستعصى عليا، كنت قاعد يوميها في المكتب بشرب فنجان القهوه بتاعي
، والباب خبط، طلبت من اللي واقف بره يدخل فدخل العسكري وقال
_ في واحد عاوز يقابل سيادتك يا فندم؟
= واحد مين ده؟.. وعاوز ايه؟
_ بيقول ان اسمه عزيز الالفي
= طيب خليه يدخل
...
دخل شاب في التلاتينات من عمره لابس بدله شيك، ومد ايده وسلم عليا وقال
_ اعرفك بنفسي، انا عزيز عمران الالفي، اكيد حضرتك تعرفه رجل الاعمال المعروف
= اه طبعا، اهلا وسهلا بحضرتك.. خير ايه سر الزياره دي؟
_ في الحقيقه يا فندم هو مش خير خالص، والدي رجل الاعمال عمران الالفي مختفي من امبارح، بنحاول نكلمه ومش بيرد، ولما روحت على بيته لقيت كل حاجه في الفيلا متكسره وبالذات اوضه نومه كانت مبهدله على الاخر
= قصدك ان والدك اتخطف يعني؟
_ ما لهاش معنى تاني، حضرتك عارف ان والدي كان مرشح لمجلس الشعب.. واكيد كان هينجح لان شعبيته كبيره، بس واضح انه في ناس مش عاوزاه يوصل المجلس.
= طيب الاول احنا هنروح ونعاين المكان، وبعد كده هسمع منك انت بتتهم مين في الموضوع ده
_ تمام يا فندم
....
طلبت منه يعمل محضر رسمي، عشان نبدا في الاجراءات القانونيه، وفعلا عمل ده.. بعدها اتحركنا على فيلا عمران بيه الألفى... لما وصلنا هناك الوضع كان مريب فعلاً.. كان فيه حاجات كتير متكسره في الفيلا وبالذات اوضه النوم.. كانت متبهدله على الاخر، اترفعت البصمات اللي موجوده في المكان، بس اللي كان مطمني شويه ان ما فيش اثار لدم خالص، خرجنا من الفيلا بعد ما خلصنا شغلنا، ورجعت على المكتب ووقتها طلبت من الرائد اسامه يعمل تحريات كاملة عن رجل الاعمال عمران الالفي، بعدها قعدت مع عزيز الالفي تاني:
_ ها يا استاذ عزيز، حضرتك بتتهم حد بخطف والدك الاستاذ عمران الالفي؟
= مش هعرف اتهم حد من غير دليل يا فندم، بس حضرتك عارف ان واحد زي والدي اكيد كان ليه اعداء كتير
_ طيب عرفنا مين هما، عشان نبدا نعمل تحرياتنا عنهم ولو في حد مشتبه فيه نحقق معاه
= اللي اعرفه، ان في مشاكل ما بين والدي وما بين رجل الاعمال عابد منصور، عابد هو المنافس لوالدي في السوق وغير كده هو اللي كان مرشح نفسه في الانتخابات قدامه
_ بس انت مش شايف ان اتهام واحد زي عابد منصور، في مخاطره شويه منك، عابد منصور هو عضو مجلس الشعب حتى لو كان سابق واتهامه لازم يكون بدليل واضح
= حضرتك سالتني وانا جاوبت.
_ طيب ما فيش حد تاني.
= اكيد في بس انا دماغي مقلوبه ومش مركز دلوقتي.
_ عموما احنا بنعمل تحريات سريعه وباذن الله في اقرب وقت هنوصل لوالدك.
= ان شاء الله يا فندم.
...
مرت 48 ساعة ولسه التحريات ما خلصتش وده اللي خلاني اكلم الرائد اسامه:
_ الو.. هي ايه الحكايه يا اسامه!! يومين كاملين في تحريات مش عارفين نخلصها، ما تكلم رجاله البحث الجنائي خليهم يخلصوا.
= المعلومات كتيره يا فندم، والرجاله بتحاول تحصر كل المعلومات عشان تقدمها كاملة لحضرتك زي ما طلبت.
_ تمام انا مقدر ده، بس انت عارف ان الموضوع كبير.
= عارف يا فندم وباذن الله خلال ساعات، التحريات هتكون على مكتب حضرتك.
_ تمام في الانتظار.
....
قفلت المكالمه مع الرائد اسامه، وباب المكتب خبط، طلبت من اللي واقف بره يدخل، فدخل صحفي انا اعرفه كويس اسمه ممدوح، صحفي غلبان جداً كل ما بتحصل حاجه بيجي ياخد مني كام معلومه عشان ينشرها واول ما دخل اتكلم وقال:
_ صباح الفل على الباشا الكبير، ايه الجديد يا باشا؟
= ممدوح اتكل على الله دلوقتي انا عفاريت الدنيا بتتنطط قدامي
_ ليه يا باشا كده بس، ما انت عارف اللي فيها ومدير الجريده..
=بقولك ايه انا مش عايز اسمع شغل الصعبانيات بتاعك بتاع كل مره، صاحب الجريده هيرفدني لو ما جبتش اخبار جديده وحضرتك عارف اني غلبان.. الموضوع المره دي كبير مش مجرد حادثه والسلام
_ طيب اديني اي حاجه يا باشا، حتى لو عنوان رئيسي وانا هكمل الباقي وهدور
= رجل الاعمال عمران الالفي اختفى من بيته، وابنه جه وبلغ
_ عمران الالفي اللي كان مترشح لعضويه مجلس الشعب
= ايوه هو
_ تمام يا باشا الف شكر
...
بمجرد ما خرج ممدوح من عندي بعد ما خد الخبر اللي هو عاوزه، ولقيت تليفوني بيرن بس اللي كان بيتصل هو اخر واحد اتوقع انه ممكن يكلمني في الوقت ده... اللي كان بيتصل واحد اسمه ادم، بس ده شغال في أمن الدولة ايه اللي فكروا بيا؟
رديت عليه
_ الو ازيك يا ادم باشا عامل ايه؟
= الحمد لله يا ايمن باشا في نعمه، كنت عايز حضرتك في حوار كده؟
_ حوار ايه خير ان شاء الله؟
= انا سمعت انك مسكت قضيه عمران الالفي، رجل الاعمال اللي اختفى
_ بسم الله ما شاء الله عليك يا ادم باشا، انت عرفت منين؟ ده الموضوع لسه حتى ما اتنشرش!
= بقى ده سؤال يتسأل لواحد في امن الدوله يا ايمن باشا، احنا عارفين كل حاجه.
_ لا مؤاخذه يا سيدي، ما علينا مالها القضيه دي يعني.
= الموضوع كبير يا ايمن باشا، وفي معلومه اعتقد انك لو عرفتها ممكن تشقلب القضيه دي تماماً، بس المعلومه دي مش هينفع اقولهالك في التليفون
_ انت عارف اني انسان فضولي، وموضوع اننا لسه هنتقابل ده عشان تحكيلي هيكون صعب عليا، يعني على الاقل عاوز اعرف الموضوع بخصوص ايه؟
= في امر ضبط واحضار كان طالع لعمران الالفي من امن الدوله، وكان هيتنفذ بعد 24 ساعه من اصداره بس للاسف عرفنا انه اختفى
_ امر ضبط واحضار من امن الدوله؟!.. ليه هو عمل ايه بالظبط؟
= الكلام مش هينفع في التليفون، دي اسرار وانت عارف.. لكن ممكن نتقابل في كافيه واشرحلك الموضوع
_ طيب انا مستني التحريات الخاصه بعمران الالفي، هقراها وبعد كده نبقى نتكلم ونتفق على ميعاد.
= تمام يا باشا وهو كذلك.
....
قفلت مع ادم، وطلعت سيجاره من العلبه وانا بفكر في كلامه، يعني ايه عمران الالفي كان طالعله امر بضبط واحضار؟، ومش من اي جهه، لأ، ده من امن الدوله.. يعني اكيد الموضوع كبير مش صغير؟.. يا ترى عمران الالفي متورط في ايه؟
كنت لسه بفكر في الموضوع لكن في الوقت ده الباب خبط ودخل الرائد اسامه وكان في ايده ملف:
_ ده ملف التحريات يا فندم
= ياه اخيرا يا راجل خلصتوه، فريق البحث الجنائي بطيء كده ليه؟
_ بصراحه الرجاله تعبت اوي على ما جابت المعلومات دي، وحضرتك لما تفتح الملف دلوقتي هتعرف ليه
...
فتحت الملف وفضلت اقرأ فيه،في البدايه كانت كلها معلومات عاديه جداً لحد ما وصلت لمصدر فلوسه، عمران الالفي رجل اعمال وعنده شركه للاستيراد والتصدير، وكمان عنده شركه مقاولات يعني مصدر فلوسه معروف، لكن في فلوس بتتحول من بره البلد على حساب يخص عمران الالفي، والفلوس دي مجهوله المصدر، ولكن الغريبه ان ما فيش جهه تحقيق حققت مع عمران الالفي في الموضوع ده قبل كده، هل عشان كان مترشح لعضويه مجلس الشعب ولا فيه سبب تاني؟ كده كلام آدم مع ملف التحريات ده هتترتب عليه حاجات كتير جداً بخصوص اختفاء عمران الالفي، وبعد ما خلصت قراية الملف وتسجيل بعض الملاحظات، كنت خلاص فصلت ومش قادر فقولت لاسامة:
_ انا تعبت ومش قادر، هاروح البيت ارتاح شويه، ولو في اي مستجدات ممكن تتصل بيا وتبلغني
= تمام يا فندم انا تحت امرك
_ عينك في وسط راسك يا حضره الظابط، القضيه كبيره وفيها خبايا لسه ما ظهرتش
= تمام يا فندم
...
خرجت من المكتب وانا تعبان، نزلت ركبت عربيتي واتحركت على البيت، واول ما وصلت دخلت على طول على اوضه النوم ورميت جسمي على السرير وممرتش ثواني ورحت في سابع نومه، ما اعرفش نمت قد ايه، لكني صحيت على صوت التليفون عمال يرن كتير وكان اللي بيتصل اسامه فرديت عليه:
_ الو ايوه يا اسامه في ايه؟
= الدنيا مقلوبه يا فندم في المديريه هنا، الطبعه الاولى في معظم الجرايد مكتوب فيها عن خبر اختفاء عمران الالفي، وعزيز الالفي جه وبيقول مين اللي سرب الخبر وعامل مشكله كبيره
_ هو لسه عندك ولا مشي؟
= العميد مصطفى طلب منه يقعد في مكتبه شويه، بس حضرتك لازم تيجي بسرعه
_ هلبس وهكون عندك يا اسامه
...
قومت وجهزت نفسي واتحركت على المكتب تاني، واول ما وصلت لقيت عزيز الالفي مستنيني في المكتب كان بيشرب سيجاره وشكله متعصب جداً، سلمت عليه وقعدت على المكتب وبدات انا الكلام:
_ خير يا عزيز باشا، سمعت انك متعصب وخارب الدنيا
= ممكن اعرف خبر اختفاء والدي اتسرب ازاي للصحافه؟
_ معلش حضرتك جاي تسالني انا ليه؟.. لازم تعرف حاجه عن شغلانه الصحفي هو بيكون موجود في اي حدث بيحصل وممكن يكتب الخبر لمجرد انه سمع حد بيتكلم في التليفون وجايب سيرته، يعني ممكن يكون سمع حد بره المكتب بيتكلم عن الموضوع فراح كتب الخبر ده في الجريده
= دي مش جريده واحده يا ايمن بيه، دول خمس جرايد..وجرايد مشهورة.
_ انا فاهم قصدك، بس شغلانه الصحفي هي شغلانه اجتهاد وكل واحد بيعرف يجيب المعلومه سواء كانت صحيحة او اشاعه وينزلها عشان الدنيا
= طيب يا ايمن بيه انا همشي دلوقتي، بس يا ريت نكتم على الموضوع نهائي لحد ما والدي باذن الله يرجع بالسلامه، وبعد كده نبقى نقول اللي حصل
_ زي ما تحب يا عزيز بيه، بس انا اسف عندي استفسار صغير
= اتفضل يا ايمن بيه؟
_ احنا عملنا تحريات عن والدك عشان نعرف مين المقربين منه والناس اللي بينه وبينهم عدوات، وساعتها لفت نظري في ملف التحريات، ان والدك معاه شركتين شركه استيراد وتصدير الشركه التانيه شركه عقارات، ورغم كل ده في تحويلات بفلوس كتير بتدخل على حساب والدك، والمشكله ان التحويلات دي جايه من بره البلد، هل عندك فكره ايه مصدر الفلوس اللي بتيجي من بره دي؟
= مصدر فلوس ايه؟.. حضرتك مدرك انك بتتشكك في ذمه والدي.
_ لا انا ما اقصدش حاجه، ده مجرد سؤال عادي.
=سؤال عادى اه، حضرتك انا والدى رجل اعمال محترم وكان مرشح لعضوية مجلس الشعب ، وبعدين احنا هنا عشان انا والدي مختفي والمفروض انه اتخطف، وحضرتك سايب الموضوع ده وماسك في مصدر فلوسه والتحويلات اللي بتجيله من دول خارجيه، فممكن حضرتك في البدايه نلاقي والدي وبعدين لو عندك اتهام صريح ممكن وقتها تحقق معاه.
_ اهدى يا استاذ عزيز الموضوع مش مستاهل، دي كانت مجرد دردشه عاديه.
= طيب بعد اذنك ممكن نخلينا في الموضوع الاساسي
_ قصدك موضوع الصحافه؟
= اه بالظبط، يا ريت الموضوع يتكتم عليه شويه يا فندم لحد ما نشوف والدي فين.
_ بص يا استاذ عزيز، احنا بنحاول نعمل اللي علينا لكن زي ما قولت لحضرتك دي اجتهادات صحفيين، لكن ما فيش خبر طلع من عندنا هنا يخص والد حضرتك احنا حريصين جداً على الموضوع ده
= تمام يا فندم بشكرك جداً.
...
خرج من عندي وهو متضايق، وكنت متوقع حاجه وحصلت فعلاً، ما فيش 10 دقايق ولقيت تليفون من العميد مصطفى وبيطلب منى اني اروحله على مكتبه، على طول قومت واتحركت على مكتب العميد مصطفى، خبطت على الباب ودخلت وكان باين عليه العصبية:
_ايه يا حضره الظابط، احنا بقينا بنتهم الناس من غير دليل، ازاي تشكك في ذمه رجل اعمال زي عمران الالفي، هو انت مش عارف مين عمران الالفي؟
= يا فندم التحريات اللي عملناها عنه، بتقول انه في حاجه غلط، في تحويلات بتيجي من بره البلد ومن دول اجنبيه كثير وبتدخل حسابه وما لهاش مصدر.
_ والله ده مش اختصاصنا يا حضره الظابط، احنا بنحقق في قضيه معينه وهي اختفاء رجل الاعمال عمران الالفي
= ما اهو يا فندم في حاجه تاني، من خلال مصادر خاصة قدرت اعرف حاجه مهمه ممكن يكون ليها علاقه بالقضيه
_ مصادرك الخاصه، ايه بقى الحاجه دي؟
= في امر ضبط واحضار كان طالع من امن الدوله لعمران الالفي، وكان واجب التنفيذ بعد 24 ساعه من اصداره، ولكن عمران الالف اختفى قبل ما يتم التنفيذ
_ طيب ايه سبب الضبط والاحضار ده؟
= هعرف النهارده يا فندم، ولكن اكيد الموضوع كبير
....
خرجت من مكتب العميد مصطفى، واتصلت بادم وحددت معاه ميعاد اننا هنتقابل النهارده الساعه 7 بالليل، ومن غير ما ادخل في تفاصيل اتقابلنا في كافيه وبدا هو الكلام:
_ انت عارف الجهاز عندنا يا ايمن بيه، كل واحد بيكون مختص بملف، ولو في حاجه بتهدد الامن بتتعرض علينا كلنا، وده عشان نبدأ التحقيق فيها ونجمع المعلومات، ومن فتره اتعمل اجتماع واتعرض فيه صوره رجل الاعمال عمران الالفي، واتعرض علينا معلومات بتفيد ان شغل الشركات اللي بيعملوا.. ما هو الا ستار لمخطط اكبر وهو دعم الجماعات لتنفيذ مخططات داخل مصر، فكان لازم نجمع كل الادله الكافيه عشان نقدر نقبض عليه، وبعد فتره فعلاً قدرنا نعمل كده وطلع قرار بالقبض عليه، وكان واجب التنفيذ بعد 24 ساعه ودي كانت التعليمات وقتها، لكن اتفاجئنا تاني يوم باخبار اختفائه ولما عرفت انك انت اللي ماسك القضيه كلمتك على طول:
= انت عارف ايه معنى كلامك ده؟
_ طبعا عارف، في حد خاين موجود عندنا في الجهاز وهو اللي بلغ عمران الالفي بالموضوع، واكيد اختفائه ده وراه مصيبة.
= انا كنت حاسس ان الموضوع ده مدبر أصلاً، عموما انا هشوف هتصرف ازاي وبشكرك جداً يا ادم.
_ حبيبي يا باشا، ان شاء الله ربنا يوفقنا ونقدر نمسكه.
....
رجعت على مكتب العميد مصطفى وبلغته بكل حاجه قالهالى ادم، ورد العميد مصطفى كان مفاجئ بصراحه، لانه
