رواية لم يكن قراري الفصل العاشر بقلم جمانه السعيدي
حيدر هذا كلشي صار وياي من يوم افترقنا لليوم
هناء الله يساعدك موهين الشي الي صار وياك فقدت امك وزوجتك
حيدر الحمد لله على كل حال ممكن اني اسئلج سؤال
هناء ارتبكت حيل كتله اي تفضل
حيدر لاحظت ماكو حلقه بايدج انتي منفصله اسف اذا أدخلت بشي ما يعنيني
هناء راسا دخلت امي واجت كعدت يمي لان هي غرفه وحده واحنا ثنينه انام بيها سو
هناء ممكن نكمل حجي باجر
هو راسا افتهم اني ارتبكت
حيدر اي ممكن تصبحين على خير
جمانه السعيدي
امي كامت تحجي وتسولف وياي واني ما سمعت منها ولاكلمه كل تفكيري يم حيدر وشلون راح احجيله الي صار
امي يمه هناء شبيج ليش ماتردين عليه
هناء هااا يمه ماسمعتج
امي لا انتي مو خاليه اكو شي بلموضوع
هناء تعبانه يمه واريد انام اتمددت وتغطيت
وضليت افكر شلون راح احجيله وشلون راح افتح الموضوع ولله صعبه عليه حيل
ثاني يوم صادف خميس الصبح خابرني حيدر
حيدر صباح الخير
هناء صباح الخير
حيدر الجهال يكولون خلي نمر على ست هناء وناخذها ويانه للدوام
هناء ضحكت وكلت بكلبي الجهال لو انت
اي اوكي بس توصل رمشلي واني اطلع الكم
عشر دقايق ورمشلي واني طلعت بكامل اناقتي
لابسه تنوره نيلي ضيكه طويله وقميص احمر وستره نيلي قصيره
وشال نيلي وبي خط ابيض والمكياج والعطر
بس شافني ابتسم سلمت وصعدت بلسياره وياهم
نزلو الجهال وهو كال يمته نكمل كلامنا
هناء اني اتصل بيك من اشوف الوقت مناسب
حيدر اوكي
خلص الدوام ورجع أخذنا من المدرسه
والجهال يشوفون بي درجاتهم
وكرار يكله المعلمه تكول خطك حلوووو
وصلنا وبس نزلت كال انتضرج وغمزلي
كلت بكلبي ياربي موبس اني مراهقه هو هم مراهق
العصر رحت المروه اكلج مروه اني ناويه احجيله كلشي
حتى اعرف راسي من رجليه شتكولين
مروه هو هذا الصحيح احسن ماتبقين معلكه
حتى إذا يقبل وهذا الاحتمال الأكيد نحضر العرس وناكل جكليت ونشرب شربت
واذا ما قبل لاسامح الله تشوفين حياتج
بس لاتحجين ويااا بلتليفون روحي انتي ويااا مكان واحجي براحتج والجهال جيبيهم يمي لو تخليهم يم امج
هناء اوكي تمام
رجعت وقررت احجي كلشي الامي لان ما اكدر اضم عليها اكثر
كعدت وياها وحجيت كلشي صار وياي اني وحيدر من يوم الجامعه لليوم وكتلها اني احبه واحب جهاله ومتعلقه بيهم
امي اي بيها الخير انشاء الله
هناء بعد عندي طلب اني ناويه احجليه كلشي صار وياي
بس بلتليفون ما اكدر اريد اشوف تعابير وجه وهو يحجي وياي باجر جمعه نخلي الجهال يمج واني ويااا نطلع حتى نحجي براحتنه
امي ميخالف خل يجيبهم يمي
بليل اتصلت علي
من اول رنه رفعه يمكن جان ينتضر مكالمتي
جمانه السعيدي
حيدر من شفت هناء لليوم وهي الها مكانه بكلبي جبيره
كلش احترمها ومن طلعت كدامي من جديد فرحت ورجع الحب بكلبي
اليوم كالت اتصل التليفون ما وكع من ايدي ابد
كل شويه اباوع بلكت اتصال مسج من اتصلت ما صدكت ابد اول رنه وكلت الوووو
هناء شلونك ابو كرار
حيدر اهلا وسهلا ياهله بهلصوت
هناء اني عندي هواي حجي اريد احجي وياك
حيدر اي شعندي اسمعج احجي
هناء لا موتليفون اريد نطلع اني وياك فد مكان عام واحجيلك
حيدر ناخذ الجهال ويانه
هناء لا جيبهم اخليهم يم امي
حيدر تمام يمته نطلع
هناء العصر بس اجهز اتصل عليك اوكي
حيدر اوكي
ثاني يوم الجمعه اجا سجاد وزوجته وجهاله زايرين الكاظم ع وجايين وجايبين النا مسواك
تغدو وبقو كاعدين صارت الساعه ٣ وبعدهم كاعدين
النهار كصير اذان المغرب بلسته
الساعه اربعه ونص يله طلعو وهو كل شويه
داز مسج وينج
خابرته وكتله جيب الجهال وتعال
نص ساعه وصارو يمنا اني فتحت الباب وكتله اتفضل
دخل وسلم على امي ووصا الجهال لا تسوون وكاحه
وتعبون الحجيه
طلعنا وكال وين انروح
هناء بكيفك بس مكان هادئ مو هوسه حتى نحجي براحتنا
حيدر اعرف مطعم يخبل وهادى
رحنا مطعم صدك يخبل الجدران كله جام والحديقه برا تجنن والاضويه واكو نافوره جبيره
صدك مطعم حلووو كعدنا
شويه واجا النادل شنو اجيب الكم
حيدر جيب جاي وانتي شتريدين
هناء عصير ليمون
اني كل شويه اباوع التليفون من كد القلق والخوف
ومآ اعرف منيين ابدي
حيدر عجبج المكان
هناء اي ورجعت باوعت للتليفون
حيدر اني بدون مقدمات اريد اتقدملج اذا كنتي منفصله ماعندي مانع
هناء رفعت راسي وبعدين رجعت دنكت اباوع بلتليفون
حيدر ليش تباوعين للتليفون شكوووو
هناء لا بس هاي صديقتي عدها مشكله وتريد مساعدتي
حيدر اي
هناء ممكن اني وياك انساعدها انت رجال وعندك خبره مو مثلي
حيدر احنا جايين نحجي على قصتنا لو قصة صديقتج
هناء موهي خطيه ماعدها احد تسئله غيري اسمع
وبعدين جاوب
حيدر يله بله سمعيني جمانه السعيدي
هناء لزمت التليفون وسويت نفسي اقرا بقصتها على اساس مكتوبه عندي
تكول صاحبة المشكله ان هي انقبلت كليه بغداد واهله ما قبلو تكعد قسم داخلي يخافون عليها واختها كانت عايشه بغداد كعدت بيت اختها هذا كان شرط اهلها حتى اداوم كليه
وكانت ماخذه راحته بعد بيت اختها موبيت احد غريب
والامور ماشيه تمام كلهم فرحانين بيها وهي مرتاحه عدهم
وبيوم بقت وحدها بلبيت وتفاجأت زوج اختها راجع قبل وكت ويكول اني مريض وطلب منها جاي وعلاج
وبس قربت على وهي واثقه بي سحبها واغتصبها بلكوه
شكد دافعت عن نفسها وبجت وصرخت
بس هو كان أقوى منها والشيطان عامي على عينه
حيدر لا يانذل ياعار ياساقط شلون هيج يسوي
مايخالف من الله موهاي عرضه ومامنه بي وكاعده بيته
وبعدين شنو صار احجي
البنيه تمرضت وتركت الدراسه وخافت تحجي لا بيت اختها ينهد وجهاله يضيعون وسمعتها اضيع وتعرف مجتمعنا ما يرحم ابد
حيدر يابويه لو اني اله اذبحه خلاص كملي
اي بعد فتره اكتشفت هي حامل وراحت اسقط الطفل حتى محد يعرف بهاي المصيبه
والدكتوره ما قبلت اله يجي واحد من اهلها وراحت كالت الامها امها من سمعت الخبر اجت تنجلط انهارت فد مره
وقررت تروح تشتكي علي بس بعدين مجتمعنا مايرحم مراح يكولون مسكينه وصار كل هذا غصبا عليها
راح يكولون شاف منها شي واعتدى عليها
بس ولله هي انسانه مسكينه ومالها اي ذنب اتصلي وخايفه ربها
امها اضطرت تسكت وتأخذ بتها حتى تسويلها العمليه
أثناء العمليه صار عدها نزف حاد وماكدرو يسيطرون علي
اضطرت الدكتوره تشيل الرحم
وهنا ابدال المصيبه صارن اثنيين اتحطم حياتها وحست بلضياع
بس رب العالمين وكف وياها ورجعت قويه
وكملت دراستها وتخرجت وتعينت
كلما يتقدم الها واحد ترفضه تخاف لايعرف قصتها ويعوفها
حيدر وبعدين
هناء هي هسه تحب واحد وهو يحبها مزوج وعندا اطفال
بس هي خايفه خاف يعرف قصتها ويعوفها
حيدر ولله مسكينه هاي البنيه اذا هو يحبها صدك مستحيل يعوفها لان كل الي صار هي مالها ذنب بي وصار غصبا عليها
هناء يعني برائيك تحجيله الحقيقه
حيدر اكيد تحجيله وراح تعرف يحبها صدك لو يضحك عليها
جمانه السعيدي
هناء نزلت التليفون من ايدي وكتله هاي اني حجيتلك الي صار وياي من شفتك لليوم
كل مره كنت اصدك بيها بلكليه كانت الهذا السبب
كنت خايفه ومرعوبه لاتعرف الحقيقه
ولله ماليه كل ذنب بلي صار كلشي صار غصبا عليه
وقرار سكني بيت اختي ما كان قراري ابد
اني من اول مره شفتك بيها حبيتك وتعلقت بيك بس كنت ابعد نفسي عنك ما اريد اضلمك وياي بلي صار ابد
وهسه اللك القرار اذا تقبل بوضعي هذا اخليك بعيوني انت وجهالك
واذا ماتقبل وهذا اكيد حقك اني احترم قرارك
وبعمري مراح اعاتبك بس تخليني اشوف الجهال بين فتره
والثانيه لان ولله تعلقت بيهم حيل
حيدر انتي صدك تحجين ضيعتي احلى ايام العمر وانت خايفه من من شي مالج ذنب بي
واني اكول ياربي بنيه بموصفاته وجمالها واخلاقها شبيها خايفه وماتقبل احد يقرب عليها
هناء اني الهسه خايفه ومرعوبه وهاي قصتي محد يعرفها غير امي وانت ومروه
اختي ابتعدت عنها وهي كل يوم تسئلني عن السبب بس ما اريد صورة زوجهااا تشوها بعينها وعين جهالها
انت الك القرار واذا ماتريد اجاوب هسه عادي اخذ وقتك
بس انت اذا انسحبت من حياتي بعمري مراح احجي هذا السر الأحد غيرك ولا راح افكر بلزواج ابد
حيدر كومي اتاخرنا خل نرجع
هناء كلش ضجت لان مبين ما اقتنع بكلامي والضاهر ماليه نصيب ويااا ابد
كمت امشي ورا وهو يمشي سريع كدامي واني اشوف الخذلان بعيني
رجعنا الطريق كله واني دمعتي بطرف عيني واحاول اخفيها عنه
وصلنا وفتحت الباب والجهال اجو يركضون علي
اني دخلت والجهال لازمين رجليه ماكدرت احبس دمعتي اكثر وكعت من عيني ومسحتها
امي هااا يمه شكوووو
حيدر خاله من رخصتج اني اريد أتقدم البنتج ممكن تاخذين موعد ويه الولد يمته نكدر نزوركم
واني مستعد الكل طلباتكم
هناء التفتت علي واني عيوني يصبن دمع وامسح بيهن واضحك حالتي مثل الي حكمو على بالإعدام وبعدين اجا الفرج
قربت على وضربته على صدره ليش هيج سويت بيه
حيدر تستاهلين ضيعتي احلى سنيين عمرنا وانتي ساكته
هناء لوما ساكته ماصارعدنا زهوري وكرار
حيدر انتي ماكو منج ابد كل الناس تفكر بس بنفسها وانتي عايفه نفسج وتفكرين بلناس انتي احلى شي صار بحياتي
زهراء بابا خل ناخذ ست هناء وبيبي تعيش ويانه اني احبهم
حيدر انشاء الله راح نعيش سويه للابد
حددنا موعد المهر والحنه بيوم واحد والزواج عطله اسبوع انروح للشمال
بيوم المهر اشتريت بدله لونها حني ضيكه وقصيره ورحت للصالون طلعت عبالك لعابه
بس عقدنا الشيخ اشتعل الجووو بلهلاهل دخل حيدر اول باسني بكصتي والبسني الذهب وكال هله بمريتي
حسيت بسعاده مالها مثيل معقوله لطف رب العالمين وياي
ازوجت الإنسان الي احبه
لا وعندي اطفال ثنيين مثل الورد
ثاني يوم رحنا الاربيل كل لحضه تفوت عليه ويااا حيدر
ماتتعوض ابد يحبني ويحترمني ويقدرني
بس يدخل للبيت وين امكم
والجهال يصيحولي ماما ما اكدر احجي شكد يحبني
يمكن لو احجيلكم ماتصدكون بلدوام من أربع مرات إلى خمسه يخابرني
والبيت وين ما اروح وراي بلمطبخ يكعد يمي بلحمام
يفتح الباب ويدخل واهلي كل شهر مره ياخذني ويبقى كاعد هو والجهال يمي منا لمن نرجع
اكول شكو راجع للبيت وانتي ماكوووو
نصيحتي الشي الي صار وماتكدر تغيره انسى
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
