 |
رواية ملك بلا ممكلة الفصل العاشر بقلم اسماعيل موسي
هرب من المناجم ؟ سألت جود ادم باستفهام _
ايوه يا جود المناجم إلى بنبحث فيها عن الدهب والمعادن النفيسه ،إى ذئب بيصدر فى حقه حكم بيتم ترحيله للمناجم
لكن انا مشفق على المستذئب ده
ليه مشفق دا هرب من اقوى سجن ليكم يا دام
ابتسم ادم تللك الابتسامه الواثقه ولمس شعر جود
يا حبيبتى الجرعات إلى حقن بيها مش هتسمحله يتحول ذئب مره تانيه وكمان هتضعف جسمه البشرى الى ان يموت
كان نفسى اعالجه لكن الترياق موجود فى المستشفى بتاعنا
لكنه هرب.
ركض يامان بعدما اختفت تالين ،اختفى داخل الغابه، يعرف ان الخليط الذى حقن به من المفترض أن يتسبب فى موته وعدم تحوله ،لكن الأعشاب الواقيه التى يتناولها بأستمرار منحته مناعه طبيبيعه ضد إى عبث من تقدم الطب
رغم كده حس انه محتاج عشبه خاصه تنقذ قلبه من الألم إلى حاسس بيه.
من فوق التله لمح اخر جزء من تالين يختفى وسط الضباب
تالين الذئبه المتمرده وجبل الضياع ذكريات الماضى الآليم
كان مشفق عليها من وعثاء السفر، الأنهار والغابات البحار التى عليها ان تقطعها قبل أن تصل غابات فرويد حيث صديقاتها
من عشيرة الاوكا ،الذئبات الأتى يحرسن الغابه المسحورة
لما وصل خيمته وجدها محترقه ،كل ملابسه ،كل معداته
كل أدوات الصيد وكتبه التى يحتفظ بها حتى المذياع احترق
ركض عشرين خطوه إلى الأمام على العشب، ثم قفز قفزتين متتاليتين ثم استدار إلى اليمين، تحت شجرة عملاقه حفر بمخالبه ،فى قماشه بيضاء داخل قطعة بلاستيك اخرج هاتفه
ثم ضغط زر الاتصال.
______________:
داخل مكتبها شارده تعاين الدفاتر اضاء هاتف روان وسمعت الرنه المميزة الى لا تصل ربما الا كل شهور بعيده
فتحت بسرعه، اوامرك يا فندم ؟
حاضر يا فندم
حاضر
تمام سجلت كل حاجه فى دفترى، مش هنسى إى حاجه
لن اتأخر مسافة الطريق واكون عندك، نفس المكان عارفاه طبعآ ،اخر حدود الغابه قبل الجبل.
نزلت روان بسرعه من مكتبها ،احنى لها حارس البنايه رأسه ورمقها الموظفين بفضول
روان بتدير أكبر مصانع إنتاج السيارات فى الولايه، المديره الشابه قوية الشخصيه ،الجميله والجذابه
نزلت تحمل الدفتر، بدقه ابتاعت المطلوب ودون تأخير ركبت سيارتها وقادت تجاه الغابه
بعد اكتر من ساعه وصلت النقطه المحدده ،نزلت من العرييه ووقفت جنبها
بعد لحظات سمعت صوته، روان روان؟ كيف أحوال الأعمال والتصدير والورش وكل ذلك الهراء ؟
إبتسمت روان، تبدو فى حالة مزريه جدا يا سيدى؟
__متقلقيش مررت ببعض الأوقات السيئه مش اكتر
اتفضل حضرتك دى الحجات إلى انت طلبتها، بالنسبه للاعمال انا بعت لحضرتك كل حاجه على الايميل بتاعك
لكن كالعاده انت مش مهتم ولا تتفقد ايميلك ،ملوش لازمه تعرف حاجه ، لكن فيه نقطه مهمه، عائلة واتكو بدأو ينافسونا فى السوق وبيستخدو أساليب رخيصه فى المنافسه
انا طبعأ مسكتش لو وجودك مهم، مجرد ظهورك هيفرق كتير
وانا عارفه ان دا مش هيحصل، اعمل ايه بقا ؟
اتصرفى همس الصوت وهو يدير ظهره قبل أن يتحول لذئب ويختفى.
ضربت روان اخماس فى اسداس ،كل فوق دماغى انا
هو عايش حياته فى هدوء ورامى كل حاجه ورا ظهره
ضربت عجلة القيادة بغضب ثم عادت الى مقر الشركه.
__________________
أعاد يامان بناء كوخه بعد أن قطع الأخشاب ،تلك المره استخدم تصميم جديد حديث بعد أن حدد لكل شيء مكانه
الكتب، أدوات الطبخ مكان للنوم وقضاء الحاجه فى بئر حفرها بنفسه ثم شق قناة مياه من الشلال القريب نحو كوخه ليمر فى منتصفه تماما ودعم القناه بالاحجار
بعدها تنهد بضيق ،كان يرغب فى النوم لكن جسده يحتاج علاج.
ورغم شعوره بالكسل بعد ربع ساعه من الركض وصل المظله
أرض معوشوشبه تظلها اشجار الحور من كل مكان مشكله غطاء يشبه المظله ،الأعشاب التى يحتاجها تنمو فى الظل ولا تتحمل اشعة الشمس ،قطف بعض الأعشاب وعصرها داخل فمه تذوقها وابتلعها ثم نام فى مكانه حتى الصبح.
__________________
كان صباح دافيئ عندما عاد يامان إلى كوخه ،الشمس مشرقه رغم برودة الجو، الطيور تسبح داخل مياه النهر
الغزلان ترعى العشب وصقر كبير يحلق فى السماء
لكنه لاحظ حاجه غريبه لما وصل، هناك شخص داخل الكوخ
العلامات التى وضعها يامان تحركت ،ورغم ان قواه غائبه منك أكثر من أسبوع بسبب الحقن الا ان ذكائة وفطنتة دقيقه
كنت عارفه انى هلاقيك هنا __
استدار يامان بسرعه ،ثم انحنى بتواضع ،الاميره جود... ؟
ملهاش لازمه الرسميات دى يا بشرى، انا أنقذت حياتى انت والذئب الغامض.
جلست جود على المقعد وهزت ساقيها ،هو انا متعرفش الذئب ده فين!؟
أصله ؟فصله ؟ اسمه او اى حاجه ؟
وليه سايبك تعيش هنا ولم يقتلك حتى الآن ؟ هو انت صديقه ؟
صديقه ايه يا اميره جود؟
رعد ملوش أصدقاء ،دا ذئب متوحش
اسمه رعد ؟ سألت جود ياستفسار ؟
إلى اعرفه ان اسمه رعد وشهرته هزير الريح
قالت جود - - ايه علاقتك بيه انا عايزه اقابله ؟
مليش علاقه بيه
رعد مش بيظهر الا لما يكون عايز يظهر، ممكن دلوقتى يكون بيراقبنا من بعيد.
ابتمست جود، يعنى انت مش هو نفسه؟
ياريت يا اميره كنت انا هو كان زمان حالى اتبدل، كنت دافعت عن نفسى لما الحراس وصلو او فى المناجم
لكن ليه بتقولى كده ؟
اصل يوم ما وصلت هنا فاقده للوعى وانا بفتح عنيه اتذكر انى شفت وجه مستذئب ضخم زيه
لكن يمكن دى تهييأوات مش اكتر ،المهم انت لازم دلوقتى ترجع معايا المستشفى عشان تتحقن بالترياق
ادم بيقول من غير الترياق انت هتموت
للأسف مش هقدر يا اميره انا علاقتى بالمجتمع، مجتمع الذئاب مش احسن حاجه، وبعد إلى حصل لو ظهرت هناك هتعاقب.
لكن انت بريء والدى أصدر حكم برائتك ،ليه خايف؟
تنهد يامان انا مجرد بشرى ضعيف يا اميره، مليش دعوه بأوامر القصر وخدعه ومكائده
ثم انا اتعالجت خلاص متقلقيش وشكرا لانك تعبتى نفسك
وركضتى المسافه دى كلها عشان تتطمنى عليه
يعنى مفيش فايده ؟ همست جود بضيق
__للأسف لا
طيب المنافسات هتبداء بكره ،ياريت تكون حاضر ذى ما وعدتنى، كل وفود مقاتلى الذئاب وصولو
وبيقولو ان همشىر والهنطاع هيدخلو المنافسات ،عارف دا معناه ايه؟
ايه يا اميره؟
دول أقوى متسذئببن فى ربوع الأرض كلها، انا عارفه نفسى هخسر قدامهم ادم كمان رغم قوته مش هيكون ليه حظ معاهم
والدى منزعج جدا بيقول ان كأس البطوله هيروح لعشيره تانيه ،المنافسات السنه دى مفيهاش مفاجأت
عشيرة تاكو هتحصل على كأس البطوله
اختفت جود داخل الغابه ،ثم اغمض يامان عيونه ،ثم ركض بلا تفكير إلى جبل الودائع قبل أن يحل الظلام
