رواية إخفاء فضيحة الفصل العاشر بقلم جمانه السعيدي
رهف شكد استحيت من هذا الموقف
حتى بطني كامت توجعني ياربي يوميه مجفنه روحي بالاسود ما يجي اليوم شجابه
هسه شيكول عليه تمشي مصلخه
سيف كلش خجلت اني ما متعلم ادك الباب كبل ادخل
البنيه ماخذه راحتها واني دخلت عليها كبل
رهف بدلت وطلعت فتحت العلاليك لكيت كباب سوك
وزيتون وطماطه شوي وخبز وخضره
ومقبلات نوعين
قررت اخلي الكباب عشى ونتغدا بالدجاج الشوي لان الدجاج من يتأخر يصير موطيب
بس الكباب يبقى طعمه نفسه
للضهر اجا عمي وسيف وجايبين مجمده زغيره
عمي كال خلي رهف تختار مكان الها
اختاريت مكان بلهول وخلوها بي واني صممت عمي يتغدا عدنا
ضليت اللح علي يرجع خاله هناء صار عشر ايام كافي
وجهالها متبهذلين
ابو سيف اني العصر ارجعها
رهف بيومها ما باوعت بوجه سيف ابد ولله خجلانه من موقف الصبح
جمانه السعيدي
نضفت المطبخ وخدرت الجاي اخذتله كوب بس انطيته كال
سيف اني اسف المفروض ادك الباب بس بعدني ما متعود على وجودك بلبيت
رهف شكد استحيت ماكدرت احجي دخلت غرفتي وسديت الباب
العصر بيومها ما طلع سيف سمعته يحوس بلبيت ورجع خدر جاي مره ثانيه
طلعت من الغرفه
سيف منتضرج
رهف شكوووو
...تعاي نطلع شويه غيري جووو صار هواي ما طالعه
...لا ما يحتاج روح للشغل
...قابل الشغل يخلص اليوم اللج
...خليها غير يوم
...لا اليوم الجووو حلووو يله روحي بدلي وتعاي
رحت لبست نفنوف اسود جرجير طويل ورداء وشال
وخليت شويه معطر
من طلعت حسيته يباوع عليه
صعدت بلسياره ورحنا نفتر اني ويااا
الجو يخبل العصر
بعدين رحنا للمول اشترينا سيت جدر وحافضات اخلي بيهن اكل بلمجمده
وجياسة زباله ومعطر جو وسله زغيره للخضره
وملقط للتكلا
ردت اشتري ملابس داخليه واستحيت من سيف
لان هو واكف بصفي
جمانه السعيدي
رهف اخذ العلاليك للسياره اريد اشتري شي خاص ممكن
ضحك ضحكت خباثه
طلع فلوس انطاني ودار وجها وراح
اشتريت ملابس داخليه ومعطرات وكريم جسم وبوطره
اني هاي الشغلات عندي بس بيت عمي من دزيت الجهاز
وبعد لبست اسود ومآ رجعتهن
صعدنا بلسياره
سيف بعد محتاجه شي
...لا شكرا اصلا اشتريت هواي شغلات اليوم
...نتعشى بلمطعم
...لا خليها غير يوم احنا اليوم عدنا عشى انت جبت كباب الصبح
رجعنا للبيت واني دخلت بدلت وتوضيت وصليت
وهو كاعد وعينه عليه
بعدين خليت الكباب بلفرن حتى يحمه وحضرت الصينيه
وكعدنا نتعشى
رهف ممكن اسئل سوال
سيف اكيد ممكن
رهف بطلت تشرب جكاير
سيف ليش
رهف ما اشوفك ادخن بلبيت
سيف تردين احجي الصدك
....اي
سيف اني جنت ادخن باكيت بليوم
هسه لان انتي سويتي عليه حصار كمت ادخن نص باكيت
وادخن برا لان انتي اضوجين من ريحة الجكاير
رهف انشاء الله تتركها نهائي لن تضر صحتك وبعد عندي طلب منك
سيف عيوني كولي تدللين
رهف سالمه عيونك ممكن تصلي اني على طول حاسه
نفسي خايفه منك
لان اني تعلمت من اني زغيره اي انسان ما يصلي ومآ يعرف رب العالمين ماله امان
اذا شفتك اتصلي راح احس بلامان وياك اكثر
بعدين وين اكو احلى من خمس دقايق تحجي بيهن ويه رب العالمين
حرامات العمر يضيع وواحد ما يعرف دينه
ومآ يعرف ربه
بس اتصلي يومين راح تلكه نفسك متعود على الصلا
وتحس براحه نفسيه عجيبه
سيف ولله كلامج صحيح بس اني ما ضابطها كلش
رهف هي بسيطه كلش يعني تقبل الجهال تصلي وتصوم وانت لا معقوله الجهال يعرفون رب العالمين اكثر منك
سيف علميني واني اصلي
رهف خلاص اكتبها الك واصلي كدامك منا لمن تضبطها
سيف انشاء الله
جمانه السعيدي
هسه نرجع للعصر ابو سيف راح يصالح ام أمير
ام امير سمعت صوته دخل للبيت وامي رحبت بي
ولا تكولون جبيره احس كلبي طار من مكانه
حسيت نفسي رجعت مراهقه واحبه من جديد
رغم كل الكلام الجارح الي سمعته منه
بس نسيت كلشي بس سمعت صوته احس صوته دخل الكلبي وفتح بابه
امي يله يمه اجا رجلج تعاي سلمي علي
كمت بدلت لبست نفنوف تور اسود الردن مابيها بطانه
وخليت الشال مفتوح على شعري
وخليت من المعطر الي هو يحبه
رحت دخلت وسلمت علي رد السلام بثكل
امي طلعت راحت اجيب جاي
ابو سيف شلونج شلون صحتج
ام امير الحمد لله
ابو سبف ترجعين وياي
ام امير بكيفك
ابو سيف بس عندي شروط
ام امير رفعت راسي مستغربه من كلامه
ابو سيف اي اهم شرط مالج علاقه بسيف ابد لا من قريب ولا من بعيد
تكعدين ابيتج وتسكتين اي شي تحتاجينه يوصلج
اذا سمعت تحجين صوتج يعلى هلمره طلاك نهائي
ومآ الج رجعه ابد
تكعدين ابيتج وترجعين جهالج واستغفري ربج
وتدعين الله يحفظهم اللج احسن ما يضيعون مثل ما ضاع امير
اذا موافقه على كلامي روحي جيبي ملابسج وتعاي نرجع البيتنا
اذا كلامي ما عاجبج ابقي بيت اهلج وباجر توصلج ورقة طلاكج
هااا شكلتي
ام امير موافقه بس انت ليش ماكتلي رهف حامل من امير
ابو سيف انتي اطيتينا مجال هجمتي ولميتي الناس علينا
دومج متسرعه يله جيبي ملابسج وخل انروح البيت ابو رهف انجيب الجهال ونرجع البيتنا
ام امير رحت جمعت ملابسي بجنطه وسلمت على امي وطلعنا بس وصلنا البيت ابو رهف صممو نتعشى عدهم
وبعدين نروح البيتنا
ام امير بس وصلنا البيتنا دخلت سبحت وبدلت
طلعت لكيت ابو سيف بلغرفه
ام امير قربت علي وكتله اشتاقيتلك انت ما اشتاقيتلي
ابو سيف فتح ايده واخذني لحضنه وكال ولله احبج
واموت عليج بس انتي بهاي تصرفاتج جاي تخربين
كلشي حلو بينا
صيري عاقله ولا تخلين الايام اضيع بلزعل العمر
ما بقه بي هواي وكت يخلص بلزعل
جمانه السعيدي
رهف اتفقت ويه سيف من باجر يبدي يتعلم الصلا
ودخلت غرفتي انام
سيف تمددت وافكر بكلام رهف يمكن رب العالمين حاب يهديني على ايدها
ليش احس نفسي مقتنع بلفكره حيل يمكن لان فكرت رهف
شلون بيه لو طلعت من حياتي
يمكن اموت
ولله كمت احب البيت لان هي بي
رهف بقيت كاعده الصلاة الصبح اتصفح بلموبايل
سمعت الاذان اذن وطلعت اتوضا
بس فتت بلهول كعد سيف
سيف شكو ليش كاعده يوجعج شي
رهف لا مابيه شي اريد اصلي صلاة الصبح
سيف هاااا
رهف تجي تصلي وياي يكولون صلاة الصبح دعائها مقبول لان تكون أبواب السما مفتوحه
سيف اي اجيت
رهف اتوضا كدامك وانتي اتوضا وراي
توضينا واني صليت بصوت عالي وبعدين هو صلا اني اردله وهو يحجي
خلصنا ودعيت الله يهدي لان كلبه طيب
وحرامات ما يصلي
دخلت نمت وهو رجع اتمدد وصاح رهف بصوت عالي
رهف فتحت باب الغرفه
رهف نعم
سيف الله عليج دعيتلي
رهف اي دعيتلك الله يقوي إيمانك ويثبتك على الصلا
سيف واني هم دعيتلج
رهف شدعيتلي
سيف الله يحفضك اليه
رهف كال هيج وضحك وضم راسه
رهف ضحكت وسديت الباب ورحت اتمددت
ياربي ليش خالتي تحجي علي ولله كلبه طيب وحنيين
خالتي حيل ضالمته
على طاري خالتي نسيت اسئل رجعت لو لا
يله باجر اسئل واطمن عليها
كعدت الساعه ١١ الصبح حيل راح الوكت خل اللحك احضر الغدا
طلعت لكيت سيف عايفلي ورقه لازكها على الثلاجه
مكتوب بيها
لاتصلين الضهر انتضريني نصلي سويه
حتى ادعيلج وتدعيلي
ضحكت عل خفت دمه ولطافته
خليت الجدر على النار وراسلت نور سألتها على خالتي كالت رجعت البارحه
قررت من يرجع سيف اسئله يقبل اروح الخالتي اسلم عليها
بس رجع وكتله كال اي روحي
العصر بدلت ورحت عليها
اني متوقعه تتعارك وياي لان ازوجت سيف
بس اتفاجئت حضنتني وكامت تبجي تكول بيج ريحت امير
لزمت بطني وكامت تبوس بيها
تكول امير عاف قطعه منه هنا حتى اشوف ابنه ويذكرني بي
بس اني زعلانه عليج ليش ما كلتيلي
رهف بعد صارت الشغله بسرعه
ام امير وشلون عايشه ويه هذا السكير خوما يضربج
رهف بلعكس ولله كلبه طيب وحنيين مثل طبع عمي
ام امير عمج ماكو بحنيته ابد
صممت اخذ ملابس عرسي كلهن وافتح حزني والبس اللوان تكول انتي حامل ولابسه اسود نفسيتج تتعب
واني اربد حفيدي سليم معافى
بعدين المن باقيه هاي الملابس بلكنتور اخذيهن تلبسين احسن
دزتهن وراي بيد معتز اخو امير كلهن والعطور والمكياج
جمانه السعيدي
بقيت اسبوع اعلم بسيف الصلا لمن ضبطها كلش
رهف هاا تعلمت بعد ماليه شغل بيك
سيف احجيلج سر
رهف كول
سيف من اول يوم تعلمت بس وجودك يمي يخلي الصلا حلوه وانتضر وقتها يوميه
رهف الله يقوي ايمانك وتستمر اتصلي طول العمر انشاء الله
سيف موتكولين خالتي كالت ذبي الأسود
رهف اي
سيف بعد شكو لازكه بي الأسود ما يرجع الميت ابد
اذا اتحبين امير ادعيله بلصلا
الله يغفرله ويرحمه
