رواية غلطة فى ليلة عرسي الفصل العاشر بقلم صفا خليل
عمر.. هسه مكلتيلي اقسم البيت او ٲٲجر
الام.. بشرط اذا تقسم البيت تنطيني ايجاره لان انته اذا تطلع محد النه ينطينه مصرف منو اتنطر مصطفى يصرف علينا
عمر.. بعيني انطيج ايجاره هاي هيه يعني اقسم
الام.. اقسم ﮨـbⓐṣـس مو هســۣۙـۣۛـ❀ـٰٰهہ اصبر كم شهر واطلع لحد ما يطلع تعيين مصطفى علمود يشيل المسؤليه ابدالك وعساها بحضج وبختج يا ايات
عمر.. استغفر الله ربي كمت صعدت للغرفه فوك لكيت ايات حاظنه ملاك ونايمه باوعتهن ابتسمت اتقربت نمت علسرير اخذت البطانيه وتغطيت وياهن واباوعهن ومرتاح بمنضرهن مديت ايدي حضنت ملك وايات ونمت
للشويه فزيت عله حركة ملاك كعدت شلتها بسريرها وشغلت التلفزيون بيبي وعفتها ورجعو نمت اجت ايات بحضني وهيه نايمه مديت راسي لشعرها اشتم بيه فتحت عينها ضحكت كالت ها شو هنا
عمر.. تردين اكوم
ايات.. لا
عمر.. ههه حجيت ويه اهلي راح اقسم البيت بنص ونعيش وحدنا ﮨـbⓐṣـس مو هسه بس يطلع تعيين مصطفى
ايات.. هه ما سويت شي الحايط ما راح يمنع المشاكل تضل نفسها
عمر.. انجبي عاد ردتي تعزلين وكتلج لبيه شتردين اكثر بعد ما اكدر اعوف اهلي فد مره وابعد عنهم علاقل يبقون تحت عيني كل شوي اشوف شيحتاجون
ايات.. كيفك.. راح انزل تريد شي
عمر.. اي
ايات.. حلاوه وباوعتلها توسل
ايات.. يااااي سوده عليه صار يومين ممسويتلك حلاوه هسه اسويلك شتريد
عمر.. جيلاتين بالموز بارد طيب الدنيا حاره
ايات.. من عيوني هســۣۙـۣۛـ❀ـٰٰهہ اسويه
عمر ..كامت رادت تبدل وشفت طبع اثار الضرب عله اديها كمت مسحت عله ايدها وكتلها اسف تنكسر ايدي بعد لو مديتها عليج
ايات.. تدري انته اول واحد بعمري يضربني ولو عايش ابويه وشاف الجروح بيدي جان شسوه
عمر.. تحسين باليتم يمي
ايات.. مو احس انـّ ℳέ ـّيٌ بالاساس يتيمه لو الي اب ما قبل اعيش بهلوضعيه وجان اخذلي حقي من عين السبع
عمر.. قهرتني لما حجت ضعفها كدامي. كتلها اسف والله ما جان بودي اضربج واني مو هيج تعاملي ﮨـbⓐṣـس انجبر اتعامل بهشكل
الغلط اللي صار ما بقه براسي عقل الا اني والله مماد ايدي علبنيه فد يوم انتي اول وحده
ايات.. ههه هذا هم حظي
عمر.. كافي لتحجين هيج والله مستعد اعوضج عن كل الاهاين اللي تسببتها الج واعتذر عنها
ايات.. هههه خليت ايدي عله خده وكمت العب بلحيته كتله ولا يهمك نسيت . عفته وطلعت دا اريد انزل جان ما احس الا نجريت قوي وفتت للغرفه باوعته مصطفى اهووووو
مصطفى.. تردين اطلعين من البيت موووو ما اسمحلج تبتعدين عني اني عايش لان يوميه اشوف اذا ترحين اموت
ايات.. اي لعد دموت وخلصني 😪سحبت ايدي منه وردت امشي وجان يسحبني قوي ويدفعني للحايط حيل ويلزمني من اديه بقوه بقيت عاقده حاجبي بوجها وهوه يكول
مصطفى.. انتي الي تعرفيني شنو انتي الي اني اللي اخذتج اول مره يعني انتي ملكي مو ملك غيري وما انسه وكعتي طفلنا بكل حقاره
ايات.. انته غريب لك بابا افتهم اني ما احبك وبعدين اذا اخذت شي بالغلط مو معناها صار الك وابتعد عني لا الم الدنيا عليك والله
مصطفى.. اريد افتهم شنو اللي اللشي اللي عجبج بعمر وما لكيتيه عندي ليش تحبيه ومتحبيني واني اللي احبج وهوه مو رايدج
ايات.. لان بالاساس اني مرت عمر مو مرتك حته احبك عندك مره التهي وياه وفكني فدوه تره طلعت روحي
جريت نفسي من عنده بسرعه فتحت الباب طلعت راد يسحبني ما لحك مشيت وشفت عمر صاعد الدرج وكال
عمر.. وينج نزلت وراج وما لكيتج وين جنتي كتله اااا جنت بالحمام الفوك دا اغسل هدوم ملاك
عمر.. هممم اوك يله بدلي وخل اخذكم انتي وملاك اونسكم و نتعشى برا
ايات.. ياااي حلو هسه ثواني ابدل اني وملاك وننزل رحت اخذت ملاك ودخلنا ثنينه للحمام سبحت وسبحتها وياي طلعتها وبدلتها وعطرتها ومشطتلها وكعدتها
انوب اني بدلت ولفيت حجابي وطلعت نزلت جان اسراء تكول اريد اطلع وياكم اتونس اهووووو استغفر الله ربي اول مره نطلع مع بعض وتلزكنه هلططوه 😒
عمر.. يله حبيبي بسرعه بدلي لان تٲخرنه
اسراء.. ثواني ما اطول
ايات.. طلعت روحي من كال لاخته حبيبي واني مناطقها حته لو بالغلط اليه ضجت حييل هوه انتبه كال شبيج متردين ترحين
ايات.. باوعتله اذا متريد اروح عادي ما اروح
عمر.. ما اريدج ترحين ..عجيب مہۣۙـ﴿ℳø﴾ـہۣۙـو اني كتلج بدلي ..ولا يكون زعلتي لان اسراء حتروح ويانه
ايات.. 😏😏😏
عمر.. باعيلي ايات الكره اللي ابداخلج اتجاه اهلي تشيليه ومتبينينه كدامي ابد كولشي ولا اهلي خط احمر اختي مطلقه ومتعقده من نفسها وتتصرف هيج لان حاسه بنقص بيها
واني ما اسمح لٲي احد يٲذيها لو شمتسوي تٲذيج تجين تحجيلي واني اتفاهم وياها مو تضربيها مثل ما سويتي قبل هلمره
ايات.. بس هيه تٲذيني بكلامها
عمر.. معناها صيري طرشه ولتسمعين .هيه اكو غضب بداخلها تعبر عنه بالصياح والغلط اتركيها تحجي وانتي حتعزلين عنها يعني اتحملي هل كم شهر لو شمتسوي
ايات..ماشي 😧
اسراء.. يله عموري حبيبي كملت
عمر.. يله اطلعو للسياره
ايات.. طلعت جاي اصعد بالسياره يمه جان تكولي انتي تكعدين وره ردت احجي وعمر اشرلي عود اصعدي وره
ايات.. اوووووووف😡😡😡😡 بعد ما اتحمل كعدت وره وكعدت ملاك يمي وهوه يباوعلي بالمرايا ويضحك انوب شغل اغنيه اوراس ستار ويغني وياها ويضحك
ويردد (لا تزاعلني يغالي فدوه فدوه كلبي غيرك صعب يهوه فدوه فدوه اني وياك حياتي حلوه حلوه من تفاركني امووت فدوه فدوه)
ما كدرت الا ابتسم جان يصيح لج ملوكتي بابا اموووت عليك من تزعل و تبتسم ويباوعلي بقيت اهز براس واضحك
وصلنا المول بقينه نفتر واني بس اباوع واستحي اطلب وهاي الططوه😒😡 اخذته حاصل فاصل شنو شايفته مشتريته وهوه يدفع وراها باوعلي
عمر.. شفتها طول ما احنه نفتر ابد ما اخذت شي واشترت واسراء يمكن اشترت المول كله باوعتلها وغمزتلها وهزيت راسي اي بمعنى شبيج
ما حجت رحتلها ومشيت يمها كتلها ليش متشترين معقوله المول بكبره معجبج شي بيه
ايات.. هاا ااا لا ﮨـbⓐṣـس ناسيه فلوسي
عمر.. شنو😦 لعد اني هنا وياج شنو طنطل وانتي تصرفين دتعاي تعاي دخلتها عله محل ملابس اشترت ملابس واني اختارلها عرفت بيها تخجل تطلب
مبينه بنت عز ما تحب تمد ايدها وتطلب من احد ﮨـbⓐṣـس رغم كولشي حبيت هلطبع بيها عرفت بيها قنوعه
دا نتمشى وجان تكولي اوكف اوكف كلت يا الله انفكت الچبسه راح تشتري جان تدخل لمحل مال اطفال طــن😓 كتلها شتسوين كالت اريد اشتري ملابس لملاك
اخذت اشكال الوان من ملابس واحذيه واكسسوارت لملاك طلعنا و اسراء اجت كمشتني من ايدي واتمشت وياي اباوع لايات عيونها كامت تنطي الوان من الغضب
ضحكت سويت روحي اريد اشيل ملاك وخرت ايدي من اسراء و شلت ملاك من العربانه كتلهم خطيه تعبت ﮨـbⓐṣـس جذب اريد افض السالفه لان اسراء جاي تتعمد تضوجها وتكولها
اسراء.. خطيه عمر كلشي بنفسي اشترالياه انتي كولشي مشترالج
ايات.. ما محتاجه شي
عمر.. باوعت محل ذهب معلكه بيه كلاده نازكه عله شكل ملاك جريت ايد ايات وكلتلها تعالي دخلنا للمحل كتله من فضلك هذي الكلاده انطانياها
اخذتها ولبستها لايات واني البسها همستلها انتي اجمل ملاك نزله رب العالمين الي ابتسمت دفعت الحساب وطلعنا وهيه مبتسمه وتضحك
اسراء.. بنت الفڪر تكول مشايفه كلاده😏
عمر.. اسراء صحتها وخزرتها وكتلها احترمي نفسج ولا تخليني اهينج عيب.
باوعت ايات ضايجه كلت يله تعالو نتعشه علمود نرجع للبيت اخذتهم للمطعم نزلت كتلهم شتاكلون
ايات.. بكيفك
عمر.. حبيت الاطفها همستلها اني شيطلب الحلو اكل عله ذوقه
ايات.. ههههه أوگيـ Ok ـٍہ اطلب بيتزا
اسراء.. عوووع شنو بيتزا اطلب صاج
عمر.. ادللي حبيبي هسه انزلج صاج اجه النادل طلبت بيتزا عائليه وصاج وحده اكلنا كملنا رحت للسياره
ايات.. شفت اسراء فلت السير مال حذائها نزلت تعدله اني سبقتها ورحت كعدت بالصدر مال السياره عمر باوعلي وابتسم
عمر.. يابه والله يضحكن الغيره مالتهن عجيبه شلت ملاك خليتها بالسياره رفعت راسي جان اسراء شفتها اجت شايطه عل السياره تريد تتعارك وياها
صحت اسراء خزرتها وكفت اشرتلها صعدي وره وخليت اصبعي عله حلكي اي بمعنى بدون صوت صعدت رحت شلت العربانه طبكتها مال ملاك خليتها بالصندوك ورحت اركب السياره سمعتهن يتلاغن اول مصعدت سكتن هزيت راسي ومشيت..
