رواية خادمة الفصل العاشر بقلم جمانه السعيدي
زوجت مسلم...كلهم يدرون وضامين عليج
عمتي مشجعته على الزواج تكله اريد اشوف جهالك
بشرى...ممكن تاخذيني اشوف ببته
زوجت مسلم...بس اخلي ذني الغراض بلببت وارجع عليج
بشرى...ادور على عباتي وهي معلكه كدامي ومااشوفها
كعدت على الجربايه ابد ما مصدكه
بعد كلشي سويته علموده طلع يضحك عليه
خنت مبادئي وخنت الناس الي ماامنتني على بيتها علمودا
وهسه هو ياخذ الفلوس يريد يزوج بيهن
ولله ما يزوج ولا يشوف العرس بعينه
رجعت عليه مرت حماي وكالت يله ترحين
بشرى...ادور على عباتي ماكوووو
قربت عليه كالت مو هاي معلكه كبالج
بشرى...مااشوفها انسطرت سطر
طلعنا اني وياها بلشارع الي ورا شارعنا
بيت ١٥٠ متر مبني جديد يعني يجوز مبني قبل خمس او ست سنوات مرتب طابقين
اكو محل بصف البيت قربت كتله من رخصتك
هذا الببت معروض للبيع
الرجال....انباع قبل ٣ اشهر الولد اسمه سعدون بيتهم بلشارع الثاني هسه جاي يجهز بي يريد يعرس
بشرى....شكرا
جمانه السعيدي
زوجت مسلم...مو كتلج هذا بيته راح يزوج بي
تعاي ادليج بيت العروسه
اخذتني مشينا تقريبا ربع ساعه
كالت هذا بيتهم اسمها نجلاء
بشرى...اريد اشوفها
زوجت مسلم... مااروح وياج اني حدي هنا
بشرى...روحي الله وياج لا تحجين اي شي مااريد سعدون
يعرف اني صار عندي علم
دكيت الباب طلع طفل عمره سبع سنوات تقريبا
بشرى...اريد نجلاء
دخل الولد واني بقيت واكفه بلباب
شويه وطلعت عليه بنيه شابه زغيره وحلوه باوعت عليها
كلت بكلبي اشافت من سعدون بكد ابوها ورضت بي
نجلاء...تفضلي
بشرى...زاد فضلج انتي نجلاء
نجلاء...اي عيوني تفضلي
تحجي وتحرك بايدها متروسه ذهب بتوت الدكتوره باوعت لابسه كلادتي الذهب وتراجيي ومحابس الدكتوره
بشرى...انتي الخياطه
نجلاء...لا عيوني اني مو خياطه ماكو بشارعنا وحده خياطه غير ام علي ماكو وحده اسمها نجلاء خياطه
بشرى....شكرا جزيلا
لا ياحيوان ماخذ ذهبي وذهب الدكتوره للعروسه
اني اعلمك بسيطه مراح تزوج ولا تشوف العرس بعينك
اموتك بايدي وما تعرس ياسعدون
رجعت للبيت وبقيت منتظرته
اتصلت علي كال شويه اتأخر
بشرى...محضرتلك عشى يخبل يستاهل هلحلك
لا تتاخر عليه
سعدون...نص ساعه واجي
كعدت انتظر وعقلي مابقه جريمه قتل مااخترعها
حاقده علي بكد الدنيا كلها
سمعته دخل وطبك الباب
صاح بشرى وينج
بشرى.. هنا بلغرفه تعال
سعدون...كاعده هنا ووين العشى كلشي ماكو على الطباخ
بشرى...اريد ذهبي وذهب الدكتوره
سعدون ... خير شسوين بيهن
بشرى...البسهن واريد ١٠٠ مليون من الفلوس لان حجزت
اريد اروح اتعالج
سعدون.. شنو بكيفج شو تتصرفين على مزاجج
بشرى...اي بكيفي ذهبي واريده يله بسرعه
سعدون...اني ضامه بعيد باجر اروح اجيبه
بشرى...لا هسه اريده هسه انروح اني وياك تنطيني ذهبي وذهب الدكتوره و١٠٠ مليون
سعدون...كلشي مالج يمي طكي راسج بلحايط
بشرى...ليش كلشي مالي يمك هذا حقي واريده
سعدون...صرفتهن بعتهن مالج اي شي يمي واذا تردين روحي اشتكي انتي الحراميه وانتي الي فتحتيلي الباب
جمانه السعيدي
بشرى...هذا اخر كلام عندك
سعدون...اي اخر كلام عندي وشتردين اتسووين سوي
ما تخوفيني انتي ونعالي منو كالج تصيرين ثوله
وتنطيني هيج مبلغ القانون لا يحمي المغفلين
بشرى...بس المغفلين يكدرون يحمون نفسهم
طلعت من الغرفه وهو بقه كاعد ويحجي ويغلط عليه
كاعد على طرف الجربايه الثاني ضهره صاير على باب الغرفه
رحت للمطبخ وجبت سجينه ضميتها وراي ودخلت للغرفه
هو فتح المجر مااعرف شيطلع
طفرت على الجربايه هو وكف يريد يشوف شكووو
طعنته بضهرا
حاول يبتعد عني طعنته مره ثانيه
بشرى...شوف شوف سعدون المغفلين يكدرون يحمون نفسهم
طاح على وجها والدم ترس الكاع اخذت عباتي
وهو ينازع بلكاع اخذت جنطتي مال جتفي
طلعت من البيت ودموعي كامن ينزلن منا ومنا
شكد مقهوره على نفسي ضيعت عمري علمود واحد مثل سعدون الله يرحمها امي شكد حذرتني منه
توقعت يصير عندي اطفال توقعت يصير براسه خير
صوجي مااعرف اختار صح لو باقيه بدون زواج ولا هاي المصيبه الورطت روحي بيها
أشرت التكسي صعدت وكتله المركز الشرطه
بلا زحمه
طول الطريق دموعي تجري اي يبشرى هاي تاليتج حراميه وقاتله صرت مجرمه بسبب واحد حقير مثل سعدون
وصلت المركز الشرطه اول مره بحياتي ادخل مركز شرطه
دخلت على الضابط
بشرى...حضرت الضابط اني قتلت زوجي
واريد أبلغ على سرقه تمت قبل ست اشهر
اخذ الضابط اقوالي ودخلني للحجز وراحو يشوفون
جثة سعدون وصلو للبيت
بس مالكو سعدون بلبيت بس الدم تارس الكاع
من طلعت اني هو بعد بي روح ما مات طلع تليفونه من جيبه واتصل على اهله
اجو اهله للبيت ونقلو للمستشفى
الشرطه سئلو عنه الجوارين كالو نقلو للمستشفى بلنفس الاخير
اهله بس وصلو للمستشفى دخلو عمليات لان نزف هواي
اخو اتصل بمركز الشرطه يبلغ عني
الضابط كاله هي عدنا هنا بلمركز وعترفت قتلت زوجها
جمانه السعيدي
دخلو سعدون عمليات حالته خطره الدكتور اكد
صاير عنده نزيف حاد مسلم اتبرعله ببطلين دم
كل هذا اني متوقعه مات وخلصت منه
دزو استدعاء الدكتور عدنان
بسبب السرقه من قرأ اعترافي بقه مصدوم
جابوني كباله ماكدرت ارفع عيني بعينه لان مايستاهل
كلشي صار بسبي
دكتورعدنان... صدك انتي بشرى مو غيرج
وهذا الفلم كله سويتي علينا ليش مو حاسبينج وحده من عدنا ليش الخيانه
بشرى...لا رفعت عيني ولا حجيت كلمه وحده
كلشي يكول حقه اني مااستاهل المعامله الحلوه الي جانو يعاملونيياها
الدكتور خله محامي يطالب بلمبلغ والذهب كله
جابو كامرات الجيران
وطلعت بيهن شلون فتحت الباب السعدون ودخلته للبيت
الضابط....على فكره سعدون عايش ما مات
وراح نجيبه ونحاكمه على فعلته هاي
بشرى...حتى بهاي اني فاشله عبالي كتلته وخلصت منه
اربع ايام يله سعدون كدر يحجي والشرطه راحت تستجوبه
ماكدر ينكر وخاصه من سئلو منين جبت فلوس البيت
والمهر وصورته بلكامره شلون طالع من بيت الدكتور بيده جنطة الفلوس
بقيت بلحبس شهر كامل مامقدمين اوارقي منتظرين
سعدون تتحسن حالته الصحيه حتى يحاكومنا بس
المفاجئه سعدون طلع من المستشفى مقعد
صار عنده شلل مستحيل يحرك رجلي الطعنه جايه
على الحبل الشوكي وقاطعته
سببته شلل بلمفاصل السفلى
الدكتور شد اسنونه علينا وبمكان المحامي ثنيين
وأهل سعدون خلو محامي بس اني عمامي تبرو مني
ومحد وصلني بعد ما سمعو اني بايكه بيت الدكتوره
وحاولت اقتل زوجي بقيت وحدي محد اجاني ولا واحد سئل عني
بس ام محمد جيرانه الوحيده الي كانت ازوني وتطمن عليه
اضطرو اهل سعدون يبيعون البيت بطريقه سريعه
بس حتى يسدون فلوس الدكتور
لان سعدون شلون راح يتحمل السجن بهذا وضعه
نقص من فلوس البيت ٤٠ مليون
العروسه ماقبلت ترجع المهر والذهب تكول ذني حقي
ابوها يدور طلايب والناس كلها تكرها
شرط عليهم يطلكون وكلشي مايرجع لهم يكلهم انتم ضحكتو علينا وقشمرتونه
طلك سعدون وهو داخل السجن وخسر الذهب
والمهر باقي على فلوس الدكتور تقريبا ١٠٠ مليون
والمحامي يريد اتعابه
اضطرو اهل سعدون يبيعون بيتهم الي ساكنين بي
حتى يسدون النقص بلفلوس
هو هم بيت قديم كلش انباع قطعة ارض لان ما ينسكن
الي اخذه هده وبني بمكانه بيت جديد
قدمو فلوس بيتهم ويا فلوس البيت الي اشترا سعدون
على الفلوس الي باقيات عد سعدون
لان الدكتور قيم الذهب بمبلغ عالي وباقي الأشياء الي راحت من بيتهم كلشي صار فوك ٣٥٠ مليون
كلشي مابقى عدهم قدمو كلشي يملكونه
حتى يخففون محكومية سعدون بسبب حالته الصحيه
اضطرو اهل سعدون يكعدون ايجار والراتب الي جان ياخذه سعدون صار ايجار هذا البيت
جمانه السعيدي
بلاخير انحكمنا اني وسعدون كل واحد سبع سنوات سجن
محد جان يسئل عني ويذكرني غير ام محمد جيرانه
وصيتها تستلم راتب امي وجيبليا اصرف منه
لان كلشي بلسجن بفلوس
بعد ماانسجنت بشهرين اجتني ام محمد ضايجه
بشرى...هاا خاله ليش ضايجه
ام محمد...خاف احجي وضوجين بلزايد
بشرى...بعد السجن مراح اضوج اكثر اني ضيعت عمري
بعد شنو أغلى من العمر
ام محمد...اهل سعدون اخذو كل اثاث بيتج من شألو البيتهم الجديد
كلشي ماخلو بلبيت يكولون هاي الغراض حقنا
ليش ضربت سعدون وانشل بسببها بعد مايكدر يمشي للابد
بشرى.. خليهم ياخذوهن اهم شي اني خليت سعدون عاجز
خل اشوف شلون يزوج عليه ويضحك عليه وياخذ فلوسي
خليته عاجز وكلشي ما يملك حتى بيت اهله انباع
يستاهلون كلهم كلشي صار بيهم يستاهلون
ام محمد. اني كلت اكلج ليش تتفاجئين بلمستقبل
بشرى...انشاء الله نار تحركهم مثل ما حركو كلبي
بشرى...أصعب ايام ايام السجن اليوم بسنه عود اني عندي فلوس اشتري اكل وملابس وما ناقصني شي
اكو حالتهن تعيسه كلشي ما يملكن
كنت اساعدهن كد مااكدر
استغفرت ربي على كلشي سويته خلصت وقتي استغفار
وصلا وعباده اتمنى رب العالمين يغفرلي
طيشي وتهوري وغبائي ضيعني
يوم ٢٠٢٥/٤/١٣ طلعت من السجن بس ام محمد اجت استقبلتني كثر خيرها المره
كانت ازورني كل شهرين اتلاثه مره وحده
احسن من اهلي الي نسوني
وصلت بيت اهلي صاير قديم وتعبان حيل ومهجور
مكسرين البيبان والشبابيك مكسر الجام
كلشي ما مخلين بي فارغ الله لا يرضا عليهم
انشاء الله
ام محمد جابتلي فراش انام علي وعين طباخ اطبخ عليها
من راتب امي عايشه واشتريت بس الشغلات الضروريه
لكيت شغل بشهر التاسع عامله بمستشفى اهلي
راتبي ٢٥٠ الف اشتغل شفتين حتى اخذ راتبين
وهم ابقى بلمستشفى حتى اتسلى ويا المرضى ويخلص نهاري احسن مااعيش بلذكريات الحزينه طول اليوم
اشتريت كم حاجه الضروريات مثل الثلاجه وطباخ
ومواعين ومبرده وصوبه
بس بليل ارجع للبيت انام بي مرات انام بلمستشفى
هاي قصتي حبيت احجيها الكم حتى تشوفون
شلون اني ضحيت بحياتي الحلوه وناس تحبني وتقدرني
وبدلتهن بحياة الحرام والقلق والعذاب ويا سعدون
اني ماجنت مقتنعه بحياتي وعيني على خير الدكتوره والدكتور هما ماحصلو هذا الشي بلساهل
حصلو بلتعب بس اني عيني جانت عليهم جنت حاسدتهم
اريد اعيش حياة مثل حياتهم بدون تعب
لمن ضيعت كلشي من ايدي
حتى سعدون مجان مقتنع بحياته وبمكان مايشتغل ويطور حياته لا فضل الطريق السهل
قرر يستغلني ويعيش من تعبي ومن سمع بحياة
الدكتور والدكتوره طمع اكثر وراد ياخذ تعبهم على الجاهز
تالي خسر صحته وسمعته وبيت اهله
يكولن امه ماتت وهو حسره علي الالف لان راتبه راح للايجار يبجي بجي كاتله الضيم
محد بحاله زوجت اخوو كل شويه تتعارك ويا وطرده من البيت الناس تتصدق علي
لو مقتنع بحياته ويا بشرى
ياكل ويشرب وينام بلاش ومحد يحاسبه على اي شي
بس شلون لا لازم يطمع بحلال غيره
لازم يخلي عينه على رزق غيره
خسر كلشي بسبب طمعه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
