رواية إخفاء فضيحة الفصل الثالث عشر بقلم جمانه السعيدي
دخلت بشهري وحاسه بتعب فضيع واحس نفسي ثكيله
يمكن لان الحمل الأول كلشي عندي صعب
ومآ مفتهمه الشغله شنوووو
هناء اني جاي احسب يوم يوم الولادة رهف
قررت اروح اتفق ويه ام رهف الولد ما يسجل باسم سيف
الولد ابن امير واريده يتسجل باسمه
واني سئلت اذا عاقدين محمكه هي وأمير قبل زواجها بسيف يتسجل الطفل باسم امير واكيد الدكتووره
راح من اجيبها تكتب شكد مدة الحمل والوزن والنوع
من مدت الحمل راح يعرفون ان امير ابو
جمانه السعيدي
اني مستحيل افرط بحفيدي واعوفه السيف الساقط يربي
على شنو يعلمه مثلا على الأخلاق والادب
طلعت العصر ورحت الام رهف
لاكاني ابو رهف طالع سلم عليه وكال ارجع وياج اني كتله
لا ما يحتاج شغله ضروريه ويه ام رهف
دخلت وسلمت وكعدنا نسولف اني وأم رهف
هناء اني سكتت على زواج رهف من سيف وكلت ميخالف الخاطر ابن امير
بس مال ابن امير يتسمى باسم سيف ما اقبل ابد
بهاي الاثناء رجع ابو رهف لان عدهم مروحه شحن يريد ياخذها للتصليح ومن طلع مستعجل نساها
هناء ابن امير اني اربي مو سيف فهمتي اني بس احجي ويه صلاح يسويلي مشكله
اني اريد انتي تحلين هاي السالفه
رهف ازوجت سيف حتى إداري هاي المصيبه والحمد لله عبرت على خير ومحد عرف بيها
انتي شوفي حجه حتى ابن امير يتسمى باسمه
ام رهف شلون نسمي باسم امير
هناء مثل ما لكيتي حل الزواج رهف اريد حل ابن امير بتسجل باسمه فهمتي
ابن امير اني اربي ولو يموت سيف ما اخلي يسجله باسمه
ابو رهف سمعت هذا الكلام وحسيت راسي راح ينفجر
دخلت عليهن وصحت بصوت عالي
رهف حامل من امير قبل لا يزوجون
هناء دنكت وأم رهف عاطت وسدت حلكها بثنيين اديها
راسا راح لزم ام رهف بقوه من ايدها احجي
بتج حامل من امير قبل لا تتزوج
وشنو وضعها ويه سيف شلون زوجتيها السيف وهي حامل
احجي لا اذبحج وادفنج هنا
بتج ك ح ب ه ومالها رداد
اكول ياربي هنا ما يطيقن سيف شلون قبلن بهاي السرعه
بلزواج
وليش ابو سيف مستعجل على هاي الزواجه
جمانه السعيدي
وانتي الذكيه عود حليتيها مخليه بتج عايشه بلحرام
ويه سيف
انتي تدرين زواجهم حرام لولا
بصفتها شنو عايشه ويااا تحت سقف واحد
ام رهف ولله زواجهم حبر على ورق بس كدام الناس متزوجين
ابو رهف شلون بله كليلي عايشين بيت واحد وينامون وبكعدون سوا وهو مو محلل الها
اليوم انعل والديج كلبه بت الكلب تضحكين عليه
اني وحده مثلج تقشمرني اليوم احركج انتي وبتج
وانعل الساعه السوده الي شفتكم بيها
بتج ما كدرت تحفظ نفسها منا للعرس والنوب اجت تكحلها عمتها
راحت تعيش ويه اخو بلحرام
ام رهف ولله كل واحد ينام لمكان وسيف ما مقرب عليها ابد
ابو رهف وانتي شمدريج كاعده هنا وبتج هاي قليلة التربيه تصول وتجول بكيفها
جمانه السعيدي
ابو رهف نزل ضرب على ام رهف وولده وهناء يردون يخلصونها منه ماكووو
وطلع عصبي رايح الرهف راسا اخوها اتصل بيها وكال ابوج اجا عرف شغلة الحمل
سيف توا طالع
راسا رهف اتصلت بي
سيف هااا اكو شي تردين شي
رهف فدوه ارجع بسرعه ابوي عرف حملي من امير وجاي عليه
سيف اي اني هسه راجع دقيقه
رهف الباب كامت تندك قوي واني كمت كلني ارجف من فوك ليجوه واحس بطني موتتني كامت توجعني حيل
ابو رهف افتحي افتحي الباب احسلك لا اكسره
الصوت عالي واكيد الجوارين راح يطلعون على الصوت
رهف فتحت الباب وهو لزمني من شعري وكام يعت بي
ويضربني ويغلط عليه
ضربني راشدي فرني فر
ومستمر بلضرب ويصيح عليه ادبسزز الضاهر ما عرفت اربيج اليوم ارببج من جدبد
بت الكلب تضحكين عليه
اليوم اموتج بمكانج
لازمني من شعري ويعت ببه
من العصبيه عروك وجها بارزات ووجها احمر صار
هنا وصل سيف يريد يخلصني من ايده ماكوووو
وهو يدفع سيف بقوه ويكله انت السكير الساقط تضحك عليه
تلعبون عليه وطمسوني بلحرام
عايشه وياك ست اشهر بلحرام
سيف عمي افهمني رهف مودبه واني ما لمسته ابد
اعرف زواجنا حرام بس ولله اني وياها نعرف حدودنا
ومآ اجاوزناها ابد
ابو رهف انجب ولا كلمه اني هم ما عدي عقل اصدك واحد مثلك
جمانه السعيدي
سيف عمو فدوه رهف هذا شهرها وموزين عليها الي جاي تسوي
بتك ماسوت شي غلط ابد امير جان زوجها وهم عاقدين شيخ ومحكمه وين الغلط بلي سوووا
ابو رهف امشي امشي كدامي اني اعلمج
رهف فدوه سيف لاتعوفني
من الضرب خشمي طك دم وبطني كامت توجعني
سيف عمي ما تأخذه اله على جثتي رهف ما غلطانه
وانت هيج جاي اتاذيها
ابو رهف شني اني منتضر موافقتك
سحب رهف من ايدها وابيدها الثانيه كامشه سيف
وتتوسل ما يسلمها الابوها
جمانه السعيدي
هنا بين سحب وجر واخذ وبسبب الانفعال والعصبيه
طك مي الطفل
رهف حسيت شي وكع مني عبالي الطفل
عطت بصوت وكتلهم راح اموت ابني
ابني راح يوكع
عفت سيف وكعدت كوه على ركبي وجواي بقعة ماي لزجه كعدت فوكها
وابوي مستمر يسحبني
سيف صاح بصوت عالي كافي كافي البنيه
ما اعرف شنو وكع منها
رهف راسا اتقايئة على ملابسي وحسيت صوتي انشحط
وبعد ما اكدر احجي ابد
بابا عاف ايدي وكال يطبج مرض انشاء الله تموتين ياعار
عافني ومشه
رهف سيف الحكلي الوجع موتني
سيف دنكت وشلتها بحضني ودخلتها للسياره وشغلت
وطلعت للمستشفى كبل
بس وكفت لكيت اكو سديه برا خليتها عليها وكمت اصيح
ولاده بسرعه ولاده
سيف ملابسي ادمرن من هاي الماده الي وكعت من رهف
دخلتها جوا واجت الممرضه تركض اخذتها مني
وهي ما قبلت تعوف ايدي وتصيح سيف لاتعوفني
اذا متت ابني امانه عندك
صعدنا للمصعد وهي اشتد عليها الطلوك
دخلوها للو لاده واني بقيت برا انتضر
اتلث ساعات واكف على رجليه وكلما اسمعها تصرخ
احس كلبي يطلع من مكانه
طلعت الممرضه وكتله فدوه رهف شلونها
الممرضه نزلت حواجبها يارهف يمعود
عشرين وحده جوه بصالة الولاده
دنكت وسجدت سجده الرحمه ودعيت رب العالمين
يكون وياي ويساعد رهف اجيب وتكوم بلسلامه
الوقت يمر صعب عليه وما اعرف شسوي
ولا وياي وحده تدخل تشوفها وطمني عليها
جمانه السعيدي
ابو رهف رجعت للبيت وكمت اصيح واغلط على ام رهف
وكتلها ممنوع ترحين الرهف وتكطعين علاقتج بيها
اني ما عندي بنيه اسمها رهف
دخل للاستقبال وهو يفور
ام رهف ما جنت اعرف رهف عدها ولاد
ولا توقعت ابوها ضربها
من دخل ابو رهف بقيت محتاره شلون اعرف شنو صار
اتصل برهف ماترد
اتصل بسيف يدك ومآ يرد
بعدين ورا وقت هواي تقريبا للمغرب
رد سيف وكال رهف عدها ولاده ووحدها جوا واني انتضرا برا
دخلت على ابو رهف
ام رهف فدوه اروحلك البنيه عدها ولاده ووحدها خل
اروح اشوفها
ابو رهف كلت ماعندي بنيه اسمها رهف خليها وحدها انشاء الله تموت واخلص منها
ام رهف يارجال خلي رحمه بكلبك
ابو رهف الرحمه انتن شلتنها من جذبتن عليه
وسوتني مضحكه كدام سيف
مع الاسف اني يضحكن عليه نسوان
ام رهف بتك صار اكثر من اتلث ساعات بلولاده حرام عليك
ابو رهف يمه دولكة مي شمرها عليها وكللها اطلعي
وبعد لاتجين هنا ابد
وتحسبين حسابج اذا طلعتي من البيت انتي طالك
سيف ما خليت دعاء ولا ايه ما قريتها
ياربي اني عندي هواي أخطاء بحياتي
لاتعاقبني برهف ياربي كومها بلسلامه
شويه وطلعت الممرضه كالت منو ويه رهف
سيف اني طفرت اني وياها
الممرضه جابت ولد الحمد لله اريد بشارتي
سيف تدللين طلعت ٢٥ ونطيتها كتلها فدوه هي صحتها شلونها
جمانه السعيدي
الممرضه ولله تعبانه حيل بس انشاء الله خير
اريد ملابس الطفل
سيف هااا ما جبنا ملابس ويانه طلعنا مستعجلين
الممرضه خلاص اني اشوف اخذلها ملابس من النسوان الجايه اجيب والف الطفل
دخلت واني بقيت كاعد على نار اريد اشوف رهف
الله يساعدها انكتلت والطلوك اجاها
اثنيينهن انجمعن عليها
شويه وطلعوا على سديه ينقلوها الغرفه ثانيه غير غرفة الولاده
بس طلعت وشفته ركضت عليها
سيف هااا حبيبتي الحمد لله على السلامه
رهف الله يسلمك
سيف خطاج الشر
رهف يمه وصلت للموت شفت الموت بعيوني
سيف وين الطفل
رهف بلخدج تعبان
رحنا للغرفه والممرضات كالت جيبلها عصير نستله خليها تاكل
سيف صار تدلل رحت وجبت عصير ولبن ونستله وبسكت وبرتقال
رهف شدعوه هلكد
سيف دنكت عليها وبست راسها الحمد لله رجعتيلي حبيبتي خفت لا افقدج ياروحي
رهف الحمد لله جسمي كله يوجعني
اجت الممرضه كالت لازم اجيب هذا العلاج وملابسها
لازم تغيرهن توصخن دم الولاده
وجيب ملابس للطفل
سيف هسه خمس دقايق وارجع
رهف ملابسي وملابس الطفل اني محضرتهن بجنطه جوزيه
بصف الجربايه
سيف هسه شويه وارجع
رهف امي ما اجت
سيف حبيبتي مشغوله تجيج وين تروح
رهف مشغوله عن ولادتي لو بابا منعها لو بس اعرف منو كاله اله اشرب من دمه
سيف رحت للبيت بدلت لان ملابسي ادمر وجبت الجنطه واجيت
الممرضه بدلت الرهف وأخذت ملابس الطفل تبدله
للحكايه بقيه احبكمممممم
تفاعل حلو مثلكم
الرابع عشر
اخفاء فضيحه
جمانه السعيدي
سيف اتصل بيه ابوي ورا المغرب وكت رجعته من المكتب مالته
ابو سيف الو سيوفي وين انتم بابا شو المشتمل اضلم
خوما رهف صار عليها شي
سيف هله يابه مبروك اجاك حفيدك
ابو سيف تحجي صدك
سيف اي ولله احجي صدك ويردون يسمونه بلمستشفى واني كتلهم محد يسمي غير جده
ابو سيف وانتم هسه وين بلمستشفى لو ببت ابو رهف
سيف لا بلمستشفى
ابو سيف هسه اجيتكم
هناء بعد المصيبه الي سويتها رجعت للبيت واني خايفه من ابو سيف
بس ولله ما طالبت غير حقي اريد ابن امير يتسمى على اسمه
جمانه السعيدي
بس وصل ابو سيف وشاف المشتمل اضلم اتصل يطمن على سيف وسمعته كال رهف جابت
راح ابو سيف يشوفهم بلمستشفى
واني ضليت كاعده على نار
ابو سيف وصلت واتصلت على سيف حتى اندل الغرفه الي بيها رهف ورحتلها باركتلها
ولكيتهم جايبين حفيدي ورهف ترضع بي
ابو سيف الحمد لله على السلامه يتربى بعزكم
رهف الله يحفظك عمو ويطول عمرك
ابو سيف شلون صرتي
...الحمد لله
....وين امج ماكو خل اباركلها
...بابا ما قبل تجي
....ليش
...لان عرف الحقيقه واجا عاتبني وضربني
....لا تحجين صدك منو كاله
...ولله ما اعرف وزعل عليه وما قبل امي تجيني
...ومنو اجا وياج
...بس سيف
...وليش ماجبتي خالتج وياج
...صارت الشغله بسرعه
...خل اسئل الدكتوره على صحتج حتى اخذج وياي للبيت حتى تهتم بيج خالتج
وابوج اني اروح اتفاهم ويااااا
جمانه السعيدي
الدكتوره كالت حالته استقرت تكدرون اطلعوها للبيت
....والطفل دكتوره
...الطفل اول ما طلع حيل تعبان بس هسه شويه احسن
...نكدر ناخذه ويانه للبيت
...اي عادي اخذو بس انتبهو عندا نسبة ابو صفار قليله
...انشاء الله
رهف طلعنا للبيت وعمي صمم يأخذنا البيتهم
بس وصلت خالتي حيل فرحت بجيتي وباركتلي وشالة ابني
وتشم بي تكول هذا من ريحت امير
كعدنا كلنا اني وسيف وعمي
هناء اريد اطلبكم طلب ولا تردوني فدوه
...عمي كال كولي
هناء اني اسمي والبيان يطلع باسم امير فدوه لاتحرموني اسمع اسم امير ورا اسمه
عمي التفت عليه وكال خلاص انسمي باسم امير بعد ابو رهف وعرف منيين خايفين
واحنا اصلا مانكدر نسمي باسم سيف لان همه ما عاقدين محكمه
هناء اريد اسمي وهب اي وهب امير
رهف دخلت سبحت وخالتي سبحت ابني
جابونا عشى تعشينا وسيف كاعد يمي مايقبل يروح
البيتنا
بعدين عمي كاله تريد نفرشلك يمها وتنام
عود ناصب علي
سيف اي ولله ياريت اني ما اكدر ادخل للمشتمل وهي ماكووو
تعودت عليها
رهف لا شعندا نايم يمي يروح للبيت احسن
كوه طردته يريد ينام يمي
هناء نامت رهف لان تعبانه وسيف رجع البيته
واني رحت يم ابو سيف
هناء اريد اكولك شي بس لاتفهم غلط فدوه ولله ماليه بيها قصد
ابو سيف كولي
...اليوم رحت الام رهف اطلب منها تساعدني انقنعك حتى هذا الولد يتسجل باسم ابو الحقيقي
لان يعز عليه الذكرى الوحيده من امير ماتكون باسمه
ابو سيف وبعدين
هناء ابو رهف سمعني بلصدفه هو كان طالع واني اطمنت وحجيت بس ما اعرف ليش رجع مره ثانيه
وسمع كلامي كله
ابو سيف انتي ليش ما تبطلين هاي سوالفج
تدرين ابو رهف كاتلها وباقي يضرب بيها وحتى خشمها ينزف
وسيف كوه مخلصها من ايده
والمسكينه بسببج جايبه وحدها امها ما رايحه وياها ابد
هناء ماكان قصدي تصير مشكله ابد بس بعد صارت
ابو سيف ولله لوما رهف محتاجتج تخدمينه جي نفسه
هسه ادزج الاهلج
الناس تكبر تعقل وانتي كبرتي وكمتي تسوين مشاكل
بابا افتهمي
حرام عليج الجاي تسوينه
هناء واني شسويت لا ن طالبت ابن ابني يصير باسمه
ترا ولله مو عداله الولد يصير باسم سيف
ابو سيف اني طالع رايح لابو رهف ولله اذا كبرت الشغله يهناء يكون طلاكج عليها
سيف رجعت للبيت ضوجه ياربي شلون اتعودت عليها يمي
اتصلت الجهاز مغلق
كتبتلها رساله
هلو حبيبتي شلونج
البيت موحلو لان انتي ماكوووو
اتعودت عليج
رهف احلف بابنج لاتعوفيني ولله اني خلصت عمري كله عايش وحيد
ومن اجيتي انتي تغيرت حياتي كلها
اني اعرف زواجنا كان بس على الورق بس اني اريد احوله زواج حقيقي
اعتبري هاي الرساله طلب خطوبه مني
تقبلين اطلب ايدج من عمي ونزوج زواج حقيقي هلمره
اني مو زغير واريد اكون اسره
وأبو المثل يكول الي تعرفه احسن من الي ماتعرف
واني ابن عمج وتعرفيني واعرفج
هااا شكلتي
فدوه ردي عليه من تقرين الرساله
جمانه السعيدي
رهف كعدت الساعه ١٢ بليل على صوت وهب يبجي
ولله تعبانه ومحتاجه امي تساعدني
خالتي من سمعت صوته اجت يمي
كالت رضعي ورجعي نامي واني اغسله وابدله
رضعته شويه احس ألم فضيع بلرحم يتقلص من ارضع ابني
انطيته الها وهي خطيه غسلتله وبدلتله ورجع نام
فتحت الموبايل لكيت سيف متصل
وبعدين دازلي رساله
قريته وكمت اضحك
صحيح اني احبه وتعلقت بي بس هلمره صارت الشغله صعبه
بابا زعلان
لازم نصالح بابا وبعدين نطلب موافقته
القرار هلمره مو بيدي
واذا بابا رفض ما اكدر اكسر كلمته ابد
لان اني خذلته مره وبعد ما اكدر اعيدها مره ثانيه
احنا ضمينا علي اول مره ومشت بس هسه
لازم يعرف ويوافق يله
كتبت السيف انطني وقت افكر واصالح بابا وبعدين ارجعلك خبر
ابو سيف وصلت ودخلت وأبو رهف ما قبل يجي يمي
بلاستقبال
اني رحت للغرفه سلمت علي ومآ قبل يرد السلام عليه
كعدت يمه
ابو سبف ولله حقك تزعل عليه ولو اني بمكانك هم ازعل
بس بسبب عصبيتك ضمينا عليك
ردنا الأمور تمشي بستران
رهف ما غلطت حتى تعاقبها امير زوجها كدام الله وكدام الناس
بس لان احنا كنا ما مسوين عرس بعدنا ماردنا احد يحجي عليها
بعد السمعه راح تمسنا كلنا وتمس بناتنا
اني اريدك تسامحني اني غلطت بحقك وانت كلبك جبير
ابو رهف انتم كلكم استغفلتوني
تعرف شنو استغفلتوني اني ما اعتب عليهم هم زغار
بس انت اخوي الجبير
ما متوقعها منك ابد
ابو سيف ولله حقك بس الحمد لله الامور مشت على خير
واليوم نولد حفيدك الاول
اريدك تمسح الزعل بوجهي وتسامحني
ابو رهف انت اجيت اتصلح الغلط بغلط شلون بنتي عايشه ويه ابنك كل هذا الوقت وهي ما اجوز اله
ابو سيف ولله بتك ترفع الراس وابني ما قرب عليها ابد
هي تنام بلغرفه وهو بلهول واني يوميه يمهم
ملابسها طويله ولابسه حجاب
ومحترمه نفسها
جمانه السعيدي
ابو رهف ولله اليوم اجيت انجلط من سمعت
شلون اني كل هذا الوقت ما اعرف
شلون عبرت عليه هاي السالفه
ابو سيف هسه شتريد تريد اجيبلك مشيه
تريد اعتذر منك كدام الناس
ياخويه ردت استر على رهف ومآ ردت السالفه تنعرف
رهف عزيزه عليه وحاسبه بتي
ولو بنتي بهيج موقف هم اسوي وياها مثل ما سويت ويه رهف
ابو رهف روح هسه وخليني اهدء وخلي السالفه
تعدي ولله اليوم متت قهر
ابو سيف رهف هسه عدنا بلبيت وخالته تهتم بيه
بس ولله خطيه مكسور خاطرها وهي نفسه
خلي امها تجيها
انت كلبك جبير حرام تحرمها من امها هي هسه محتاجتها
ابو رهف سكتت
ابو سيف اني اترخص وارجعلك باجر
احنا اخوان ومالنه غير بعض
انت خلي نفسك بمكاني اكيد راح تتصرف مثل ما اني اتصرفت
رهف الصبح اندكت الباب بيت عمي بعدهم نايمين
واني انعس هذا ماخلاني انام اليل كله
غلست بعدين اجتني رساله
فتحتها من سيف كاتب صباح الخير
افتحيلي الباب
كعدت وخليت الشال على راسي ورحت فتحته الباب
سيف صباح الخير
رهف صباح الخيرات
سيف شلون صرتي
رهف احسن الحمد لله
سيف تعاي جبتلج ريوك كباب اريدج تتقوين
دخلنا وكبل سيف شال الطفل وكام يبوس بي
سيف الله ريحته شكد طببه
رهف يكولون الطفل الزغير يفرز ريحه مميزه تجذب
الناس
سيف افيش هذا العطر مال يتصدر وينكتب علي للراحه النفسيه
ابو سيف سمعت صوت وحركه
طلعت لكيت سيف كاعد ويه رهف يتريكون وريحة الكباب ماليه المكان
ابو سيف صباح الخير
....صباح الخير
...تتريكون بلعافيه
...تعال اتريك ويانه
خل اغسل وارجع الكم
ابو سيف اعرف سيف يحبها وتعلق بيها بس خايف ابوها يعاند سيف عاش كل عمره محروم
ومن اجت رهف اتعلق بيها حيل
القادم الاخير احبكمممممم
الخامس عشر والاخيرررر
اخفاء فضيحه
جمانه السعيدي
رهف بقيت اربع ايام بيت عمي وسيف كاعد يمي بس يروح للشغل ويرجع كبل يجيني
اني حاسه خالتي مضايقه منه بس ساكته تخاف من عمي
كل ما يطلع ويرجع يجيب شي الوهب
جابله حذاء وتلبيسه وعطر اطفال وبوطره
يريد يشتريله سرير
متعلق بي بشكل مو طبيعي يحس نفسه مسول عنه
اني يوميه اتصل على امي واحجي وياها بس تكول ابوج حالف عليه يمين يطلكني اذا اجيتكم
عمي يوميه يروح الاهلي ويكعد ويحجي ويه بابا
بس بابا قافل ما يقبل يرضا
جمانه السعيدي
سيف اجا وكعد كدام عمي وكلهم كاعدين وكال اني اريد رهف زوجه اليه
عمي اي بيها الخير بس ابوها ما قابل
سيف خل انروح اني وياك واطلبه منه بلكت يوافق
عمي تمام نحاول بلكت يقبل
وفعلا راحو بليل
ابو سيف احنا جايين نطلب ايد بنتك رهف السيف
ابو رهف باوع على سيف وكال
...شنو المصيبه هلمره الي تردون تخفونها عني
سيف لا عمو ولله ماكو اي مصيبه ولوما بتك اخلاقها عاليه اني ما تقدمتلها
ومستعد الكل طلباتكم
ابو رهف عندي طلب واحد تطلع من حياتي وحياة بتي
وخل يكون بعلمكم اني باجر اكتب على بيتي للبيع
واهج من هاي الولايه
ابو سيف لا على بختك لاتكول هيج
ابو رهف هذا المكان ما بقه بي كرامه اليه والاهلي
ابو سيف كرامتك محفوضه واحنا ما قللنا من كرامتك
احنا حفضناها
ابو رهف هذا الي عندي لو يبقى سيف اخر واحد بلدنيا ما انطيها اله اله اذا اتزوجها بدون علمي لو يضحك عليه مثل ذيج المره
ابو سيف اولا اني جنت صاحب الفكره وسيف اتفاجى مثلك ومن سمع بت عمه بخطر ما تردد ابد يحميها
ويوكف وياها
انت ليش مكبر القضيه وهي سهله
جمانه السعيدي
ابو رهف خلاص رهف عدكم وانتم حرين شتريدون تسوون سوا اني ما اوكف بوجهكم
ليش جايين تسئلوني
ابو سيف انت الأصل واحنا مانكدر نسوي اي شي بدون ما تقبل
ابو رهف قصدك بدون ما تستغفلوني
ابو سيف حشاك من الاستغفال انت ابو كلب الطيب
ملو من الكلام ويااا ورجعو ما قبل ابد
رهف كعدت افكر اني شنو مصيري وين اروح
راح ابقى بيت عمي لان ماعندي مكان اروحله
زين شكد راح يتحملوني
سيف طلب نزوج بدون موافقت بابا بس اني ما قبلت
ما اريد انزل من عين ابوي فد مره
بقينا على هذا الحال ست اشهر واحنا نتوسل بي وهو مايقبل وفعلا كتب على بيتنا الدار للبيع
كل الي يجي واحد يشتري عمي يكله ما نبيع لان مايريد يخسر اخوووو
جمانه السعيدي
ابني صار عمره ست اشهر وصار يخبل سمين وابيض وكام يزحف
وهو وسيف علاقه عجيبه بس يشوف سيف يرفع ادي عود شيلني وسيف ما يقصر بس شايله ويفتر
حتى بلشارع يطلعه
خوب جده ابو سبف متخبل علي بس يدخل يصيح باسمه
ولو نايم يكعده حتى يلعب وياااا
بيوم اقترح عليه سيف ناخذه ونروح الاهلي بلكت من يشوفه بابا يحن كلبه علي
لان هو فعلا كلش حلوووو ولعباته حلوه
رحنا العصر واني لازمه كلبي بايدي وخايفه من ردت فعل بابا ولان ما شايفته صار ست اشهر
قبل لاندخل بفرعهم شفنا دخان صاعد سيف كال شوفي اكو حريق بشارعكم
بس دخلنا فرعهم شفنا الناس واكفه ابابهم ملتمه
والدخان طالع من بيتهم
وصلنا وسيف ركض واني بقيت واكفه واعيط
النسوان كالن اهلج طلعوووبس بعد اخوج الزغير ماكو ما متأكدين جوه بلبيت لو طالع
رهف وينهم اهلي
...اهلج دخلناها يم الجوارين زيين الحمد لله
شوية حروق وبس اني رحت يم اهلي ولكيت امي تعيط
وتصرخ تكول اخوج الزغير ماكوووو
سيف دخل ورجع طلع النار حاميه
واحد من الجيران طلع وكال زيد محجوز بلترك ويصرخ
من الباب ما يكدرون يدخلون اله لان النار اكلت كلشي
مستحيل واحد يكدر يدخل
سيف دخل من الجوارين وطفر على الترك الترك هم النار واصلته لان بي سكيفه بيها غراض ومحتركات
الدخان عالي كوه شاف زيد شاله وعبره على الجواربن
الشباب واكفين اخذو منه
لكا مختنك وممغمى علي من الدخان والخوف
رجع عبر سيف بصعوبه
احتركن ادي سيف ثنيينهن ورجله انجرحت من الحايط
اجت سيارة الاطفاء بس بعديش لمن احترك البيت كله
نقلوهم للمستسفى
بابا جان ما موجود الجوارين خابرو واجا لمن وصلت الاطفاء اكثر ثنيين متاذين من الحرك
زيد وسيف والباقين حروق بسيطه وجروح
جمانه السعيدي
زيد بس وصل خلوله اوكسجين وسيف ضمدو ادي ورجله
والباقي علاج بسيط
ابوي يروح ويرجع ما يعرف شيسوي وكل شويه يجي السيف ويكله الحمد لله على السلامه
عمي من سمع هو ومعتز وخالتي اجو ورانه
اطمن عليهم
وطلعنا للبيت وكلنا رحنا بيت عمي لان بيت اهلي كله احترك
اما سبب الحرك طلع زيد شاعل نار والنار لازمه بردة الغرفه
ومن خوفه راح خاتل بلترك لمن النار وصلت حتى للترك
والبيت كله اشتعل
عمي وابوي كالو فدوه مادام الكل سالم الغراض تتعوض
بس البشر ما يتعوض ابد
أدين سيف ورمن من الحرك وحتى ما يكدر ياكل بيهن
اني اوكله واشربه
والمضمد يوميه يجي يضمد ايدين سيف ويضربه ابره خاف يلتهب الجرح
عمي من ثاني بوم طلع عمال نضفو البيت وطلعو الانقاض
وبدو ترميم البيت وصبغو من جديد
واشترا الغراض الاساسيه للبيت خمسه وعشرين يوم واحنا كلنا عايشين بيت عمي
جمانه السعيدي
اهلي رجعو البيتهم واني رجعت وياهم هلمره
وسيف ادي صارن زينات بس اثر الحرك ما راح منهن
ابوي سوا عزيمه وعزم بيت عمي وتشكر منهم وخاصه سيف لان ذب روحه بلنار حتى ينقذ زيد
بعد العشى بابا كال اني موافق على زواج رهف وسيف
فرحتنا ما تنوصف لان شلع كلبها شلع يله وافق
اتفقنا العقد بعد اسبوع وبديت اجهز نفسي
سيف كل شويه يتصل ويكول ما كو داعي كلشي تسوين اني قابل بيج هيج مثل ما انتي
سوينا حفلة عقد تخبل بيومها سيف لازمني ومآ يقبل يعوفني يكول ما مصدك صرتي اليه
كل شويه يشاورني تعاي نروح البيتنا مو صرتي زوجتي
ثاني يوم رحنا للمحكمه وعقدنا وصرنا البعض حقيقتا
هلمره موحبر على ورق
العرس كان بسيط اني ماردت هوسه اخاف كمت من الاعراس خفت اذا سويت عرس افقد سيف مثل ما فقدت
امير
ابني عفته بليلة عرسنا عد خاله هناء
زفونا للمشتمل بس دخلنا سيف سجد سجدة الشكر
وكال تعاي انصلي ثنيبنه حتى الله يباركلنا بزواجنه
ليلة زواجنا حلوووه وماكو مثله ابد
وسيف كل بوم يثبتلي يحبني اكثر من اليوم الي قبله
بعمره ما رفضلي طلب
ولا سمعني كلمه مو حلوه ابد
صار عندي بنات ثنيين من سيف والحمد لله
من اشوف تصرفات سيف اتأكد مو كل الي نسمعه حقيقي
ونصدكه الناس ما تنعرف معادنهم الحقيقيه اله بلمعاشره
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
