رواية مزيونة الشيخ الفصل الرابع عشر بقلم شهناز العلالي
بدون تردد الاخت كالت"
_سوي تحليل DNA .....بمممممممم
هنا صكر ضحك ....اختي عافتنا ومشت ...اني وجهي اصفر صار كركم.....
صكر:هاج الزمي مها....اني طالع بشغله
_و....وشوكت صارت عندك شغلة ؟؟
*باوعت عليها وطلعت حركت السيارة ومشيت مسافة ووكفت ...طلعت جكارة اريد ادخن دك صاحبي فتحت الخط"
_هلايخوي ....اشلونك
_ألحمد الله وانته ...
_بخير حبيبي ...
_اكلك تكدر تجي للكوفي ...
_اي اجي ليش لعد ...
_انتظرك هناك..
اني هم حركت السيارة وطلعت للكوفي ...وصلت هناك ...كعدت هيج ١٠دقايق واجه صاحبي احمد...
احمد:مساك الله بالخير يالحبيب
صكر:ياهلا استريح
احمد:اي يخوي الله بالخير
صكر:الله بالخير ...
احمد:خير بشرني رحت للشيخ الي دليتك عنه ...
صكر:اي رحت
احمد:شصار وياكم؟
صكر:ماصار شي ...اني اترخص
احمد:هههه شبيك يخوي انت كتلي تعال واتعنيت كل هذا الطريق وتالي تترخص وتروح ...؟
صكراعذرني ....
*طلعت مشيت وكلي محمل بهموم اخخخخ ....اخخخخ لحكني احمد ....فتح باب السيارة وكعد كال"
_احجيلي واني ان شاءالله اخوك
خليت راسي على الستيرن مالسيارة واني كلي حيرة وتعب كتله:
_جايز جاي اتهيئ؟
ضحك احمد "
_هو شنو دحجيلي يخوي ....
_عندي طفله بنتي مها ...
_اي
_مها ماتشبهني؟؟؟يعني كلشي بيها مايشبهني حتى دمي ولااني ولااحد من اهلي ...
_على زوجتك طالعه ...
_حتى زوجتي ماتشبهه ولاتشبه احد من اهلها ...الموضوع الي لاف عقلي اختها اليوم واهلها يمنه جاي احجي اعتيادي على مها ماتشبهني وكالت سوي تحليل DNA اني هنا مدري ليش نزلت بكلبي وتوترت كبل طلعت ...
_جايز جاي تتشاقة لو عندها مشاكل ويه اختها سوالف نسوان بعد.
_لا يخوي اخت زوجتي مره رزنه وعاقله ....ماعتقد تغير من اختها بشي ...ماعتقد ....بس تدري الشيخ كال سحر اسود ومدفون بالنجف هناك
_استهدي بالرحمن....خابر اختها او روح حاجيها دامها بالبيت ...
_هيج رايك...؟
_اي روح افتهم منها ....
_يلا خل اوصلك
_ماشي واني هم انتظر منك اتصال...
*وصلت احمد رجعت للبيت الحظ لكيت اخت زوجتي كاعدة تمشط ل مهى ....دخلت عدلت كعدتها
صحت خالد كتله اخذ مها منا ....
كتلها:خيتي
_كول خويه
_انتي مره صايمه ...مصليه تخافين ربج هذا الحجي الي حجيتي قبل ساعتين بالمطبخ شقى لو بي نوع من المصداقيه؟
باوعت عليه وسكتت ...
ردت "
_انت مو تكول مها متشبهني بسيطه روح سوي تحليل DNA وفض السالفه
اروح انام ...
_خيتي نظراتج ماتبشر بخير انتي مره عزيزة النفس...احجي الصدك .....
_يخوي كتلك سوي التحليل ماتخسر ......
راحت .....دك عليه احمد لان تأخرت عليه...هنا وجاي يدك التليفون ايمان اجت كال"
_ساعه وحدة راح تصير ....منو جاي يدك عليك مره؟؟؟ موووووو صكر جاوب
_اروح اخابر صاحبي احمد ....
*عفتها وطلعت الحديقة
...
_ها يخوي شصار وياك؟
_حاجيتها وكالت سوي تحليل مادري جاي تشاقة تسولف لو تحجي صدك .
_اكلك خالتي ساكنه النجف تحب اخليها تروح تشوف شنو سالفه السحر جايز ماكوشي....وجايز هاي الأمور والشكوك على الخالي بلاش...
_والله خوش فكرة .....
_يله اني هم احاجي خالتي ...
_يصير خير ....
صاحبي ماحجه شي ....اله يومين مغلس ......يحاول يتجنبني .....
وبعد ٤ايام طك كلبي ....كتله "
_احمد شجاك شل مو على بعضك ...
_اي امور عندي شاغله فكري ......بس كلي المره راحت منها الحالات والعصبيه؟
_اي الها يومين هذا الشيخ مضبوط...مشكور يخوي
_اكلك صكر مارحت سويت تحليلDNA ....
_لاوالله كعدت ....
_يخوي اني حاير بس انت زلمه معدل واهلك ناس معكلين والي جاي يصير وسسسسفه يصير عليك وانت رجال مشورب وابن اصل .....
_ليش ؟شصاير احجي؟احمد احجي.....
_خالتي قبل٣ايام راحت للمقبرة وحسب الوصف ولكت ملابس الداخليه مال زوجتك ووو.عمل محبه وطاعه مكتوب اسمها واسم واحد فؤاد....
دقايق صمت ... ماعرفت شسوي .....كمت من مكاني احمد لزم ايدي...
_حكم اعصابك ...وافهم شويه ...شويه ...افهم منها ......
عفت صاحبي وطلعت مثل المخبل؟فؤاد منو منو هذا ...وصلت للبيت لكيت ايمان جاي تطبخ والجهال يلعبون......
سحبتها من ايدها للغرفه سديت الباب كعدت كتلها"
_ايمان فؤاد منو؟
هنا وايمان بدون تفكير ووعي وربكم يريد يفضحها وبالسانها هم كالت"
_كالتلك ....مووووو بس ....بس مها بنتك ...بنتك منك بيك ...
هالكلام للعاقل يزيد الشكوك صح لولا....جاوبنا هنا متابعين الروايه(____)
اني توقعت علاقه عابرة بسسسسس ماتوقعت الموضوع يوصل قضية نسب ؟ اصلا من كالت"
..بس مها بنتك ...بنتك منك بيك ... شكوكي زادت
...
كتلها:قصدج مها بنت واحد ثاني ......قصدج جنتي تجيبين واحد على فراشي؟
جاوبي احجي لاتسكتين؟كولي اني غلطان ...كولي علاقة عابرة .....ايمان ....لج احجييييي
_بنتك ....صدك مها بنتك وماعرف واحد اسمه فؤاد وو____
_انجبي ...اسس ولاحرف ...ولاكلمه...الله الله لج ربج كشفج عاهرة رخيصه ...حقيرة ...لج انتي حقيرة لج حلال الكتل بيج هذا بحث والبحث الثاني تحليل DNA باجر....باجر انروح نحلل ....وانشوف دم الطفل يطابق لولا ......لح اتخبل مممصصصصدك لج ٩سنوات زووواج ...لج حلال بيج الذبح....بس خل يطلع نتيجه التحليل ساااقطه ...
ها واذا طلعت نتيجه تحليل نكتف ...نفي...شفايدة وانتي جبتي رجال غريب نام بحضنج ونام بفراشي...لج شلوووون كدرتي ...
بيومها هي شبعت بجي واني نمت بالصاله.....
ثاني يوم ...الصبح ب٨طلعنا ..سوينا تحليل وبعد كم يوم طلعت النتيجه ....ههههه ماصدكت اكيد. رجعت كررت التحاليل ظن مني انه اكو غلط للاسف ....للاسف
مها دمها ابد مايطابق دمي ....باوعت عليها توها فتحت حلكها ركعتها راشدي سطرته الراسها ...
_اصير خدامه ....خدامه جوه رجلك صكر لاتعوفني ....صكر والله خدامه اصيرلك سامحني ....
لاتفضحني....صكر بداعه عشرتنا لاتفضحني اخوي وابوي يذبحوني مثل الطلي بدون رحمه ...
_وانتي خليتي خاطر للعشرة ؟خايفه من الفضيحه مو؟الي تخاف من الفضيحه تستر خطواتها لج عار ....انتي عار ولازم تذبحين واهلج يخلصون من عارج....عفتها ومشيت خابرت احمد اجه طلعت وياه كعدت بالكوفي ...احمد "
_لك صكر هاي طلقة براسها وطم عارها غير اني مااحجي ساكت لخاطرك
_شسوي ..شوفي لك احمد شلون اكدر ارفع راسي كدام العالم تخيل تكولي لاتفضحني ....بنت ال....
شلون كلبها نطاها ٩سنوات زواج وتدني نفسها ...اخ لو الزمه ل هذا فؤاد ارجعه لبطن امه الساقط هذا...
_اي اكيد تندل عنه شي ...حاجيها كوللها افهم منها ...
_شنو شأفهم الله واكبر... راسي...راسي....احمد راح اتخبل لك احس نفسي نمله ......اخ لو الزم فؤاد
ايام من جحيم تسللت بداخل كيان عائلتي وندمت على كلشي ...ندمت
اني ماحب الثارات والدم ...ماردت افضح روحي بين السلف ....
طلقتها ...اخذت خالد يمي ونطيتها بنتها بعد ماتبرأت منها ومن نسبها...ومها بدال ما اسمها مها صكر..
....صار اسمها مها ايمان....
صارت ضجه من قبل عمامها وابوها واخوها ليش طلقت بنتنا ليش هيج سويت هم مايدرون بفضيحه بنتهم وعارها...صدقت عدم اثبات النسب وتحاليل لDNA بكاتب عدل وبالمحكمه وضميته...هنا واني حاجي ل اهلي الحقيقة تركت بغداد ورجعت للعمارة ....اني ووليدي خالد
