رواية مزيونة الشيخ الفصل السادس عشر بقلم شهناز العلالي
في جانب مشرق من بغداد الحبيبة بيت٢٤ساعة تكب بي عركات وطلايب وطاخ وطيخ ...والسبب كان هو....
كائن رقيق ينحسب من الجنس اللطيف والعكس صحيح
كحلاء او كحيلة.من مواليد التسعينات لكنها اصغر من ايمان...
كحلاء عمري 17سنة طالبة مدرسة من بغداد اسكن ويه ابوه واختي كوثر عمرها 22محلله بمختبر....
اخويه ياسر 25سنه تاجر البسه نسائية ومعروف ببغداد ...الله وفقة تداين من صاحبه وشي على شي كون نفسه ...ياسر صار يدفع مصاريفنا ومصاريف البيت ...
والدتي متوفية....
بيتنا وسط على كدنا ...اني صف خامس علمي بس هسه خل نرجع لليورة امي مره صالحه جانت تحبنا كلش واني الصغيرة....ابويه جابها عمره عماله يطلع من الصبح مانشوفه الا بالليل هالك منتهي تعبان جان همه ندرس ونوصل مانتراجع ولانترك الدراسة،
يمكن بكل القصص الي تنسرد ابو البنت واصل دكتور لو تاجر بس اني وحد اني ابويه من عماله إلى سايق تكسي ....وياريت لو تكسي سايق سايبه ....بابا تعب كلش .....
امي....يا امي قبل سنوات ....امي صعدت تنظف البنكات ...على الدرج ....وكعت على ظهرها وحوضها تأذة ...نكسر ....صعلت مقعدة لمدة٣سنوات يوم بيني وبين كوثر وياسر نتناوب عليها لحد ما يوم صبحنا لكينا امي فارقت الحياة ......كوثر رغم هي موكبيرة بالعمر بس هي وكفت ويانا واهتمت بدراستي رغم هي هم جانت تدرس جامعه بايلوجي....تعبنا هواي ....مراهقتي غريبه ههه مثلا اني اتمنى اكص شعري ولادي والبس تراك واصير شاب حلوة بس بدون شوارب ...هههه حلم كل بنت بس مثل ماكلت هذا حلم ...
ههه اويلي احنه البنات شكد مظلومات ....
عندي خالتي اخت امي راجحه....عندها ولد اسمه بارق عينه جانت من اختي واخذتها اله كوثر الها ٣اشهر متزوجه بمنطقه متوسطه البعد عنا هم بغداد بس بالامين اذا سامعين بيها ....ياسر اعزب واني عزوبيه ....ماحبيت دخوليتي للقصة تكون شي اعتيادي لان قصتي مو اعتيادية ...
خل اعرفكم على نفسي اكثر ...
بنت شعري بني من الله طولي وسط ،بيضة،جديات عيوني سود طالعة على بيبتي أم ابوي ...اهلي كلهم عيونهم بنية ...
يلا عادي هيج هيج السوك يمشي هههه وكل رجال اله ذوقه موصح .....ايييي دنيا ....اني كلش اشتاق ل امي مرات لوحدي بالليل الموحش اكعد اكابل الصور وابجي....
نرجع لسن ال17قبل امتحانات نصف السنه بالمدرسة ....طريق الرجعة ارجع ويه صديقاتي نظل نسولف سوة ويخلص الطريق.....بيومها رجعت بنص السوك اكو سيطرة جان اكو ولد يباوع علية هو عسكري ضعيف....طويل اسمر نزلت عيوني ومشيت تكررت الحالة لمدة٤ايام على التوالي ....هم غلست
بس ليش يباوع علية ...بعد ٨ايام لكيته واكف بباب البيت مالتنا يمه هذا شجابه ....واكف عبر السايد....دكيت الباب بابا فتحلي دخلت ارجف كتله "
_بابا اكو واحد يلحك وراية وهذاك واكف اخاف اخاف اداوم بعد اخاف يااذيني ...
_شنو؟
_والله بابا بس يباوع عليه....بابا بس يلحكني ووووهسه واكف كبالنا
_يله امشي تعالي ...
_وين بابا ...
_تعالي وراي.....
*ابوي اخذني وطلعنا اله الولد انصدم ....بممممم
ابوي"
_سلام عليكم
_عليكم السلام
_اكلك انت شعندك هنا؟
_والله اني..
_اسمع لاتكعد تكول اني واني ......خليك زلمه وعزف البنيه بحالها عوووف بنتي تره ابلغ عليك الشرطة
_حجي دخلي بس احاجيك ...حجي اني رايد بنتك بالحلال
_حلالك مانريدة البنية بعدها صغيرة وتدرس ....
_اخليها تكمل ....انتظرها تكمل حجي اريد بنتك ...
_ماعندي بنت للزواج انت رعبتها .
_حجي بس...
_انتهى الكلام...امشي بنتي ...
دخلنا للبيت ...ابوي سبقني بخطوات للمطبخ وضل يحاجي روحه "
_استغفر الله العظيم...تعالي كحلاء ..
_نعم بابا اجيت....
_اكعدي.....ذبي جنطتج....
_اي بابا ...
_اني مصدوم بيج.....
_ليش بابا شصاير والله هو لحك واني خفت وكبل كتلك ...
_انتي كحلاء البنت الي كلت تطلع رجال والله ووولسانج شطوله تاليج جايه تتراجفين؟؟ من واحد سلبوح ها واكف مثل الحرامي.....ها خفتي منه ليش ؟
_بابا مو....
_ولاكلام اريدج ياكحلاءقوية اخت اخوج .....اريدج سباعية تراددين بالحجي ....تاخذين حقج بسسس بحدود بشرف وادب اريد انام مطمئن عليج واذا متت هم مطمئن عليج .........
_باباوالناس ماينتقدوك ؟ماينتقدوني؟
_الناس والمجتمع مايرضون حتى على الي خلقج....الناس الها حق تعيب المو شريفه ...بس انتي يابنتي ممسوية شي غلط ولا راح تسوين بيوم اني واثق منج ..كحلاء اريدج دوم مرفوعة الراس واني بظهرج
*فرحت ل حجي ابويه ...أتمنى من كل اب يكون اب صالح ويمنح الثقه لبنته لانه يعرف شلون رباها ويمتعها بمساحة اكبر ..حتى تعبر عن رأيها....
كلش فرحت بحجي ابوية الي....كلش ارتاحيت وفعلا كمت حتى مااشوف هذا الشاب ...ومرة شفته خزرته بعصبيه كبل ابتعد....جنت بالبيت اضل ادرس واهوس وأبويه يستشيرني بكلشي ونطاني قيمة اكبر من عمري ....
صكر/نايم ودك مازن كال معزومين باجر على زفه ورادونا........
_صاير يخوي ...
كحلاء /وبيوم ابوي ابن عمه ساكن بالعمارة عرس ابنه حلف وتحلف اله نروح الهم ...طبعا كوثر زوجها بارق مايخليها ....ف قررنا اني وابوي وياسر نروح .....وفعلا توجهنا للعمارة وصلنا هناك الرجال راحوا ويه الرجال واني مثل الثوله رحت ويه النسوان .....هناك افيييشش ريحه الخبز الجاهز تجنن ههههه بنت ابن عم ابويه كالت"
_ تعالي كحلاءاخبزي...؟
_ههههه ماعرف
_اني اعلمج ...
_يا هههه شتعلميني ..والله ماعرف...
عاد شمرت عجينه الخبزه لطشت ايدي بالتنور لطش سحبت ايدي تفككت الخبزه ماتوا ضحك هههه....
طلعت افتر ببستان قريب اني وبنات واني كاشخه هذيج الكشخه...والبنات عبارة عن عباة هناك باوعت من بعيد طبكن سيارات وحدة ورة الخ ....
صكر/وصلنا هناك ونزلنا ....الزلم مشوا ..خالد دك عليه بعدت عنهم جاي اخابر انردمت ببنيه ....بكتفها قوي ...صاحت اه
..جتفي نخلع ...ماانتبهت عليها ولا على وجها بس سمعتها تدردم وماهتميت كملت حجيي ويه خالد..واني رفعت ايدي بعد ماانصدمت بهاي البنيه عود السموحه منها مادري شافت لا.....
كحيلة/اه كتفي شنو هذا اعمى ....ضليت امشي واحرك ب ايدي البنات كلمن يضحكن
_لج كحلاء انتي شفتي شكد حليو وراها يبويييي
..
_اع لج ياشفته خلع جتفي .....بعدين ريحه صخام التنور ماجاي تروح
_اي حقج بنت بغداد....
...واني جاي احجي وياهم ابويه صاحني .....همه بس شافوه....همه عدلوا لبسهم عباتهم.. واني رحت ل بابا___________
