 |
رواية عشقي الابدي الفصل السابع عشر بقلم ساره
هنا صحيت من نومها وجهزت نفسها وخدت الجاكيت بتاع عمر معاها وشمته بعمقق وابتسمت ب
طلقائيه ابتسامه مقدرتش تمنعها وحطته في شنطه ورشت عليه برفيوم من بتاعها وابتسمت وخدته ونزلت
هنا مسكت تليفونها وبعتت رساله لعمر
- لو فاضي عايزه اشوفك
غمر كان صحي من النوم وبيجهز علشان يروح شغله
وسمع صوت رسايل تليفونه وراح يشوفه وشاف رساله من هنا ال ابتسم اول مشاف اسمها ظاهر ع التليفون
ورد عليها بسرعه
- اي مش قادره تعيشي من غيري ولا اي
هنا بصت للماسدج وضحكت بكل صوتها
وكتبت... ياصباح النرجسيه ع الصبح يالي مفيش منك اتنين عايزه ارجعلك الجاكيت ال كلت دماغي عليه
عمر قرا رسالتها وضحك هو كمان وكتب
-حجج فارغه بجد قولي انك بتتحججي
هنا بصت للتليفون بغيظ وكتبت
.. لو مش عايزه براحتك وابقي تعالي خده من بيتي بقه
عمر بمشاكسه/ وكمان عايزاني اجيلك البيت بالسرعه دي
لا ياهنون مش كده متخيلتكييش كده خااالص
هنا صبرها نفذ وبعتتله فويس وهي متعصبه
- عمررررر انا هستناك في كافيه هبعتلك اللوكيشن بتاعه
نص ساعه لو مجتش مفيش جواكت
عمر قرا رسالتها وضحك وبعتلعا رقمه وهنا استغربت هو بعت رقمه ليه وراحت الكافيه وبعتتله اللوكيشن بس قررت تبعتهوله ع الواتساب علشان رقمها يظهر عنده
هنا قعدت علي ترابيزه وقررت أن هي تذاكر شويه عقبال ما عمر يجي وهي بتذاكر اتفاجات بحد جاي ناحيتها قامت وهي بتبتسم
- مش معقول عاصم المهدي مش قادر اصدق عيوني
عاصم/ فينك يابنتي مختفيه فين كده
هنا ضحكت بخفه/ طب وسنينه مبعنلش حاجه غير ان بروح الكليه
عاصم/ طول عمرك دحيحه ياهنون
هنا بضحك/ قولي انت اخبارك اي وبتعمل اي دلوقتي
عاصم/ الحمدلله انا مسكت شركه ابويا وانا بديرها بنفسي
هنا / طول عمرك شاطر ياعاصم سلملي ع عمو جداا بابا لو يعرف اني شوفتك هينبسط اوي اوي
عاصم/ سلملي عليه جدااا جدااا اكيد هجلكم ان شاء الله
هنا يضحك/ ياعم من يوم منقلتوا من العماره ومحدش بيسمع اخباركم حتي
عاصم/ مشاغل ياهنون والله
هنا كانت واقفه بتضحك مع عاصم وعاصم كان بيضحك هو كمان وعمر اول منزل شاف هنا واقفه بتضحك مع عاصم مقدرش يمسك نفسه ومشب ناحيه هنا بعصبيه
واتكلم بنرفزه .. مين ده ياهناا
هنا بصت لعمر بصدمه من اسلوبه واتكلما بتوتر.. ده ده عاصم كان جارنا وكان زميلي في المدرسه
عمر بص لعاصم وكان حاسس ان شافه قبل كده
غاصم/ معقول بشمهندس عمر السويدي
عمر بصله بلامبالاع/ انت تعرفني
عاصم/ اه انا عاصم المهدي ابن محمد المهدي مالك المهدي جرووب
عمر بغيظ/ اااه عاصم انت بتتعامل مع شركتنا صحح واخبار والدك اي
عاصم/ بخير الحمدلله
عاصم سكت وبص لهنا وعمر بإستغراب .. بس انتوا تعرفوا بعض منين
عمر بصله بحده/ هو تحقيق ولا اي
عاصم/ لا بس هنا ياعني مش مهندسه ولا ليها علاقه بمجال الشركات عموما
عمر بحده/ جرا اي هو انا معرفش غير مهندسين بس
وبعدين عادي بينا شغل
عاصم بص لهنا بشك ورجع بص لعمر ال اخد باله
وبث لعاصم واتكلم برسميه ...
دكتوره هنا عايزه تتوظف في المستشفي بتاعتي
مش حضرتك برضو عندك علم ان عندي مستشفي
عاصم بص لهنا بإرتياح.. اه فعلاً ازاي عدتني دي
تمام ياهنا هبقي اكلمك ضروري هكلمك عن اذنكم ياجماعه
عاصم مشي وعمر بص لهنا بغيظ وهي ساكته تماماً
وهنا بصتله بنرفزه ... يقول عليا اي بقه واحده منن حريم سيادتك ياهارون يارشيدي
عمر بصلها بغيظ/ ياختي انتي تطولي تبقي من حريمي
هنا بصتله بنرفزه/ مش عايزه اطول انا مش عايزه اطول
وبعدين اي عايزه اشتغل في المستشفي بتاعتك دي
عمر قعد وخلع النضاره بتاعته بصلها من فوق لتحت
واتكلم بسخريه... منا قولتله كده علشان متتحسبيش واحده من حريمي
هنا قعدت وهي متغاظه منه وبصتله بنرفزه
عمر بصلها ببرود وضيق عيونه ... تعرفي منين عاصم المهدي ده
هنا / ده ده كان جارنا وكنا زمايل في المدرسه ومتربيين سوا و
هنا سكتت وبصتله وقالت وانت مالك انت ببرلك وبشرحلك ليه ان شاء الله
عمر بصلها بعصبيه / لا هتشرحي غصب عنك واي جاري ده اخوكي وانا معرفش واقفه كده تضحكي وتتسهوكي معاه اوي كده ليه
هنا بصتله وشهقت من الصدمه وقالت.. بتسهوك انا بتسهوككك
عمر بنرفزه/ اه وبتضحكي والضحكه من الودن دي للودن دي
هنا / ده علشان مشوفتوش بقالي كتير واحنا متربيين سوا لاكن انا مبسهوكش ع حد اناا
عمر بس لهنا واتكلم بنرفزه/ اياك ياهنا اشوفك بتصحكي مع راجل تاني ولا تتكلمي أصلا مع راجل دي
هنا بصتله بإستغراب ولسه هنتكلم
عمر خظرها بإيده ان متنطقش
عمر بصلها ببرود/ تفطري اي
هنا/ مش عايزه
عمر ببرود/ وفرتي
هنا بصتله بغيظ/ عايزه كرواسون وواحد فنجال قهوه
عمر بصها وضحك وطلب ليهم فطار
في بيت ابو حازم
حازم /, ايوا بحبك ياليان مش عارف حصل أمته او ازاي
بس من اول مشوفتك حبيتك حسيت انك جزء مني حسيت ان حياتي في ضحكتك دنيتي كلها في عيونك
ع فكره انا مكنتش مضطر اكتب كتابي عليكي بس عملت كده علشان خايف تضيعي مني خوفت تمشي وتسبيني كنت. عايز اربطك بأي طريقه تخليكي جنبي
اول ملمحت عيونك حسيت بالدفا والحنان والامان
في عيونك انتي ياليان انا عمري متخيلت ان اقول الكلام ده لحد وعمري متخيلت ان اصافح حد من عيله الحديدي بأيدي حتي لاكن انتي دخلتك بيتي ودخلتك قلبي ال عمر محد دخله جبتك هنا لاغلي مكان علي قلبي
حازم سكت وبص لليان ال عيونها متعلقه بحازم وساكته تماماً ومصدومه من كلام حازم ليها ال حسسها ان هي طايره في سابع سما
حازم بص لليان بهدوء/ لو انتي شاكه في أي كلمه قولتها ليكي او شاكه ان ممكن انتقم منك او مش مطمنالي او خايفه مني انا هخلك من كل حاجه ياليان انا مقدرش اجبرك علي حاجه خالص
حازم خلص كلمته وجه يمشي وقفته ليان
- أننت رايح فين وسايبني كده
حازم بص لليان بهدوء عكس ال جواه
- انا هسبلك مطلق الحريه ياليان فكري براحتك وعنوان بيتي انتي عرفته كويس انا مش هقدر اجبرك حاجه لو اختارتي انك خلاص مش عايزه ترجعي هأمنلك كل حاجه لغايط متسافري لأن مش هينفع افرد نفسي عليكي اكتر من كده فكري واختاري براحتك وشوفي انتي عايزه اي
حازم مشي وساب ليان واقفه مش عارفه تتصرف وكلام حازم كله بيتردد في ودنها
حازم نزل ساق عربيته بسرعه كبيره ومسك تليفونه د
- ايوا يابني خليك تحت العماره اول ماالهانم تنزل خليك وراها واياك حاجه تحصلها صدقني تبقي نهايتك
في الكافيه
عمر طلبله فطار وكان بياكل ببرود وهنا بصاله ومستغربه بروده ده وضحكت علي منظره
عمر يصلها بإستغراب.. بتصحكي علي اي
هنا بضحك/ اصل شكلك مضحك اوي وانت بتاكل عامل زي البيبي الصغير
عمر / حلو والله بقيت بيبي صغير ولسه ال يعيش ياما يسمع
هنا فضلت باصه لعمر وهي بتضحك
عمر بصلها وغمزلها.. خلاص بقه كفايه بصبصه منظرك وحش متبينيش انك واقعه كده
هنا فتحت عيونها بصدمه .. واقعه اي ياعم الحج انت مرايات بيتكم متكسره ولا اي
عمر بصلها بثقه.. لا مرايات بيتي زي الفل علشان كده بقولك متبينيش انك واقعه عارف ان متقاومش بس مش كده
هنا بصت لعمر وتنهدت بضييق ... اللهم طولك ياروح المهم حساب المستشفي
عمر بصلها وقبل متكلم قاطعها... انا مدفعتش حاجه وبعدين دي حاجه بسيطه اعتبريها اعتذار مني
هنا/ انت اعتزرتلي لما وقفت جنبي اليوم ده لاكن الفلوس كده كتير ياعمر
عمر بصلها بهدوء وتتكلم بهدوء... هنا انا معملتش حاجه وبعدين اي حد مكاني كان هيعمل كده
هنا بصت لعمر وابتسمت وعمر استغرب
.. بتصحكي علي اي
هنا / أصل اول مره تقول هنا بهدوء كده
عمر ضحك وبصلها.. لا تاني مره قولتهالك في المستشفي برضو
هنا / خافظ انت برضو
هنا لسه هتتكلم تليفونها رن وكان ابوها بصت للتليفون بتوتر ورجعت بصت لعمر وعمر خد باله وهنا ردت ع ابوها وهي باصه لعمر
- اي يابابا عامل اي
د ....................
هنا بتوتر/ لا ياحبيبي متقلقش انا في الكليه اه هخلص واجي ع طول متقلقش
هنا قفلت مع ابوها وبصت لعمر ال بيضحك علي كذبها
هنا بصتله بنرفزه/ متضحكش كده انا مش بكدب ع بابا بس مينفعش اقوله اني معاك
عمر بضحك/ محسساني انك في ثانوي وخارجه مع حبيبك من ورا أهلك
هنا بصت لعمر بخجل وضحكت بخجل وسكتت
عمر/ مش معقول بتتكسفي زي البنات العاديين وكده
هنا بقولك اي اسكت بقه كدبت ع ابويا بس لو قولت ان معاك هدخل في تحقيقات ملهاش اول من اخر بجد
ومش بعيد نلاقيه واقف في وشنا فجأه
عمر أبتسم بهدوء/ بيخاف عليكي ربنا يخليهولك
هنا/ ياارب بس مقفلها ع الآخر من زمان اوي اعرفي ده ومتعرغيش ده صاحبي دي ومتصاحبيش دي بيعمل كشف هيئه لكل معارفي وخط سيري لازم يعرفه
عمر بضحك/ حقه اي اب بيخاف ع بنته انا لو عندي بنت وزي القمر مش هسيبها لاحظه رجلي ع رجلها
هنا بصتله وضحكت
عمر بمشاكسه/ ولو ماشي حالها زيك كده
هنا رفعت حاجبها وبصت لعمر يتوعد
عمر بصلها بحب/ مش هخليها تخرج من البيت ابداااااا ايدااااااا
هنا ضحكت بهدووء وبصت لبعيد وعمر ابتسم بهدووء
ورجع يكمل اكل
هنا/ يلا الجاكيت اهو انا همشي بقه غلشان اتأهرت
عمر/ استني هوصلك
هنا / لا همشي أنا
عمر بصلها بحده / قولت استني هوصلك
هنا / سوري مبركبش مع حد غريب العربيه لوحدنا
عمر ضحك علي كلام هنا واتكلم بسخريه.. ما غريب الا الشيطان ياستي اخلصي هي اول مره انجزي وإلا هسيبك وامشي ومش هتلاقي مواصلات ولاؤبر بسهوله انتي حره
هنا بصتله بغييظ.. انت بتحطلي العقده في المنشار وتقولي انتي حره مش كده ياأخي
عمر يصلها وضحك/ ما كان من الاول
عمر قام دفع الحساب وقام مع هنا علشان يوصلها وهما خارجين من الكافيه اتفاجأ ببنت بتخبط في
عمر/ اسف
البنت بسخريه/ عمر السويدي
عمر بص لصاحبه الصوت بحده وتتكلم بهمس ...
ياسمين
هنا بصت لعمر ال ملامحه بان عليها الحزن وبصت للبنت ال كانت جميله جدا جدا وكانت مستغربه حزن عمر ده
ياسمين/ الدنيا دي صغيره اوي متخيلتش لن اشوفك تاني
عمر بحده/ صدفه غير مقبوله بالمره والله
ياسمين ضحكت ةبصت لعمر/ صحيح نسيت اعرفك عمرو خطيبي
عمر / مبروك والله شبه بعض اوي اوي
ياسمين / ميرسي مش تعرفنا
عمر بص لهنا ومن غير تفكير حط ايده ع كتفها بتملك وبص لياسمين بثقه وبحده وقال ..
دي مدام هنا السويدي مراتي
.....
