رواية مزيونة الشيخ الفصل التاسع عشر بقلم شهناز العلالي
_هسه ارتاح كلبي واندليت دربي ....
كل بيت عندهم مثل كحلاء واحتمال الي يقرة يبتسم راح يتذكر نفسه او يتذكر شخصية يحبها هيج ....
ثاني يوم الغروب اجه ياسر اخذني للبيت ....رجعت ياسر مغثوث مابطل حجي عن صكر وتصرفاته وياه راسي تصدع واني امتحانات عندي مالنصف السنه...
مرت الايام وانتهت الامتحانات ...ياسر اشترة سيارة جديدة بعد ماباع السيارة القديمة وجان كلش فرحان بيها ....صار يطلع بيها لشغله ويه أصدقائه...
ايمان/اشتاقيت ل ابني ....مصيبتي مصيبه امي وابوي عرفوا بسالفتي اني وصكر لان ايمان يفترض تسجل مدرسه سالفتي انكشفت ابويه وعمامي تحلفوا يشربون من دمي ويغسلون عاري .. لكن اخوي لان زوجته الها تاثير كبير عليه فقرر ياخذني وياه لبغداد حتى ماينهدر دمي اني بديت انقهر على مها مها الي نحرمت من المدرسه..ياريت لو فؤاد يرجع ...لو صكر يرجعني على ذمته اه شبيه تخبلت ...طلعت ببغداد لمول المنصور داشتري شغلات ل خالد لان خالد كتله يجون بمول المنصور ....جنت داصعد للطابق الفوك حتى العب بنتي ....اني واصعد بالدراج الكهربائي وواشوفلكم بنفس الوقت فؤاد ينزل وراه وحده ملتفت الها ويسولف ويضحك....
شفتهم متت بدمي ....فؤاد شافني لمحني دار وجهه كأنما مايعرفني ....اني ماصدكت الدراج يخلص حتى ارد انزل واحرك الجو عليه ....نزلت كتله "
_فؤاد ...فؤاد
التفت عليه ...وكف هو وهاي البنيه...
_اتفضلي؟
_منو هاي فؤاد منو؟
_خطيبتي ريام ...
_ها ....
باوعت عليها من فوك ليجوه رفعت حاجبي "
_ريام اسمها مو؟
_اي زوجج اشلونه ..
_ها صاير رسمي ... ماتدري تطلكت ونفضحت...شجابك لبغداد انت وجه بغداد؟
_اني أترخص يلا ريام ...
لزمته من الايد فوك المعصم ب شويه "
_اوكف ....اوكف ابو ريام...ريام ماتدري عندك بنيه مني ...اي صدك هاي مها بنت خطيبتي واني امها ....
ريام"
_شنووو...فؤاد شنو؟ تتبرة من البنية ها بسببك نحرمت من المدرسه ...ومالها اسم اب يحويها صارت ب اسمي ...
هنا وريام خاتون ...انزعجت طلعت من المول هو تخبل كال"
_لح انتي وحدة ك...ب..ة رخيصة لو بنت اوادم جان حويتي على رجال....مششكلتج هاي النغله مشكلتج....شايفه هاي ريام تسوة راسج ....
*عافني وراح يلحك وراها ...متت قهر عيوني دمعت لزمت البنيه حضنتها ....
باوعت من بعيد صكر جاي هذيج الكشخه ....وابني خالد ...صكر دز خالد حاولت احجي وياه ماسمحلي . اشر ب ايدة معناها لا...عافني ومشى ضليت احجي ويه خالد وابجي ...خالد دماغه مغسول عبالك ابوة ...
ورة ساعة اجه صكر اخذة .....ظنيت من يشوفني يحن ويشتاق.....بس موضوعي موسهل...ابد موسهل ....
صكر/جنت متضايق بسبب ايمان وتلميحاتها الي ....عبرت الشارع وماكنت منتبه جاي اخابر مازن للن صايرة مشكله واكو كعدة عشائرية بالعمارة واني كلت اكضي يومين بيت خالي بالدورة ....هي دقيقه وحدة وبس ....وادير وجهي والكه خالد مدعوم ومتكوم بالكاع...مدعوم ....ركضت على ابني ..
ياسر/بيومها جنت طالع للمنصور بشغله اجاني اتصال واني داسوق ماانتبهت واذا بطفل انردم بالسيارة ....
نزلت اركض الطفل شبه منتهي بس بي نفس اني وداشيله لكيت صكر كبالي ....
