رواية مزيونة الشيخ الفصل الواحد والعشرون بقلم شهناز العلالي
طلعت اني والزلم لبغداد وصلنا لبيت ابو ياسر وصلنا هناك ...
كحلاء"جنت فوك بالغرفه البيت كئيب بعد ماراح ياسر دخل للسجن وهو موذنبه شي ...قدر وصار ......ابويه نايم اشو اسمع صوت سيارات طبكت يمنا ...مديت راسي اباوع ٤سيارات نزلو منها زلم ...ومن ضمنهم صكر فتحت عيوني يربي هذوله شجابهم هنا ؟
نزلت ل ابويه خطيه نايم ...داريد اكوله بابا اشو دك الجرس ....
ابويه كال "
_كحلاء شوفي منو بالباب ...
اني هنا عضيت شفتي شجابهم هذول كتله"
_اي بابا ...
خليت شال على راسي ورحت فتحت الباب كبالي لكيت مازن اعتقد اسمه ...وثكر وياهم ابوهم وواحد هم معكل ...والباقين بالسيارات وقسم نازلين منها ...
الاب الكبير كال"
_السلام عليكم
رديت "
_عليكم السلام
_ابوج موجود
_اي نعم خير رايدين شي ؟
صكر رد"
_روحي صيحي بلا ترادد ...
*كحلاء باوعت عليه شجاوبه رفعت حاجب واحد ...
رجع صكر حجه"
_روحي صيحي ...
*اني هم سكيت الباب زقطتها ورحت ل ابويه كتله"
_بابا هذوله بيت صكر على الباب...وناوين على نيه جايين٤سيارات ...٤رجال بالباب والباقين برة وقسم منهم بالسيارات .....
ابو ياسر/اني هم طلعتلهم فتحت الباب
الله محييكم اتفضلوا ...
_اهلا ابو ياسر ...
_اتفصلو بالصاله....
اني هم صحت كحلاؤ حتى تسوي جاي ...دخلو كعدوا بالصالة ابو صكر كعد كال"
_الله بالخير
_الله بالخير ...
_يخوي احنه جايين نفصلك حق دم خالد حفيدي قطعه من كلبنا ...
ابو ياسر"
_فصل؟مو ياسر ابني نذب بالسجن وهو لاصوج ولاذنب ...يافصل...؟شتحجي حجي وانت انسان مؤمن باالله وقدرة قابل ابني متعمد يسحكه صلي على النبي...
هذا اجله جاي وربك يكول لكل اجل كتاب يعني حتلو ياسر ماسحكه هو هيج هيج القدر ماخذه تعددت الاسباب والموت واحد ...وانت زلمه وتعرف الله يافصل
صكر قطع كلام ابو ياسر:الفصل ٣٠٠ مليون .....
هنا وكحلاء سمعت الحجي "يمه٣٠٠مليون شنو شبيهم هذول مهابيل...يمه بابا...
عفت الجاي وضليت اسمعهم ...
بابا"
_فصل ؟300مليون ...ابو صكر انت جاي تشوف بيتنا على كدنا بسيط مايجيب٧٠ مليون واني موملاك اني عندي حاليا بسطيه سبح ...كضيت عمري عماله علمود اربي بناتي وابني واوصلهم ظهري نكسر من كد شيل الثكل وتكولي 300يخوي استهدي بالرحمن
صكر رد"
_ظرف اسبوع واحد الفلوس تجهز ...
_وابني يطلع من السجن ...ابني تره اني مشلول الحال اسبوع شنو حتى اكلنا خبز وماي وبيض هالايام معتمدين على ياسر وياسر لاصوج لاذنب انشمر بالسجن
_خلص الي عندي حجيته ...
كحلاء اني هنا كمزت كتله ل صكر"
_شنو شنو تعال الي عندي حجيته ها ششايف حالك شيخ لابس عكال وشايل سلاح....؟؟؟؟هاي المشيخه ياابن الاصول تتهجمون على بيت بس بي رجال كبير وحرمه هاااا ....هاي الأصول تسوون النا فضيحه بين الجيران ؟؟؟انت شيخ انت عقلك وين تخلي عقلك بعقل ناس فقرة كوه يدبرون اللكمه حسبي الله ونعم الوكيل...
صكر عيونه جمرت"
_لج تحاجيني هيج هسه ادفنج احد يكلي ليش؟
_اي اي خوش مو على اساس ماكو قانون ....اخويه بالله تعاقب على ذنب هو ماسوا والله بجلاله عظمته يسامح انت منوووو حتى تشيل خشمك وتطلب هيج رقم .....؟
صكر ضل يفرك بلحيته ...باوع عليه ابويه وكال"
_نفس ماكتلك ضرف اسبوع واحد ....بسسس اسبوع ...
صكر ضل يباوع لكحلاء بنظرة ....رجع باوع ل ابوي وكاله"
_ابو ياسر٣٠٠مليون ياما ناخذ بنتك فصلية ...
كحلاء ردت"
_ها هاي الي الله كدرك عليها تتشاطر على النسوان
....
صكر ساكت
طلعو من بيت ابو ياسر...الاب لزم راسه كحلاء بس تضحك......
المنطقه صافين على الي جاي يصير ...
بابا"
كحلاء ردت"
_ها هاي الي الله كدرك عليها تتشاطر على النسوان
....
صكر ساكت
طلعو من بيت ابو ياسر...الاب لزم راسه كحلاء بس تضحك......
المنطقه صافين على الي جاي يصير ...
بابا"اعرف ابيك كليتي ولااخليج تروحين يمهم خل نبيع البيت ...خل ياخذوها اقساط خل ايشي يصير اني اتحمله بس انتي لا ....كحلاء بابا اهزمج ...اخذج وانهزم
ايشي ..... شبيج شو تضحكين ....مستقبلج يروح...
_شبيك بابا ...خلي كلبك قوي انت مو علمتني هيج اني مابيه شي لاتحير بالفلوس اروح اني ...
_لج شترحين يقتلوني وماترحين قابل شيسوون اخوج وذبوه بالسجن ...
_اي اروح واكسر خشمه هذا صكر ....
_والله ؟لج بابا فصلية يعني برخص التراب تروحين بعد من ايدي ....كحلاء
_اي ...خل اروح انام بالا راسي ياذيني ..
رحت لغرفتي شهكت بجي ...ياحسرتي البنات جاي ينتظرون النصف الثاني من السنه حتى نستلم الشهايد واني راح اروح الضيم يربي شهالاشياء الي تصدف لاعلى البال ولا على الخاطر ليش تصير اشياء تغير حتى مو بس مجرى حياتنا حتى احلامنا ...
الاسبوع هذا مر على اعصابنا اني وبابا ماكو حل غير نستسلم للوضع ...
...بعد اسبوع...هو اليوم اي هوه اجه صكر واخوه .... كعدو ويه ابويه بالصاله واني بغرفتي مغمضه عيوني يارب ...يارب يصرفون نظر وهذا الكابوس ينزاح ياربى ...فجاءة تعالى صوتهم وابويه صعد منزل راسه
التفتت اله"
_ها بابا
_جهزي روحج راح اخذج تعقدين يم الشيخ وراها تروحين وياه...
_بابا بس اني بعد كم يوم مدرسه تبدي وووووانت وعدتني اذا طلعت اولى تخليلي مدرسين خصوصي علمود السادس بابا يعني أحلامي ضاعت ...
لاتبجي بابا شويه وانزل....
ههههه واقع وانفرض
صكر/وره ٢٠دقيقه نزلت البنيه وجهها يلمع ولابي قطرة دمع توقعتها تبجي وتدافع عن حالها هالبنت غريبه وقوية ...
الله نطانا عقل بس صلاتها هي الي شجعتني اخذها غصب وفصلية الي مدري القدر هو الي جمعنا من غير ميعاد
كحلاء/نزلت و ب ايدي جنطتي لابسه عباه اسلاميه وشال اسود صوت ماطلع الي من كد ماشهكت فوك وحدي نزلت باوعت اله بنظرة ....مشيت خطوتين ....
درت وجهي على ابويه كتله"
_مسيري ارجع بابا مسيري ارجع ....مشيت صعدت بالسيارة واشوف جيرانه يباوعون الي مقهورين....
احنه بمجتمع تحكمه العادات والتقاليد تحكمه العشائر اكثر من القانون .....والمرأه بي معناه....احنه بمجتمع يدفن المراة وهي حيه ...
احنه بمجتمع يخلي البنت شبه معدومه ضايعه مالها قيمه اله من تصير تحت جناح الرجال....والرجال هي وحضها مثل الركيه....ههههه بس الرجال لازم يختارها ولازم ....ولازم ...بس اني وحد ابويه نطاني جناحات وراح اطير بيهم فوك صكر وروحك السماه صكر اله اكص جناحه والا ماتسمى كحيلة
رحنا عقدنا يم الشيخ....جانت كلمه ابوية ياسر يطلع من السجن بمكان الفلوس وبمكاني.....طلعنا للعمارة ________
