رواية صدفة عشاق الفصل الواحد والعشرون
ليلي ركبت العربيه بضيق من تصرفاته و تحكماته . حازم ركب العربيه من الناحيه التانيه . و بص عليها بهدوء . /كنتي بتقولي ايه انتي و ماما .
ليلي اتنهدت بضيق ./ عادي يا حازم . هنكون بنقول ايه .
حازم اتنهد بضيق ./لسه مصممه أن لبسك عادي .
ليلي اتنهدت بضيق ./عايزه اروح يا حازم .
حازم اتكلم بغضب ./ ليه مصممه تعانديني يا ليلي .
ليلي اتكلمت بعصبية ./عشان انا تعبت و اتخنقت .
حازم ضحك بسخرية ./اتخنقتي عشان بحبك و خايف عليكي . اتخنقتي من غيرتي يا ليلي .
ليلي بعصبيه ./عشان دي مش غيره . مفيش غيره و حب كده . لازم كل يوم تكلمني في الشغل فوق العشرين مره . و لازم في كل خروجه تديني تعليق علي لبسي اللي طول عمري بلبسه و مفيهوش اي حاجه . لازم تقرر في كل مره نكون في مكان امتي نمشي و امتي نقعد . كل حاجه لازم لازم لازم . انا فين من كل ده . ليه عايز تلغي شخصيتي .
حازم اتنهد بضيق و ركن دماغه لوره بتعب . ليلي اتنهدت بدموع ./انا ابتديت احس ان الموضوع مش غيره بس . انت خايف من حاجه يا حازم .
حازم مسك ايديها و اتنهد بهدوء ./ ممكن تبقي معايا انهارده . عشان خاطري يا ليلي . انا محتاجك .
ليلي ابتسمت بهدوء و هزت راسها . حازم اتنهد بهدوء و كمل سواقه .
__________________________________________
في الفيلا عند حازم .
حازم ركن دماغه علي رجل ليلي . و اتنهد بتعب . ليلي اتنهدت بهدوء و هي بتحرك ايديها علي شعره ./حازم لو في حاجه حابب تتكلم معايا فيها اتكلم . صدقني انا اول واحده مستعده اسمعك . بس سكوتك مع تصرفاتك بيقلقني .
حازم اتنهد بهدوء ./بيقلقك عليا و لا مني .
ليلي اتنهدت بصعوبه ./الاتنين . انا من حقي اخاف لما احس أن حياتنا متوتره بسبب غيرتك .
حازم اتنهد بهدوء ./و انا كمان بقيت اخاف عليكي مني . انا عارف ان كل حاجه بتحصل مني صعبه . بس انتي عارفه اني بحبك يا ليلي . انا بحبك اكتر من اي حاجه في الدنيا . و مستعد فعلا اتغير عشانك لو ده اللي هيريحك .
ليلي ابتسمت بهدوء./ و انا كمان يا حازم بحبك اوي . بحبك زي ما انت كده . احنا حبينا بعض كده و عايزين نكمل مع بعض كده . انا بس نفسي غيرتك تقل شويه . لانها ساعات بتخوفني منك يا حازم .
حازم ابتسم بهدوء و مسك ايديها باسها بحب . و اتعدل و هو بيبص عليها بـ حب . ليلي اتنهدت بتوتر و هي بترجع لوره . حازم سحبها من وسطها . / بحبك يا ليلي .
حازم حرك شفايفه علي وشها بتلذذ . ليلي غمضت عينيها بضعف . حازم بعد عنها و ابتسم بهدوء لما لقاها مغمضه عينيها . و ميل لمس شفايفها بحب . ليلي بادلته بكسوف . بس مسكت أيده بضعف اللي كانت بتتحرك علي جسمها . و بعدت بتوتر . حازم بعد و هو بياخد نفسه بسرعه . ليلي اتعدلت بتوتر و هي بتبعد وشها عنه . حازم اتنهد بهدوء ./ قومي اعدلي هدومك .
ليلي هزت راسها و قامت بسرعه . من توترها . حازم اتنهد بهدوء و هو بيبص علي حركتها لحد ما دخلت الاوضه . و غمض عينه بضيق .
__________________________________________
حازم دخل عيادته في المستشفى . بعد ما وصل ليلي .
ايهم قرب منه بهدوء . /انت كويس .
حازم هز رأسه بهدوء . و بص علي تليفونه اللي رن .
ايهم اتنهد بضيق ./ندي .
حازم هز رأسه بهدوء ./المفروض انها جيالي انهارده المستشفي .
ايهم بضيق ./انت مبسوط باللي بيحصل ده .
حازم اتعدل باستغراب ./يعني ايه .
ايهم اتنهد بهدوء ./ بتقول لـ ليلي بحبك و دلوقتي هي مراتك . و انت بتروح لـ ندي و تقابلها يوميا يا حازم . انت عارف لو حد عرف انك علي علاقه بـ ندي ممكن يحصل ايه . ليلي نفسها هتقبل بـ كده .
حازم اتنهد بتوتر ./ندي زي مريضه عندي يا ايهم . و هي محتجاني الفترة دي . و بعدين دي اخت جنه . يعني مينفعش اسيبها لوحدها .
ايهم ابتسم بسخرية ./مفيش مريضه بتيجي كل يوم لـ الدكتور بتاعها . و لا الدكتور بيقابلها بره . و لا بيروحلها البيت يا حازم .
حازم مسح على وشه بضيق ./عايز توصل لـ ايه يا ايهم .
ايهم اتنهد بهدوء ./انت اللي محتاج توصل و تعرف عايز ايه . ليه دخلت ليلي في حياتك . ليه صممت علي كتب كتاب مطلاما مش متاكد من مشاعرك . يا ابني ده انت حتي في اي خناقه بسبب غيرتك عليها . بتبقي عارف و متأكد انها مش عامله حاجه غلط و أن المشكله في غيرتك انت . تفتكر ايه ممكن يكون رد فعلها .
حازم اتنهد بهدوء ./عشان انا بحب ليلي بجد . عشان انا اول مره الاقي نفسي معاها . اول مره احس بـ نفسي معاها .
ايهم وقف بغضب ./انت عايز كل حاجه يا حازم . عايز ليلي و عايز احساسك و عايز ندي . عايز تشوف نظرة الندم في عينيها عشان خطبت غيرها . انت اللي لازم تفهم نفسك يا حازم انت عايز اي بالضبط . الاتنين مينفعش يبقوا في حياتك . هي واحدة بس .
و سابه و مشي بضيق من تصرفاته . و هو خايف يكون احساسه من ناحية ليلي مكنتش حقيقي .
حازم اتنهد بضيق و سحب التليفون لما لقي ندي بترن . /ايوه يا ندي .
ندي باستغراب ./ايه يا حازم مال صوتك .
حازم اتنهد بضيق ./ كام حاجه في الشغل كده .
ندي بهدوء ./طيب انا بكلمك عشان اقولك . مش هعرف اجي انهارده عشان تعبانه شويه .
حازم اتنهد بهدوء ./ماشي يا ندي .
ندي ابتسمت بخبث ./لو عايز تيجي عندي شويه تعالي . انا حاسه ان صوتك مش احسن حاجه . تعالي و اهو تغير مود شويه .
حازم اتنهد بهدوء ./لو خلصت شغل بدري هاجي .
ندي ابتسمت بهدوء ./هستناك .
و قفلت معاه . حازم اتنهد بضيق و هو بيبص علي التليفون بهدوء .
__________________________________________
عند ندي . في اخر الليل .
حازم ركن دماغه لوره بتعب . بعد ما حكي لـ ندي علي كل حاجه . ندي قربت ايديها من أيده بهدوء ./انت محبيتهاش يا حازم . معرفتش تحب غيري .
حازم اتنهد بهدوء ./انا مفيش حاجه متأكد منها قد حبي لـ ليلي . هي الاحساس الوحيد الصح في حياتي .
ندي ابتسمت بسخرية ./لو بتحبها كنت هتحكيلها هي كل ده . مكنش زمانك عندي دلوقتي . و مكنتش زمانك بتكدب عليها كل شويه و انت معايا . كان ممكن تقولها انك معايا عشان علاجي . بس انت حتي دي مش عايز تقولهالها يا حازم .
حازم غمض عينه بتعب . و ضيق .
ندي قربت من حازم بهدوء ./طلقها يا حازم .
حازم فتح عينه بصدمه ./انا لا يمكن اعمل فيها كده . انا فعلا بحبها . انا يمكن خبيت عليها بس انا متأكد اني بحبها .
ندي ربعت ايديها بخبث . /و ليه خبيت . و ليه بتخبي .
حازم اتنهد بضيق ./و انتي ليه عملتي كده يا ندي . ليه خلتينا كده .
ندي قربت منه و اتنهدت بهدوء ./غلطت يا حازم . غلطت و عايزه اصلح الغلط ده . انا اسفه .
حازم ابتسم بسخرية ./اسفه علي ايه . علي انك خلتيني احبك و اتعلق بيكي . و انك خلتيني زي الاعمي بسبب حبك . و اتاري دي كانت الخطه عشان تنتقمي من اخويا فيا . اخويا اللي ملوش علاقه بـ موت جنه . خسرتيني اهلي و شغلي و خلتيني عايش في عالم مش شبهي . عشان تفوقيني من كل ده علي خيانتك ليا .
ندي قربت منه و هي بتحط عينيها في عينه ./ انا اسفه على كل حاجه . كلام ماما أثر عليا . انا عارفه اني غلطت . بس انا بحبك والله يا حازم بحبك . و انت كمان بتحبني . و مقدرتش تنساني رغم كل حاجه وحشه عملتها . و انت خلاص دلوقتي رجعت لـ شغلك و بقيت وسط اهلك . مبقاش فاضل غير حاجه واحده .
حازم بصلها باستغراب . ندي رفعت نفسها ليه . و هي بتحرك ايديها علي زراير القميص بتاعه بدون وعي ./تطلق ليلي . و جوازنا العرفي زمان يبقي رسمي . و قدام الناس كلها .
حازم مسك ايديها بتوتر ./ندي مش هينفع . ابع...
ندي قاطعته بخبث و هي بتقربه منها ./بحبك يا حازم .
حازم اتنهد بتوتر و قرب منها بضعف . و بعدين ...
__________________________________________
تاني يوم .
ايهم ابتسم بهدوء . و هو قاعد مع ريماس .
ايهم ابتسم بهدوء ./ شوفتي امبارح كأنهم اتفجأه من أننا بنحدد ميعاد الفرح .
ريماس هزت راسها و ابتسمت بهدوء ./ هما كانوا متوقعين أن حازم اللي هيبقي عايز يسرع الفرح .
ايهم اتنهد بهدوء ./ انا بقيت خايف علي حازم فعلا .
ريماس باستغراب ./هو في حاجه و لا ايه .
ايهم ابتسم بهدوء ./لا مفيش . انا هاجي بليل عشان اقعد مع عمي . و نحدد ميعاد الفرح .
ريماس ابتسمت بهدوء ./انا مش مصدقه ان كل حاجه حصلت بسرعه كده . و اننا بنجهز لـ فرحنا كمان .
ايهم ابتسم بهدوء و مسك ايديها بحب ./كفايه اننا بنحب بعض . دي اقوي حاجه في الدنيا .
ريماس ابتسمت بحب ./ربنا يخليك ليا .
ايهم باس ايديها بحب . و اتنهد بهدوء و ضيق من تصرفات حازم .
__________________________________________
حازم اتحرك علي السرير بتعب . و فتح عينه و هو بيبص حواليه بصدمه . و اتعدل بسرعه و هو شايف ندي نايمه جمبه . و بص بتوتر علي شكلهم . و قام بسرعه و هو بيسحب هدومه من علي الارض بعشوائية . و بص لنفسه في المرايا بصدمه . و خبط ايديه بغضب علي المرايا . ندي صحت علي صوته بتوتر . /في ايه يا حازم .
حازم قرب منها بغضب ./ايه اللي حصل . ايه اللي خلانا في الوضع ده .
ندي بتوتر من شكله ./ايه يا حازم انت هتعمل نفسك مش عارف .
حازم غمض عينه بدموع ./عارف بس مش مصدق . ازاي سمحتيلي بـ كده ازاي .انا بحب ليلي مش بحبك . ليه خلتينا نعمل كده .
ندي اتعدلت و مسكت أيده بهدوء ./مش انا يا حازم اللي عملت كده . انت كمان كنت معايا عشان بتحبني . انت بس زعلان مني بس دلوقتي مبقاش في اي زعل مش كده .
حازم اتنهد بغضب و هو بيسحبها من شعرها ./مش عايز اشوف وشك تاني يا ندي . اللي حصل اعتبريه محصلش . ده مش جديد عليكي كده كده لما شوفتك زمان مع واحد في نفس السرير . يعني تبعدي عني نهائي يا ندي . فاهمه و لا مش فاهمه .
ندي هزت راسها بتوتر . حازم سبها بغضب . و خد هدومه و لبس بسرعه و نزل . حازم ركب عربيته و رجع دماغه لوره بضيق . و رفع ايده و هو بيبص علي دبلته بهدوء . و غمض عينه بضيق من نفسه . و اتحرك بعربيته .
__________________________________________
حازم دخل عيادته بضيق . و ايهم دخل وراه بسرعه ./كنت فين امبارح . جدك سأل عليك و الحمدلله أنه مخدش باله انك منمتش في البيت .
حازم اتنهد بضيق و قعد علي الكرسي ./ ايه يا ايهم هو انا عيل صغير .
ايهم بغضب ./ لما تبقي لسه بتتصرف تصرفاتك الغريبه دي . يبقي اه عيل صغير يا حازم . كنت فين بقي .
حازم رجع دماغه لوره بتعب ./كنت عندها .
ايهم مسح على وشه بغضب ./مش هتبطل قرف بقي . لحد أمتي هتفضل كده . ده انت مجرد بس ما كنت معاها مرجعتش البيت . انت خاطب يا حازم و المفروض متجوز كمان . تقدر تسمي اللي بيحصل ده ايه .
حازم حط دماغه بين أيديه بتعب ./انا غلطت يا ايهم . و مش عارف اعمل ايه.
ايهم قعد قصاده بهدوء./غلطت يعني ايه يا حازم .
حازم هز راسه بتوتر ./صحيت لقيتها معايا في اوضه واحده . ايهم انت لازم تفهمني .
ايهم وقف بغضب ./ازاي تعمل كده يا حازم . ازاي تقرب منها . شوفت اخر القرف بتاعك ايه .
حازم اتنهد بضيق ./انا معرفش ازاي ده حصل . انا مش عارف ازاي قربت منها يا ايهم . انا ...
ايهم قاطعه بغضب ./انت حيوان يا حازم . و متستهلش ليلي في حياتك . اتفضل صلح غلطتك و اتجوزها بقي .
حازم اتكلم بغضب ./انا مستحيل اتجوزها . مستحيل اعمل كده في ليلي .
ايهم ضحك بسخرية ./ليلي اللي وقفت قدام جيهان عشانها . اللي مجننها في حبك و مخليها عايشه معاك في كدبه كل يوم تزيد . اللي كل شويه خناق بسبب غيرتك . اللي دايما بتحاول تتحكم في شخصيتها . يا تري ايه ممكن يكون رد فعل ليلي لو عرفت .
حازم غمض عينه بتعب ./ ايهم انا مش عايز اخسرها . انا بحبها بجد.
ايهم اتنهد بضيق ./انت حر يا حازم . انت اللي عملت كده في نفسك و في ليلي .
و سابه و مشي . حازم فضل يبص علي اثره بشرود .
ووووو...
