رواية ميراث الدم الفصل الثالث والعشرون 23 بقلم ليان احمد

حضنَّا بعضنا،

والشروخ تشقُّنا كالأرضِ اليابسة،

كأن حبيبن سقط في الزلزال،

وتفتتت أرواحنا.

تعبنا من الحربِ حولنا،

من ناسٍ فرقوا قلبين،

من حلمٍ ذُبح قبل أن يكبر،

لكننا رغم التصدّع...

ما زلنا نحضنُ الرماد.

ياهلااا بالعروسس تعاااااي اباركلج عيوني ... 

ركضت منها تريد تصعد الدرج وصلت ثاني باية.. لكن المرأة صارت اسرع منها .. ولزمتها من ثوبها وجرتها .. 

من الدرج .. ونامت فوكاها .. 

: بوكااات الزلم .. برا.....بيك .. جاية تريدين تتزوجين واحد اكبر من ابوج .. شفتي عنده كم فلسس 

على مود الفلوس تبيعن رواحجن .. 

نايمة فوك منى وتملخ بشعرها وتنكت برأسها ومنى جواها ترافس برجليها .. وتريد بس تفك نفسها 

منى: موووو اني ولله موو اني  عوووفيني ولججج يما لحيكلي اختنكت 

: شلووون مو انتي .. مووو انتي منى لووووغيرج. ؟

: لا لا اني منى بس مو اني العرووس ولله بت عمي  ولجج بسيممممة انتي تعرسين واني انكتل . 

جبرية كوة فلتت نفسها من ايد الأبنية وكتف ثوبها نشك وشعرها منفوش  وتصيح .. منو انتن وشتررردن من يمنا غيررر نفهم 

كامت المرة من منى الي النفس صارت كوة تسحبه .. وكفت على حيلها ومبينه قوية وبصحتها ..  وحجت 

: اني مرت سمير وهذا بناته.  سميرررر عرفتووو لو لا .. الي مقشمراتة  بهاي بتج الحك....بة .. وتريدن تلزكنها اله بالسر 

عبالكم ماراح اعرفف عبالكم ابقى نايمة على اذني .. 

جبرية: مووو احنه ولا هاي الخاطبها .. الخاطبها.. بت حماي وهي لزكت اله  احنه مالنه شغل 

طفرت من مكاني وركضت للغرفة وصوت صياحهن كاب 

: لا العروس اسمها منى  واني متأكدة موو تردين تفلتن منها ... من وجوجهن مبينات مو راحة .. وبوكات زلم 

                                          

              

                    

فاطمة صاحت من مكانها بعد ما الابنيه ملختها تملخ .. 

:  ولله مو بتى ولله مو هااااي العروس .. 

صالح يصيح من الاستقبال

: شكوووو ولكم شصااااير .. 

ركضت اله المرة من مكانها وراحت دخلت عليه..وكفت يمه بكل قوى وحجت

 : هااااي انت الي تريد تسد دينك بمرة  يااعار الزلم .. تريد تغلس على فلوس رجلي وتلزكلة مررة بكد احفادددة .. ماعندك غيرة ماعندك شرررف 

وختمت كلامها غسلته غسل بالتفال ... تفووووووعليك وعلى غيرتك يااااا عاااار 

طلعت من الاستقبال وأخذت بناتها وطلعت وهي تعد وتصف .. 

سديت باب الغرفة واني فاتحة عيوني ما مستوعبة الي صار .. وجنت متأكدة عدنان هو ورا الي صار .. و الا ليش لح عليه راد الرقم والعنوان .. اكيد راح زلغ واير يم مرتة 

احس ارتاحيت .. أن مرته درت وخربت هل زواج .. 

بس الي استغربتة ليش جلبت بمنى .. وكالت الها انتي العروس .. 

بقيت اضحك واني بمكاني .. وسلوى ترجف خايفة من الصياح وخافت يدخلن علينه النسوان 

سلوى: طلعن ؟

رديت بضحك : اي طلعن بس ولله كتلن جبرية وفاطمة ومنى كتلة .. تسوى عمرهن ههههههههههه همزين طفرت وما لاحني طشار .. 

: ولج بسمة ولله لو داخلات علينه حرام براجدي اموت اني .. 

: منو يكدر يمد ايدة عليج شبيج ..

 حجيتها واني ما مقنعه ولله لو صدك داخلات يمردنة مرد اذا وحدهم جنها الثور المجنح .. من الضخامة 

صار هدوء بره .. طلعت من مكاني اتطقس الوضع .. دخلت الهول فارغ .. فتت من الاستقبال كاعدات يونن يم صالح .. 

فاطمة: اخخخخ يما  ضولعي نمردت مرد  الله يكسر اديهن 

جبرية: شعري صار ينخرط بين أصابعها راسي أحسه نسطر 

صالح: امداجن كوم نسوان ماكدرتن عليهن 

حجت جبرية بعصبية : وووين نكدر .. اذا هن اربعه وحدتهن تحطني جوة اباطها .. جفتنه جفت .. صااالح خل يولي هل زواج يمعووود مابينه حيل ولله 

            

              

                    

منى كاعدة تبجي. : هسه اني شنوو ذني اجتني كتله واني لا بيها ولا عليها .. جايه هاي ومتقصدتني بس سمعت اسمي اجتني تركض.جنها ثور هايج.. بسيمة تعرس واني اطيح بيها ... اخخخخ يمااا راسي ولج يما عضامي تكسررت 

فاطمة: سودة عليه يما عمت عيني 

شافني فتت من باب الاستقبال ومنى كومي من مكانج واجتني تركض  : ولجج بسملة من وراج اني هيج انضرررب ادبسسسز ضميتي راااسج واني طحت بيها ..

تحجي واجت تريد تضربني .. بحركه سريعه لويت أيدها .. 

وحجيت  : طبببجج الف مرض... ما موديتهن عليج اني 

كامت فاطمة تصيح :  بسملة السا.... طة .. هسه طلع راااسج من راحن .. وجاية تضربين منى  عوووفيها ولجج عوووفيها خل يجي عمج واني اعلمج 

: مو هذا العريس الي كتلتو نفسكم عليه مو انتو ورطتوني .. مو انتو لزكتوني اله .. تحلمو لعد .. هاي حوبتي هيج خلت مرته درت .. 

صالح : بت السطعش كلببب.. ولج من شفتيني تكسرررت طلع صوووتج .. ولله اذا ما كسرت راسج. وخشمج ما اطلع زلمة وطالع من ضهر ابوي.. لا تفرررحين .. انطيج اله انطيج اله لو ادري اخلي هنا يعرس عليج هم انطيج اله الا اذلج واكسرر راسج بسيطة .. 

جبرية: ولله مو بعيدة تلطع هي الي رايحه لمرتة وكايله

 الها حتى تخرب الزواج 

دخلت عليها بعصبية : انتيي ليش بااااطلة ليششش اني وين طالعة وووين ماشية مو كاعدة وساااكته بهل بيت بعد وين شفتيني طلعت .. بس هذا زرعكم اكللوووو ربج ما يضرب بعصة .. 

رجعت للغرفة كعدت .. وكلامهم ما قهرني .. لأن فرحانه بالكتلة الي اكلنها.. جريت التليفون .. ودكيت على عدنان . مثل العادة رفضة ..ورجع اتصل  اول ما فتحت الخط وبدون مقدمات كتله بفرحة 

: احبك احبك احبك احبك   ... لك امووووت عليك ولله  يا ملاكي الحارس 

صوته يضحك وضحكته خشنة 

: اشتعلت روح عمامج.. على كيفج وياي ..

اربعه احبك دفعة وحدة لج متخافين الله بيا  

: ليش شسويت اني فوك ما احبك ما تقبل 

سكت لحظة وكمل 

: ولج شلون ما اقبل .. حبيني .. حبيني  شكد ما تكدرين حبيني بكل.الحب الي رب العالمين حطة بكلبج .. 

بسملة كل كلمة تطلع منج ترد روحي  بيها.. تدرين شنو انتي؟ انتي الهوا الي اتنفسه.. انتي نور عيني..

            

              

                    

اسمع تنهيدته القوية وانتظر كلامه 

: اقسم بجلالة ربي ماكو إنسانة تكدر  تاخذ كلبي  مثلج.. كلبي  روحي  رجولتي كلهن يركضن لج بلا اعتراض 

 لج بسملة  انتي مو بس حبيبتي.. انتي الي اضمها بحضني واحلف احميها بعيني وعمري..

احس وجهي صخن من كلامة .. أحسه صاير جريئ ويعبر عن مشاعرة بكل صراحة .. 

: عدنان ما اعرف شنو الكلام الي يكفي ويوفي الي جاي تسوي وياي .. شكرا شكد ما أكلك شكرا أحسها بسيطة وقليلة.. 

: ما اريد شكرا.. لو كل ما اسويلج شي زين اسمع منج كلمة أحبك .. عمي لخاطرج مستعد اروح احرر فلسطين .. 

: بس عمي بعدة مصمم يزوجني اله ... يكلي  لو اعرف هنا بالبيت اخلي يتزوجج الهم اذلج واكسرر راسج.. ماعرف ليش هيج يسوي وياي 

: ليش يعني.؟ واحد عار ومايريد يسدد اختار الطريق الأسهل يعرف بصاحبه على شاكلته واحد نسيواني .. شمرج اله طعم .. يسدد ديونه بيج ..  خو ما احد مد ايدة عليج ؟

: لا وين اني طفرت بس طاحت بيها جبرية وفاطمة ومنى .. هههه لا نوب عبالهن منى هي العروس ولزمتها مرته مردتها مرد 

: مو اني كتلها العروس اسمها منى وانطيتها مواصفات منى  كتلها العروس جنها جريذي مجعوص 

: عزززة ليش هيج سويت .. 

: يعني شنو مثلا تردين انطيهم اسمج ومواصفاتج .. حتى يفترسنج .. عاد كلت هم أخرب الزواج هذا وهم أبرد كلبج بيهم بنفس الوقت 

: اسكت يمعود هي مرته دخلت على عمي صالح وغسلت وجها بالتفال 

:بعدد ايدي .. لو راكعتة بالشحاطة 

سحبت نفس وحجيت بجدية: برأيك راح أخلص صدك من هذا الزواج لو شلون 

رد عليه بجدية أكثر : بلكي .. اني جاي اسوي اشياء بسيطه عسى ولعل يخرب .. لو علي  ولله من هذه اللحظة اجي اخذج من ايدج ونعقد شيخ ومحكمة .. وطز بالكل بس انتي وعنادج بعد .. 

دنكت راسي وحجيت بقهر  : تدري .. عمي صادق يكول أجر بيت ابو خالد .. بيتكم حتى عود اعيش بي اني وذاك 

عدنان ياريت تكدرون ترجعون .. ياريت .. 

: اتمنى نرجع .. واكيد بيوم راح نرجع .. لأن مجاي نكدر نتأقلم بالبصرة .. بس تتحسن الأوضاع نرجع أن شاء الله 

            

              

                    

:الله كريم .. يله اني اروح مع السلامة 

غلقت الخط منه ورجعت الموبايل الكنتور .. سلوى عين بالتلفزيون وعين يمي .. من سديت الخط حجت 

سلوى: عدنان بسبب تهورة يجي يوم يسويلج مصيبة 

يعني هسه لو النسوان داخلات علينه وكاتلاتنة منو يخلصنه من اديهن عدنان ؟ 

بسملة:سلوى تره هو جاي يسوي كل الي بيدة حتى ما اتزوج هذا الشايب .. لو انتي مكيفة اتزوج واحد بكد جدي .. واتركم .. 

:تدرين بسملة .. ما اجذب عليج .. اتمنى لو تجيني قسمة زينة جان تزوجت وطلعت من هذا البيت وخلصت.. بسملة تعبت من هذه الحياة وهاي العيشة .. الى متى هذا وضعنة 

محد بحالة ولا احد يحن علينة .. 

تقربت اله احتضنتها : سلوى لاتكولين هيج .. مدام اني موجودة ما اخليكم بحاجة بشر مستحيل .. وراح يجي يوم ونطلع منا ونخلص .. ماكو حال يبقى مثل ماهو .. لابد يوم تفرج .. اني عندي امل كبير بربي 

: شوكت تفرج بسمة شوكت صار سنين وما تغير بحالنة شي .. هذه غرفتنه وهذا مكانه وهذه اني مريضة وكوة اتنفس من كلبي .. طيحة مابية.. بسملة اني ما اشوف كدامي مستقبل .. شما افكر بالمستقبل اشوف نفسي ميتة 

عندي احساس قوي اني ما اطول .. 

نفزع كلبي من كلامها شددت حضنتي عليها حيل وكأني احبسها بين ادية حتى لا صدك بيوم أفقدها 

: لا لا لتحجين هيج سلوى.. لتحجين هيج ... ولله ولله ولله .. راح اخذج لاحسن الأطباء وراح اشوفلج احسن علاج.. وراح تعيشين وعمرج طويل .. انتي .. انتي تره شغلتج بسيطة بس يحتالج دكتور زين .. واني أن شاء الله قريبا كلش راح اخذج واراجع بيج  وراح تتزوجين وتخلفين وتعيشين حياتج مثل ما تحبين .. 

حسيت بالغصة وصلت لبلعومي واني احجي مجرد تخيلت انها ممكن تتركني وكملت كلاميو

 : ما اريد اسمع منج هذا الكلام حبيبتي ابد .. انتي اختي وصديقتي. رفيقة دربي وكلشي الي ولله .. 

بادلتني الحضن أكثر ورأسها على صدري .. نزلت دمعتي بس ماخليتها تشوفها وبسرعة مسحتها .. وبقيت العب بشعرها باصابعي .. ونباوع على التلفزيون .. 

ومطلعة قناة تطلع اغاني .. اني مو كلش وية الاغاني .. بس من الكاها مطلعة ما اكسر بخاطرها اتركها براحتها .. 

خلصت الأغنية الي جانت طالعة وطلعت وحدة بمكانها .. 

            

              

                    

لسعدون جابر .. 

تعلمت الصبر منك يايما الهوى انتي الهوى ومحتاج اشمه

يااغلى واعز مخلوق عندي

ياماي عيوني امي قلب هالبحر امي سلام وخير امي

وجه يمطر محنه قمر ونجوم كانه

تعرف تحمل هموم وماتعرف المنه

كبرت يايمه والايام تمشي شفت مايعادل الام ثمن كل شي

يايمه الشمس من تمشين تمشي.. 

ويه كلمات الأغنية لكيت عيوني زخت دموع مثل زخة المطر بلاية مقدمات .. كل كلمة بالأغنية .. ترجعني لطفولتنة من كنا رغم الالم بس حضن امي يملنى .. حسيت كلبي تفطر من الاشتياق الها .. 

كنت أضن وحدي.الي بجيت .. بس صوت نشغة سلوى وهي راسها على صدري وصلني .. وصوت بجيها طلع .. 

وثنية بجينة على امي .. واحنه وحدة محتضنة الثانية 

محد منعت الثانية من البجي .. لأن محتاجين هذا الدموع .. تنزل قبل لا تذبحنه ..   مرات اكو بجية نكتمها .. لأن نخجل .. ومرات نكتمها لأن نريد نبين أقوياء .. ومرات نكتمها لأن مانريد.نتفشل كدام.احد .. بس الام هي الشي الوحيد الي زلم مشوربه بجو عليها ومافكرو بمستحة 

الام .. 

هي الشي الوحيد بالكون الي لو نعمي عيونة علي .. قليل بحقة .. هضيمة من تحس.باليتم وانت امك عايشة 

بس عايشة بغير عالم .. عالم حتى ما تعرفنه بي .. والهضيمة هي مجبورة .. وما مضيعتنه برضاها .. 

هي ضيعتنه غصبن عليها .. 

شالت سلوى راسها وباوعت بعيوني وهي عيونها .. صارت حمر .. وكالت بقهر وبحة البجي مسيطرة على صوتها .. 

: مشتاقتلها .. مشتاقة لحضنها.. مشتاقة لوجها .. بسملة اريد أمي .. حجت هل كلمة وبجت حيل ورجعت راسها على حضني وازادت بالبجي.. 

لميتها أكثر لحضني.. سلوى بت روحي .. رغم الفرق بينه حيل قليل بس هي بنتي .. شكد ما تحجي مرات كلام يضوجني وتجفص بس مستحيل اكدر اشيل بكلبي عليها .. لأن اعرف هي شكد فقيرة .. 

صرت كل ما اطلع يبقن جبرية وفاطمة ومنى يذبن سم ومحملاتني مسؤؤلية الي صار .. ويكولن انتي تتزوجين واحنة طحنة بيها .. لحد المغرب رجع عمي صادق تعشى وكعدو يسولفون بالاستقبال.. اذني يمهم لازم اعرف شنو الي راح يصير .. عمي صالح يحجي ويا الرجال بالتليفون 

صالح: شنووو يعني وإذا مرتك عرفت .. رجعت بكلامك .. هو حچي لو لعب حجي 

            

              

                    

:...........

: اي حجي على اتفاقنة.. انت كدام.الحجية برد كلبها وطمنها ماراح يصير شي .. واتفاقنة مثل ماهو .. الابنيه تجي تعقد عليها  وتاخذها سكتة لامن شاف ولا من درة 

:........... 

: هذا هو خوية والي صار اليوم .. اني ما راح أزعل بسببه يبقن نسوان وهاي عقليتهن بعد .. الكلام الاول والاخير النة.. 

:............ 

: ماشي بانتظارك لعد .. الله وياك هلا بيك 

خليت ايدي على كصتي مأيسة .. صالح سواها عناد وياي ومستعد كلشي يسوي حتى ينطيني اله .. يا الهي ليا مرحلة من الحقارة واصلين 

حجة وياه عمي صادق 

: شنو .. راح تنطيها يعني 

: اي اكلعها واخلص منها .. وبجيمع الأحوال هو رايدها بدون ما تدري مرتة.. 

فاطمة: وبله رجعن علينه وهم كتلنه مثل اليوم 

صالح: محد يرجع .. الصار اليوم ما ينعاد بعد .. قسم بالله الا اذلها واكسر راسها هل حيوانة و اعلمها العناد شلون صاير 

صادق: كلعة ابوووي .. وسمعوني زين .. هاي منا لحد يوم الزواج لازم تنحبس ممنوع تعتب باب البيت .. وخلن عيونكم عليها واذنكم يمها .. كون لحضة ما تغفل عنكم 

هاي كلشي تسوي 

جبرية: لو بس اعرف مرته شلون عرفت ومنو كال الها 

صادق: هي سالفة ما تنضم .. تلكينها سمعته وهو يحجي لو يخابر.. لو حاجي كدام أحد 

صفنت جبرية ما مقتنعة .. بعدين غيرو الموضوع .. 

رجعت لغرفتنة وبقيت اطلع بملابس اخواني مال مدرسة لأن ما بقى شي .. ويبدي الدوام ..  صافنة بدنياي وحايرة افكر شنو راح يصير بية.... الي صار ما وكف بعينهم وبعدهم مصصمين ينطوني .. لأن الموضوع صار مو زواج وبس ولا تسديد ديون .. الموضوع صار عناد وكسرة خشم ... طلعت بالحوش خليت تطشت وكعدت اغسل ملابس .. كملت غسلهن وكفت اجفف بيهم بالنشاف .. لأن الجو بدة يصير بالليل برودة ..  تفاجئت بمهدي تقرب يمي 

وحجة وياي 

مهدي: اريد احجي وياج بموضوع يفيدج 

عقدت جبيني مستغربة نبرتة  

: شنو الموضوع شكو 

            

              

                    

التفت ورجع باوع بعيوني : صدكيني الج بيها شغلة راح تفيدج .. اريد اساعدج تخلصين من هذا الزواج 

حجيت بزهك: اي كووول شكو غير افهم 

: اعصابج اعصابج ..  صعدي فد شوي واحجي وياج ووصدكيني اريد مصلحتج 

: اصعدلك شنوو .. كول شرايد هنا وفضني 

: ولله صوجي مقهور عليك واريد اخلصج من هذا الشايب براحتج .. عموما اذا رايدة تخلصين.. اني اكدر اخلصج ..وماكدر احجي هنا فد شوي خل ينامون وصعدي دكي الباب واني اطلع وحجيلج شلون اساعدج .. 

تركني وراح خلاني صافنة وراه .. مهدي ابد مو راحة واحد فاسد وسوالفة كلها مكسرة ودلال أمة مخربة كلش 

والكفران عندة مثل شربة الماي .. 

بس الغركان يتعلك بكشاية ... بقيت افكر بكلامة .. وبلحظة غباء وتسرع مني .. غلطت .. واقتنعت أن ممكن صدك يكولي شي يساعدني ..  وفعلا الكل راح بغرفتنة .. واني كمت صعدت ودكيت باب غرفتة .. 

 

رغم هي غرفتهم مشتركة هو ومحمد .. بس محمد اغلب المرات ينام بالاستقبال .. يكول مهدي الليل كلة بس يخابر ويحجي بصوت عالي .. 

بقيت واكفة وابلع ريكي وأفرك بادية .. للحظة أدركت اني غلطت بصعدتي .. أجيت انزل وقبل لا اخلي رجلي على بأية الدرج .. هو فتح الباب .. اول ماشافني ابتسم .. 

مهدي: هلو.. اقنعتي تجين ؟ 

حجيت بسرعة : انت كتلي اني اساعدج تخلصين من هذا الزواج كولي شلون تكدر تساعدني وخل انزل وكفتي وياك بهل وكت مو حلوة 

ضحك باستهزاء: لعد اذا مو حلوة شكو صاعدة 

باوعتلة بنضرة استغراب : ترة ما صاعدة ميته عليك انت كلت اني راح اساعدج احجي.الي عندك خل انزل 

طلع من باب الغرفة باوع من محجر الدرج .. ورجع وكف قريب يمي وحجى

: شوفي الي راح اكولة صدكيني هو لمصلحتج يعني لا تتوقعين افكر بنفسي .. 

مليت من كثر الف والدوران   : هسه غير يحجيي ويفضني 

مهدي: اني مستعد اتزوجج واخلصج .. بس المشكلة .. اني من عرضت الموضوع على امي هي رفضت .. فإني شنو اكول

            

              

                    

 .. كمل كلامة بنضرة حقيرة .. 

: ليش ما تدخلين يمي بالغرفة.. ونحطهم أمام الأمر الواقع .. تصيرين الي .. وساعتها نوكف كدامهم ونكلهم غلطنه .. واني مستعد اصلح الغلط واتزوجج ..

صافنه على كل كلمة تطلع من حلكة ورجفة سرت بكل جسمي كمل وهو يباوع لي من فوك ليجوة 

: بسمة حرامات هذا الجسم .. يصير بين أدين واحد شايب ..ولله حسافة .. 

النار صارت تمشي بعروكي وكرهت نفسي لأن صعدت وحجيت ويه هيج واحد سافل .. 

تفلت بوجها وقبل لا انزل  : انت واحد سافل وحقير.. هي جبرية وصالح من يتزاوجون مثلا شراح يخلفون .. اكيد واحد مثلك يااا حيوان ياعديم الشرف ولك بت عمك اني يا ناقص .. 

حجيت وفوراً  لزمت محجر الدرج اريد انزل .. بس مهدي سمين وضخم بسرعة الزمني من ايدي وجرني لغرفتة وطبك الباب وراه 

مهدي : هااااي علمين تغلطين ادبسززز .. تعااااي ولج 

شمرني على السرير وشمر نفسه فوكاااي ويخلي حلكه على وجهي .. واني ارافس جواه وصرت اصرررخ 

: حيووووووان عووووفني ... لحكوووولي 

شك ثوبي من الصدر وبقى .. بس لآخر لحضه بقيت مقاومته وارفس بي وماسمحت اله بكد الشعرة يتقرب مني ..

ولككككك عووووووفني ساااااافل ..  دفرتة بقوة على بطنه بركبت رجلي .. خليتة ابتعد متوجع .. وكمت اركض اريد.اطلع .. أول ما وصلت الباب .. جبرية وفاطمة وصادق ومحمد ومنى وانتضار كلهم صعدو يركضوون 

عمي صادق صار وجه بوجه وياي .. فتح عيونه على وسعهم وصرخ ... هاااااي شكووووو شصااااير هنا 

صوتي ابنلع واريد احجي شي مجاي اكدر .. وقتها تيقنت اني تورطت ولو بعينهم يشوفو يعتدي عليه هم راح يكذبوني ويصدكو ... عرفت كلمات التبرير والدفاع عن نفسي ما راح تشفعلي ولا تساعدني .. 

ركضت جبرية للغرفة لابنها وعاطت ..  يماااا مهدي شبيككك شمسويتلك هاي الساا**طة..

بلا اي مقدمات لزمني من شعري عمي صادق ورجعني لغرفة مهدي ..   وصرخ 

: احجوووو شكوووو 

كام مهدي متوجع ويحجي  : كاعد بغرفتي  وما اشوف غير بسملة فتحت الباب ودخلت .. اني رزلتها كلت الها غرفة شاب شلون تدخلين هيج بسرعة .. اشو فجاء شكت ثوبتها وطلعت صدرها .. تكلي اني الك اعتبرني ملكك .. بس ما تريد اتزوج ذاك الشايب .. اتزوجني انت .. كمت من مكاني دفعتها .. وهي بحركة سريعة دفعتني من صدري وصارت فوكاي وتسويلي حركات .. واني ...

            

              

                    

 حجاها عود مستحي:   أني ابقى شاب والشيطان لعب بعقلي.. وجاريتها .. بس فجاء كامت تصرخ .. وضربتني وطلعت تركض 

وكعدت يحلف لامه : يمااا صدكيني هذا الصاااار هي الي اجت وهي الي بدت وشوفت عينكم طلعت من غرفتي ..

جبرية: مصدددكتك يمااا أكيد اصددككك قاب اصدك هاي الكح*****ة 

صرخت من مكاني مايسة يصدكوني  : ااااني اعرف لو شما حجيت محد راح يصدددكني .. بس وروح ابووووي جذاااب جذذاب ما صااار هذا الحجي هوووو الي اعتدة علية هوووو 

صادق: ولجج بببسملة اليوم مووووتج على أيدي ساااااافلة لهل درجة وصلتي ولجج بايعة شرررفج وتتبلين.. شحال لو ما انتي صاعدة لغرفة  كلبببه 

بوقتها .. الله ذب عليه سكوت.. وكأن يعرف شما حجيت وكلت.. محد راح ينصفني .. استسلمت للضرب الي أكلته من عمي.. ولكل كلمة حجوها بحقي .. 

جبرية تفشر من جها وفاطمة من جها وصادق فوكاي من جها .. 

صادق: من بااااجر من بااااجر تصيرين على ذمت رجلج .. ولج تردين تلبسسسينه العااااار  فوووكاها تنكرررين ..  ماااا تحجين ليشش ساكتة

فاطمة: طبعااا تسكت قابل شتكوول اجيت ذبيت روحي عليه  

جبرية: خاااايبه تردين تورطين ابني .. تردين تذبين روحج براااسه .. لووتبقين اخر وحدة بهل دنيا ما انفكج 

محمد: ياااابه كااااافي عااااد على الأقل اسمعووو منها 

ليش هيج انتو بلا فهم  كلكم صرتو فوووكاها 

صادق: شنووو اسمع اجذب عيني واصدكها ترررريد 

محمد: شنوووالي شفتو بعيونكم شنوو شفتوها طالعه من غرفته تركض ثوبها مشكوك.. شفتو شنو الي صار بالغرفة شفتو منو الي بدة .. شدراكم ما صدك مهدي هو الي يريد يعتدي عليها ... شنووو ماتعرفون سوالف مهدي انتووو 

لو تغشمون نفسكم .. ليش باطلين ليش ما تسمعون منها وتصدكوها تره هاي هم بت اخوكم 

جبرية: ولك محمد انت شنووو عون لو فرعون .. بدال ما توكف ويه ابن عمك وابن خالتك .. جاي توكف ضدة .. هو زلمة وما عليه عيب .. العيب على الي صاعدتله بنصاص الليالي .. وتعال أخذني 

تقرب مني محمد وحجى بحنية: بسمة احجي لا تضلين ساكته احجي .. شنو الي صااار 

رفعت راسي عيني بعينه : ماكو داعي احجي شي .. لأن تعرف كلش زين لو بعينهم يشوفونه يعتدي عليه هم راح يوكفون ضدي .. رب العالمين هو أعلم .. 

            

              

                    

على الصياح سلوى .. كايمة من مكانها .. وبصعوبة صاعدة الدرج  ودخلت للغرفة مفزوعة .. 

سلوى : بسممة ... اجت يمي كعدت وهم كلهم يباوعون ...

اول مره سلوى صوتها يطلع وتصيح :انتووو ما تخافون الله ما عدكم ررررحمة شنوووو مسويلكم احنه شنووو 

تقرب صادق بعصبية مايشوف كدامه يريد يرجع على

 بسملة 

سلوى ذبت روحها على بسملة تحاميها .. صادق  بدون شوف شال سلوى من فوك بسملة ودفعها .. 

فجاء اختنكت وصار كوة تتنفس 

بسملة: سلووووى .. فلتت نفسي من صادق ورحت يمها .. ومحمد ركض عليها خلاها بحضنه  ويحاجيها 

: سلوى  سلووووى   .. باوع بوجه ابو بحقد .. بدون كلام .. شال سلوى بين أديه ونزل يركض بيها لغرفتهم 

نزلت وراه اركض ناسية المي وجع الضرب الي اكلتة .. 

كلبي مفزوع على اختي .. خلاها محمد على فراشها وهو يدك على خدها .. 

رعد ووعد فزو من نومهم مخروعين ويباوعون 

واني ومحمد يم سلوى نحاول نخليها تتنفس زين .. 

محمد: سلوى حبيبتي جري نفس فددددوة سلووووى اتنفسي اتنفسسي .. بسسسملة جيبيلها مااااي 

ركضت اجيب ماي ورجعت تفاجئت بمحمد مخلي راس سلوى على صدرة .. وكأنما هو الي جاي كوة يجر النفس 

ولازم أيدها ومخلي أيدها على كلبها ويفرك بكلبها .. 

خوفه عليها ولهفتة اكدتلي محمد يحب سلوى .. 

بقى على هذا الحال لحد ما رجعت تتنفس طبيعي .. يله احنه جرينه نفس ..  وارتاحينه ... 

كعدت على صفحة وأخذت خواني بحضني .. الخوف مله كلبهم .. ومحمد بقى كاعد يمنى 

محمد : بسملة اني متأكد مهدي جذاب .. اني اعرفه واحد سا**ط وبلا اخلاق .. بس انتي غلطتي بصعدتج اله بنص الليل .. وخصوصا تعرفين هو شنو  وتعرفين لو صار شي الكل راح يوكف ضدج .. صعدتج اله غلط .. وشوفت عينج شنو صار .. 

سكتت ما رديت عليه اعرف غلطت حيل بصعدتي اله واستاهل الصار بية كله .. من اطمن على سلوى .. طلع 

ورجع البيت هدوء .. وكلمن راح بفراشه الا اني .. دمعتي مانفشت طول الليل .. وعقلي مابطل تفكير .. 

وأخيراً وصلت لقرار وما راح أتراجع عنه لو شما صار .. 

من عين باجر اتصل بعدنان .. واكله وياك اني بالي تريدة .. 

الكل يبيع ويشتري بيه .. يتفنون بمذلتي .. صار الوكت الي افكر بي بنفسي .. 

يمكن عيني غفت ساعة وحدة وبس .. فزيت الدنيا صبح .. 

ما طلعت من الغرفة ولا تحركت من مكاني .. وقررت بس يصير البيت هدوء وتقل الحركة .. اتصل بعدنان .. واكله انتضرني .. وأخذ اخواني وراح اله .. وشنو يصير خل يصير ..  بس فجاء واني كاعدة .. باب غرفتنا نفتح بقوى وعمي صادق دخل بهمة قاصدني ..  عتني من ايدي حيل واني كاعدة حسيت عضم ايدي طك 

            

              

                    

بسملة:اخخخخخ ايدي ايدددي  

صادق: كووووومي كدددامي ولج كوووومي 

: عووووفني عمو و ولله ما مسوية شي عووووفني 

: تحركييي كدامي .. ادبسسززززز  انتي ما الج غير الحبسسس. لحد ما يجي الرجال يعقد عليج وياخذج ويخلصنه منج 

سلوى : عمووو فدوة عوووفها فددددوة 

رعد وعد : عووووف بسمة عمووو وين ماخذها .. 

تجاهل توسلات اخواني وبقى يجر بيه وأيدي أحسها نخلعت من مكانها .. 

بسمة: عمو عمو اترررركني الله يخليك اترررركني ماسويت شي اني ولله  فدوة اتركني .. 

متجاهل كلشي ويجر بيه مثل الخروف .. نفس المشهد جاي يتكرر للمرة الثالثة على ايد نفس الشخص .. 

ابوي .. امي ... اني .. 

نفس هذه الطريقة سحلنه حتي يحبسنه بالمخزن.. بس الفرق مكان المخزن تغير وصار بالسطح.. 

استمر يجر بيه لحد.ما وصلني للسطح .. وفتح باب المخزن ودفعني بي .. وفورا طلع وقفل الباب .. 

بقيت ادك على الباب : طلعوووووني ما سووووويت شي .. الله لا يوفقكم الله لا ينطيكم أن شاء الله حووووبتي ما تتعداكم ... رعدددددد وعددددد سلووووووى تعاااالووووو 

كعدت بالكاع مأيسة .. رجعت المشاهد كدام عيني .. ابوي من مربوط ومضروب .. منضرة وهو معلك بالحبل .. 

امي وشلون حبسوها هنا .. خليت راسي بين رجلية أناجي رب العالمين .. يخلصني منهم .. 

بقيت بمكاني متأملة احد يجي ويطلعني .. بس صار الضهر ومحد صعدلي .. 

لاريوك لا البارحه متعشية .. والمكان حار .. احس هبوط بالضغط والسكر صار عندي.. لدرجة الروية كدامي صارت مغوشة .. وفوك كل هذا احتاجيت حيل اروح لتواليت .. بسبب السكر ما اسيطر كل شوي اروح للتواليت 

بقيت بمكاني جسمي ماكدر احركة .. وكوة لازمة نفسي 

صرت ادك.على الباب بصعوبه ... طلعوووووني فدوة ما اتحمل بعددددد الله يخليكم ... عددددنااااااان تعاااال الي فدوة .. 

صرخت هيج وفقدت السيطرة على نفسي وحسيت روحي بلا إرادة مني تدررت على نفسي .. وملابسي كلها تبللت .. 

لأول مرة بحياتي اشفق على نفسي .. وابجي على روحي وليا حال وصلت ..  وصلت لاخر طاقة عندي وفقدت الوعي وطحت بمكاني .. صرت اسمع صوت دكة على الباب بس ماعندي طاقة احجي لو ارد .. تعبانه حيل رغم اني يم الباب طايحة .. 

            

              

                    

صوت سلوى ومحمد .. بسلمة بسملة تسمعيييني  بسمة محد يقبل نصعد وهسه من اجة محمد يله كدرت اصعد .. بسملة محمد راح يكسر الباب ويطلعج حبيبتي .. تحملي شووووي فدوة .. 

لساني ثكيل وماكدر ارد ..صرت اسمع صوت كوسرة على الباب ..  شوي ونفتح الباب .. ودخلو خواني ومحمد .. 

سلوى تبجي ورعد ووعد وياها : بسلمة شبيها طاااحت محمد بسملة مااتتت 

محمد: لا لا هاي جاي تتنفس خل انزلها .. شالني بين أدية ونزل بيه .. 

فاطمة: خل يجييي ابووووك وهو يعلمك ولك عااااق .. تدافع لهاي الادبسز الي رادت تجيب النة مصيبه البارحة .. واحد بمكانه جان ذبحها وطم عاااارها 

محمد: يماااا كاااااااافي كاااااافي شنووو انتو ما تشبعووون من الضلم كااااافي عااااد 

دخل بيه للغرفة ..وخلاني بالفراش واني حتى حركه ما اكدر اتحرك .. تعبانه وجسمي منتهي من التعب .. 

اجت سلوى جايبه ماي .. حاولت تشربني .. شلت راسي ثكيل حيل .. وجسمي يرجف .. وسلوى بايدها تشربني 

رجع محمد جايب كاسة بيها سوب مرك اصفر .. وهم بقت سلوى تحاول تشرب بية ..  ورجعت خلت حبابة سكر بحلكي .. وخليت راسي .. رغم وعيت واحس بكلشي يمي بس ما الي طاقة احجي شي .. 

لحد العصر واني هذا حالي .. واخواني داير مدايري ومحمد كل شوي يدخل يطمن علية .. من حسيت روحي تحسنت شوي.. 

بسلمة: اريد.اسبح ثوبي توسخ سلوى .. 

سلوى: بيج حيل تكومين حبيبتي 

: ساعديني ماكدر اتحمل ابقى هيج 

: اي اي كومي .. 

كامت سلوى طلعت الي ملابس وساعدتني اوصل للحمام .. ودخلت وياي .. بيدها نزعت ملابسي وسبحتني ولبستني .. واني مستسلمة بين اديها مثل الطفل .. 

من رجعت للغرفة طلبت منها جهازي 

: اريد موبايلي سلوى 

: تخابرين عدنان 

: جيبي سلوى ما تحمل ابقى هنا أكثر 

: خلص اني وياج بكلشي تردي بعد ابد ما اعاندج 

راحت بسرعه سدت الباب وطلعت الجهاز وجابته الي 

وكعدت يمي عينها عليه .. طلعت رقم عدنان واتصلت عليه 

دك لحد ما فصل الخط ما جاوب .. رجعت دكيت مرة ثانية لحد نهاية المكاملة يله .. رفض .. ورجع اتصل بية 

اول ما فتحت خط كتلة .. 

            

              

                    

: عدنان .. فدوة أخذني منا ما اتحمل ابقى بعد 

عدنان ضربوني وحبسوني .. ومهدي اتبلى عليه  

صرت ابجي وأحجي وهو يسمعني ... اريد اجي يمك.. ماكدر ابقى بعد .. تعبانه حيل اني .. 

جر نفس ومبين عليه حيل تعبان  .. وكال.. 

: عندج ثقة بيه ؟ 

: اني ماعندي ثقة بغيرك .. 

: باجر جايب أهلي وعمامي .. واخذج من بين عيونهم .. 

: وذا رفضو .. هذول حقراء ويرفضون .. 

: اني راح اسوي الي يرضي ضميري .. لا تتوقعين اني ساكت صار ايام اني بالدوام وخبصت أهلي هناك لحد ما ابوي اقتنع .. وباجر احنه يمكم .. واذا رفضو ذول الكوا*** يد ما يبقى كدامنة غير حل واحد .. ما تحمل ترحين لغيري  بسمة .. 

: ولا اني الي اتحمل لو اكدر اكون لغيرك .. 

بقيت ويا عدنان عالخط، أسمع لكل كلمة تطلع من حلكة رغم أحسه خايف أكثر مني ، حسيت الدنيا كلها اختفت وما ظل غير صوته  يطمني .. 

رديت بصوت مبحوح مختنك 

:عدنان... لو تدري شلون خايفة... لو تدري شكد تعبت... تعبت حيل... صرت أخاف  باي لحظة يدخلون عليه ويجروني يزوجوني 

عدنان :بسمة حبيبتي، لا تخافين، اني وياج... والله لو كلهم اجتمعوا عليج، ما أتركج وحدج ... أنتي روحي، شلون واحد يترك روحه.. ثقي بيه وريحي كلبج .. بسمتي كلبج اريدة بس يدك ويحبني ماريدة يتألم بسبب هذول النثاية .. 

صرت اشهك  بين كلمة وكلمة

:أريدك... ما أريد غيرك... احبك عدنان... احبك اكثر من روحي... لا تخليني.. اروح لهذا الشايب فدوة 

وعد مني ما أخليج... باچر اجي، أوكف بوجههم، واذا كل العالم رفض، هم اخذج ، أضمج بعيوني وآخذج وياي... بس تحملي  شويه، أوعدج ما تمر ليلة ثانية وانتي بهل عذاب...

..

:أخاف لا يصير شي... أخاف يبعدوني عنك بالغصب... ذول جاي يمشون وياي كله بالعناد ..

بقى يحاول يطمني بصوت دافي

ـ: بسمة، تعاهديني؟ تبقين قوية حتى مثلي مثلي القوة وخلي يحسبولج حساب 

:أنتظرك...  لا تتأخر عليّ... فدوة، لا تتأخر..

. نامي هسه وارتاحي... وباجر تفتحين عيونج وأني وياج... وعد رجال باجر احنه يمكم .. ومثل ما كتلج اذا رفضو اخذج ونعقد  شيخ ومحكمة فوراً.. 

            

              

                    

 أحس عدنان  حبل ينشلني من حفرة ضلمة... وبرغم قهري وجعي .. صار عندي قطرة امل بكلبي .. 

بقيت على البلكي .. بلكي عمامي من يشوفون ابو خالد يستحون منه .. بلكي ينحرجون يوافقون.. بلكي يصير شي يغير كل الموازين .. كلي ثقة بعدنان واعرف ما راح يتركني .. 

بيومها سلوى هي البقت حايرة بيه عكس كل يوم اني الي حايرة بيها .. صوت صادق ومحمد برة يتجادلون بصوت عالي .. لأن محمد كسر الباب وطلعني .. وكل شوي صادق يريد يجيني للغرفة ومحمد يمنعة.. 

مر وقت بينهم يتجادولون وصار هدوء .. ارتاحيت لأن ما اجى صادق عليه .. 

نمت ليلي واني كلي امل برب العالمين .. عسى ولعل باجر احسن من اليوم ... 

باليوم الثاني .. كعدت  ورغم تعب جسمي .. بس كلبي بي امل .. بلكي يتغير شي .. متوترة مرتبكة ..  كلبي يدك بسرعة .. وعيني على الساعة .. اكل باضافري بقلق .. 

ما عتبت باب الغرفة .. رغم صياح جبرية حتى اطلع اشتغل بس غلست عنها وما طلعت .. 

ولا خليت خواني يطلعون.. فقط سلوى طلعت جابت رويوك ..ورجعت مرة ثانية طلعت سوت النة غدة .. ومن يسألنها تكول الهن سكرها صاعد وماتكدر تتحرك .. 

شوي وصوت صادق برة راجع من المحل .. ويحجي ويه فاطمة .. 

: حضرو ماي واستكاين وجاي   .. ابو خالد وإخوانه جايين .. اتصلو بية ورجعت علمودهم .. 

فاطمة: ابووو خالد ؟ شجايبة من البصرة 

: اكيد جاي على صالح .. يتحمدلة بالسلامة.. 

يما اني سمعت هيج لو احس كلبي طاح بمعدتي .. من القلق .. 

سلوى: بسمة .. عدنان سواها صدك .. يارب يارب الله يتمم. عليج بالخير 

بسمة: امين .. فدوة  ادعيلي .. خايفة حيل احس عمامج راح يسون شي ويخربوها .. 

مر ما يقارب أكثر من ساعة وصار صوت هوسة برة .. ماكدرت ابقى بمكاني أكثر .. طلعت من الغرفة وصرت اباوع من شباك الهول ..  ابو خالد دخل من باب الحوش لابس غترة وعكال وعباية على اكتافة وبصفة عدنان اطول من ابو ..  

من شفت هيبته وطولة وهو يدخل بصف ابو .. لا إراديا .. الابتسامة شكت حلكي .. احس فراشات بكلبي طااارت 

وطلعت مني كلمة .. فدوة اروحلك .. 

وبقيت متعجبة على كوم الزلم الي جايين وياهم .. يمكن بيهم عشر زلم.. لدرجة اباوع لعمي صادق .. مثل الي اتفاجئ .. وحس اكو شي اكبر من موضوع تسيورة ... 

صدك زلمة وكد الثقة .. جنت أضن هذه بداية قصتنة .. ماعرفت .. أن عمامي كل واحد بيهم هو عثرة بطريق سعادتي .. وكل واحد منهم لازم بيدة خنجر مسموم حتى يذبحون حلمي .. 

            

              

                    

الزلم ترست الاستقبال .. وبقو يتحمدون لعمي بالسلامة .. 

ومهدي ومحمد يركضون بالماي والجاي ..  وهم يسولفون بمواضيع بخصوص البلد والأوضاع 

داخل الاستقبال... 

عدنان كاعد على نار ويفرك بأيدي .. دكات كلبه مو اقل من بسملة .. ومنتضر على نار حتى يدخلون بموضوعة .. 

وكل شوي يشرب ماي .. لحد ما فتحو الموضوع هو بطنه نترست ماي .. 

ابو خالد :  طبعا احنه جيران صار عمرر أهل وأكثر من أهل .. أن شاء الله .. وما أخفيكم اليوم جيتنه مو بس تسيورة .. اليوم اني جاي وطالبكم .. باسم الجورة والعشرة الي بنياتنه ..  جايين نطلب ايد بنيتكم .. لابني عدنان على سنة الله ورسوله ..  وعدنان مو غريب عنكم وانتو اعرف بي .. 

رد صادق فرحان: والنعم منكم ومن ابو خالد ولا يهونون الجماعة .. قابل وين راح نلكة احسن من عدنان  حتى ننطي بنيتنه.. كبع وأخذ 

توسعت ابتسامة عدنان وضحك بفرحة ملت كلبه .. 

وحجة بحماس .. واني ما راح اقصر منها .. تحت امركم بالي تطلبونة .. 

صالح: احنه نشتري زلمة معدل .. والفلوس اخر همنه 

ابو خالد : وبعدين عدنان والأبنية هم من الطفولة رابين سوة ..  ومثل ما هي أمانة عدكم بعد وفاة ابوها .. راح تصير إمانة عدنة ونخليها بعيونة أن شاء الله.. 

باوع صادق لصالح باستغراب .. وجان كل ضنهم الحجي على منى .. حجى صالح  بحجاية حطمت كل امال عدنان وبسلمة .. 

صالح: هههههه انتو تقصدون بنت المرحوم صابر الجبيرة ؟ 

ابو خالد: اي هي  بنت المرحوم الجبيرة 

صالح: ولله يا ابو خالد طلبك على راسي .. بس انتو شوي جيتكم متأخرين .. بنت المرحوم مخطوبة والبارحة جان عقدها .. 

وكع الكلاص الكزاز من ايد عدنان  ..والكل انتبه اله ... وبسملة فجاء نشغت وخلت أيدها على حلكها 

تحت أنضار فاطمة وجبرية .. الي يباوعن الها ويبتسمن باستهزاء .. 

بلع ريكة عدنان وحجى بقهر. ش شلون شلون مخطوبة والبارحة عقدها ؟ 

صادق: مثل ما سمعت ابني البارحه باليل جان عقدها وكلها يومين وتروح لبيت زوجها .. طلبك متأخر ولله ولو ما مخطوبة جان كتلك اخذها بهدومها العليها .. بس بعد كلشي قسمة. ونصيب والله يعوضك بالاحسن .. 

ابو خالد: نتعذر منكم .. ما جان عدنه علم . هاي هي مثل ما كلتو كلشي قسمة ونصيب .. 

حجى هل كلام وهو يباوع لعدنان بعيون ما راضية .. بسبب الموقف الي نحط بي .. 

وبعد هذا الكلام .. كعدو خمس دقائق واترخصو .. وكف عدنان وهو الدم يغلي بعروكة لأن يعرف بيهم جذابين .. 

ويحير شنو يكول 

يكلهم جذابين .. هم يكوله شدراك .. يكولهم هي كالت الي .. مايكدر كدام الناس وألزلم الموجودة.. 

أقل تصرف منه راح يعم عليها .. 

بسملة .. الدموع صارت تجري على خدي وسلوى يمي مثل حالي دموعها تجري وياي .. باوعت من شباك الهول عليهم وهم يطلعون .. ومن بين الكل عيني على عدنان 

الي طلع عكس ما دخل .. الحزن والقهر تارس ملامحة 

وكأنما حس بيه جاي اباوع  علي  عينه صدت على شباك الهول وصار عينه بعيني .. صفن بيه ثواني .. 

ابتسملي .. وغمض عيونه وفتحهن بحركة يطمني 

وكأنما بهذا حركتة .. جاي يكلي لو الكل وكف ضدنه هم اخذج ..