رواية مزيونة الشيخ الفصل الخامس والعشرون بقلم شهناز العلالي
_اشتغلي لاتحجين زايد ...ول احسن لاتجيبين سيرتها كدام صكر ...
_غير افهم شنو سالفتها اشو كلمن يحجي بيها يتكهرب ويتهرب من الاجابة وحاله ينكلب ليش شبيها ايمان ...
_اه الظاهر انتي جسمج تعود على الجلد ...المهم هالحربايه نورس باجر ترجع ...
*حتى حسناء ماتنطي جواب ...مناسب لكل اسئلتي ..باجر راح يبدون يداومون ...لاحياة لمن انادي معقولة هذا واقع ولازم اتقبله هيج راح اضل بين القيل والقال ...
كاعده جان قطع تفكيري صكر بضربه راشدي قوية...كمزت منها ...عيونه نار ...
_لج وين الصندوق الي جوة الجرباية...
_ما شايفته ...
_اول البارحه جان موجود ...كحلاء ....كحلاء وين وديتي احجي لا افشك راسج ...ادبسز...
_بدون لف ودوران نطيته ل ايمان
_شنو يمه المن نطيتي؟ل ايمان ؟وين شفتيها وين تعرفيها احجي ...؟
_هو اجتي ونطيتها الها ليش ماعرفت سبب روحه نورس والتطفخ الي اكلته غير كالت ل ايمان عني واجت هنا تريد تتاكد ف نطيتها صندوك ذكرياتها وبس...
صكر سحبني من ايدي ...لزمني قوي لدرجه كان اظافرة تريد تنبت بلحمي ...
_وأنتي منو كالج تتصرفين هيج؟؟ليش لج لوبيدي اجويج ومايوجعج انتي شنووووو؟
_انت متزوج بعد شكو هالشغلات ....
_المن بله متزوج؟
_متزوجني ليش ماعقدنا يم شيخ ؟مو اكو من شهد وعالم واهلي ؟هذا مو زواج ...عوفك من سالفه الفصلية انت حبيتني ...وتحبني او راح تحبني
صكر"
_ههههههههههه
_اي والله شبيك تضحك مجاي احجي نكته ...
_تدرين بروحج انتي خبله لولا ...امشي كومي كمليى شغلج يلا...
*كمت بكل تملل ..صكر سحبني من ايدي لحضنة ...حاولت ابعد نفسي ....كال"
_اي موقبل شويه اني زوجتك واني مو فصليه وانتي موتردين ياسر يطلع من السجن انطيني حقوقي الشرعيه..
_لا ماانطيك انسى ...
_وانتي انسي ياسر يطلع برة السجن ...
_يعني هاي رجوله بله تساومني بين اغلى ما املك وبين اخويه الي مالنا غيرة خطيه مشمور بسجن لاصوج ولاذنب .....
صكر روح عني ماتسمى هيج رجال ...
_اشوفج شلون رجال اني،،،؟تعالي ..
_وخر عوفني موسباعيه منك ...عوف ايدي صدك اءغ لمست شعره مني هاي غير الرشاشه افرغها بيه...عوفني
_تبيعين ثكل وانتي ابوج تخلى عنج وباعج برخص التراب ...
_شنو الي باعه ابويه ماسوة شي انت كلشي سويت انت الي حرمتني من مدرستي بحجه العادات والتقاليد ولو تسئل الشرع حرام ماتجي تعلمني بالدين ماتجي تفرض قوانين...زين اني هنا شنو بقائي محسوبه مره الك ،؟
_انتي شو هواي تحجين ....؟انطيتج مجال مو ؟
نزع حزامه ودك على ظهري ....ايدي ورجلي ...كعدت بالكاع ابجي ...هو طلع اشو بالليل اجت نورس يمكن ماتحملت تبقى اكثر بعيدة كلت هم راح تبدي المشاكل...
رجعت نورس للبيت هنا وعمي صاحني يريد السبحه مالته وضايقه....دورتها اله ...رجعت لغرفتي لكيت نورس طالعه منها...
_شعندج هنا؟
_ماعندي شي...
_لعد شكو داخله هنا وهذا شنو ب ايدج ....؟
_قميص مال مازن جان ناطي لصكر و ناسي يرجعه وهسه اخذته ....
_بس انتي لازم تستأذنين وبعدين همه زلم بينهم انتي شنو نابصه روحج ...
_باوعي يا كحلاء روحي واصله لخشمي ف احسن الج تسترين على روحج وتسكتين....
_اي حضرتج جايه حاميه من بيت اهلج عود ام بيت وتهتمين بزوجج...
هنا نورس تخصرت "
_اي اقلها عندي اهل قابل مثلج لمج من الشارع
_الاناء ينضح مافيه عندي اب يسوى الدنيا واخ واخت ...
_اول وتالي نزلتي صعدتي انتي بنت بغداد...
_اي بله شبينا بنات بغداد؟
_اي بنات بغداد مستودع للدعارة عباره عن ملاهي وعربدة....
_اه ركزي شراح احجي "لاتجمعين الكل كولي البعض ...بعض المناطق بعض الاحياء .....لو تجين عليه وتريديني احجي راح اكلج اكثر محافظه معروفه بعد النساء وظلمهم هي العمارة صح لولا واحنه اي واحد يجي نبتعد غددددي عنهم بسسس الي يصح لازم نكول بعض العوائل متخلفه بعض العوائل صح تصلي تصوم وتنطي ثوابات بس بالعين بالظلم ....وانتي جاي تقيمين وتحجين على بنات بغداد شبينا ؟احنه العاصمه قلب العراق ومثقفه وهنا هم مثقفين اكو ومربين اجيال وحتى هنا هوى كله بساتين وزرع بس انتي وحدة جاهله وعقلج عبارة عن جزمه ام الاصبع ...
التخلف الي انتي بي لو دخلتي الف مدرسه والف كليه تبقين هيج لان انسانه محدودة الفكر يانورس واي واحد يسمع حجيج راح ينتقدمج.....
_امشي لج والله يا الله هدرة كحلاء تنطي حكم.....لج انتي بس يمل منج صكر يشمرج واله اخلي موبحالج اله اخلي يشوف ال احلى منج وبنت ولايته العمارة...
عفتها ومشيت....هاي عقلها مطبك ...
بعد يومين بالضبط صكر جاي يدور على قميصه ضايع اني مامنتبهه على ملابسه وماشفته من اجيت للان كل طلعاته وكعداته لو اجتماع عشاير لو عرس لو فاتحه لو فصل ....
غلست وهو يوم يومين دور عليه ومالكاه ...
مرت ايام قليلة ...وصكر تغير١٨٠درجة صوته خفت ...وبس يصيح من بطنه توجعه و٢٤ساعه نحيل ماينام بالليل بس بالنهار ...تدمرت نفسيته على الاخر يروح دكاترة فحوصات وخبصه وتحاليل وكلشي مابي والألم مستمر ....يشكي من صداع براسه قوي وكوابيس تلاحقة....استمر على هالحال اشهر طويله ....
واني بين هم وحزن احس الحياطين جاي تنطبك عليه لوبيدي اصرخ وحتلو اصرخ منو يسمعني ؟منو الي اشهر ابويه ماعرف خبر عنه؟ومن جهه السنه كملت هاي وقت امتحانات اخر السنه دفعتي هالسنه بكالوريا ...
وبين صكر الي كل مايشوفني يصيح ويضربني و٢٤ساعه اشتغل مثل الساعة ...
اخر شي عمي كال لصكر"
_وليدي روح زور الامير علي بن أبي طالب ع ...الزك روحك وجسمك على الضريح وترتاح ...كلشي ينحل لعلك تلكه علاج لوجعك لكلشي انت جاي تحسه واحنه مانحس بي...
تره مايحمل الالم الا صاحبه...روح وليدي روح يحرسك الامير ....
صكر"طلعت للنجف وتوجهت للزيارة وسويت مثل ماكال ابوي الي ...طلعت من الصريح الشريف لزمني رجال بعمر والدي باوع بعيوني ...نزل راسه متأسف ..
وكال
_وليدي حلك كدامك ينفك السحر بس تواجهها منكم وبيكم تاكل من زادكم وتحفر بكاعكم وانت المقصود ...
رجعت طول الدرب افكر ...بكحلاء بس شنو غايتها ؟وهي المن وويامن تلتقي حتى يساعدها؟لالا مو هيه .. راسي راح يطك ...هالزلمه حجيه غريب ومنطقي بنفس الوقت بس المن اوجه ؟ايمان ؟ايمان الها اشهر ماعرف شي عنها نورس....نورس هالفترة هادية .....لالا شنومصلحتها؟.....
صلت للبيت ..كحلاء تلكتني ...كتلها"
_خوب انتي اول وحده تتمنين ما ارجع ...
كحلاء/باوعت عليه بنظرات وسكتت___
