رواية صدفة عشاق الفصل السادس والعشرون
ايهم ابتسم بهدوء بعد ما ريماس طلعت . و هي بتحاول تبعد عينيها عنه بكسوف .
ايهم ضحك عليها بهدوء ./ايه يا حبيبتي . في حاجه و لا ايه .
ريماس هزت راسها بتوتر ./لا مفيش عادي .
ايهم سحبها من ايديها . و قعدها جمبه بهدوء ./اومال مالك . متوتره و خايفه . في حاجه ضيقتك في الفرح .
ريماس هزت راسها بهدوء . ايهم اتنهد بهدوء . و فهم انها متوتره . و ابتسم بمرح ./شوفتي الفيلم اللي اخترته . انا كنت مختاره بقالي يومين عشان نتفرج عليه سواء .
ريماس ابتسمت بهدوء . و توترها ابتدي يقل . /دلوقتي .
ايهم هز رأسه بهدوء ./اه دلوقتي . روحي هاتيلنا حاجه نشربها علي بال ما اشغله .
ريماس ابتسمت بفرحه . و هي مبسوطه أن ايهم كان متفهم معاها . و رجعت تاني بسرعه . ايهم ابتسم عليها بهدوء . و سحبها لحضنه بحب ./الفيلم هيبدأ .
ريماس ابتسمت بهدوء . و هي بدخل ايديها في أيده . و ركنت دماغها علي صدره بـ راحه ./شكرا يا ايهم .
ايهم باس راسها بحب . و فضلوا يتفرجوا علي الفيلم سواء . و دقايق و ايهم بص علي ريماس . لقاها راحت في النوم . ضحك بهدوء و هو بيشيلها . و نيمها علي السرير . و سحبها لحضنه بهدوء و نام هو كمان .
_________________________________________
حازم اتنهد بضيق . بعد ما عاصم طلب يقعد معاه .
عاصم فضل يبص عليه بهدوء . لحد ما اتكلم ./طلقها .
حازم اتكلم بسخرية ./أطلقها . أطلق ليلي يا جدي . و انت عارف انا بحبها قد ايه .
عاصم ابتسم بسخرية ./بتحبها و خونتها . و مع مين مع ندي . اللي خسرتك كل حاجه . اللي خلتك في يوم من الايام بعيد عن اهلك . اللي خلتك عايش و مستقر في حياتك . و هي بتجرك لـ حياتها . نسيت لما جيت عينك مكسوره . لما شوفتها مع واحد . نفس الوضع اللي ليلي شفتك فيه بالضبط . فاكر احساسك كان ايه .
عاصم صرخ في وشه بغضب ./ انت مقبلتش علي نفسك الخيانه يا حازم .
حازم اتنهد بضيق ./غلطت يا جده غلطت . و بدفع تمن غلطتي دلوقتي . و مستعد ادفعها عمري كله . بس مخسرش ليلي .
عاصم اتنهد بهدوء ./حازم انت خسرت ليلي خلاص . انت اللي حطيت نفسك في كده . و انت اللي عملت كده يا حازم . انت اللي نسيت شكلك و انت طاير من الفرحه يوم خطوبتك انت و ليلي . انت اللي نسيت حبك ليها . ده لو كان حب من أصله .
حازم مسح على وشه بغضب ./ليه يا جده ليه . ليه عايزني ابعد عن البنت الوحيده اللي حبيتها . ليه متسعدنيش اني ارجعلها . ليه عايزني ابعد عنها بالساهل كده .
عاصم اتنهد بضيق ./عشان يبقي اسوء عقاب ليك يا حازم .
عاصم اتنهد بهدوء ./حازم انا شوفت في عيون ليلي قهره . وراها حاجات كتير اوي . انت اذيتها و هي رفضت تسامحك . هي معاها حق . و محدش يقدر يلومها في اي قرار . طلقها يا حازم بهدوء . هي كررت اللي هي عايزاه خلاص . سيبها في حالها . و ابعد عنها بهدوء . عشان انا لو أدخلت . انا هقف معاها مش معاك .
حازم بصله بهدوء . و اتنهد بضيق و قام ..
__________________________________________
تاني يوم .
نعمه فتحت الباب . و اتنهدت بضيق لما شافت جيهان . جيهان ابتسمت بتوتر ./ازيك يا مدام نعمه .
نعمه اتنهدت بهدوء. /الحمدلله.
ليلي قربت منهم . و اتنهدت بهدوء ./تعالي يا طنط جيهان .
جيهان دخلت و ابتسمت بهدوء لـ ليلي . و حضنتها بحب . ليلي حضنتها و ابتسمت بهدوء ./تعالي نقعد .
نعمه اتنهدت بهدوء ./هروح اجيبلك حاجه تشربيها .
جيهان هزت راسها بهدوء . و ابتسمت لـ ليلي ./عامله ايه دلوقتي .
ليلي ابتسمت بهدوء و هزت راسها. /كويسه .
جيهان اتنهدت بتوتر ./ليه مقولتليش من بدري يا ليلي . كنتي عرفتيني . و كنت احاول احل بينكم بهدوء .
ليلي ابتسمت بسخريه ./دي ملهاش حل . غير طلاق و هو رفض . و هي جت عايرتني . مكنتش هينفع غير كده .
جيهان هزت راسها بهدوء ./عندك حق . كان لازم عاصم يعرف اللي حصل . و فعلا حازم كان متغير في الفترة الأخيره . و انا كنت حاسه ان في حاجه .
ليلي هزت راسها بهدوء ./كفايه لحد كده يا طنط . و خليه يبعتلي ورقة طلاقي من غير اي مشاكل تاني .
جيهان ابتسمت بهدوء ./بس حازم بيحبك يا ليلي . هو ابني و غلط . بس انا شوفت في عينه قهره مشوفتهاش قبل كده . حازم فعلا بيحبك و مكدبش عليكي في مشاعره . ممكن تعتبري اللي حصل كان لحظه ضعف . و تزعلي منه شويه . بس انتو في النهايه بتحبوا بعض .
ليلي اتنهدت بدموع ./ عارفه يعني ايه اشوفه مع واحده تانيه . في سرير واحد يا طنط . عارفه يعني ايه يبقي طول الوقت بيقولي قد ايه بيحبني . و يعيشني احلي حياه مع حبه ليا . و في الاخر اعرف انه علي علاقه بـ واحده تانيه . و كانت خطيبته يعني متشلتش من دماغه يا طنط . لو انا اعتبرت أنها كانت لحظه ضعف . يبقي انا هعيش عمري كله معاه . خايفه من لحظه ضعف تانيه . انا مش هبقي مرتاحه . و لا هو عشان كده خليه يطلقني يا طنط .
جيهان اتنهدت بضيق عشانها . و طبطبت علي ايديها بـ حنان ./هعملك اللي يريحك حاضر . انا حبيتك زي بنتي يا ليلي والله . و اكيد علاقتنا مش هتتأثر باللي حصل .
ليلي ابتسمت بدموع و هي بتمسك ايديها. /اكيد طبعا.
جيهان ابتسمت بهدوء و استأذنت و مشت . ليلي دخلت اوضتها و هي مقرره أن صفحة حازم مش هتتفتح نهائي .
__________________________________________
حازم دخل وره جيهان بعد ما شافها دخلت اوضتها . حازم اتنهد بهدوء. /روحتيلها .
جيهان اتنهدت بضيق ./ايوه .
حازم اتكلم بتوتر ./و قالتلك ايه .
جيهان وقفت قصاده بغضب ./كل كلمه قالتها صح . منتظر منها ايه بعد ما شافت الفيديو . منتظر تسامحك و ترجعلك تاني . ليلي مش هتعمل كده . ليلي كل حاجه قالتها و عملتها معاها حق فيها . و انت لازم تفهم انك لازم تتطلقها .
حازم مسح على وشه بضيق ./اومال روحتي ليه يا ماما . ادتيني امل ليه .
جيهان اتنهدت بضيق ./عشان انا روحت عشانها مش عشانك . روحت اشوف البنت اللي ابني كسر مشاعرها و قلبها . من غير اي رحمه . البنت مقهوره يا حازم . و عمرها ما هتقدر تسامحك . ربنا يكفيك شر البنت اللي بتتوجع من اول حب في حياتها .
حازم بص عليها بهدوء . و سبها و مشي . جيهان بصت عليه بـ ضيق من تصرفاته . و سحبت هدومها و دخلت الحمام .
__________________________________________
فات اسبوع من غير اي احداث جديده .
ليلي كانت عند ريماس . بعد ما كان ايهم حكالها كل حاجه .
ريماس ابتسمت بهدوء . و هي بتبص علي ليلي . اللي واقفه معاها . في المطبخ بهدوء . ريماس اتنهدت بضيق مصتنع ./يعني كان لازم اتحايل عليكي عشان تيجي .
ليلي ضحكت بهدوء . و هي بتسحب الخياره من ايديها ./ما أنا قولت عروسه جديده . اسيبك تتحايلي عليا شويه .
ريماس ضحكت بهدوء ./عقبال ما تبقي عروسه جديده . بس انا مش هخليكي تتحايلي عليا . هجيلك علي طول .
ليلي ضحكت . و اتنهدت بهدوء لما افتكرت موضوع حازم .
ايهم ابتسم بهدوء و هو بيدخل عندهم ./في غداء و لا هنطلب دليفري يا حبيبتي .
ريماس ابتسمت بهدوء ./لا يا حبيبي . ده احلي غداء انهارده .
ايهم ابتسم بشك ./ جربتي من ايديها يا ليلي قبل كده .
ليلي هزت راسها برفض . و هي بتضحك ./بس متخفش امان امان .
كلهم بصوا لبعض و ضحكوا . ايهم ابتسم بهدوء ./ طب سيبي اللي في ايدك يا ريماس . و تعالي يا ليلي عشان نتكلم شويه .
ليلي بصت لـ ريماس باستغراب و طلعوا .
ايهم و ريماس قعدوا . و ليلي قعدت قصادهم و ابتسمت بتوتر ./ايه يا جماعه القعده دي . انتو هتحققوا معايا و لا ايه .
ريماس ابتسمت بهدوء ./ليلي انا عرفت موضوع حازم .
ليلي اتنهدت بضيق ./ علي فكره انا بجد تعبت . انا مبقتش اروح لحد غير و يجبلي سيرته . انا مش عايزه اعرف تاني . لو بجد عايزين تساعده يبقي خليه يطلقني .
ايهم اتنهد بهدوء ./ انا هحكيلك كل حاجه حصلت . و انتي اتصرفي بعدها براحتك . بس جايز اللي هحكيه . يبررله شويه لما تعرفي أنهم فعلا كانو مجرد صحاب . و اللي حصل مكنتش خيانه .
ليلي اتنهدت بضيق و هزت راسها بهدوء . ايهم حكالها كل حاجه عن علاقة ندي و حازم . و حكالها كل المشاكل اللي حصلت في الفترة الاخيره .
ليلي اتنهدت بدموع . بعد ما ايهم خلص ./يعني انت كنت عارف .
ايهم بص لـ ريماس بهدوء . و هز رأسه ./والله كانت مجرد صداقه . و انا سكت عشان كده . و عشان عارف ان حازم بيحبك يا ليلي .
ليلي هزت راسها بسخريه ./بيحبني . يعني كان بيخرج معاها . و تقولي بيحبني . يعني الصداقه دي موجوده بقالها زمن . و انت فاكر اني هصدق ان اللي حصل كان غلطه . ما يمكن كان بيحصل كتير . و كنت أنا المغفله .
ريماس هزت راسها برفض ./والله يا ليلي هو بيحبك . انتي مشوفتيش هو عامل ازاي من غيرك . صدقيني اسمعيه تاني .
ايهم اتنهد بهدوء ./ فكري فيها يا ليلي . لو هو كان فعلا علي علاقه بيها . كان هيفكر فيكي من الاول ليه .
ليلي ابتسمت بدموع ./ انت مش بتقول أن كان بينها و بينكم مشاكل . ما يمكن حب يخبيها . او يمكن خاف جده يغضب عليه تاني .
ايهم اتنهد بضيق و هو عارف ان الكلام خلص . بس كان عنده امل . ريماس اتنهدت بهدوء ./انا هقوم افتح الباب .
كلهم بصوا بصدمه . لما شافوا حازم و سليم داخلين . سليم قرب من ليلي بفرحه و هو بيحضنها ./ليلي وحشتيني .
ليلي ابتسمت بهدوء و هي بتحضنه ./و انت كمان يا حبيبي .
سليم خرج من حضنها ببراءة ./انتي مبقتيش تيجي ليه .
ليلي ابتسمت بهدوء ./مش انت معاك رقمي . كلمني و تعالي عندي في اي وقت . عشان انا بس مش هينفع اجي تاني .
سليم ابتسم بضيق ./يعني مش هشوفك تاني .
ليلي هزت راسها بهدوء ./تجيلي في اي وقت تحبه .
ايهم اتنهد بضيق و همس لـ حازم ./انت كنت عارف انها هنا .
حازم اتنهد بضيق ./لا .
ليلي ابتسمت لـ ريماس بهدوء ./انا همشي . و هبقي اجيلك مره تاني .
ريماس ابتسمت بتوتر ./طب خليكي احنا لسه مكملناش كلامنا. و ماما زمانها جايه عشانك .
ليلي ابتسمت بهدوء./هجيلك تاني والله .
و سلمت عليها بهدوء . و ميلت باست سليم بحب ./متنساش تكلمني .
سليم هز رأسه ببراءة . ليلي بصت علي حازم و ايهم بهدوء . و جت تمشي . بس حازم مسك ايديها و وقفها بهدوء . ايهم و ريماس بصوا لبعض بتوتر . ليلي اتنهدت بضيق و هي بتسحب ايديها . حازم اتنهد بحزن . و اتكلم و هو باصص في عينينها ./انتي طالق يا ليلي .
كلهم بصوا لبعض بصدمه . ليلي دموعها نزلت بوجع . و ابتسمت وسط دموعها ./ ابعتلي ورقتي .
حازم اتنهد بهدوء ./ورقتك و حقوقك كلها هتوصلك .
ليلي مسحت دموعها بايديها ./انا مكنتش مراتك عشان يبقي ليا حقوق . ورقتي و بس يا حازم .
و سبتهم و مشت و هي بتحاول تمنع دموعها . ريماس ابتسمت لـ سليم ببراءة ./يلا يا سولي نلعب مع بعض . و لا نجيب فيلم كرتون سواء .
سليم هز رأسه بهدوء./ كرتون .
ريماس مدتله ايديها ببراءة ./طب يلا هات ايدك.
سليم حط أيده في ايديها . و مشيوا .
ايهم اتنهد بضيق ./كويس انك عملت كده . احسن ليكم .
حازم اتنهد بهدوء و متكلمش .
__________________________________________
بعد دقايق . ريماس خرجت و هي بتفتح الباب . و ابتسمت بهدوء و هي بتحضن فيروز . /وحشتيني يا ماما .
فيروز ابتسمت بهدوء ./ و انتي كمان يا حبيبتي .
فيروز دخلت و سلمت علي ايهم و حازم بهدوء .ريماس ابتسمت باستغراب./اومال زين مجاش معاكي ليه .
فيروز ابتسمت بهدوء ./لا جابني . بس ليلي كانت نازله من عندكم . فـ هو راح يوصلها .
ريماس هزت راسها بهدوء ./طب انا هروح اكمل باقي الغداء علي بال ما ييجي.
فيروز ابتسمت بهدوء و هي بتقوم ./انا هاجي معاكي .
و دخلت معاها .
حازم غمض عينه بضيق . و هي بيحاول يتقبل كل حاجه حصلت . ايهم ابتسم بهدوء ./انا راجع الشغل من بكره .
حازم اتعدل و ابتسم بهدوء ./تنور يا حبيبي .
ووو....
