رواية مزيونة الشيخ الفصل السابع والعشرون بقلم شهناز العلالي
_روحي ل ابوج ...وجودج غلط هنا
_وجودي غلط ...غلط شنو صكر شبيك ...صكر شنو هالحجي واذا وجودي غلط معناها من البدايه جان غلط ..صكر جاوبني لاتسكت...
_حضري نفسج باجر طالعين لبغداد..ماشتاقيتي ل ابوج ...ها كحيلة ؟طول هالشهر بالج يمه هسه المفروض فرحانه كومي جهزي ملابسج وشغلاتج ...
كحلاء/بلعت ريكي واني مقهورة كلش...هو راح يم مازن واني ضليت ادخل الملابس بالجنط وارجع اطلعهم..هيج شي ماينوصف كأن حجارة كبيرة وطابكه على صدري ...مختنكه ...هيج احس الدموع بحنجرتي محصورة ..يربي...
الأشياء الي جنت احارب علمودها صارت مانعني الي شيء ...صكر تصرفاته طبيعيه ...يربي لو مربيه بزونه جان هم متت قهر عليها شحال مو اني أشهر طويله يمهم ....
اول يوم من اجيت ليهسه هدوء اول مرة صكر مايحاجيني ...اول مره انام براحتي ..اول مره احس نفسي غريبه كلشي بهذا البيت مو الي....مدري ليش كمت احس نفسي بكابوس جنت وراح اطلع منه بس كابوس حلو شنو هالتشتت شنو هاي الحيرة ...
ثاني يوم ...شلت الجنطه ب ايدي مال ملابس وطلعت ...صكر جان كاعد يحاجي ابوه بالصاله ... من شافني وكف على حيله كال"
_يلا خل نتوكل
رحت سلمت على امه .....باستني"
_يمه كحلاء اعذرينه يبنيتي والله انتي ماتستاهلين الي صار وياج وحبيناج صدكي يله ارجعي ل اهلج وكملي حياتج ي بنيتي ولاتنسينا...
وراها طلعت اني وصكر ...صعدت بالسيارة ومشت بينا صكر مامهتم ومثل طبيعته لازم التليفون ويخابر من مكالمه لمكالمه.... كلبي يحترك ...اختنكت واصلنا هناك هو نزل دك الباب...ابوي فتح الباب والله والله ضل دقيقة صافن ...
صكر"
_السلام عليكم
رد ابويه"
_وعليكم السلام ياهلا ....
_حجي هاي بنيتك ...صاغ سليمه
طحلاء/هنا وانفجرت بعد ماتحملت حضنت ابويه وبسته وبست ايدة وكمت اشهنك بجي ....
ابويه"
_يبنيتي الي اشهر ماشايفج تمرمرت كافي بجي
_بابا شلون ماابجي واني بعيدة عنكم وبالي يمكم تعذبت بابا .
_ميخالف ...ادخلي هسه ....وانت وليدي ادخل اتفضل خل نضيفك ..
_لامستعجل...باجر اجي خليها ترتاح اليوم حتى نروح للشيخ ونفض العقد ...مع السلامه...
_الله وياك ....
كحلاء/ دخلت للبيت وابويه ورايه دخل رجعت حضنته ابجي
_ميخالف ابويه ميخالف ااي صار وياج بالريش ...المهم رجعتي لبيتج ولحياتج....
_راحت مني سنه دراسيه ....شبعت طن كتل حتى جلدي تبدل ...كلبي نكسر ....شفت الهوايل والله ....انام وخاصرتي تنمرد ساعه جنتهم نورس ساعه صكر ...ساعه تهديدات امه ...الحركه محسوبه النفس.. محسوب هنا ورجع ياسر فتح الباب اتفاجئ بوجودي عينه دمعت ....اجه باس راسي ...
_كل الي صار غلطي اني دمرتج انتي ضحيتي يختي علمودي اني الي ضيع مستقبلج اني اذيتج....
هنا بابا قاطعه "
_لاالمستقبل كدامها وراح تكمل دراستها وترجع بنيتي لحياتنا باجر تطلق...
_اشتاقيت لكوثر ...
_اخابرها تجي ...؟
_لابابا لا
_مادريتي اختج ثار عندها بنيه سمتها (سارة)
_يا صدك يعني صرت خاله ؟
_اي قبل شهر ولدت
_متتصورين شكد تأذت علمودج ...
_بابا بيك شي احسك ممرود صحتك مو تمام تعبان شبيك جاي تروح دكتور لو تركت علاجك.
_اني بخير اني هسه صرت زين ..
_اني منو الي بابا ديربالك على نفسك الله يخليك مالي احد أسند نفسي عليه ...
_اني مو كتلج ابد لاتمرين بمرحله ضعف انتي قوية....
_ماعرف اي صح قوية لو موقوتة ما أتجاوز كل الي مريت بي بسهوله ...خل اصعد لغرفتي ...
_رحي بنيتي ارتاحي ...
*صعدت لغرفتي سديت الباب...وكفت بمكاني اتفحص كلشي بنظرات متعبه...كلشي على طبيعته من عفته كلشي بافي على حطه وحدة الا اني ..اني الي تغيرت...كعدت مختنكه شمرت الجنطه مالي خلك ارتبها نمت كعدت...لكيت صكر كبالي فتحت عيوني هذا بابا...كعدت ابويه يضحك ...
_خير بابا ....
_جاي اصلي الصبح .....واسمعج تحجين بنومج خوب مابيج شيء؟
_ليش اني نمت من بارحه لليوم؟ معقوله....
_غير من هالكد تعبانه....
_اكوم اسوي ريوك ...
_وين وين ههههه لج ساعه٤ونص الفجر نام حبيبتي
باوعت الساعة ...اي صح ساعه ٤ونص لازم انام ..بابا راح ضليت اتقلب للصبح دك الجرس فزيت كمت بسرعه من كل الخمول الي جاي احس بي ...هذا صكر ...
كمت غسلت وبدلت وتعطرت لبسي البغدادي ...ونزلت من الدراج لكيته كاعد ويه بابا ...ضليت واكفه بنص الدراج عو باوع عليه باوعت عليه لمده ثواني وزحت نظري عنه ...نزلت ...
_صباح الخير
رد صكر"
_صباح النور....
جان وقت ب٧ونص الصبح...كعدت ...ابويه كال"
_كومي سوي ريوك ...هل يتريك ويانه الرجال
كتلة"
_بابا صكر متريك ومايحب يتريك هيج وقت ...
رد صكر"
_لامامتريك اليوم اريد تسويلي بيض أبو عيون واحميلي صمون حجري اذا عندج ...
_بس انت تاكل خبز حار وشرط مخبوز بوقته ...
كمت ورحت اسوي الريوك هذا اخر ريوك سوة ليله صعبة فاتت اني م خيالية بس اؤمن بالمعجزات ..يعني ممكن تصير معجزه وبنص الطريق يكول ماطلكج وهيج وارجع للعمارة وياة ....
كعدنا على سفرة وحدة وياسر كعد ويانه على السفرة بس احسه كوة يبلع اللكمه ...
وراها طلعنا للشيخ وتم الانفصال..مابينا لامقدم لامؤخر
صكر"خلوني اني اوصلكم للبيت حتى مناك اطلع للعمارة...كعدت ليورة هو ضل يحاجي ابويه يسولفون طول الطريق واني منزله عيوني وابجي ...رفعت عيني لمحته يباوعلي درت وجهي......وصلنا هناك ابويه نزل قبلي صكر التفت الي"
_كحيلة....
رفعت عيوني مغوركه بالدمع ...
بصوت يرجف كتله "
_نعم
_ديربالج على نفسج..وشتحتاجين اني موجود رقمي يم والدج....ديربالج على نفسج وعلى ابوج .
_راح تعوفني ...
صكر دار وجهه على الستيرن ....كال"
_يلا انزلي عيب من ابوج .....
_راح تشتاقلي ؟
_روحي كحيلة ....
كحلاء"نزلت و صكر حرك السيارةبسرعة ....عافني وراح
طبت للحديقة نهاريت بالبجي ماكدرت احبس دموعي
ابويه كبل ركض الي"
_كحلاء شبيج اسم الله عليج...
_عافني بابا....اريدة بابا ....اني والله جنت اريد اكمل حياتي وياه ورغم كل العذاب مثل العسل على كلبي.....
_ليش ماحجيتي ...؟
_شحجي بابا انت شفت شلون دمه بارد شفت شلون هيج صار .....بابا إذا هو مو من نصيبي شكو يصير بحياتي ويكون جزء منها شلووووون اكدر أتجاوزه هيج.....
_كومي ادخلي للبيت......كومي غسلي وهسه اخابر بارق اخلي يجيب كوثر وسارة .....كومي بنيتي كومي غسلي اهدئي وخليها ببالج الي من نصيبج يصيبج....
_بابا اختنكت ماكو هوه ...دخلت للبيت وكبل جوه الدوش...ابجي بجي ....اجت كوثر مامصدكه شافتني بعد كل هذا الفراق ....حضنتها وبجيت ضلت تهون عليه.........
صكر/ذبيتها وطلعت عود اريد ارجع للعمارة ماكدرت اسوق كلش تأذيت ومختنك ...لفت السيارة ورجعت لبيت خالي ....
