رواية مزيونة الشيخ الفصل الثامن والعشرون بقلم شهناز العلالي
صكر/ذبيتها وطلعت عود اريد ارجع للعمارة ماكدرت اسوق كلش تأذيت ومختنك ...لفت السيارة ورجعت لبيت خالي...دخلت يمهم سلمت..كبل دخلت للغرفه نمت ..طلعت مكسر ....كحلاء .....
ثاني يوم طلعت للعمارة دخلت للبيت اكو نقص كبير دخلت لغرفتي مابيها اي حياة ماكو وحدة تنطي روح حلوة ل هاي الحيطان الباردة ...ماكو دفو...
حياتي رجعت مابيها اي ضحكه ...جنت اكتلها مو من كل كلبي جنت انمرد ...احاول ارجع رجولتي الي داست عليها ايمان....احاول اصحح خطأي بيها ...تندمت على كل لحضه مااهتميت بيها ...مافكرت نظراتها وغيرتها وهي تدافع وتنتقد ايمان...هي وترادد ولسانها اطول من قطار البصرة...ليش صوتها وحجيها وحتى بجيها وتراددها اسمعه ويتردد ب اذني ....
لو نظرتها ونبوره صوتها البارحة وهي تكولي انت مو رجال ..مرات الشتيمة حبوه من الناس الي نحبهم ...نحبهم ...اي لالا شنو اني احبها ؟
___________
كحلاء/الفراق؟ يمرد الكلب اكيد راح تكولون شلون تحبين واحد يكومج ويكعدج بكتله ؟اني فتحت عيني عليه وهو جان بمثابة زوجي والرجال العراقي ايده والتكفخ الا ماندر...وبس الي عرفت تلزمه وتكله ستوب من اول يوم تلزم عند حدة ...وصكر مو هيج.....
ورة فترة من الانفصال قرب موعد المدرسة ...رحت اشتريت ملابس وقرطاسيه اني رجعت الخامس ماعبرته بسبب الموضوع الي صار صديقاتي تقدمو عليه سنه
بلش الدوام ش صعبه من اشوفهم ملتهين بالسادس والدروس واني رجعت ليورة ....حزن حسرة بس لازم اكمل ....
صكر/التهيت بالفصل والقيل والقال وجنت اطلع من الصبح لليل ...والليل اضل العب دومنه وي الزلم كدام البيت حاولت الزم نفسي ٦اشهر.....٦اشهر ماردت انزل ومانزلت لبغداد
كحلاء/انتهى النصف الأول من امتحانات الخامس اعدادي وهاي عطلتي مثل هيج وكت العام صار موضوع صكر.....
ببن ما اني مشغوله بهاي التفاصيل والأفكار الي تتراكم براسي اجه ياسر فرحان ووضعه مختلف عن كل يوم ...
كعد بالصاله اني جنت داسوي جلي وكاستر واباوع من بعيد ...
ياسر"
_الله يساعدك بوية ...
_هلا وليدي
_بويه جايك بموضوع
_كول
_نويت ازوج ولكيت المرة
_اي يا الله منو هيه شنو أصلها فصلها من ياعشيرة ...
منين لكيتها
_بوية رايدها من زمان خوش بنيه وكل الي اريده كحلاء وكوثر يروحون يشوفوها ويتفاهمون ويه اهل البنيه..
_خير ان شاءالله
كحلاء"
_اي بيها الخير تستاهل اني عن نفسي جاهزة....بس تجي كوثر نروح
_خير ان شاء الله..
ياسر كام من يم ابويه رحت وراه كتله"
_غير هي نفسها نور مو؟
_اي احبها واله كونت كم فلس يله كلت اتقدملها وكلش فرحان وهي هم الها٣سنوات تنتظر هذا اليوم ادعيلي الله يسهلي ماكو احلى من الحب واني حالف مااعوفها ...
_الله يوفقك ياخويه فرحتني والله الحمدلله والشكر هي البنيه شتريد غير الستر والزلمه الصدك وانت الف وحدة تتمناك ...
فعلا وره يومين اجتي كوثر وتوكلنا لبيت نور ...بيتهم كبير ومبينين محترمين كلش...البنت حيل حلوة واحنه ناس على كدنا....
كعدنا اني وكوثر وبحضنها سارة ....كعدت ام البنيه رجل على رجل مسلطنه....
_اخوكم شيشتغل ؟
_عنده محل...عمله حر وخريج وعنده سياره...
_بيتكم شكبرة اني بنتي متعيش بيت عيال اله بيت وحد
_خاله شلون بيت وحد؟ هو بيتنا فارغ بس اني وابوي بي ....
_مهر بنتي ٢٥ب٥٠مليون ....
_خاله الولد والبنت رايدين بعض ..واخويه شاريها وانتي تعرفين بهالشي
_حتلو اني بنيتي مدلله مانطيها وهي هم ماتكسر كلمه النا ..
_خاله هي كالت ل اخوي تعال وكلت ل اهلي وجابتني اني وكوثر ....خاله تره المقدم والمؤخر ماينفع ولايرفع راس وعلى تفكيرج وتفكير غيرج محد يحب ولايتزوج هاي الان اخوي شاريها ورايدها حلاله هيج تحجين لو واحد غيره يلعب على بنتج ويطب ويطلع وياها تحت مسمى الحب انتو تلحكون وراه.......
_شكد صلفه انتي
_اني مو صلفه اني عقلي كببر وجاي احجي بحكم العقل تره اخوي الف من يتمنى اظفر من اظافر رجله
_لج نور هاي من وين جايبتهم النا ...
نور"
_خلص اني ماريد اخوكم ..
كحلاء"ادرس شنووووووو هو لعب دخل نشوف منو ياخذج ....
عفناهم وطلعنا تلكفنا ياسر فرحان ...
_خير بشروا يخواتي؟
_الله حبك ونزاحت بترس حلكها هالنور تكول ماريدة ....
_هههه شنو؟
_كتلك الله يحبك ....
ياسر"
_روحو للبيت وإني شويه وارجع
_ديربالك على نفسك ...
عفت خواتي ورحت خابرت نور ......
_الو
_الو
_حبيبتي شبيج خواتي ضوجوج بشي شكو شصاير؟
_اسمع ياسر اني ماكدر ابقى وياك اني اهلي ماينطوني واني ماذب نفسي هيج
_كلامج البارحه وين وانت متحبني وتأخرت عليه نور شبيج..
_اي ٣سنوات تحبني لازم اجيبك على الاقل كدام اهلي...
راح لطريقك باي...
ياسر" اختصرها بكلمة 'الرجال لديهم مشاعر ايضا ..
الحب بعض الأحيان يجلب الخيبه والحرمان ....ابسط شي حتى من حقك بالنوم يحرمك.....
رجعت للبيت متكأب نفسيتي صفر ....لكيت كوثر راجعه لبيت زوجها وابوي كاعد ....
صاحني كعدت يمه "
_شببك ضايج؟تره موقسمتك والي مالك خبزة بي لاتحارب علمودة لك وليدي هي لو شاريتك جان توكف بوجه كلمن يكول...وتعاند لان هي مشتريه رجال ...ورايدته وتحبه بس هاي وحده أعوذ بالله مانريد نكسر بخت واحنه عندنا كحلاء....كوم ماريد اشوفك هيج .....خلي ببالك لو صاير النصيب هم مستمرون لان هاي تسمع كلام أمها..هو حلو البنت تسمع كلام امها بس اءا جان الولد موزين بس انت يا ابني ماشاءالله معدل ...كوم وغسل وارتاح ...
_ان شاءالله ابويه
الكلمه الطيبه صدقه ...ابويه بهذيج الفترة وكفلي هواي..وكحلاء هم ماقصرت....
كحلاء/الاهل عزوة واحنه عزوة ياسر.....انتهت عطله نصف السنه وتأهلت للنصف الثاني بتفوق ....بعد شهر هيج جماعتي الي بالسادس عطلو شهر حتى يدرسون...واحنه أخذنا الصفوف علمود المدرسه بيها تعميرات...
هي هاي الحياة ناس تاخذ مكان ناس ..بدينا امتحانات النهائية.....وهواي بنات اجلو بس اني ابويه مايقبل امتحنت وكملنا ونجحت من الخامس للسادس ..بابا كال يريد يدخلني دروس خصوصية اني وبنات صفي سئلنا وكالو فلان وفلان خوش تدريسهم ....ابو الرياضيات استاذ عباس وام العربي ست مليكه ..وام الإنكليزي ست رفل....
جنا خط يودينا ويجيبنا...ابويه ماردت اكلمه بس هو جان مجمع الي مبلغ حلو علمود دراستي .....
جنا وقت المحاضره قبل مانبتدي ناخذ صور ونسولف ونتمضحك ...بوكتها جانت اغنيه مشتهره مال علاء كامل هسه ماكو ...من اسمعها اتذكر صكر ....وبلشت المحاضرة ساعتين احس راسي يطبك ارجع دايخه للبيت...الكه ياسر مشغل الغساله ويغسل هدومه واني وتوني داخله اشيل كتابي واغني اغنيه نانسي عجرم اه ونص...نص تحشيش ويركع البنطلون مالته الكابوس بوجهي ههههههه هو مبلل شثكله....وبيوم من الايام رحنا للمحاضرة________
