رواية صدفة عشاق الفصل التاسع والعشرون
نعمه فتحت الباب بهدوء . و ابتسمت بفرحه و دموع . لما شافت ليلي . ليلي ابتسمت بدموع و هي بتدخل في حضنها . نعمه اتكلمت وسط دموعها ./ليلي انتي جيتي امتي يا حبيبتي .
زين ابتسم بهدوء و هو بيدخل . و هو شايل حنين ./لسه واصلين دلوقتي .
راشد طلع علي صوتهم باستغراب . و ابتسم بفرحه ./ليلي .
ليلي قربت منه بدموع . و هي بتدخل في حضنه ./وحشتني اوي يا بابا .
راشد حرك ايده علي شعرها بحنان ./ حمدالله على سلامتكم يا حبيبتي .
نعمه ابتسمت بهدوء بعد ما سلمت علي زين . و شالت حنين بفرحه ./ بص يا راشد . نسخه من ليلي .
راشد قرب منهم بفرحه . و هو بيشيل حنين ./ حنين و هي حنين . شبهك يا ليلي اوي .
زين ابتسم بهدوء . و هو بيحضن ليلي من كتفها ./ شوفتي مش انا لوحدي اللي بقول أنها شبهك .
ليلي ابتسمت بحب . و هي بتبص علي نعمه و راشد . و هما سرحانين مع حنين . و بيلعبوا معاها .
نعمه ابتسمت بدموع ./بس انتي مقولتيش انكم جايين .
زين ابتسم بهدوء و هو بيبص لـ ليلي ./احنا قولنا نعملها مفاجأة .
راشد هز رأسه بهدوء . و هو لسه شايل حنين . و قعدوا كلهم .
راشد اتنهد بضيق ./انا مش هخليكي تبعدي عني تاني يا ليلي . مستحيل اسيبك تسافري و تبعدي تاني .
ليلي و زين بصوا لبعض بحب . و ليلي اتكلمت بهدوء ./ لا ما هو احنا مش هنسافر تاني .
زين كمل بهدوء ./احنا ظبطنا كل حاجه هنا . و مش ناويين نرجع تاني .
نعمه ابتسمت بفرحه ./احلي حاجه عملتوها .
كلهم بصوا لبعض بفرحه . و ليلي و زين ضحكوا بهدوء . و هما شيفنهم بيلعبوا مع حنين و ناسيين وجودهم .
__________________________________________
بليل عند ريماس .
ليلي قعدت بتعب . و هي بتحاول تتعامل طبيعي . زين قعد جمبها و مسك ايديها بهدوء ./انتي كويسه يا ليلي .
ليلي هزت راسها و ابتسمت بهدوء ./اه ده شويه تعب بسيط . حصلي لما كنت حامل في حنين .
زين هز رأسه بهدوء ./ بكره هكون شوفتلك احسن دكتوره تتابعي معاها .
ليلي هزت راسها بهدوء . و هي بتبص حواليها باستغراب ./هي حنين فين .
زين بص حواليه بهدوء ./اكيد بره مع العيال . هروح اشوفها .
ليلي وقفت بتوتر ./انا عايزه حنين يا زين . يلا نشوفها بسرعه .
فيروز قربت منهم بهدوء ./في ايه يا ليلي .
زين ابتسم بهدوء ./انتي عارفه ليلي بتقلق اوي . عشان ملقتش حنين جمبها قلقت زي ما انتي شايفه كده .
فيروز ابتسمت بهدوء ./يا حبيبتي متخفيش في اولاد كتير من سنها . ممكن تكون معاهم .
زين هز رأسه بهدوء ./انا هطلع اشوفها .
ليلي هزت راسها بسرعه . و هي بتحاول تداري قلقها .
حازم نزل لـ مستوي سليم . و ابتسم بخفه ./ايه يا حبيبي لحقت تجيبلك عروسه بسرعه كده .
سليم ضحك ببراءة و هو ماسك ايد حنين ./شوفت حلوه ازاي .
حازم هز رأسه و ابتسم بهدوء . و هو بيديلها البلونه ./بس مين البنوته القمر دي . جبتها منين .
حنين كانت بتبص عليهم . و تضحك و هي ماسكه البلونه . سليم ابتسم بهدوء. و هو بيشاور علي ايديها ./دي حنين بنت ليلي .
حازم بص لـ سليم باستغراب . بس بسرعه لقي سليم بيبص بعيد عنه ./ليلي واقفه هناك . اكيد قلقانه علي حنين .
سليم سحب حنين و جريوا . و حازم عينه عليهم باستغراب . لحد ما شاف ليلي نزلت لمستواهم بدموع . و هي بتسحب حنين لحضنها ./حنين روحتي بعيد عني ليه .
سليم ابتسم ببراءة . /انا خدتها نلعب شويه .
ليلي هزت راسها و ابتسمت بحب . و هي بتسحب سليم لحضنها . و باست رأسه بحب ./انا قلقت عليها عشان هي متعرفش حد . بس تقدر تخدها و تلعبوا سواء .
زين ابتسم بهدوء و هو بيقرب من ليلي . اللي اتعدلت و وقفت . و ابتسمت بهدوء ./ طلعت بتلعب .
زين ابتسم بهدوء .و هو بيحضن كتف ليلي بحب ./مطلاما اطمنتي عليها سبيها .
ليلي هزت راسها بهدوء . و سليم جري بفرحه .و حنين جريت وراه و هي ماسكه البلونه في ايديها . ليلي ضحكت هي و زين عليهم . كل حاجه قصاد نظرات حازم اللي همس بتوتر ./ليلي و بنتها . هي فعلا شبه اوي . بس ازاي .
حازم اتكلم بسخرية ./دي بنتهم هي و زين . معقول يكونوا اتجوزه .
ايهم قرب من حازم بهدوء ./هحكيلك كل حاجه بعد العيد ميلاد . عدي اليوم ده علي خير يا حازم .
حازم هز رأسه بشك .
__________________________________________
بليل . بعد ما كان كله مشي .
زين ابتسم بهدوء . لـ ليلي ./يلا بينا بقي .
فاروق ابتسم بضيق مصتنع . و هو شايل حنين ./طب امشوا انتو . و سبولي القمر دي .
ليلي ضحكت بهدوء ./ هنجبهالك يوم تقعد مع حضرتك بس .
ايهم ابتسم بهدوء ./طب ما تباتوا معانا انهارده .
زين هز رأسه برفض . و هو بيشيل حنين ./انا مظبط الفيلا و عايزين نروح نشوفها .
ريماس ابتسمت بهدوء ./هكلمك يا ليلي .
ليلي هزت راسها و ابتسمت . زين سلم عليهم و مشيوا .
فاروق ابتسم بهدوء ./يلا تصبحوا علي خير نلحق نروح احنا كمان .
فيروز ابتسمت لـ ريماس بهدوء ./هستناكي بكره .
ريماس هزت راسها بهدوء . و هي بتسلم عليهم ..و مشيوا .
ايهم بص علي باب المكتب بهدوء . و هو متأكد أن حازم واقف سامع كل حاجه . ايهم ابتسم بهدوء لـ ريماس . بعد ما كل الناس مشيوا . /انا هقعد مع حازم شويه في المكتب .
ريماس ابتسمت بتعب ./انا هطلع انام و انيم رحيم فوق .
ايهم هز رأسه بهدوء ./ماشي يا حبيبتي .
و سبها و دخل عند حازم . ايهم اتنهد بهدوء . و هو شايف حازم قاعد بضيق .
ايهم قعد قصاده بهدوء ./ كويس انك عديت اليوم علي خير .
حازم اتنهد بضيق ./ممكن افهم ايه اللي حصل . و اللي بيحصل ده .
ايهم اتنهد بهدوء ./زين و ليلي كتبوا الكتاب قبل سفرهم بـ يوم . و كانوا مظبطين كل حاجه مع بعض . و احنا معرفناش العلاقه اللي كانت بينهم غير قبل كتب الكتاب بـ اسبوع . و انا مرديتش اقولك عشان كان عندي امل انك تشيلها من دماغك .
حازم وقف بصدمه و غضب ./يعني كنت عارف انها اتجوزت . و كنت عارف انها عاشت حياتها . و سيبني انا اتعذب . سيبني افتكر أنها هربانه مني . و كنت عارف انها هتتجوز زين و مقولتليش .
ايهم وقف قصاده بغضب ./انت كنت بتتعذب عشان عارف ان انت اللي وصلتها لكده . كنت عايزها تفضل عايشه على ذكري واحد اذاها . هي عاشت حياتها و شافت اللي يستهلها . ملكش الحق انك تلوم علي اي حد فينا . انت اللي وصلتها و وصلتنا لكده .
حازم مسح على وشه بغضب ./ليلي محبتش غيري يا ايهم . ليلي بتحبني انا و بس . عشان كده اختارت زين . اختارت اللي فاكره انه هيخليها تنساني .الغلط كان منك انك سبتني من غير ما تعرفني . كنت منعتها كنت وجهتها أنها لسه بتحبني . سبتني عايش كل ده مستني اليوم اللي ترجع فيه . عشان اعتذرلها بدل المره الف . سبتني مستني اللحظه اللي اشوفها فيها تاني .
ايهم ابتسم بضيق و سخريه ./ليلي اللي بتتكلم عنها .متجوزه و معاها بنت . حتي لو مكنتش متجوزاه عن حب . هي دلوقتي بتحبه و مراته و متجوزه و عايشه حياتها . ليلي اللي بتتكلم عنها تنساها خالص . و لو معرفتش تنساها بنفسك . الظروف اللي حصلت تخليك تنساها غصب عنك يا حازم .
حازم بصله بغضب . و مشي بسرعه . ايهم بص علي أثره بهدوء و هو بيدعي أنه يفضل بعيد عنهم .
__________________________________________
زين دخل هو و ليلي . ليلي اتنهدت بهدوء . /حنين شكلها نامت .
زين ابتسم بهدوء ./هطلع انيمها فوق . و انزل افرجك علي الفيلا .
ليلي هزت راسها بهدوء . و زين كله . و ليلي كملت بهدوء و هي بتلف تتفرج على كل جزء في الفيلا . و ابتسمت بهدوء و هي لاقيه زين حاطط صور ليهم في كل ركن . زين قرب منها و ابتسم بهدوء ./يلا نطلع فوق .
ليلي هزت راسها بهدوء . و طلعت معاه . و فضلوا يتفرجوا بهدوء . لحد ما دخلوا اوضتهم . ليلي ابتسمت بهدوء ./جميله يا زين .
زين مسك ايديها بحب ./ ده عشان انتي نورتيها .
ليلي ابتسمت بهدوء ./ بس مش كبيره علينا شويه . احنا تلاته بس .
زين رفع حاجبه باستغراب ./تلاته و هنبقي اربعه . و خمس و ...
ليلي قاطعته و هي بتضحك ./ايه كل ده يا زين .
زين ابتسم بهدوء ./انا عايز املي البيت كله عيال يا ليلي .
ليلي ابتسمت بتوتر . و هي بتتنهد بهدوء .
زين اتنهد بهدوء ./انتي في حاجه ضيقتك في العيد ميلاد صح .
ليلي هزت راسها برفض ./انا بس كنت متوتره . و كنت طول الوقت خايفه . حاسه ان في اي وقت ممكن اتكشف .
زين اتنهد بهدوء . /ليلي اللي بتفكري فيه ده مستحيل . بطلي تتعبي نفسك بنفسك . انتي مراتي و حنين بنتنا .
ليلي هزت راسها بهدوء . و هي بتدخل في حضنه .
__________________________________________
تاني يوم .
ليلي ابتسمت بهدوء . و هي بتقرب من زين ./هتنزل انهارده .
زين ابتسم بهدوء ./اه يا حبيبتي . اول يوم شغل بقي . خليت ريماس تحجزلك عند نفس الدكتورة اللي كانت بتروح عندها .
ليلي هزت راسها بهدوء . و ابتسمت بخفه ./هتتأخر .
زين باس خدها بحب ./هوحشك .
ليلي ابتسمت بضيق مصتنع ./انت شايف ايه .
زين ابتسم بهدوء . و اتنهد بهدوء . و هو بيحرك أيده علي شعرها ./شايف اجمل واحده في الدنيا . و شايف حبيبتي و مراتي و في بينا بيبي هيربطنا العمرو كله ببعض . و مش عايز حاجه في الدنيا غيرهم .
ليلي ابتسمت بحب . و هي بتتكلم بتوتر ./و حنين . انا خايفه تتغير مع...
زين قاطعها بهدوء ./ليلي حنين بنتي . مستحيل يحصل اللي في دماغك ده . حتي البيبي اللي جاي عمره ما هيبعدني عنها ابدا .
ليلي ابتسمت بهدوء . /ربنا يخليك ليا .
زين باس راسها بهدوء ./طب يلا سلام عشان متأخرش .
ليلي هزت راسها بهدوء . و زين سابها و نزل .
ليلي اتنهدت بهدوء . و نزلت . و هي بتشوف حنين . و ابتسمت بخفه لما شافتها قاعده بتلعب . قربت منها و شالتها بحب . / مسالتيش عن ماما خالص.
حنين بصتله بدموع . و هي بتشاور علي الباب ./بابا .
ليلي ابتسمت بخفه ./بابا راح الشغل يا حبيبتي . دلوقتي في ماما .
ليلي بصت باستغراب علي الباب لما خبط . و ضحكت بهدوء ./معقول بابا رجع .
ليلي فتحت الباب . و ابتسامتها اختفت . و بلعت ريقها بتوتر ./حازم .
حازم اتنهد بهدوء و هو بيدخل . و قفل الباب وراه ./مش هتقوليلي اتفضل .
ليلي فتحت الباب بسرعه ./زين مش هنا . مينفعش تفضل هنا طول ما زين مش موجود .
حازم ابتسم بهدوء . و هو بيقفل الباب تاني ./ متخفيش انا عامل حساب انك واحده متجوزه . و عارف ان زين مش هنا .
حازم حرك ايده علي وش حنين بهدوء . بس ليلي بعدت أيده بخوف . /بنتي .
حازم ابتسم بسخرية ./لما شوفتها مع سليم امبارح . كنت حاسس انها نسخه منك . كأني شايفك قدامي . بس مكنتش عارف استوعب أنها بنتك فعلا . لحد ما شوفتك مع زين . و شوفت لهفتك عليها لما غابت عن عينك .
ليلي نزلت حنين في الأرض . و ابتسمت بتوتر ./روحي كملي لعب يا حنين .
حنين ابتسمت ببراءة و مشت . ليلي ربعت ايديها بضيق ./ عايز ايه مني تاني .
حازم ابتسم بهدوء ./كنت مستنيكي . كنت فاكرك هربانه مني . كنت مستني اشوفك تاني . بس مكنتش فاكر انك هترجعي متجوزه و معاكي بنت .
ليلي ابتسمت بهدوء ./شوفت حياتي . و اخترت راجل يحبني و احبه . و اخترت نفسي و اني اعيش حياه هاديه .
حازم ابتسم بسخرية ./متاكده انك حبتيه . و لما اخترتي اخترتي زين يا ليلي . معقول تكوني بالسذاجه دي .
ليلي هزت راسها بدموع ./هو اللي اخترني . و اختار يساعدني من كل حاجه مريت بيها . و حبني و حسسني بالأمان . حسيت لاول مره . اني اخترت صح .
حازم مسح على وشه بغضب ./انتي كدابه يا ليلي كدابه . انتي محبتيش غيري . و دموعك دي دليل انك محبتيش و لا هتحبي غيري . اخترتي زين عشان تنتقمي مني . بس انتي انتقمتي في نفسك يا ليلي .
ليلي صرخت في بغضب ./و لما حبيتك حصلي ايه . مستكتر عليا اني اتحب بجد . شايف كتير عليا اني اعيش مع جوزي و انا مطمنه و مرتاحه . مش بنام جمبه و انا خايفه يكون بيروح لحضن غيري .
ليلي مسحت دموعها بسرعه ./انا مش ندمانه غير اني في يوم من الايام اخترتك . انا بحب زين و بحب كل لحظه كان معايا فيها . و يمكن وجودنا في حياة بعض كان درس بنتعلم منه .
حازم هز رأسه برفض ./لا احنا عمرنا ما كنا دروس في حياة بعض يا ليلي . انتي كنتي مراتي و حبيبتي . انا فضلت عايش تلت سنين مستنيكي . مستنيكي عشان اتأسفلك الف مره . عشان اشوفك و عشان اخدك في حضني . عشان تسامحيني يا ليلي . متوقعتش انك ممكن تبقي بالقسوه دي .
ليلي ابتسمت بسخرية ./كنت عايزني افضل عايشه علي اسوء ذكري في عمري . انا مفتكرتكش يا حازم و لا لحظه . من ساعة ما بقيت مرات زين . و لو معملتش كده ابقي ست مش كويسه . و انا مش كده . انا مستحيل اخون الراجل اللي وقف معايا و قبلني بكل حاجه فيا . حتي لو كانت الخيانه بعقلي بس .
ليلي فتحت الباب بهدوء ./لو سمحت امشي . و متحاولش تيجي هنا تاني .
حازم اتنهد بهدوء . و خرج بسرعه . ليلي قفلت الباب وراه بهدوء . و قعدت علي الكنبه بدموع . و هي بتفتكر كل حاجه حصلت . و دفنت وشها في ايديها بعياط .
