رواية مزيونة الشيخ الفصل التاسع والعشرون بقلم شهناز العلالي
هو مبلل شثكله....وبيوم من الايام رحنا للمحاضرة....
بوكتها.
استاذ عباس جان عندنا محاضره؟ رياضيات
استاذ عباس شاب كلش حلو. عيون اخضر. طويل. جسم متناسق حنطاوي مو ابيض.
استاذ عباس عينه ما تزيح مني؟
ودائما بنهايه المحاضره يكولها الي افتهمتي المحاضره لو تحبين اعيد....اقصد تحبون اعيد لكم.......
البنات الصف يصفنون شنو تحبين اعيد شنو اعيد لكم؟
غلست على هذا التصرف. طلعنا بالخط. كانوا ويايه ثلاث بنات اثنين منهم متزوجات.
واحده مطلقه......... ابو الخط واحد عينه زايغه.
المتزوجات. وحده تحاجي الثانيه. تكوللها
._خلي براسه انه محد يفيدك غيري حتى امه ما تفيده دائما حسسي بهيج....
. والثانيه تكول "هذاك اليوم جنت واكفه اسمع امه تحجي عليه كدام زوجي وهو ساكت ف همه عرفوا اني انتبهت بس غلسوا على الموضوع اما اني دائما الشخصيه ساكته وساكنه وهادئه ...
كملتها من ارجع من المحاضره تعبانه.
هاي عطله اخر السنه؟ ...خلصت بالمحاضرات.
وابتدت مرحله السادس الاعدادي. وابتدت معانات الطلبه المستمره من الخامس اعدادي بعد ما يخلصون امتحانات السادس...يلا يرتاحون والي حلو الي نحتاجه معالجه نفسيه ....ههههه بسبب السادس..
ويا بدايه المدرسه. صارت . محاضرتين كل اسبوع يعني ثلاث محاضرات بالنسبه للرياضيات والعربي والانجليزي و باليوم الي بي محاضرات ارجع مهلوكه فووول اكل لكمه وابدل واروح اللمحاضرة تمنيت السادس يعدي...... بين البكالوريا بين تخويف المجتمع وبين السادس .....بس ابوي اللي هون علين ويكول شدي حيلج هاي اخر.
مراحل الدراسه12
من عمرج تروح هدر...ياريت كل الاهل يدعمون أبنائهم معنوي ويشجعوهم لان الخوف اساس الفشل ....
وبلشت امتحانات البكالوريا أصعب ايام مرت بحياتي وحياه كل طالبه.....
بعد ماخلصت امتحانات جنت بالعطله الصيفيه كالو ذاعو النتائج ....
الكل متحمس حتى يشوف شكد معدلي ...وهنا الي ذاع النتيجه هو استاذ عباس اتصل ب بابا وخبره بالنتيجه ...كلش فرحت ....
و الله سبحانه وتعالى جبر بخاطري وحصلت على معدل ٨٩/١٠٠بهذاك الوقت اهلني ادخل هندسة لان مثل متعرفون كل سنه والها قبولاتها....
هنا وكاعده اخابر كوثر دك تليفون بابا بابا جاوبه شخص جاي يبارك بمناسبه نجاحي ...
ابويه "
_كحلاء تعالي اكو من يريد يبارك الج ...
استغربت كتله"
_اوك بابا اجيت....
اخذت التليفون....
_الو كحيلة الو...
*هذا صكر...هذا صكر بلعت ريكي كتله"
_الو وياك
_شلونج
_زينه
_مبروك نجاحج
_الله يبارك بيك ....
_فرحانه مو؟
_ليش ؟
_اقصد بنجاحج...
_اي طبعا اكيد افرح
_شتريدين اجيبلج هديه؟
_ليش ...مابينه شي احنه حتى تجيب هديه ...
_احنه بينا شي ..أغلى شي بالدنيا واقدس شي ممكن تتصوريه ...
_الي سنتين ماسامع صوتج بس يتردد براسي...
_اي
_اني اول من بارك الج....مو
_لا استاذ عباس
_منو ....منو
نعمت صوتي كتله"
_استاذ عباس..
_ها
_ابوج ووين...
_يا هاي اني سرحت هههه نسيت روحي من الصاله مشيت للحديقة
_مو اكلج خبله ...
_اني طالبه جامعه صرت هههه
_شتحتاجين بلغيني ...
_بصفتك؟
_شيخ كلبي....
هنا وصكر سد الاتصال وابويه صاحلي .....مشيت بهداوة
....اخذ التليفون مني وطلع عنده شغله جانت ....ياسر رجع للبيت مو على طبيعته ....احس راسه يشتغل بس يفكر ...حتى بارك الي من ورة خشمها.....خابرت كوثر بشرتها كضيت اليوم كله اركص يمكن فرحت بحجي صكر اكثر من فرحتي بنجاحي ...يي والله من صوته غيران بس جبت سيرة استاذ عباس احترك والله ههههههه
بهذاك اليوم جنت عندي طاقة انظف البيت كله والشارع مالتنا هم ...
بالليل رجع بابا ...
دخل سلمت عليه ........صاحني "تعالي...
_اجيت بابا
_تعالي اكعدي
_ماشي بابا
_كحلاء اليوم احزري المن شفت ...
_اي بابا المن شفت؟
_أستاذ عباس....
_اي زين
_استاذ عباس رادج
_ليش؟شيريد
_يخطبج ...
_اني؟
_اي عينه منج...
_خوش رجال شتكولين لو يجي هو وأهله؟
_بس اني
....اني طالبة جامعية صرت واريد اكمل دراسه وانت مو تشجع الدراسه؟مو بابا مو
_لاتنسين انتي مطلقة بنظر المجتمع ومن سنتين لحد الان محد داك بابج كحلاء المن اعوفج ياسر رجال واله حياته قابل يبقى يحير بيج ..
_بابا ومن شوكت تؤمن بكلام الناس وانت بلسانك كلت حجي العالم لايقدم ولاياخر ها بابا...
ليش سكتت ....بابا إذا متعاجز مني من لكمتي
_اشش شهالحجي انتي قطعه من كبدي
_اكوم اصب عشى.....
رحت للمطبخ وكلبي مقبوض ....هسا منين طلع صبيت عشى اباوع على بابا من بعيد .....مهموم وبراسه الف فكرة ....ذبيت كلشي من ايدي رحت كتله"
_بابا خل يجون ...يجي واشوفه ويصير خير
بس هو عادي استاذ يتزوج طالبه؟
بابا هنا ضحك كاا"
_اي عادي هو كال باجر يجيب نسوان ويجي ...
بيومها مانمت بالليل لان بابا خطيه مكسور ظهرة وشايل همي ...بس اني احب صكر واموت عليه....
ثاني ويوم اجه استاذ عباس كاعد ملي هدومه ويضحك ويسولف ويه ابويه اهله رحبو بيه وتفائل بنزاكتي وهدوئي بلغ ابويه بأن يسئلون عنه ...الحزن بدة يخترق احساسي وكلبي وكلشي بيه
