رواية إخفاء فضيحة الفصل الثاني بقلم جمانه السعيدي
اني سيف مواليد ٨٥ طولي ١٨٠ اسمر
حواجبي ثخان عيوني بيهن جاذبيه رغم مو حيل كبار
عندي عضلات وجسمي متناسق
اني خشن يعني جسمي بسرعه كبر مو ويه عمري
اول خمس سنوات بحياتي كانن احلى سنوات عمري مجرد ما متت امي
تغيرت حياتي ١٨٠ درجه
وخاصه من ازوج ابوي خاله هناء
قبل لا تحبل وتجيب كانت زينه وياي
بس حبلت وصار امير صار كورها وكوري
تشوف العمى ولاتشوفني بعينها
دائما تحسسني اني ما استحق اعيش بينهم
كامت تالف عليه قصص حتى تكره ابوي بيه
مره كاعد على الدرج الحمام صاير مقابيل الدرج
كاعد اللعب اصلا بالي مو يمها ابد ولا اعرف هي بلحمام
فتحت باب الحمام
اني تلقائيا التفتت من سمعت بابا الحمام
هي شافتني وراسا عاطت انت كاعد هنا حتى تشوفني
من اطلع من الحمام
وضربتني واشتكت عليه عد ابوي
واني حلفت١٠٠ يمين اني مقصدي ولا ادري بيها بلحمام
جمانه السعيدي
اتهمتني ابوك فلوسها من الكنتور واني ابد ما ماد ايدي
بيوم على فلوسها ابوي جان ينطبني مصرف يكفيني
اذا ضربني امير تسكت وتشجعه وتكوله حيل
يعني اي شي بايده يضربني بي
واذا دافعت عن نفسي تكوم هي تضربني
مللتني بحياتي وكرهتني بعيشتي
كمت اخلص النهار كله بلشارع وانتم تعرفون الجهال الي بلشارع تغلط وتفشر وتتعارك
واني ماكو رقيب ينتبه على افعالي
تعلمت هواي اشياء غلط منها الجكاير
بلبدايه كنت اخذ جكاره من اصدقائي بعدين كمت اشتري باكيت واخلصه كله او اضم منه وحده ثنيين برا
بس زوجت ابوي مره جانت طالعه ومن اجت شافتني
لازم جكاره بايدي وادخن
وكانت فرصته حتى تشوه صورتي بعيون ابوي
بس انقلب السحر على الساحر ابوي كام يحجي عليها وكال كله بسببج انتي طيرتي من البيت وخليتي بتعلم
هيج شغلات
جمانه السعيدي
هنا ابوي بدا ياخذني ويااا للشغل نروح للمكتب وابقى كاعد واذا اجا احد اروح اجيبه جاي
وانضف المكتب مرات اروح اجيب ريوك
اني مخلص متوسطه وبطلت
الدراسه يرادلها اجواء
وتركيز واني كلما ادخل للبيت تتعارك وياي هناء
بعمر ١٧ شفت نفسي مابيه اي فائده اني صحيح كاعد بلمكتب ويه ابوي بس مثل الخدام
طلبت من ابوي اتعلم سياقه واشتري سياره واشتغل بيها
بعد الحاح على الوالد قبل
واختار واحد من جوارينا سايق يعلمني سياقه
بليوم ياخذ عشره الاف على الدرس الواحد
عشر ايام وتعلمت السياقه
لان كنت احبها حيل
بس الحرب الي شنتها هناء عليه حرب قويه بحيث زعلت وراحت بيت اهلها
تكول البابا انت اطشر بفلوس جهالي وتشتريله سياره
هسه يدعمها ونخسر كلشي من ورا
بس اني صممت اصير سايق محترف
بعد زعل هناء قررابوي يبنيلي مشتمل حتى ابتعد عن هناء ومشاكلها
وبنفس الوقت استقر واكون كدام عينه
بنالي مشتمل حلو ومرتب واثثه اثاث بسيط
ويوميه يجيبلي مسواك وينطينيا قبل لا يدخل بيتهم
لان ماتقبل يسوكلي تكول هو يشتغل ويسوك
صار عمري ١٨ من استقليت وحدي بيت
بهذا الوكت بابا قرر يزوجني حتى يطمن اكو وحده تخدمني ودير بالها عليه
وهم يخاف عليه من الوحده لا انحرف وامشي بغير طريق
بس من طيبت ابوي مالكه غير هناء دوري عروسه
كانت تخرب كل مشروع زواج وتحجي عليه كدام العالم
وعلى تصرفاتي
تكول موحمل مسوليه وساقط وعندا دروب موزينه
كانت الناس توصلي كلامها
وترجع الابوي تكول مايقبلون ينطونه مره
الناس تعرف سمعت ابنك وترفض تنطي مره
جمانه السعيدي
تخاف ابوي يخسر فد ١٥ او ٢٠ مليون على عرسي
تحس اني ما استحق ينصرف عليه هيج مبلغ
نست هذا ابوي واليه حصه بي مثل ماهي واطفالها الهم حصه بي
من كد ماجنت احس بلوحده والظلم منها
بديت اشرب صح اني ما اشرب هواي
بس زليت وندليت طريق الشرب
بلبدايه ماكان احد يعرف بس ما اعرف منو وصل الهناء
هاي الحجايه
وكبت العيطه تكول اخاف على نفسي وابنتي منه
خاف يسكر وياذينا
اني ماكنت اشرب بلنهار ابد
بس بليل اشرب شي قليل ومو يوميه كل كم يوم
ابوي ماقبل منعني كم مره بس اني كنت كلما اضوج اروح اشرب
كنت احس اني منبوذ ومحد يريدني
حتى ابوي محتار بيني وبين زوجته واطفاله
جمانه السعيدي
رهف وصلت للثالث متوسط ونجحت وامي ماقبلت اكمل تكول انتي اول وتالي للزواج قابل شسوين بلشهاده
بيت عمج شبعانين مامحتاجين وضيفتج
والمره بس تزوج وتحبل بعد ماتكدر تدبر اي شي غير بيتها
كعدت بلبيت للكنس والمسح والطبخ
كنت احسب يوم يوم يمته نتزوج اني وأمير واخلص من امي وتحكمها
امير كان بلثاني متوسط واني بلثالث من اني بطلت
هو راح للثالث وبعدين للاعداديه
دائما يكول انت شسوين بلمدرسه بس نتزوج اني اريد عشر اطفال
وماراح تلحكين تمشطين شعرج بوكتها
جمانه السعيدي
امي منعتني اروح البيت خالتي تكول صرتي جبيره
وعيب كل شويه طالعه طابه عليهم
بس امير كان يجينا يوميه حتى يشوفني
صحيح ما نكعد اني ويااا وحدنا
بس هو يكول لازم اشوفج يوميه وامتع عيوني بجمالج
ويجيبلي ويااا علاكة حلويات
من يدخل يخليها برا وياشرلي واني اروح اجيبها
مرت الايام واني حياتي عباره عن شغل بلبيت وطبخ وبس
ماكان مهون عليه بس امير ودخلته عليه
من صار عمري ١٧ سنه خالتي قررت ازوج امير
واجت فاتحت امي بهذا الموضوع
هناء اليوم اني اجيت افاتحج بموضوع زواج امير
سناء وليش مستعجله خلي يخلص اعداديه
هناء خلي انيشنهم ونعقد شيخ بلاول وبعدين ابدي اجهز
على كيفي
سناء اكلج وسيف شلون ما لكيتيله مره
هناء اله اني جوه التراب يله اخلي ابو يزوجه خلي يولي هلسكير الساقط
يريد يزوج ويصير ابو فلان لو يموت
ما اخلي ابو يصرف علي بعد ربع
فوك ما بناله مشتمل فوك راسي وضلم البيت عليه
البيت صار اضلم من بنيه الحديقه
بلكت الكاله مصيبه وادفعه بعيد عني
هو هذا مال زواج شني الناس مخبله تنطي بناته الواحد مثله
اله اخلي حسره علي المره
يبقى طول عمره يغسل ملابسه بايده ويطبخ لكمته
يستاهل انشاء الله يموت واخلص منه
سناء حرام عليج ترا ما امذيج
هناء ماتشوفين ابو شلون شايله بلصلوات يعزه على معزته امه الله ياخذه مثل ما أخذ امه
ويخلصني منه
