رواية قصتي في الموصل الفصل الثاني بقلم زينب نور
شفت بالصاله اخويه احمد واقاربي عباره عن دم مكدرت اتقرب عليهم اباوع على وجه اخويه وابجي مشيت لگيت امي وزوجة اخويه يم الطباخ كولها دم هنا متحملت كمت اصرخ
مااحس غير واحد يلزمني من چتفي انداريت لگيته نفس الشخص الي سد باب الكنتور اني گبل دفعته وكمت اصرخ ردت اطلع بالشارع انهزم بس هوه گلي اذا تطلعين منا يقتلوج اني راح اساعدج بس ثقي بي
اني ضليت صافنه شلون راح اثق بي وهوه داعشي فكرت بيني وبين نفسي صدوك ديريد يساعدني لو ديكذب عليه بس اضطريت اثق واصدگه لأن ماعندي احد وهوه املي الوحيد ف مشيت ويا
رحنا صعدنا سياره ووداني على بيت صغير بقيت يومين الوحدي هوه جان يجي بوقت الأكل يجيبلي اكل ويحذرني انو مااطلع صوت ولا افتح الباب لأي شخص
طبعاً بهاي اليومين اني بس ابجي على اهلي لأن منظرهم طبع بعقلي شلون متمددين بالگاع
ثالث يوم اجه عليه هذا الشخص گلي امشي ويايه صعدني بسيارته ومشينا
اني كولشي مااعرف عن الشخص حتى اسمه مااعرفه ف سألته على اسمه هوه باوع عليه وگلي اسمي شاهين وانتي شنو اسمج كلتله لمى وسكتنا مشينا مسافه ووكفونا السيطره مال دواعش هوه قبل لنوصل للسيطره گلي اختلي جوا الكشن
بس همه شكو بالموضوع نزلو من السياره ولگوني ونزلوني اني كمت ابجي واكوللهم عوفوني
واباوع على شاهين يضربون بي ضرب قوي
اني اخذوني وودوني على الجبير مالتهم گبل خابر شخص وگله راح ادزلك هديه صغيره وحلوه وضلو يضحكون واني زدت بچي
دزوني هديه لرجال جبير يطلع عمره بالخمسينات اول مشافني لزمني من وجهي وكال منو مبجي الكتكوته الحلوه
بعدين اجتي مره كلتله شتأمر كال جهزيلي هل كتكوته بليل اريدها وهيه اخذتني للحمام رادت تسبحني بس مقبلت بس سبحتني بالإجباري ولبستني ملابس ورتبت شكلي وشعري وكلتلي من تدخلين على زوجج عدنان شيكولج سوي وارضي كلتلها بس هوه مو زوجي كالت لا من هل لحظه صار زوجج وشيكولج تنفذين اني هنا معرفت شأجاوب بعد وبس ابجي
وصار الوقت الي لازم ادخل للغرفه الساعه بال11 بليل اخذتني المره دخلتني للغرفه وقفلت الباب وراحت .....
