رواية الزوجة الاولي الفصل الثاني 2 بقلم جيجي

سميحه بسخريه..... لا يا اختي هتطمعى ليه  اياك ما سمعتيش المثل اللي بيقول.... يا واخد القرد على ماله بكره يروح المال ويقعدلك القرد على حاله

حنفى..... قرد لما ينططك خشي على اوضتك قولتلك ايه انطرشتى اياك وتعالي نخش اوضتنا احنا يا حبيبتى سيبك منها دى وليه بومه.... ودخلو جوه 

سميحه.... كده برضك حبيبتك ماشى يا حنفى لولا العيال كنت سبتهالك مخضره ومشيت ووريتلك قيمتك انت والسنكوحه اللي معاك جوه دي منك لله روح ربنا ينتقم منك يا بعيد 

بس جو العيال.. مختار..... ينفع تاجي تنامي ويانا ياما 

سميحه... انتو لسه صاحين ايه خايفين

مختار... لا انتى اللي خايفه عشان اول مره تبيتى من غير ابوي

سميحه... ما شاء الله انتو هتحرصوني 

مختار... ايوه انا هحرسك للصبح انا واخوى تعالي يلا 

سميحه... تعالو انتو ننام هنا يلا

قعدو جمبها على السرير ....

مختار.... هى مرت ابوي قاعده عم تضحك بصوت عالى ليه هما بيسمعوا مسرحيه جوه

سميحه..... مسرحيه لا ما بيسمعوش مسرحيه بتغيظنا 

سعيد... غريبه قوي المره اللى متجوزها دى مش حلوه

 سميحه... طب يلا عاد ننام انا مش خايفه واصلا هنام اهه 

وعملت نايمه لحد ما الولاد ناموا فى صباح يوم جديد كانت سميحه فى المطبخ ومختار معاها 

مختار... هتعوزي حاجه تانى من الدكان

سميحه... لا بس ما تنساش الرز 

مختار بفرحه..... انا انسى الرز انتى هتعمليلنا النهارده كرمب انا هجيبه وهو مش هجيب الباقي 

سميحه.... لا يا مختار جيبه كله انا اصل عملت الرز بس هحطو مكانو يا باي منك مفجوع 

مختار نزل جرى وجات عبله وكانت لابسه لبس مش ولا بد وقالت....صباح الخير يا ضرتي 

سميحه.... اللهم طول يا روحي ايه اللى انتى لابساه ده يا وليه 

عبله.... ايه يا اختي عروسه يوم صباحيتها عايزه تلبس ايه جلابيه وطرحه زي اللى انتى لبساهم لازم البس حاجه شفتيشى عشان جوزي ما يبصش بره واملا عينه 

سميحه... اوف بدينا تلقيح جتت على الصبح تلبسي جوه في اوضتك براحتك ولا ما تلبسيش بس هنا لا ما ينفعش عشان انا معايا اولاد ما ينفعش يشوفوكي  كده عيب 

عبله... لا عادى اعتبرينى اختهم خلاص ما تبصيش كده انى مش مرت ابوهم ولا ايه 

سميحه.... مرت ابوهم اه بس امهم نفسها ما بتلبسش كده قدامهم احنا مش قاعدين في الغرب يا اختي روحى غيرى الخلقات اللي انتى مش لابساهم والبسيلك حاجه تستر 

عبله...  باين ما بتلبسيش كده لو كنتى بتلبسى ما كانش جوزك اتجوز عليكى وقالت ببكى مصطنع.... اخ يا حنوفتى اه لا انا ماتفقتش على كده يا اخويا اه تعالى شوف مرتك 

حنفى..... جرى ايه يا سميحه مش قلتلك ما لكيش صالح بيها

عبله....  شوف الوليه الحاسده قال ايه قال لابسه مفركش ليه روح البسيلك حاجه من زي اللي هي لابساه ده انا البس الهلاهيل ديت يا حنوفه عوزانى ابقى زيها وتتجوز عليا 

حنفى.... بقولك ايه يا سميحه قولى يا صبح وماتجريش شكل ما لكيش صالح تلبس اللي هي عايزاه وتقعد كيف ما هي عايزه هتخنقيها في البيت كمان 

سميحه... اخنقها ليه انا مالى بيها اصلا بس العيال قاعدين معانا كيف يعني ياجو يلاقوها قاعده كده صلوطى ملوطي 

عبله... ومالو دول زى عيالى برضك 

سميحه...  برضك هتقول عيالي اني امهم ما بقعدش قدامهم كده وتقعدى انتى استغفر الله يا رب عاوز تفتحلها الشبابيك كده جبلها بيت بعيد من عيالى 

حنفى...  سميحه ما تحلميش ببيت تانى هتقعد هنا وعلى قلبك وتقعد كيف ما تقعد ما لكيش صالح بلبسها

عبله... ايوه واللي غيران مننا يلبس زينا 

سميحه.... لبسك جن ازرق ما يعرفوا يطلعوه من عليكى 16 شيخ يا اختي

عبله بدلع...  شوف مرتك خوفتني يا حففى 

سميحه... يا اختي جد خوفتى من البعبع جاتكو البلا انتوا الاتنين جبتولي الترجيع على الصبح يمين بالله جبتولى الترجيع بشوفكم كده قولونى بيقلب 

عبله... مالها دي والله يا حنفى ما عملتلها حاجه  هي كده لحالها 

حنفى... قلتلك هي وشها كده امال انا اتجوزت تانى ليه عايز واحده تدلعني 

عبله... ده انت هتشوف دلع

مختار.... استغفر الله العظيم دي صاله مش حمام يا مرت ابوى خشى انا فتحت الباب حد يشوفك الحمام من هنه 

عبله... ييه شوف الواد بيقولي ايه طبعا امو مسلطاه

حنفى...  ما ليكش صالح بمرت ابوك ياض 

 مختار... يا ابوى اللي عنده معزه يربطها مرتك لمها حشمها عيب كده..... وحط يده على عين اخوه 

حنفى...  مالكش صالح يا مختار  امك في المطبخ تلقح جارها روح انت شايفها طالعه على كده ولا ايه الدنيا حر خش لامك كملو الكرمب اللى انتو فالحين فيه 

مختار..... ماشي يا ابوي..... ودخل المطبخ وقال... خدي يا اما جبتلك الحاجات  من تحت 

سميحه... مالك يا واد قالب خلقتك ليه

مختار... مش شايفه الوليه اللي قاعده جوه دى فاكره نفسك قاعده في شرم الشيخ عيب تلبس كده والله ربنا يوديها النار 

سميحه...  يا ريت والله لو شرم الشيخ كانت سترت روحها يلا تدفيها جهنم ان شاء الله بقولك ايه سيبك منها تعال احشي معايا كرنب انا هحشي واديلك تاكل مش انت بتحب تاكل الرز بتاعه

مختار... لا معاوزش خلاص هنزل اقعد تحت هي قاعده عما تتمشى هنا لما تخلصى المحشى اندهى عليا انا اتكسفتلها والله

ونزل سميحه...  صح اللي اختشو ماتو 

جات عبله.... اخ ازيك يا مرت جوزي

سميحه بقت تلف الكرمب.... يا حفيظ يا رب عايزه ايه

عبله....  عاوزه استخدم المواعين بتاعتك هاكل فيها انا وجوزي احنا ما هناكلش وياكم اصلى ماستنضفش اكلك 

سميحه.... صوح حرامي وعينه بجحه بقى داخله تطبخى في مواعينى اللي جايباها بفلوس ابويا وجايه تقوليلي ما ما استنضفش وكلك ولما انتى ما مستنضفهوش طب مستنضفه مواعيني ليه

عبله.... لاه ماني هغسلها زين قبل ما اعمل فيها حاجه 

سميحه.... وعلى ايه ما تغسليهاش وما تطبخيش فيها وما تستخدميش بوتاجازى ولا تلاجتي ولا غسالتي ولا مواعينى

عبله.... انتى عايزاني اسيب الراجل من غير واكل ولا ايه 

سميحه بضيق... ان شاء الله عنكم ما طفحتوا  يامين بالله ما انتى حاطه يدك على حاجه من حاجاتى 

عبله.... ما عاوزينش حاجه من وشك العكر قطع لبن جيه من وش قرد

سميحه...  ايوه يا اختي انا قرد غورى بدال ما اقوم اتنطط انا وشبشبى فوق راسك جاتك البلا يا رب يا رب انا عملت ايه في دنيتي عشان يحصلى كل ده 

عبله راحت على اوضتها ببكى مصطنع 

حنفى... بتبكي ليه 

عبله.... مرتك روحت اعملى لقمه اكلها جعانه قالتى يا عايبه مش كفايه واخده جوزي كمان هتاخد حاجتى  اللي جايباها بفلوس ابويا قولتلها معلش انا هغسلهملك بعد اما اطبخ وارتبهملك تانى فى مكانهم ما هينقصوش معلقه هزقتني وزعقتلي وشتمتني وقالتلي يا معفنه يا اللي ما جبتيش جهاز قلتلها اني ما لقيتش مطرح احط فيه الجهاز ما انتى حاطه حاجتك هحط انا حاجتى فين ما خلتليش وشتمتني قالتلي يا جعانه

حنفى... انتى ايه اللى خلاكى تروحي تعملي في حاجتها ما هي بتطبخ وانا هجيبلك الاكل منها بعد ما تعملو تاكلي على الجاهز

 

عبله.... هى قالتلى ما تكليش في الوكل اللي معانا واحنا ما نخدموش عليكى واعملى لجوزك كمان انا ما هوكلش غير عيالى 

حنفى...... هي كمان عايزه تعزل الوكل 

عبله.... ايوه هي قالتلى تاكلي لحالك انتى وجوزك وانا وعيالي على كل حال خلاص زى بعضو 

حنفى...  لا دى زودتها قوي انا رايحلها 

عبله... بس ما تضربهاش يعني احسن تقول ان انا وزاك ولا حاجه

حنفى...  بعدى كده وطلع من عندها.. 

وبعدين فى الراجل ده وسميحه هتعمل ايه..