رواية مزيونة الشيخ الفصل الثاني بقلم شهناز العلالي
لاتنسوا التصويت يشجعني أستمر ورايكم القصه حقيقيه
تحياتي #الكاتبة_شهناز_الخزعليالبارت 2من القصة الحقيقية #مزيونة_الشيخ_صكر بقلمي #الكاتبة_شهناز_الخزعلي
اخذت كل الي اريدة منها وهي بتامه قناعتها ....كملت كلشي وهي مجرده من كل شيء يستر بدنها ...صحت من كل هالنشوة الي مرت بيها...لملم روحها ولبست ملابسها ......نزلت ويه ماطر الفجر بسكوت ....تسحبت ليجوة ...اني هم لبست ملابسي وكملت نومتي...
إيمان/كمت من مكاني نزلت دراج السطح ،البيت اظلم...انسحبت ....يمه يبس دمي......
اختي سحبتني للمطبخ .....سدت باب المطبخ ....
_لج ايمان وين جنتي؟
_ماجنت شي ...جنت....جنت
_احجي يمعزاية وين جنتي؟
_فوك
_شتسوين فوك؟
_نعسانه اريد انام....
_احجييييي؟
_مداسوي شي
_والله اذا ماتحجين هيه ادخل أكول اكول ابوي
خل اروح احسن اكوله حسبالي ادمية ....
_تعالي.... تعالي جنت ....جنت يم خطيبي صكر ..
_لج عزا العزاج شعندج يمه ساعه٣ونص الفجر احجي...
_ممم ماكو شي جنت ...جنت اشوفه محتاج شي لولا ...
_تعالي ومن شوكت انتي تشوفين طلبات زلمه غير اخوي وابوي شبيج ايمان ؟احجي عدل واحجي الصدك وشعري مخربط شحنتي تسوين باسج؟
....
ايمان بتوتر عقدت اصابعها بقلق ..ونظراتها ماتتفسر كالت"
_اني الي صعدت واني الي ردت وهوه ماباسني هو كلشي ...
_كلشي شنو؟قصدج .....لالاتعالي لج كلبه انتي شصخمتي لج هسه يكول عليج خفيفه لالا هسه يعوفج مثل الكلبه جلبتي العار ...
_ليش انتو موتكولون بعد عقد السيد حلال وصرتي مريته ها؟
_لج حجي ...حجي لج نقصد يصير تكعدون تسولفون سوة يشوف شعرج يشاقيج لج اتبسز ...اشسويتي ...راح يفلت ويعوفج انتي وعارج ......شسوينه الح حتى تتصرفين هيج امي وابويه تعبو من وراج لج شنو انتي ؟
اذا اكوللهم هسه ابوي يكومهم عشائريا و الحلو انتي ااي رحتي برجلج...لا..لا يعني تستحقين الذبح .....كون...كوز مايحلى بيج ....لج اني لو بمكانه وخطيبتي سلمت نفسها بسهوله الي هيج اتفل بوجها واعوفها .
_انتو السبب عبالج محبه بي قبلت ها ...مومحبه اني احب فؤاد ....احبه وتدرين هالشي اله اشهر يلاحقني من المدرسه للبيت وومن البيت للمدرسة ويجيبني شغلات وكال اتزوجج.....وانتي ...انتي الي كشفتيني ورحتي كلتي ل ماما ول بابا وحلفت يبطلون من المدرسه ...و زوركوني تزورك لو خالتج ماتسمع صراخي بالتليفون جان ماكالت ل امج جيبيها يمي كم يوم ورحت ولكيت هاي الفرصه واغتنمتها ....
*يبووووووو لج ...اش صوتج ...لج انتي رعنه اتبسز .....انتي بذمه رجال بعد هذا اذا ما نكت بيج...
امشي كدامي ...امشي ...
دخلنا للغرفه لزمتها من ايدها .....كتلها"
_لج اتبسز سيرة الكو.....ا...د فؤاد ماتجيبين سيرته انسي...انسي ...
_
ثاني يوم الصبح كعدت أخوها كعدني صراحه جفلت مو كعدت حسبالي ايمان حجت شي....
_خوه اكعد صباحك خير
_صباح النور...
نزلت غسلت كعدت على السفرة ...من بعيد مرت ايمان لمحتها بنظرة وراها كملت طريقها .
ابوي ضل يحاجي ابوها ...اني مثل الي بردت من ناحيتها بس خوفي من الله خلاني اضل على موقفي
اتفقنا وياهم على فترة ونجي ناخذها ل ايمان ونطيناهم المهر هذا كله صار بسرعة بس لان طريقهم بعيد ...مااستقصيت ولاسئلت وراها لان كله عمرها قاصر بسن المراهقة واهلها خوش عالم بعدين اني الي اخذتها ...وهم تليفون ماعندها
سلمنا على اهلها وطلعنا بدربنا ....
ايمان/همه طلعو واني ايدي على كلبي لا اختي تحجي شي الف صلاة على النبي راحت بيت زوجها ...هففف...
كاعدة واشوف ابوي يعد فلوس مهري ويقسم ...
كتله"
_يابه خل نطلع اني وامي نجهز الي
_اي من حقج بس كون عقلتي .....وتركتي سالفه الكلب المسعور ...زين من لكيتي واحد شاريج وهمزين دربج بعيد حتى تنسين اخخخخخ لو موخالتج ونصيبج جاي جان حسرة عليج ضوه الشمس ...
بعد يومين ...جنت كاعدة اخبارك اجت امي كالت"
_كملي الخبيزات وخلينا نطلع ...
_وين؟
_غير عروس انتي ....
_صار يمه ...
والله عاد اني هم كملت الي ب ايدي ولفيت الحجاب وطلعت وره امي رحت اشتريت كلشي اريدة و زاد هم مدري شنو الشعور الي تسرب بداخلي هل هو قناعة ،اكتفاء،او فترة وتعدي .....رجعنا وبنص الطريق امي تذكرت حبايه الضغط ...اني هم انتهزتها فرصه قرب محل فؤاد من يمنا ...كلت اي خل اروح اشوفه الحلقة واني نخطبت ...خل اشوفه الذهب ...والله وصلنا ...امي دخلت تجيب شغلات من البراد...فؤاد انصدم من شافني حافة حواجبي والعطر والذهب عيونه طلعت.....ضل يباوع ...اني هم اشرت اله ي ايدي عود مخطوبة...سويت نفسي مامهتمه ...اشترينا وطلعنا
هنا رجعت للبيت عود مسويه شي انجاز هه....
رجعت للبيت خطت البيت خوط ب ايدي ...اي اي غضته ...اي حتى يعرف قيمتي ....
بس هذا واحد طماع اخاف يسبب الي مشاكل ...
جنت كاعدة مااشوف اله الباب ندكت وامي فتحت الباب صاحبتي بالمدرسة جاية...امي صاحتني'
عندي اهلي ابد ميحبوها لان هي سبب تعارف بحبيبي فؤاد بس همه مايدرون بس تدرون انتو الاهل يحسون بشي غلط ....
_هلو خاله
_اهلا
_خاله ايمان موجودة
_ليش؟شتردين منها ...ايمان بطلت من الدوام ...
_اي خاله اعرف بس اريد منها الكتب اخذهن ادرس بيهن...
_يلا ....
تعالي ايمان:
_هاي يمه ..
_صاحبتج تريدج ...
_اي يله جايه..
وبيومها امي ماعافتني وكفت فوك راسي بس كل الي افتهمته منها من اخذت الكتب مني فؤاد رايد يشوفني ضروري ...
اي ...هيه الوحيدة الي تعرف علاقتي بي حبه حبه ....سكتت رمشت بعيوني بمعنى فهمت ....
قبل ماتطلع صديقتي كالت ل امي عود بمعنى بسمار"
_خاله بنتج تراها مخبله ...مخبله ....
امي بعفويه ردت"
_اي اي يمه ادري بيها مخبله تتزوج وتعقل ...يوم الي الج .......
راحت صاحبتي واني براسي تتراطم الف فكرة ...
وره ٥ايام رحت ل امي بالمطبخ كتلها"
_يوم اكلج هاي الصابونه الدورو الخضرة ريحتها جيبه منين جبتيها ....
_من المحل
_يمه يامحل خل اجيب منها ...
_اي اخذي من الجيزاني فلوس وجيبها وجيبي بطل دهن ومعكرونيه يلا يمه قبل مايجي ابوج استعجلي.
_اي يمه ....
طبعا اعرف بيها من محل فؤاد بس ...بس لازم اتكتك السالفه صدك...
عاد اني هم ماقصرت طلعت بوجهي للمحل فؤاد كاعد بباب المحل يشرب جكارة من شافني ذب الجمارة وفات ...وراي...
رحت اخذ الغراض اجه وراي عود ديعدل بالاغراض وهو اطول من عندي ....
كالت"هانت عليج ايامنا الحلوة هانت حبيبتي لج وين رحتي احبج .......
*اني هنا ضعفت اختنكت وللحظه وحدة اتندمت اه شجاني ونخطبت هذا فؤاد يحبني واني بعته علمود الفلوس ....احجي لاتسكتين....
_انت وين رحت من يوم الي اختي لكفتنا اختفيت.
_اني ...اني لج احبج بس غير اتمرضت وفلوس ماعندي
حتى الدوام ماجبت الي....شلون بيه بس اني احبج صدكي احبج ....تدرين صدكي ...صدكي لو جنت زين ومتوفر عندي مادة جان جيت .
هنا واسمع صوت اخوي جاي زركيت ييييمه طفرت على الجهه الثانية......درت وجهي دخلته براس الفريزر مالدجاج لانواخوي جاي يحجي وياه بخصوص طبقة بيض ...هي دقيقتين .....هي دقيقتين
جان اخوي كال "
