 |
رواية اخطاء الماضي الفصل الثاني بقلم جيجي
.وافلين قالت ... كملو انتو انا هنام على الصوفه دى كان عندى زيها هناك يا فؤاد فاكرها كنا ننام عليها سوا
دره وقفت بغضب وقالت .. بصى يا فازلين انتى لو ما مشيتيش من هنا انا هقوم اوريكي كويس ازاي في بنتعامل فى مصر هنرحب بيكي على طريقتنا فؤاد واللي كان ده كان زمان ماشي دلوقتي هو معايا مش مهم اللى عدى ولا مهم اللي شفتيه المهم دلوقتي انه معايا وجوزي وانا لو قمت جبتك من شعرك محدش هيلومنى وبعدين هو ايه اللي احنا بنات زي بعض ده هو انت قاعده معايا في الاوضه كده يعني انا الليله دخلتي واحده مع جوزي
افلين بصتلها وقالت .... دخله ايه دي مش فاهمه واضح ان انت تقصد ان الليله الفرح يعني فين المشكله يعني ايه المميز في ليله الفرح عن اللي قبلها
دره ضربت على صدرها وقالت ... قبلها لا هو انتوا قعدتوا قبلها
افلين قالت ...طبعا امال احنا معقدين زيكم
دره قالت... معقدين زينا يادي النيله اللي انتم مفتحين مفتحين على الاخر يعني واما جيت قولت على امي انها عايزه تخرب عليك طب بذمتك ده وضع فؤاد قرب منها
وقال بصوت واطي .. دره ما تتخانقيش معاها انتى ما شوفتيهاش انا شفتها قتلت الراجل في نص البيت وما حدش قالها تلت التلاته كام تمام هناك عادي جدا احنا لحدما المحامى يخلص الاوراق سيسيها
دره قالت بغيظ .... اسايسها يا ابن السايس انت مش شايفها جايه فى فرحي وتقولي قبلها وبعدها وشفتك وشافتك
فؤاد قال.... عشان خاطرى يا درى احنا اتفقنا ان انتى هتيجي تقفي معايا يا حبيبتي مش هتعقديها اكثر
دره قالت..... ماشي هنسيبلها الاوضه يعني ونطلع
فؤاد قال .... عادى مش مشكله نروح اوضه تانيه
دره قالت ..... ولو جات ورانا
فؤاد بص لافلين وقال ...انتى عجباك الاوضه دي مش كده احنا هنروح نقعد فى اوضه تانيه وانتى مش هتيجي ورانا صح
افلين ضحكت وقالت.... مش عارفه لو ما ارتحتش في الاوضه دي يس اوف كورس هجى الاوضه التانيه هقعد فيها وافضل اتنقل فى الاوض بقى لحد اما الاقي اوضه ارتاح فيها
دره بصتله بضيق وقالت....هتفضل تدور في الاوض لحد ما تلاقي الاوضه اللى ترتاح فيها
وبصت لافلين وقالت.... الراحه بعد الاربعين يا حبيبتي بعد الاربعين
ايفلين قالت 40 لا انا لسه انا 35 سنه لسه فاضلي خمس سنين يعني
دره قالت..... لا مش ال 40 دي ال 40 التانيه اللي بيوزعوا فيها القرص دي عارفاها
افلين قالت..... ما اعرفش دره قعدت وحطيت ايديها على دماغها
وقالت ....اعمل حاجه اي حاجه
فؤاد قال..... الحال ده مش هينفع لو سمحتي تاخدى فلوسك وتاخديلك اوضه او ترجعى بلدك انا عايز اعيش انتى دمرتيلي حياتي لو سمحتي افلين قربت منه بدلال
وقالت... love you بحبك جدا مش يقدر انا يقعد من غير انت هناك
فؤاد قال بعصبيه..... وانا مش يقدر يقعد مع حضرتك هنا انا متجوز دي وعايز اقعد معاها مش عايز ارجع لأنتى
ايفلين قالت..... وانا مش يمشي من غير انت
فؤاد قال..... انا كلمت المحامي وهيجي بكره نقسم الاملاك تاخدى نصها زي ما انتوا بتقولوا عندكم وانا هاخد النص التاني وهتطلعي من حياتي ومش عايز اشوف وشك تاني فى حياتى كلها
افلين قالت.... انا هاخد القصر ده بس وانت خد باقي الحاجات انا مش عايزاها
فؤاد قال.... يعني ايه ده قصر العيله يعني بتاع عيلتي يعني ما ينفعش اديهولك
افلين قالت ....خلاص اقعد معايا فيه
فؤاد قال.... اقعد معاكي فيه ايه وده بصفت ايه بقى ان شاء الله تقعدي معايا فيه
دره بصتله بضيق وقالت ... بصفت ان هي مش راضيه تقتنع ان انت اتجوزت وان فى واحده معاك دلوقتي
افلين قالت ببرودد ... بلضبط زي ما قالت كده انا مش مقتنعه بيها ومش هقتنع بيها بس لو انت عايز البيت ده وعايزنى اطلع منه واختفي من حياتك نتفق
فؤاد قال بسرعه ... نتفق ما نتفقش ليه اللي انتى عايزاه كله
دره قالت ....اهدى بس مش تعرف هي عايزه ايه الاول
فؤاد قال.... مش مهم اي حاجه المهم تغور من هنا
افلين قالت.... انت ترجعلي بس وانا هتنازل عن كل املك حتى القصر ده قولت ايه فؤاد بصلها شويه
ودره بصيتله وقالت.... انت بتبص كده ليه يمكن تكون بتفكر في الموضوع
فؤاد قال .... استني بس يا دره وبص لافلين
وقال.... ولو يعني رجعتلك هطلقك تاني هتاخدى نصه تانى
افلين قالت .... لا انت تتجوزني وانا اديلك البيت وانت اكتبوا باسم حد تاني وتكتب انه انت لو طلقتنى انا اخد كلي املاكك مش بس النص تاخد البيت وانا الباقى
فؤاد قال ... انتى بتقولى ايه هتستفاد ايه
افلين قالت... هستفاد انك هتبقى معايا ليله وده كفايه وانت تستفاد بالبيت
فؤاد قال.... هفكر في الموضوع تعالي معايا دره عايزك بره
دره قالت.... عايزني فين هتفكر في ايه وفؤاد اخدها وطلع بيها
دره قالت .... انت بتستهبل وانت جايبني عشان تتجوزها ولا ايه
فؤاد قال ... اهدى بس واسمعي ركزي معايا كويس انا لو اتجوزتها ورجعتلي كل الاملاك اقوم كاتبها باسم اخويا وبعد كده اطلقها المحكمه هتكتبلها نص املاكي مش هيكون معايا ولا جنيه لاني هصفى كل حسابي قبل ما اطلق بس كده مش هتاخد مني ولا جنيه ساعتها هتمشي تغور في داهيه واحنا نرجع الفلوس تاني من اخويا
دره قالت ... طب وانا
فؤاد قال ....انتى في القلب يا روحي
دره قالت ... مش هتطلقني
فؤاد قال... ايوه انا هتجوزها معاكى
دره قالت... لا وعلى ايه طلقني احسن انا راجعه عند ماما يا فؤاد ومش عايزه اشوف وشك تاني فؤاد مسك ايدها
وقال ... عايزه تسيبيني يا دره مش عايزه توقفى معايا في الكارثه اللي انا فيها
دره قالت.... انا مش هقف معاك في حاجه لان اول حاجه انت بتتخلى عني
فؤاد قال.... انا مش بتخلى عنك انا مش هطلقك قلتلك هتجوزها معاكي
دره قالت ... شوف حتى انت مش قادر تقولها اهو مش قادر تقولى هتجوز عليكى الناس هيقولوا ايه اما جوزى يتجوز عليا يوم صاحيتي
فؤاد قال.... الناس عارفه يا دره هم عارفين ان انا هتجوز عشان
دره قالت ... عشان ايه ما تقول ان انت راجعلها علشان الاملاك هى هتاخد احتياطها ومش هتخليك تعمل الهبل اللي انت بتقوله ده انت فاكر انها هي زلقت بلسانها كده وهي بتتكلم معاك ف اديتك الفكره دي هى هبله
دى رئيسه عصبات ممشيه عصابات وتقع كده عندك هي عارفه كويس قوي هي بتقول ايه هى عايزاك ترجع تتجوزها وهتخطط لحاجه وحاجه كبيره
فؤاد قال... لا يا دره هي مش هتعمل كده هي قالتها كده وبعدين هتستفاد ايه لما اتجوزها ليله
دره قالت... ما اعرفش بس اكيد لعبه وانا مش موافقه عليها يا انا يا هي
فؤاد قال.... انتى كده بتخيريني ومش ما بينك وما بينها لا مابينك وما بين كل الاملاك
دره قالت ... اعتبرها زي ما تعتبرها مقارنه بالاملاك مقارنه بها مقارنه ان شاء الله حتى بنفسك انا مش هقبل بضره بالذات لو كانت زي دي تمام انت مش جايب حيا الله واحده انت جايب واحده زعيمت مافيا عارف يعني ايه مافيا يعني الكلمه لوحدها تخض يعني احنا ممكن نتسحب كلنا معاها انا مش هخليك تتجوز عليا انا مش ناقصه حاجه عشان تتجوز عليا انت اصلا ميال ليها مره تقول الفلوس ومره تقول لو رحنا اوضه تانيه ومش عارفه لو اتجوزتك هتستفادي ايه وقاعد تتكلم معاها وتاخد وكان الموضوع عاجبك انا بقى انا مش عاجبني وانا مش موافقه عليها واضح انى غلطت انا ما سمعت كلامك ومشيت وراك من غير ما افكر فيه خلصنا يا انا يا هى
فؤاد قال .... تمام ادينى فرصه افكر دره مشيت وهي
بتقول .... براحتك بس ما تجيش جنب اوضتى لحد اما تفكر ودخلت اوضه وقفلت الباب
الاختيار صعب شدا 🥺
