رواية صدفه غريبه الفصل الثاني بقلم جمانه السعيدي
زيد...شلت التليفون كوه فتحت عيوني
رقم غربب طبعا اني من نمت نسيت سالفة الجنطه
توقعت هذا اتصال من الشركه ووافقو عليه
زيد...الوووو تفضلو
....اخي انت ناشر على الجنطه السوده كان الصوت صوت رجالي
زيد...اي جنطه
....الجنطه السوده الي بيه فلوس
زيد....اي اي اسف جنت نايم
....هاي جنطة زوجتي
زيد...اي انطيني المواصفات وشكد المبلغ حتى اتاكد
...شنو قابل اضحك عليك
زيد...لا حاشاك بس لازم تنطيني مو صافات الجنطه وشكد المبلغ حتى اتاكد هاي الجنطه الكم
....يمعود لا تكبر الموضوع هاي جنطت زوجتي وبيه راتبه
ووكعت منه
زيد...وين وكعت
...هنا المصيبه مجاي تذكر
زيد...مجاي تذكر وبن وكعت بس اكيد تعرف المبلغ بيه شكد
...اهوووو ليش اطولها مو كتلك جنطت زوجتي انطيني العنوان واني اجي أخذها
زيد....بدون ما اتنطيني موصفاته وشكد المبلغ الي بيها ماكو الك جنطه عندي
....رحمه الاهلك انطيني الجنطه
زيد عرفت هذا واحد حرامي يريد يتحايل عليه حتى ياخذ الجنطه سديت التليفون رجع اتصل عليه
راسا انطيته حضر
جمانه السعيدي
كمت حتى اشرب ماي دك التليفون مره ثانيه
رجعت شلته
زيد...الوووو هلمره صوت نسائي
زيد...تفضلو
...عيوني زاد فضلك علمود الجنطه جنطتي
زيد....اي شنو مواصفات الجنطه وشكد المبلغ
...عيوني جنطه سوده عاديه والمبلغ مااعرف لان اني توني استلمت سلفه وصرفت منه ومااعرف شكد بقه بلجنطه
زيد...يعني تقريبا شكد
...حبيبي لا ادقق هنا فلوسي لو فلوسك انت شنو دخلك شكد سلمني اياهن وخلص
زيد...اعتذر اذا ماا عرف المبلغ شكد مراح اسلمج الجنطه
....يمعود هاي شبيك مو كتلك جنطتي
زيد...اسف
...زين اني راح انطيك ٣ احتمالات واذا طلعت وحده منهن
اتسلمني الجنطه
زيد...شنو نلعب خوما نلعب انت مبينه مو صاحبت الجنطه
روحي الله وياج
سديت التليفون
رحت اشرب ماي واني افكر معقوله اكو ناس تقبل ادخل البيته فلوس حرام
مو هاي الفلوس راح تحركهم حرك
كل شويه واحد يتصل وكل واحد يطلع مو صفات من كيفه
حتى واحد اتصل وعرض عليه نتقاسم الفلوس بلنص
اني الصراحه عقلي مايقبل يصدك اكو بشر الحرام عدها عادي
جمانه السعيدي
كعدت امي من النوم واجت الغرفتي
امي...شبي تليفونك ماسكت ويامن تحجي
زيد...نسيت ماحجيتلج أليوم من رحت الصبح لكيت جنطه نسائيه بيها فلوس لكيته بلخط
امي...بسلا جبتها وياك
زيد... اي جبته السايق ما قبل ياخذها
امي...ليش تورط نفسك يايمه لو عايفها بلسياره احسن
زيد...لو عايفه بلسياره جان أخذها واحد ابن حرام
وضم الفلوس
امي...وهسه شلون تعرف صاحبته
زيد...نشرت بلفيس بلكت صاحبت الجنطه تشوف المنشور
امي...ومنو هذا الي جنت تحجي ويااا
زيد...هاي ناس ماعدها مخافت الله تريد تاخذ الفلوس
امي...لا يمه اله تجي صاحبت الجنطه يله تنطيه
زيد...انشاء الله صاحبت الجنطه تشوف المنشور وتجي تخلصني منها
امي.. انشاء الله خلي اروح اخدر جاي
شربنا الجاي واني بقيت بلبيت خاف احد يتصل علمود الجنطه
جمانه السعيدي
لليل تعشينا وامي طلعت على الجواربن واني كمت اكلب بلتليفون
هنا الشيطان دخل عقلي وبدأ يقدملي عروض
يريد يغويني ويسحبني للحرام
اول عرض....ليش ماتاخذ ١٠٠ الف من الفلوس واكيد صاحبت الفلوس من ترجعهن الها مراح تزعل
راح تعتبرهن هديه لان رجعتلها الفلوس
زيد...أعود بلله من الشيطان الرجيم
ثاني عرض....الناس كله محد يفكر بلحلال والحرام وانت
هالك نفسك شنو حلال شنو حرام
هاي الفلوس انت أولى بيه
رب العالمين دزه الك رزق يعرف حالتك الماديه ضعيفه
ودزهن الك اخذهن واسكت
زيد....ملعون يلشيطان استغفر الله ربي واتوب اليه
ثالث عرض....يعني ماطلعلهن اهل رغم انت نشرت عنهن
اصرف بيهن وسد النقص الي عندك ولو طلعت صاحبت الفلوس اشرحلها وضعك اكيد راح تسامحك
زيد...لا حول ولا قوة الا بلله العظيم
رابع عرض من الشيطان....اصلا هنا مبلغ مايسوه ابد
لو احد غيرك جان راح هسه اشترا بيهن ملابس وعطور
واتسوك للبيت مسواك محترم
انت عاجبك وضعك هذا
وحتلو اجت صاحبت الفلوس طلع حجه كول اجت وحده انطت موصفات الجنطه واخذتهن
قابل شراح تسويلك مثلا
زيد....أعوذ بلله من غضب الله
يااارب ياارحم الراحمين يارب العالمين
الشيطان ماعافني بقه مصمم على موقفه ويحاول يقنعني اخون الامانه
بس اني ولله الحمد إيماني قوي وعندي قناعه ماتنوصف
ابد رغم حالتنا الماديه الصعبه
بس مصمم لازم احافظ على الامانه وماافرط بيها ابد
منا لمن تطلع صاحبت الجنطه
وتاخذها مني
جمانه السعيدي
رجع اجاني اتصال وواحد يريد ياخذ الفلوس
وبقا يحاول يقنعني بس اني قفلت اله ينطي مواصفات الجنطه يله ياخذها
اخير شي كال المبلغ الي بلجنطه مليون
زيد...لا مو مليون روح الله يسهلك
حقيقتا مااعرف شنو طينة هيج بشر لا تعرف الحلال
ولا الحرام
رجعت امي للبيت
امي...هااا ماطلعت صاحبت الجنطه
زيد...ماكو بس الحراميه تتصل راح اصبر كم يوم بلكت تطلع صاحبت الجنطه
نمنا اني وامي كل واحد بغرفته
جمانه السعيدي
كعدت نص اليل حيل عطشان رحت اشرب ماي
شفت شي اسود خطف بسرعه من قربت على المطبخ
زيد...أعوذ بلله من الشيطان الرجيم
كلت ايجوز يتهيئلي لان جنت نايم
شربت ماي اريد ارجع للغرفه شفت شي اسود خطف
كدامي مره ثانيه
هلمره دخل للحمام
زيد ...كمت امشي واقرا اية الكرسي شعلت الضوه البيت
فتحت باب الحمام شعلت ضوه الحمام
جان اشوف بزونه سوده وعيونه حمر مكرفسه بنهاية الحمام ونايمه
بقت تباوع عليه
كلت هاي البزونه شلون دخلت حتى باب الحمام مسدود
بس مااهتميت لان نعسان
يله خل اعوفه مالي خلك اطلعه برا الصبح اطلعه
عفت باب الحمام مفتوح خاف تطلع
يعني ترجع منيين مااجت
خفت أسد الباب وتبقى اطلع صوت وماانكدر انام
رجعت الغرفتي تمددت وتغطيت
نمت تقريبا ساعه جان احس شي ثكيل صعد عليه
فتحت عيوني البزونه نفسه صاعده على جسمي
زيد...أعوذ بلله من الشيطان الرجيم بسم الله الرحمن الرحيم
بس كلت هذا الكلام نزلت من فوكي وطلعت من الغرفه
سمعت صوت اذان الصبح
كمت اتعوذت من الشيطان وتوضيت وصليت صلاة الصبح
من كملت صلا دورت البيت كله
كلشي مالكيت
اي اثر للبزونه ماكوووووو
توقعت البزونه طلعت مثل مادخلت للبيت
قريت قراءن شويه ورجعت نمت
كعدت الصبح اصلا ناسي هاي السالفه كله
اتريكت وطلعت ادور شغل بعد اني ايست من شغلت الوضيفه
تعبت ومالكيت شغل رجعت للبيت
