رواية صدفة عشاق الفصل الثالث والثلاثون
ليلي دموعها نزلت بتعب . و هي بتفتكر كل حاجه حصلت .
Flash back .
ليلي نزلت من العربيه . هي و زين . و ابتسمت بهدوء ./متخدش علي كده بقي . انا عندي شغل .
زين ابتسم بهدوء ./مش كتر خيري . اني قولت اعدي اخرجك . و اجبلك ايس كريم .
ليلي ضحكت بخفه ./واخد معاك بنت اختك .
زين وقف جمبها و ابتسمت بحب ./ عارفه اني معاكي . بحب اعمل كل حاجه مكنتش متوقع اني اعملها . بحب ابقي انسان علي حريتي و براحتي .
ليلي ابتسمت و اتنهدت بهدوء ./طب يلا مش هتعزمني علي ايس كريم . و لا رجعت في كلامك .
زين ضحك بهدوء ./و انا اقدر .
ليلي ابتسمت بتعب . قبل ما تمسك دراعه و تسند عليه بدوخة . زين وقف بتوتر و مسك ايديها و هو بيسندها علي العربيه ./ليلي انتي كويسه .
ليلي هزت راسها . و هي باصه في الأرض . و لحظات و كان اغم عليها . زين سندها بخوف و هو بيركب العربيه . و ركب بسرعه. و راحوا المستشفى .
زين فضل قاعد قدام سرير ليلي بهدوء . بعد ما الدكتوره كشفت عليها . و مستنيها تفوق .
لحد ما ليلي فتحت عينيها بتعب . و اتعدلت بهدوء . و بلعت ريقها بتوتر و هي بتتكلم ./هو ايه اللي حصل .
زين اتنهد بهدوء و هي بيتعدل . /جبتك علي هنا . بعد ما اغم عليكي . بس الدكتورة طمنتني عليكي .
ليلي بلعت ريقها بتوتر ./ هي قالتلك ايه .
زين اتنهد بهدوء ./انك حامل في اخر الشهر التاني .
ليلي حطت دماغها بين أيديها بدموع . زين مسك ايديها بهدوء ./انتي حامل من حازم يا ليلي .
ليلي هزت راسها بدموع ./انا حاولت أنزله والله حاولت . بس الدكتوره قالتلي أن لو ده حصل ممكن مبقاش ام تاني .
زين اتنهد بهدوء ./و مقولتيش لـ حازم ليه .
ليلي هزت راسها برفض ./ حازم لو عرف هيستغلها عشان يرجعني ليه . انا مش هقدر أنزله . بس مش هقدر ارجع لـ حازم . و مش قادره أواجه اهلي .
ليلي مسحت دموعها بخوف ./ انا غلطت لما خليته يقربلي . بس وال....
زين قاطعها بهدوء ./ ليلي انتي مغلطتيش . انتو كان مكتوب كتابكم . يعني لا حرام و لا غلط .
ليلي هزت راسها بدموع . و هي بتاخد نفسها بالعافيه .
زين ابتسم بهدوء ./ تتجوزيني يا ليلي .
ليلي سحبت ايديها بتوتر . زين اتنهد بهدوء ./هنبدأ صفحه جديده مع بعض . و نتجوز و نسافر . و نربي البيبي اللي جاي سواء . و هيبقي ابني انا و انتي .
ليلي دموعها نزلت بخوف ./مش هقدر اصلح غلط بغلط اكبر . و مينفعش احساسك بالشفقه ناحيتي يخل...
زين مسك ايديها . و قاطعها بهدوء ./و مين قال إن احساس شفقه . ليلي انا طول الفترة اللي فاتت كنت بحاول اصلح كل حاجه عملتها زمان . منكرش اني فرحت من قلبي لما سبتي حازم . حسيت انها فرصه جديده ليا . و كان لازم استغلها . وافقي يا ليلي . و انا مش هخليكي تندمي علي اختيارك ليا ابدا .
ليلي هزت راسها بهدوء . و هي بتدعي أن كل حاجه تبقي زي خطط زين .
نهاية الـ Flash back .
ليلي خدت نفسها بسرعه . و هي بتمسح دموعها بايديها . و بتحاول تهدي نفسها . و تقنع نفسها أن اللي حصل كان الصح .
__________________________________________
فات اسبوع يبقي الوضع علي ما هو عليه .
عند زين و ليلي . كانوا متجمعين عند فيروز و فاروق .
فاروق شال حنين و هو بيرفعها لفوق ./مش ناويه تجيبي حضن لـ جده يعني .
فيروز ابتسمت بهدوء ./هاتها عندي هي هتديني انا حضن .
زين و ليلي ابتسموا عليهم بهدوء . زين مسك ايد ليلي بقلق ./انتي كويسه .
ليلي هزت راسها بهدوء ./شويه دوخه بس .
فيروز كملت بهدوء ./معرفتوش البيبي ايه .
زين هز رأسه و هو بيضحك ./ ليلي كل مره مصممه تعرف . و الدكتوره قالتلها لسه بدري عشان نعرف نوع البيبي ايه .
فاروق ابتسم بهدوء . و هو لسه شايل حنين ./اللي يجيبه ربنا كله كويس .
فيروز ابتسمت لـ ليلي بهدوء ./بس انتي خلي بالك الفترة دي من نفسك و من حنين . و متتعبيش نفسك خالص . سيبي كل حاجه علي زين .
كلهم ضحكوا بهدوء . و زين ابتسم و هو بيتكلم . /هي تؤمر بس و انا اعملها اللي عايزاه .
ليلي ابتسمت بحب . و هي ماسكه ايديه .
__________________________________________
تاني يوم ...
حازم فتح عينه . و ابتسم بهدوء لما شاف جيهان داخله تصحيه . /صباح الخير يا حبيبتي .
جيهان ابتسمت بفرحه و هي قاعده قصاده ./صباح النور يا حبيبي .
حازم اتعدل و بصلها باستغراب ./مالك .
جيهان اتنهدت بهدوء ./عارف بقالك قد ايه مش بشوفك . حاسه انك بقيت تهرب مننا انك تروح تبات بره .
حازم مسك ايديها و باسها بحب ./حقك عليا . انا بحاول اعمل اللي يخليكي مرتاحه والله يا ماما .
جيهان مسكت ايده برجاء ./ لو عايزني مرتاحه فعلا . اتجوز يا حازم .
حازم اتنهد بتعب ./ ليه يا ماما بتفتحي معايا الموضوع ده تاني .
جيهان ابتسمت بهدوء ./عشان دي سنة الحياه يا حبيبي . لازم يكون ليك بيت و عيله . مش هتفضل عايش لوحدك . مش نفسك تبقي اب يا حازم .
حازم اتنهد بهدوء ./بعدين يا ماما . انا مش عايز افكر في الموضوع ده دلوقتي .
جيهان اتنهدت بتعب ./ليلي مش نصيبك خلاص يا حازم . هي شافت حياتها و ده حقها . انا مش هعمل زي كل مره و الومك . انا عايزاك تعرف أن حقك انك تشوف حياتك و تبدأ صفحه جديده مع نفسك .
حازم مسح على وشه بتعب ./انا مش عارف ابطل الوم نفسي . اني كنت السبب في دموعها و قهرتها . انا لسه فاكر شكلها يومها كانت مقهوره و بسببي . نظرتها ليا لحد دلوقتي في عقلي . كانت بتبصلي بـ نظرات و دموع كلها خذلان . انا مش قادر اسامح نفسي يا ماما .
حازم كمل و عينه لمعت بالدموع ./لما بشوفها مبسوطه بتقهر .و اقول كان عندها حق لما قالتلي هتفضل طول عمرك ندمان عليا . بقول لنفسي أن كل ده كان من حقي . هي نفسها كانت حقي و انا اللي ضيعتها .
جيهان اتنهدت بدموع ./كل ده مش هيغير اللي حصل . انت لازم تبدأ من جديد . كفايه تعاقب نفسك يا حازم . اللي حصل حصل خلاص مش هيتغير . انا عارفه انك لسه محتفظ بـ كل حاجه تخصها . ارميهم يا حازم . و ابدا من جديد مع نفسك الاول .
حازم اتنهد بهدوء و هز رأسه و هو بيقوم ./هجهز عشان الحق اروح المستشفى.
__________________________________________
بعد اسبوعين .
زين ابتسم بهدوء . /صباح الخير يا ليلي .
ليلي بصتله بطرف عينيها . و هي بتلعب مع حنين ./صباح النور .
زين اتنهد بضيق ./و بعدين يعني هتفضلي زعلانه كده كتير .
ليلي اتنهدت بضيق ./لا خلاص مطلاما شايف أن محصلش حاجه . يبقي براحتك يا زين .
زين ابتسم بهدوء ./ليلي انا خايف عليكي . مش عايزك تفضلي رايحه جايه عند مامتك عشان متتعبيش . انتي لسه في الشهور الأولي .
ليلي اتنهدت بهدوء ./بس انا زهقانه . بفضل قاعده لوحدي انا و حنين . يا اما ريماس بتجيلي يا اما انا بروح عندها أو عند ماما .
زين باس راسها بهدوء ./انا معنديش مشكله انك تروحي في المكان اللي يعجبك . بس مش علي طول يا ليلي . عايزك تخلي بالك علي نفسك اكتر من كده .
ليلي هزت راسها بهدوء و سكتت . زين اتكلم و هو بيسحب مفاتيح عربيته ./ جهزي نفسك علي اخر اليوم . هنروح نسهر مع ريماس و ايهم .
ليلي ابتسمت بهدوء و هي بتشيل حنين ./هستناك .
زين ابتسم بحب و مشي .
__________________________________________
حازم دخل عيادته و اتنهد بتعب . و دقايق و لقي دكتور دخل عنده و اتكلم ./دكتور حازم . المريضه اللي كانت تبع حضرتك فاقت امبارح بليل و حالتها مستقره .
حازم هز رأسه بهدوء ./طيب انا هاجي اشوفها .
حازم دخل عند ندي . و سحب كرسي و اتنهد بهدوء . و هو مركز علي تعابير وشها ./حمدالله على السلامه .
ندي هزت راسها بتوتر ./الله يسلمك .
حازم ابتسم ببرود ./لما العربيه خبطتك و جيتي هنا . مكنتيش بتقولي غير حاجه واحده بس .
ندي بلعت ريقها بتوتر . و حازم كمل بجمود ./زين يا حازم زين . و بعدها دخلتي في الغيبوبه .
ندي خدت نفسها بصعوبه ./ممكن يكون مجرد خطرف..
حازم قاطعها بهدوء ./ او كنتي فاكره نفسك هتموتي . و عايزه تعترفي بـ حاجه .
ندي هزت راسها بتوتر ./حاجة ايه .
حازم قرب منها بهدوء مخيف ./انتي اللي هتقولي .
حازم طلع تليفونها من جيبه بهدوء ./ده حتي لقيت بينكم مكالمات كتير اوي . بس اي حاجه تانيه في التليفون كان ليها باسورد . تعرفي زين منين و ليه يا ندي .
ندي بلعت ريقها بتوتر ./معرفوش .
حازم ابتسم بسخرية . و صرخ بغضب ./تعرفي زين منين يا ندي .
ندي رجعت لوره بخوف . و هي بتهز راسها برفض . حازم سحبها من ايديها بغضب ./ما هو بره باب الاوضه دي مش هتخرجي . غير لما تقولي علي كل حاجه . عرفتي زين امتي و ليه . و ايه اللي كنتي هتقوليه وقت الحادثه . و ايه كل المكالمات اللي بينكم دي . يا اما هتفضلي محبوسه هنا . و انا هفضل معاكي لحد بردك ما تقولي كل حاجه .
ندي هزت راسها بخوف . و هي مكرره هتقول كل حاجه .
__________________________________________
بليل . عند ايهم و ريماس .
زين بص لـ ليلي و ابتسم بهدوء ./تعبانه نروح .
ليلي ابتسمت بهدوء و هزت راسها برفض .
ريماس ابتسمت بهدوء ./ طب هاتي البنت انيمها جوه .
ليلي هزت راسها برفض ./لا انا مرتاحه كده .
زين ابتسم بهدوء ./سيبيها يا ريماس . حنين لو اتحركت بعيد عن ليلي مش هتعرف تنام لـ تاني يوم .
ايهم ابتسم بهدوء ./ ما طلاما متعودتش من و هي صغيره . هتفضل كده لحد ما تكبر شويه .
زين ضحك بهدوء ./ايوه طبعا . دكتور اطفال و فاهم بقي .
ايهم ضحك بهدوء ./قول لـ اختك بقي . لان عندها شك في الموضوع ده . و بتستفسر من دكاترة بره عشان تتأكد من كلامي .
ريماس ابتسمت بهدوء./مش انا المفروض اطمن علي ابني بردك .
ليلي ابتسمت بهدوء ./تطمني علي ايه . ما باباه معاكي اهو .
كلهم ضحكوا . و ايهم قام يفتح الباب باستغراب . لما لقاه بيخبط . حازم دخل بغضب و هو ماسك ندي من شعرها . و حدفها بغضب علي الارض . كلهم قاموا بخضه . ايهم قرب منه بغضب ./ ايه اللي بتعملوا ده يا حازم . و ايه اللي جاب ندي .
حازم اتنهد بضيق . و هو بيسحب ندي من ايديها. /اتكلمي يلا .
زين سحب ليلي من ايديها بضيق ./يلا يا ليلي هاتي حنين . و يلا نمشي .
حازم اتكلم بضيق ./محدش هيمشي من هنا . غير لما ندي تقول كل حاجه .
ليلي اتنهدت بسخرية ./يعني ايه هتخلينا بالعافيه .
حازم هز رأسه بضيق . و كمل لـ ندي ./ اتكلمي يلا . انا هتحايل عليكي .
ندي وقفت بتوتر ./زين اللي قالي اعمل كل حاجه .
كلهم بصوا لبعض بصدمه و استغراب ...ووووو...
