رواية صدفة عشاق الفصل السادس والثلاثون
فات اسبوع من غير اي جديد .
ليلي دخلت عيادة حازم . و اتنهدت بقلق ./ايه يا حازم في جديد .
حازم هز كتفه بقلة حيله ./زي ما اتوقعت .تحاليلكم مش مطابقه .
ليلي خدت نفسها بصعوبه . قاطعهم دخول ريماس . ريماس ابتسمت بهدوء ./زين بره يا حازم .
حازم هز رأسه بهدوء ./انا خليت ايهم يكلم زين . عشان منتاخرش في الإجراءات .
ليلي اتنهدت بضيق ./ازاي تعملوا كده من غير ما ترجعولي .
ايهم اتنهد بهدوء ./ مهما كان بينكم ايه بس بنتكم اهم يا ليلي . و احنا اتفقنا معاه أنه مش هيقرب منك طول الفترة دي .
حازم قام بهدوء ./انا هروح اخده عشان يجهز .
ليلي اتنهدت بضيق و طلعت وره حازم . زين ابتسم ببرود ./ ايه يا ليلي . مش هتسلمي عليا .
ليلي اتنهدت بضيق . و سحبته من ايديه و وقفت بعيد . و بصتله بغضب ./انت عارف كويس اوي انك مش ابوها . و ان مستحيل تحاليلكم تبقي مطابقه . ليه عايز تفتح عليا مشاكل اكتر . مش كفايه اللي عملتوا فيا .
زين ابتسم بهدوء ./حبيبتي لازم تبقي اهدي من كده . و انا سألت دكتور . و قالي أن ممكن تبقي مطابقه . يعني مش مستحيل . هو امل ضعيف بس في امل . و انا اكيد مش هتاخر اني أنقذ بنتي يا ليلي .
ليلي غمضت عينيها بغضب ./انت بني ادم مريض . انا متاكده انك قاصد تعمل كده . حنين مش بنتك فوق بقي .
زين حرك ايده علي كتفها . و ابتسم ابتسامه بارده ./لازم تبقي اهدي من كده يا حبيبتي .
ليلي سحبت ايديها بغضب . و رجعت لوره . حازم كان واقف بيتابعهم بهدوء . لحد ما ايهم اتكلم بصوت عالي ./طب يلا يا زين عشان نلحق .
زين ابتسم بهدوء و مشي معاه . ريماس قربت من ليلي و ابتسمت بهدوء ./خير إن شاء الله يا حبيبتي .
ليلي ابتسمت بقلق . و هي متاكده أن اللي بيحصل ده مش هيعدي علي خير .
__________________________________________
تاني يوم . ليلي فتحت عينيها بقلق . بعد ما معرفتش تنام طول الليل من قلقها من تصرف زين . و ابتسمت ببراءة و هي شايفه حنين نايمه . و حركت ايديها علي شعرها بحب ./حنونتي . نونتي يلا اصحي .
ليلي رجعت شعر حنين لوره بقلق . لما شافت وشها مزرق ./ حنين يا حنونتي اصحي .
و اتعدلت و هي بتجيب تليفونها بسرعه . و رنت علي حازم . و هي بتتكلم بقلق ./حازم حنين وشها مزرق و بصحيها مش بترد عليا .
حازم اتكلم و هو راكب عربيته ./ طب شوفي النبض منتظم كده .
ليلي دموعها نزلت بخوف ./ضعيف يا حازم .
حازم اتنهد بهدوء ./طب انا كنت رايح المستشفي دلوقتي . اجهزي بسرعه و هعدي عليكي .
ليلي قفلت معاه و قامت بسرعه . و هي بتدعي أن حنين ميحصلهاش حاجه .
__________________________________________
في المستشفي .
حازم اتنهد بهدوء . بعد ما خرج من اوضة حنين . /ده تعب طبيعي لان الأعراض ابتدت تظهر عليها .
ليلي اتنهدت بدموع ./ يعني هي هتفضل كده علي طول .
ايهم هز رأسه بهدوء ./ لا إن شاء الله . احنا المهم دلوقتي أنها تعمل العمليه في اسرع وقت .
ريماس حضنت كتفها و ابتسمت بهدوء ./هتبقي كويسه يا حبيبتي والله .
حازم هز رأسه بهدوء ./هي هتحتاج تفضل معانا كام يوم . و انا هحاول استعجل تحاليل زين . يلا يا ايهم .
حازم و ايهم مشيوا . و ليلي فضلت واقفه بخوف من اللي جاي . و هي حاسه بتعب .
ليلي وقفت بوجع . و سندت علي الحيطه بتعب . و هي بتحط ايديها علي بطنها . بتصرخ بوجع . ريماس مسكت ايديها بقلق ./ ليلي . ليلي . مالك . في ايه .
ليلي دموعها نزلت بوجع ./بطني يا ريماس . مش قادره .
ريماس بصت بصدمه علي الدم اللي نزل من رجليها . و قعدت مع ليلي اللي اغم عليها علي الارض . حازم و ايهم قربوا عليهم بقلق . حازم قرب من ليلي و هو بيشيلها بسرعه ./ في ايه يا ريماس . اتكلمي .
ريماس دموعها نزلت بخوف ./معرفش . فجأة صرخت من بطنها و اغم عليها .
حازم دخل عيادته و نيمها علي السرير . و ايهم دخل وراه . ايهم اتكلم بضيق ./حازم دي محتاجه دكتوره نساء .
حازم بغضب ./و مستني ايه . هات دكتوره بسرعه .
ريماس قربت منهم بتوتر ./هي كده ممكن تكون سقطت .
حازم بصلها بغضب ./اخرجي بره يا ريماس . كفايه اللي حصلها و حصلنا بسبب اخوكي .
ريماس دموعها نزلت برفض ./مش هقدر اسيبها . انا مش...
حازم صرخ في وشها بغضب ./اخرجي يا ريماس .
ريماس خرجت بخوف . و ايهم دخل و معاه الدكتوره . اللي كشفت علي ليلي بهدوء . الدكتوره اتكلمت بتوتر ./لازم تدخل عمليات .
حازم مسك ايد ليلي بقلق ./ هي كويسه .
الدكتوره هزت راسها بتوتر ./ مش هعرف اقول حاجه غير لما تدخل العمليات . لازم تدخل دلوقتي و بسرعه .
ايهم مشي بسرعه ./هخليهم يجهزه العمليات حالا .
الدكتوره مشت وره ايهم . حازم اتنهد بدموع و بص علي ليلي بقلق و هو ماسك ايديها . و قرب باس راسها بدموع ./ علي قد ما أنا موجوع منك . بس مش قادر اكدب علي نفسي اكتر من كده . عمري ما بطلت احبك يا ليلي . و طول عمري هفضل موجود عشان مسمحش لـ حاجه تاذيكي مهما كان .
__________________________________________
فات ساعات و كلهم واقفين بره قدام اوضة العمليات .
لحد ما خرجت الدكتوره و اتنهدت بتعب . كلهم قربوا منها بقلق . حازم اتنهد بضيق ./كل ده جوه بتعملي ايه .
الدكتوره بصتلهم بضيق . و اتنهدت بهدوء ./ المدام كان عندها نزيف داخلي . و البيبي اتوفي نتيجة ضغط عصبي . و محتاجه تفضل هنا علي الاقل يومين .
ريماس اتكلمت بقلق ./يعني هي هتبقي كويسه .
حازم بص عليها بغضب ./ هو انا مش قولتلك ملكيش دعوه . مبسوطه باللي اخوكي عمله . شوفتي نتيجة أفعالك انتي و اخوكي .
ايهم سحب ريماس وراه . و اتنهد بضيق ./حازم انا مراعي اللي انت فيه . بس ريماس ملهاش اي دعوه . خلينا نطمن علي ليلي و اي كلام يتأجل بعدين .
حازم مسح على وشه بضيق . و دخل عند ليلي .
ايهم اتنهد بهدوء و سحب ريماس في حضنه ./معلش يا ريماس حقك عليا . بس حازم مضايق من كل حاجه حصلت .
ريماس بصتله بدموع ./بس انا خايفه علي ليلي بجد .
ايهم هز رأسه و ابتسم بهدوء ./انا عارف يا حبيبتي . و حازم هيهدي و هخليكي تدخلي تطمني عليها .
ريماس اتنهدت بدموع من المواقف اللي حطها فيها زين . و دخلت في حضن ايهم . اللي ابتسم بهدوء و باس راسها بحب .
حازم فضل قاعد جمب ليلي . و هو ماسك ايديها بقلق . و مستنيها تفوق . لحد ما ليلي فتحت عينيها بتعب و هي بتبص حواليها . حازم ابتسم بفرحه ./حمدالله على سلامتك يا ليلي . انتي كويسه . حاسه بحاجه تعباكي .
ليلي غمضت عينيها بتعب ./فين بنتي .
حازم حرك ايده علي شعرها بهدوء ./هجبهالك بس لما اطمن عليكي الاول . انتي كويسه .
ليلي حركت ايديها علي بطنها بدموع ./ابني حصله حاجه .
حازم اتنهد بضيق ./ حصلك نزيف و البيبي مستحملش .
ليلي غمضت عينيها بدموع . حازم مسك ايديها بهدوء . /المهم انك كويسه دلوقتي يا ليلي . انتي اكيد مكنتيش عايزه بيبي تاني يربطك بـ زين بعد اللي عمله . اكيد ربنا عمل كده عشان مصلحتك و مصلحة بنتك .
ليلي هزت راسها بدموع . و سحبت ايديها بتوتر ./عايزه اشوف بنتي يا حازم .
حازم هز رأسه بهدوء ./حاضر هروح اجبهالك . و ريماس و ايهم هيدخلوا يطمنوا عليكي .
حازم طلع و اتنهد بهدوء ./تقدروا تدخلوا تتطمنوا عليها .
و سبهم و مشي . حازم وقف بتوتر قدام سرير حنين . و ابتسم عليها بهدوء و هو شايفها بتلعب مع نفسها . رغم المحاليل اللي متركبالها . و ابتسم بهدوء و هو بيشيلها المحاليل . حنين ضحكتله و هي بتمسك صباعه بأيديها . حازم ابتسم بحب ./تعالي يا بنت الغاليه .
حازم اتنهد بهدوء و هو شايل حنين ./لو مكنتش كل ده حصل . كان زمانك بنتي انا و ليلي .
حنين ضحكتله ببراءة و هو شيلها . و هو فضل يضحك معاها لحد ما دخل عند ليلي .
ليلي اتعدلت بسرعه . و هي بتاخد حنين و ابتسمت بدموع . و هي بتبوسها و بتحضنها . ريماس طبطبت علي ليلي بحب ./يا ليلي الحمدلله انك كويسه دلوقتي . و حنين إن شاء الله هتعمل العمليه و هتبقي كويسه .
ليلي اتنهدت بتعب ./سبوني لوحدي .
ريماس بصت لـ ايهم و حازم . اللي بصوا لبعض باستغراب .
ريماس اتنهدت بتوتر ./طيب طنط حاولت تكلمك كتير . فـ رنت عليا .
ليلي اتنهدت بدموع ./عرفيهم اللي حصل . بس مش عايزه حد يدخلي . عايزه افضل انا و بنتي لوحدي .
حازم اتنهد بهدوء و هو بيقرب أيده من ضهرها . ليلي رجعت بهدوء./انا واحده متجوزه يا حازم .
حازم بعد أيده بضيق . و ايهم اتكلم بتوتر ./طب احنا هنفضل بره لو احتجتي حاجه .
و طلعوا . ليلي بصت علي أثرهم بشرود . و قربت حنين من حضنها بدموع لحد ما نامت . و ليلي فضلت تبص عليها بدموع و هي خايفه يحصلها حاجه.
__________________________________________
تاني يوم .
ريماس وقفت قدام المستشفي . و هي بتبص لـ زين بغضب ./ايه اللي جابك هنا تاني . خلاص مش محتجينك غير لما التحاليل تظهر .
زين اتنهد بهدوء. /ريماس انا عايزه اشوف ليلي و اطمن علي بنتي . ساعديني ادخلهم من غير ما حد يشوفني .
ريماس اتنهدت بغضب. /انت ليك عين بعد اللي عملته . كفايه لحد كده . ليلي فوق محجوزه في المستشفي . و بنتك بين الحياه و الموت . و انت لسه عايز تاذيه..
زين قاطعها بقلق ./ليلي محجوزه ليه . ليلي حصلها حاجه .
ريماس هزت راسها بضيق ./ليلي سقطت يا زين . و حالتها مش كويسه . لو سمحت ابعد عنها نهائى . عشان خاطري يا زين . طلقها و ابعد عنها . هي اتاذت كتير اوي منك انت بالذات .
ريماس بصتله بضيق و طلعت . زين غمض عينه بغضب . و هو بيحاول يهدي نفسه من اللي ريماس قالته .
فوق عند ليلي .
ليلي اتنهدت بدموع ./بس انا عايزه بنتي . ودوني عندها .
حازم اتنهد بهدوء ./يا ليلي انتي مينفعش تتحركي من مكانك . مينفعش دلوقتي خالص . و هي لما تخلص الاشاعات اللي بيعملوهالها انا هجبهالك .
ليلي دموعها نزلت بوجع ./هتبقي كويسه يا حازم صح . عشان خاطري قولي اي حاجه .
حازم قعد علي طرف السرير و ابتسم بهدوء ./هتبقي كويسه والله . بس عشان خاطرها هي اهدي و كفايه اللي حصل . البيبي نزل بسبب نفسيتك يا ليلي . والله حنين هتبقي كويسه . اسبوعين بس و نتيجة تحاليل زين تظهر و نتأكد و تعمل العمليه و خلاص .
ليلي اتكلمت بتوتر ./هو لو زين نتيجة تحاليل مكنتش مطابقه .هنعمل ايه .
حازم اتنهد بهدوء ./لا متخفيش . مطلاما نتيجة تحاليل انتي مش مطابقه يبقي اكيد هيبقي زين مطابق معاها . نادرا لو لقيتي حد مش مطابق لـ تحاليل الاب و الام . و وقتها بنشوف متبرع .
ليلي اتنهدت بتوتر . و هي بتدعي أن زين تبقي تحاليله متطابقه معاها . رغم أنها متاكده أنه مستحيل .
حازم اتنهد بهدوء ./انا هروح اشوف حاجه في الدور بتاعك . لو احتجتي حاجه كلميني . و ريماس هتطلعلك علي طول.
ليلي هزت راسها بهدوء و رجعت دماغها لوره بتعب بعد ما حازم طلع . بعد شويه . ليلي اتعدلت بتوتر لما زين دخل و قفل الباب وراه . ليلي اتنهدت بتوتر و ضيق ./انت بتعمل ايه هنا .
زين قرب منها بهدوء مخيف ./قتلتيه . قتلتي ابني يا ليلي .
ليلي رجعت لوره و هي بتهز راسها بخوف ./ لا والله مش كده .
زين سحبها من شعرها بغضب ./مش كده ايه . اومال ابني مات ازاي . قتلتيه عشان عايزاني أطلقك . فكراني اهبل عشان أطلقك . لا يا ليلي . مهما عملتي هتفضلي مراتي لاخر يومك في عمرك .
ليلي حطت ايديها علي أيده اللي كان علي شعرها . و اتكلمت بوجع و دموع ./انت مريض يا زين . مش مكفيك كل حاجه عملتها فيا . عايز تدمر حياتي الباقيه كمان . انا ازاي مكنتش عارفاك علي حقيقتك .خدعتني فيك ازاي .
زين ضحك بسخرية و هو بيشدد علي شعرها ./ مش هرحمك يا ليلي . و حياة ابني اللي قتلتيه مش هرحمك .
ليلي دموعها نزلت بوجع ./قولتلك مقتلتش حد . حتي لو كنت بكرهك . بس مستحيل اقتل ابن...
قاطعهم دخول ريماس . اللي دخلت بصدمه و هي بتقرب من زين بغضب ./ايه اللي بتعمله ده سيبها .
زين اتنهد بغضب ./ابعدي يا ريماس .
ريماس مسكت ايده بعصبية ./ابعد يا زين عنها . اللي بتعمله ده هيضرك اكتر .
زين زقها بغضب ./قولتلك ابعدي.
زين مسك ليلي من كتفها و هو بيرجعها بغضب علي السرير ./يلا هتمشي معايا و دلوقتي . هنروح بيتنا يلا .
ليلي هزت راسها برفض و هي بتحاول تبعد عنه . لحد ما دخل حازم و ايهم . حازم قرب من زين بسرعه و هو بيسحب ايد ليلي من أيديه . و بيضربه بغضب ./انت ليك عيني تيجي لحد هنا .
ايهم قوم ريماس بقلق و هو بيطمن أنها محصلهاش حاجه . ريماس قربت من ليلي تطمن عليها . و ايهم كان بيبعد حازم عن زين . زين اتكلم بغضب ./اللي عايزه مش هيحصل يا حازم . اللي بتجري وراه عمره ما هيحصل .
حازم مسك رقبة زين بغضب ./انا ساكتلك بالعافيه . بس يا زين والله العظيم . لو مبعدتش عن ليلي و بنتها . هيبقي ليا تصرف تاني . مش عايز اشوف وشك غير يوم العمليه عشان خاطر بنتك . غير كده لو قربت من ليلي . متلومنيش يا زين .
زين زقه بغضب و هو بيقرب من ليلي بتهديد ./انا عارف ان انتي اللي موتيه عشان مش عايزه حاجه تربطك بيا . بس و حياة اغلي حاجه عندي يا ليلي . لاعيشك في عذاب الباقي من عمرك . و طلاق مش هطلق . و حق ابني هجيبه و بنفسي يا ليلي .
و سابهم و مشي بغضب
ليلي مسكت في ايد ريماس بانهيار اللي كانت وخداها في حضنها . ريماس حركت ايديها علي شعرها بقلق عليها ./بس خلاص يا ليلي . مش هيعرف يعمل حاجه والله .
ايهم اتنهد بضيق ./ازاي يدخل هنا . و انتي كنتي فين يا ريماس .
ريماس اتنهدت بهدوء ./ انا كنت بعمل الورق تحت . معرفش أنه هييجي و يدخل . و سيبت معاها حازم .
حازم اتنهد بشك ./هو عرف منين أنها سقطت . و ان البيبي مات .
ريماس بصت بتوتر . حازم ضحك بسخرية./عرف منين يا ريماس .
ريماس هزت راسها بتوتر ./عرف مني . انا مكنتش اعرف انه هيعمل كده . كنت فاكره لما اقوله اللي حصلها بسببه هيبعد عنها . و يطلقها .
حازم اتكلم بغضب ./و تلاقيكي كنتي قاصده كمان .
ايهم بعصبيه ./ما خلاص يا حازم . هنفضل ناخدها بذنب زين لحد أمتي .
حازم مسح على وشه بغضب ./ عشان اخوها . و طبيعي تبقي عايزه تدافع عنه و تعمل كل حاجه لمصلحته بـ اي شكل .
ريماس هزت راسها بدموع ./والله لا . انا بحب ليلي و بحب أخويا . بس مش لدرجة ادافع عنه في الغلط .
حازم ضحك بسخرية ./غلط . اخوكي خد مراتي و بعدني عنها زمان و تقولي غلط . و دلوقتي مصمم ياذيها و تقولي غلط . ده م....
ليلي حطت ايديها علي ودنها و صرخت بدموع ./بس كفايه كفايه . مش عايزه اسمع اي حاجه . اطلعوا بره و سبوني لوحدي .
ريماس قربت ايديها من كتفها بقلق ./ليلي عشان خاطري . اسم...
ليلي رجعت لوره بدموع . و دفنت وشها بين أيديها بتعب . /سبوني لوحدي .
حازم اتنهد بهدوء . و شاورلهم يخرجوا . و قرب من ليلي بهدوء و قعد جمبها . حازم اتنهد بهدوء . و هو بيبعد ايديها عن وشها بهدوء . و مسح دموعها بأيديه و ابتسم بهدوء و هو بيبصلها ./انا معاكي و جمبك . و هفضل ضلك لحد ما اموت . و مش هسمح لـ زين أو غيره يأذوكي تاني .
ليلي بصتله بتعب . و دموعها بتنزل في صمت . حازم قرب منها بتوتر . و سحبها لحضنه بخوف من أنها ترفضه . بس كان حاسس ان دي الحاجه الوحيده اللي هتحسسها بالأمان .
ليلي دخلت في حضنه . و هي بتعيط بانهيار . حازم حرك ايده علي شعرها بـ حنان. / ششش . انا معاكي خلاص اهدي . نا اسف والله . اسف اني سيبتك لوحدك . بس اهدي عشان خاطري و خاطر حنين . و انا هعملك اللي يريحك .
ليلي اتكلمت بتعب . و عياط ./عايزاه يطلقني يا حازم . عشان خاطري اعمل اي حاجه . خليه يطلقني و يبعد عني انا و بنتي .
حازم اتنهد بهدوء . و هو بيفكر ممكن يعمل ايه معاه ./حاضر . هعملك كل اللي عايزاه . بس عشان خاطري اهدي .
ووووو....
