 |
رواية الحارس الفصل الثالث بقلم رشا منصور
الدكتور سلامه….
تركت رشا واخدت سيارتي ودخلت من باب المغسلة وأول ما نزلت اتجاهت للمشرحة وقابلت أختي الدكتورة سوزان قولت لها..
أخيراً يا سوزان هنقدر نحقق حلم ابوكي .. البيت اتفتح واقابلت البنت اللي هتكون مسؤولة عنه وكلها فترة بسيطة وهنقدر ونوصل للأمانة ونحقق المجد…
الدكتوره سوزان…
معقوله يا سلامة أبونا ماتt بسبب البيت ده وكل يوم بحلم انتtقم. من أهله ولولا الحارس كان زماني هدمت. البيت…
أنا لازم أتصل ب أمي وافرحها بس أنت واثق أنك هتقدر ع البنت دى.. مش يمكن تعمل زى ما حمدي عمل في أبونا نزار 😭
الدكتور سلامه…
اطمني دى عاوزة البيت تعمل فيه مشروع.. لو كانت تعرف حقيقته مكنتش فكرت تتعب نفسها وتشتغل..
ع العموم الكلام ده يفضل سر. ما بينا واى كلام مع أمي يكون بعيد عن التليفون لازم محدش يمسك علينا كلمه.. أنتي فاهمه.
الحذرr لازم وأنا بعد ما اطمن إني ملكت البنت دى هكلم شريف وبرك علشان هحتاجهم معانا في العملية ..
ولحد ما ده يحصل أوعي تنطقي بحرف واحد أنتي فاهمه..
رشامنصور….
أول ما قرأت عبارة اني اتبع التنين ولكل تنين لون وع حسب نيتك هيكون لون التنين واحذر أن تكون وجبه له 😲
اترrعبت. الكلام ع الرغم أنه كله ألغاز إلا أنه يخو'ف.. وببص ع التمثال 🐉 لقيت حجمه زاد بقي حوالي متر ونص 😲😲 عاااااااا
ازاى ده حصل ولسه هطلع أجري باب المكتب اتقفل!!!
بصيت للتنين وقولت له لأ لأ أرجوك بلاش تأكلني أنا معملتش حاجه والله بص أنا مش هشتغل خالص وهكلم خالتوا فاتن تلغي المشروع نهائي.. أنا أصلا فقريه مش وش مشاريع..
إيه ده أنتي مين!!!!
عيشوش ( التنين الأبيض)
أطمني يا رشا لولا أنك جايه للخير مكنتش أنا اللي ظهرت لكي وعمرك ما كنتي هتعرفي تدخلي البيت…
البيت ده ملك ل ورثة الحج حمدي وبس واى حد نوياه خبيثة، جزائه بيكون عسير…
رشامنصور…
طب مش فاهمه انتي مين وظهرتي ليا ليه وايه اللي يفرق البيت ده عن أى بيت تاني.. وليه كل الألغاز دى. والأهم من ده كله أنتي انسيه ولا جنية…
عيشوش (التنين الأبيض)..
أنا عيشوش انثي التنين أحدي حراس البيت ومن العالم السفلي وظهرت لكي علشان نوياكي خير وعاوزة احميكي من أى حد ممكن يستغلك علشان يدخل البيت… من سنين طويلة وأحنا بنحافظ ع البيت وهنفضل نمنع أى حد من دخوله…
رشامنصور….
لحظه بس المفروض أننا هنفتح شركة يعني في موظفين وعملاء وطبيعي أن في ناس هتدخل وتخرج من البيت..
استني… أنتي قولتي أنك عاوزة تحميني هو أنا في خطورةe عليا..
يعني أنتي جنيهn وظهرتي علشان تحميني،..
أنا.. أناااااا………
فجأة دخلت في غيبوبة وشوفت جدو حمدي واقف مع شيخ في المسجد وبيقول له..
الشيخ…
يا حج حمدي لولا إني عارف أنك راجل طيب وعارف ربنا مكنتش اتكلمت معاك…. ابعد عن نزار بلاش تصاحبه ده صديق السيئ.
الحج حمدي…
ليه يا عم الشيخ. نزار شاب طيب وع الرغم أن عمره يفرق عن ابني أحمد كام سنه بس إلا إني بحس انه راجل ناضج ومتزن وأهم شيء أنه بيحب الخير للناس…
الشيخ…
أنت متعرفش حاجه عن نزار يا حج حمدي… أنت عارف هو كان شغال إيه في السودان،. وليه هرrب. منها…
الحج حمدي…
كل اللي اعرفه أن أهل زوجته كانوا رافضين الجوازة وهو اخدها وهرب. بها ع مصر،. واهو عايش معانا من كام شهر ومحدش شاف حاجه وحشه،. منه… بالعكس
الشيخ…
احذر، يا حج حمدي أنت متعرفش حاجه نزار ده يبقي….
نزار…
يا حج حمدي دورت عليك وعرفت أنك هنا.. تعالي الله يكرمك في راجل تعبان ومحتاج للمساعدة… معلش يا شيخ أجل كلامك المريض مش قادر ينتظر…
رشامنصور…
فوقت ولقيت نفسي قاعدة ع الكنبه وعيشوش رجعت تمثال تاني 🙃 أنا إيه اللي بيحصل ليا ده..
أكيد أنا اتجننت أيوة بقي بيتهيقلي حاجات قال إيه التمثال بقي بنت جميله و… هى إيه حكايه نزار ده
ليه الشيخ كان بيحذر جدو حمدي منه…
ما هو بردو بالعقل ده شاب يصاحب راجل كبير ليه ؟؟؟ ما الأولي كان صاحب أحمد أبنه… الموضوع ده فيه سر ولازم اعرفه..
إيه ده الظهر بيأذن. اتاخرت ع عمو عبدالرحيم…
أول ما وصلت لقيت عمو عبدالرحيم واقف بيتخانق مع طفل عاوز قصه اكشن. وهو بيقنعه ياخد كتاب تلوين
وقفت اضحك وقولت له الجيل ده غيركم يا عمو واخدت كام قصه وقولت للولد أدخل أقعد اقرأهم هنا..
عمو عبدالرحيم….
مالوا جيلنا كان أحسن منكم اللي الأقل مواعيدنا كانت مظبوطه..
ع العموم أنا مقدرش اقف في طريقك لو عاوزة مجيش تاني المكتبه قوليلي وأنا أروح اتخانق. مع الست فاتن أنا بتلكك أصلا 🙃
رشامنصور….
بقولك ايه يا عمو لو عاوز تتلكك علشان تبوظ جوازة بنتك رزان ع وليد أبن خالتوا فاتن أنت حر براحتك…
كلها كام شهر واجيب بنات زى القمر الشركة ووليد ألف بنت تتمناه ده كفايه أنه في سن صغير وهيكون صاحب شركة.. ده غير أنه لما هيتجوز هيقعد في المعادي وأنا هوضب البيت هخليه ڤيلا..
تبقي خلي رزان قاعدة جنبك.. بس بلاش تاخدني أنا سكه ماشي يا عمو…
عمو عبدالرحيم…
اة صح ده الشركة هتبقي بأسمه وهو وريث أمه الوحيد 🤔
أنتي فاهمتي غلط أنا افشكل ما بينهم ده أنا حتى مرضتش أعمل الخطوبه إلا لما يخلص دراسته علشان يعرف يركز..
وخليكي محضر خير .. ده حتي رزان بنتي بتحبك..
بس سيبك من البنت والواد أنتي شكلك متغير إيه اللي شاغل بالك كدا قوليلي…. محتاجه فلوس قولي متتكسفيش. وأنا ادفعلك من جنيه ل خمسين..
رشامنصور….
لأ لأ مش كدا خالص طول عمرك كريم يا عمو 🫣🙃
كل الحكايه إني خا'يفه. مبقاش اد المسؤولية… أنا المفروض اوضب الشركة واخلص الأوراق والسجل التجاري وكلها حاجات أنا مبفهمش فيها 😔😔
عمو عبدالرحيم…
بسيطة أنا ليا واحد صاحبي شغال في السجل، هعرف منه إيه الاوراق المطلوبه وأنا معاكي متخافيش يا لمضة أنتي تنجحي في كل حاجه المهم لما الشركة تفتح تطلعيني عمره..
رشامنصور…
عمره مره واحده 😲😲 ولسه هنطق!!!
شوفت الحج حمدي وهو في محل العطارة وواقف بيكلم راجل بيقول له روح المخزن وهات الحاجات دى واوعي تنسي الحلبه والموغات الزبائن واقفه منتظره يلا بسرعه…
ومرة واحدة دخل عليه راجل بيجري وبيقول له الحق يا حج حمدي دخلت المسجد لقيت الشيخ مقتtول.. وسا'يح. في دمهm…
وجريت مع الحج حمدي وكل الناس اللي كانت موجودة في المحل وشوفت الشيخ وشوفت كمان نزار واقف بعيد وبيبتسم وبعدها قرب منهم وهو بيقول لأ آله إلا الله إيه اللي حصل..
بلغوا. البو'ليس. بسرعة ولا هاتوا الإسعاف تنقذه..
ولسه بقرب من نزار واقول أنت اللي قت'لته. لقيت نفسي في المكتبة والولد الصغير بيقولي أنا خلصت قصه والتانية عاوز اخدها معايا البيت..
أنا مش عارفه إيه اللي بيحصل معايا ده… بس اللى شوفته ده معناه أن نزار هو اللي قتtل. الشيخ علشان ميقولش للحج حمدي ع حقيقته ….
ياتري إيه حقيقة نزار وايه اللي بيحصلي أصلا وليه كل اللي بيظهروا ليا اموات😔😭
طلبت من عمو عبدالرحيم إني أروح البيت أكل لأني مفطرتش لحد دلوقتي وجعانه أوي لكن الحقيقة أنا روحت بيت خالتوا فاتن..
ودخلت المكتب وبصيت ل التنين الأبيض وقولت له لو سمحتى اظهري محتاجه أفهم منك حاجات كتير…
عيشوش التنين الأبيض…
رجعت ل شكل بشري علشان اكلم الانسية ولقيتها بتقولي..
أنا مش فاهمه إيه علاقة الشيخ ونزار بالبيت هنا وليه الحج حمدي طلب منكم حما'ية البيت…
وإذا كانت دى كلها أرض موتيt.. يبقي الأولي تحموا. الأرض مش البيت ؟!!! ممكن توضحي ليا من غير ما اروح ل زمانهم…
رديت على الانسية وقولت لها لازم تشوفي بنفسك من البداية لحد ما تعرفي الحقيقة الكاملة وتختاري بنفسك تكوني في صف حمدي ولا نزار…
رشامنصور…
أختار اكون في صف حمدي ولا نزار اللي هما أصلا أموات..
الله يطمنك.. طب ما أنا ممكن اسيب البيت وابعد خالص.. ولا كأني شوفتك واساسا اعتبريني نسيتك.. يلا سلام..
عيشوش…
لو انتي سيبتي البيت هما مش هيسبوكي لازم تكملي الطريق للنهاية.
رشامنصور…
هو أنا مش فاهمه حاجه من الألغاز دى بس ممكن أفهم إيه حكايه السرداب وليه مقفول ومحدش يعرف عنه حاجه…
عيشوش التنين الأبيض…
هشوفي وتعرفي كل حاجه بنفسك بس الأهم من كل ده أنك تعرفي على حسب اختيارك هيكون مصيرك…
