رواية قصتي في الموصل الفصل الثالث بقلم زينب نور
صارت بال11:30 سمعت صوت الباب انفتح وجهي انگلب لونه من الخوف وكمت ارجف هوه دخل وقفل الباب ورا وكام يتقرب عليه اني من الخوف سويتها على نفسي وبللت ملابسي هوه لعبت نفسه وضربني كام يصرخ بوجهي هاي شسوووويتي راح طلع وعافني وقفل الباب واني ضليت ابجي وارجف وبعد رجلي مكدرت اوكف عليه واتمددت بالگاع وافكر بأهلي وحياتي شلون انگلبت بيوم وليله ومحسيت على نفسي ونمت وصحيت على صوت مره تكعدني غير وحده مو نفس المره الي سبحتني
كلتلي كومي بنتي اني كمت كلتلها انتي منو كالت اني زوجة عدنان وانطتني ملابس وكالت كومي غسلي وبدلي واني سويت الكلتلي عليه غسلت وبدلت
طبعاً هاي المره يطلع عمرها بالأربعينات هيه مبين من وجهه خوش مره وطلعت فعلاً خوش انسانه ورا مطلعت من الحمام كلتلها عفيه ساعديني الله يخليج كالت مو بأيدي اني ضليت اتوسل بيها وابجي هيه كالت راح اسوي الي اكدر عليه انوب رجعت حجت وكالت اني اله بحاله وحده اكدر اساعدج كلتلها شلون كالت ضربيني حتى اكوللهم ضربتني وانهزمت اني مقبلت اطخها لأن هيه بعمر امي مستحيل اسوي هيج شي اني ف هيه ضربت راسها بالحايط وخرمشت نفسها وطلعنا نمشي على كيف وصلتني للباب وكالت سويت الأكدر عليه روحي وانتي حيري بنفسج واني قبل لا اروح حضنتها وكلتلها شكراً وطلعت اركض بالشارع ومن اني داركض طلعت من جهة السيطره الي لزمونا بيها وشفت بيت وحديقه وبالحديقه اكو 4 شباب رابطين شخص وديعذبون بي .....
